الخليجية للإستثمار البترولي ش.م.ك مقفلة ( بتروجلف )

[SpeciaL 1]

السلام ..اخوي ويلاه فرحني الله افرحك دنيا و اخره مصدر ثقة ؟

وعليكم السلام ورحمة الله وبركاته
مشكور على هالدعوة الحلوة..
المصدر إن شاء الله ثقة وباجر إن شاء الله الخبر يكون موجود في اعلانات البورصه..
وعن نفسي يضايقني الخبر وقتها..
لأنهم يقولون اشتر مع الاشاعة وبيع مع الخبر..
لكن يظل هالخبر حلو للشركة للأرباح السنوية بإذن الواحد الأحد..

أبي أعرف:
ما فرحت لما شفت صفقات اليوم ؟؟
خلني أذكر لك اللي من 100 ألف وفوق..

صفقتين 100 ألف بسعر 680
صفقة 225 ألف بسعر 680
صفقة 150 ألف بسعر 690
صفقة 200 ألف بسعر 690
صفقتين 100 ألف بسعر 700
صفقة 500 ألف بسعر 700
صفقة 200 ألف بسعر 700
صفقة 195 ألف بسعر 700
صفقة 250 ألف بسعر 690
صفقة 115 ألف بسعر 680
صفقة 135 ألف بسعر 670

بغض النظر عن صفقات 90 ألف وما دونها..

أعتقد هالصفقات كافيه إنها تفرحك وتبشرك بالخير إن شاء الله


أخوك/ ويلاه

 

[q8__]

الصفقات تفرح بس السهم ما ينعرفله و البياع مو طبيعي هذا الي اخرع

 

[Bo Tasneem]

الصفقات تفرح بس السهم ما ينعرفله و البياع مو طبيعي هذا الي اخرع

بكل أمانه .. ماكنت حاط عيني على البيّاع .. كنت أتابع الشرّاي عدل !!

ترى شال شيل موطبيعي .. والله يكتب بهالخطوه الخير للجميع يارب


بوتسنيم​

​

 

[q8__]

انا وياك شال شيل لكن البياع كان وايد قوي مادري من وين يايب كل هل كمية

 

[Bo Tasneem]

انا وياك شال شيل لكن البياع كان وايد قوي مادري من وين يايب كل هل كمية

حبيبي هذا ضغط علشان لايفلت صدقني ..

ترى أهو إللي قاعد يعرض شكله .. لأنه فجأه كان مليون بالحد الأعلى معروض .. وبسرعه صاروا 200 أو 300ألف جدامي شفتها ..

عموماً الدعوه للمراقبه وانتظار الإعلان باجر إن صح يارب مثل ما أفادنا أخونا ويلاه ..


بوتسنيم​

 

[q8__]

اللهم امين

 

[eng_kuwaitia]

أخف سهم بالجروب هو البتروجلف .. فليش صعبه .. !!

وصعدت السهم من 250فلس إلى 800فلس ترى سهالات السالفه كانت .. عموماً احنا ودنا .. والباجي على ربنا ..







المسباح .. خلاص موضه وانتهت .. وحلاته المسباح يظل ملك الواحد إذا كان صاحبه يقدّر المسابيح أصلاً .. وآنا أحب المسابيح صراحة فقلت أحتفظ فيه أحسن بدال الرزّه جدّام الناس ..

وبعدين سبب شيلة المسباح معروفه .. ليمن تستثمر صح لسهم يعطيك مردود استثماري عدل اهني المسباح ينرز .. أمّا المضاربة ياخوي اشماله أحط المسباح !! اشرايك ..


بوتسنيم​

ماعليه ياريت تاخذني على قد عقلي يا بوتسنيم

أولا :ودي تقولي شنو مفهوم الاستثمار عندك ؟
ثانيا : ودي تقولي سهم بتروقلف متى تم إدراجه وبسعر جم في السوق ؟
ثالثا :ودي تقولي سعر بتروقلف الحالي مع توزيعة المنحه يصير جم ؟
رايعا : ما أبيك تجاوب لأني ادري إنه كلامك عن مفهوم الاستثمار غلط لانه لو حسبت من أخذ بتروقلف وقت الإدراج ماراح أقولك وقت الإكتتاب راح يكون ربحان خير كثير .ولاتقولي اللي ضارب طلع أكثر أنسى هالسالفه لانه المضارب يوم يصيدهم وعشره يصيدونه .
وترى هذا الكلام ينطبق على اللي شرى قراند أو بتروقلف أو المجموعه الدوليه وماباعهم لغاية الآن قبل سنة .
تدري شلون اللي شرى الاستثمارات الوطنيه أو بوبيان للكيماويات أو المخازن أو الهواتف أو الوطنيه للإتصالات هل أخذ عائد نفس ملاك مجموعه البدر بوشامه اللي على خده علامه ..طبعا لا ياسيدي

ناطره ردك

 

[q8__]

السلام .. الحين العقد ok و الا mo ok

 

[eng_kuwaitia]

السلام .. الحين العقد ok و الا mo ok

mo ok

 

[q8__]

يعني لم و لم و شراي قوي و بياع اقوي و بعدين عقد و اخرتها عقدونا (

 

[q8__]

امس ماكو بيع و التداول وايد زين اما اليوم كان فيه شيء غريب افتوني ان كنتم تعرفون

 

[SpeciaL 1]

إلى إعلان الخبر اعتبروها اشاعة

مصادر تؤكد فوز بتروجلف بعقد خدمات نفطية تصل قيمته إلى 300 مليون دولار

بالتوفيق للجميع



أخوكم/ ويلاه

قلنا اعتبروها اشاعة إلى إعلان الخبر..
وهم بعد قلنا نطروا لي باجر..
الصبر زين..
وترى للحين ما صار باجر


أخوكم/ ويلاه

 

[q8__]

عجولين الله اهداهم بس

 

[يقولون]

lمساكم الله بالخير . الخبر اشاعه بس الخير جدام انشالله وبالنسبه حق الشراي والبياع حسب علمي كان شراي قوي بسبعد ما تأكد انها اشاعه رد يبيع وسوه حركه عرض نص مليون على 700 فوق المعروض وصارت مليون وطق نص يبي يدشون معاه وما تجاوبوا معاه وبعدها رد باع ب 690 680 لانه لو تلاحظون وقت اللي دش ما عطى فرصه احد يدش معاه بالثمانين والتسعين فا رد باعهم على هالاسعار وهذا مو معانته السهم مو زين بالعكس والخير جدام انشالله لملاك السهم وموفقين انشالله

 

[InUrEyEs]

سؤال للمحلليين ولى عارفين السهم


جم اتوقعون راح يوصل السهم بكره؟؟


وهل خلال هل الشهر راح اعلق كما كان سابقاا لانه اشتهر بالتعليقات؟؟؟


وخصوصا بعد وقف اطلاق انار بالبنان كما ورده من العربيه

 

[eng_kuwaitia]

ماعليه ياريت تاخذني على قد عقلي يا بوتسنيم

أولا :ودي تقولي شنو مفهوم الاستثمار عندك ؟
ثانيا : ودي تقولي سهم بتروقلف متى تم إدراجه وبسعر جم في السوق ؟
ثالثا :ودي تقولي سعر بتروقلف الحالي مع توزيعة المنحه يصير جم ؟
رايعا : ما أبيك تجاوب لأني ادري إنه كلامك عن مفهوم الاستثمار غلط لانه لو حسبت من أخذ بتروقلف وقت الإدراج ماراح أقولك وقت الإكتتاب راح يكون ربحان خير كثير .ولاتقولي اللي ضارب طلع أكثر أنسى هالسالفه لانه المضارب يوم يصيدهم وعشره يصيدونه .
وترى هذا الكلام ينطبق على اللي شرى قراند أو بتروقلف أو المجموعه الدوليه وماباعهم لغاية الآن قبل سنة .
تدري شلون اللي شرى الاستثمارات الوطنيه أو بوبيان للكيماويات أو المخازن أو الهواتف أو الوطنيه للإتصالات هل أخذ عائد نفس ملاك مجموعه البدر بوشامه اللي على خده علامه ..طبعا لا ياسيدي

ناطره ردك

بما إنه أهلي مايخلوني أسهر اكثر من جذي وكنت ناطر رد بوتسنيم لكن شكله نام امبجر
ممكن أي أحد يشارك ويجاوب على اسالتي حتى الكل مره ثانيه يفكر قبل لا يكتب شي
ويكتب بعقله قبل عاطفته،،،،،،،، تكره السهم تحبه انت حر لكن اكتب بكل صدق قبل كل شي لانك ممكن تاثر على غيرك وتكون سبب في تغيير وجة نظرهم واقتناعهم باستثمارهم

تصبحون على خير

 

[NBK]

اتمنى الاخوان اللي عندهم الاجابه يردووووون عليك​

 

[eng_kuwaitia]

lمساكم الله بالخير . الخبر اشاعه بس الخير جدام انشالله وبالنسبه حق الشراي والبياع حسب علمي كان شراي قوي بسبعد ما تأكد انها اشاعه رد يبيع وسوه حركه عرض نص مليون على 700 فوق المعروض وصارت مليون وطق نص يبي يدشون معاه وما تجاوبوا معاه وبعدها رد باع ب 690 680 لانه لو تلاحظون وقت اللي دش ما عطى فرصه احد يدش معاه بالثمانين والتسعين فا رد باعهم على هالاسعار وهذا مو معانته السهم مو زين بالعكس والخير جدام انشالله لملاك السهم وموفقين انشالله

موقايلتلك انك مو سهل وراح تقزرها علينا (يقولون ) ماشاء الله عليك
لاحظت التداول بكل دقة ياريت الكل مثلك له نظره في طريقة التداول

كان واضح بان من قام بالشراء على سعر 700 اليوم هو نفس الشخص الذي كان عارض كميته والهدف كان تصريف وكان هذا واضح وكانت اول إشاره بان كان هناك العديد من الصفقات عباره عن شاري بايع أي من نفس المكتب وهذه إحدى طرق التصريف كون عندما يدخل امر شراء وهو عارض فما راح يشتري من روحه ويدخل السوق يشتري كميته وحاول أن يعمل عملية دوران على سعر ال700 فماصابت معاه لانه محد دش معاه ليشيل كل كمياته فبالتالي أَضطر الى تكرار عملية التصريف على سعر 690 -680 وتكررت عمليات البيع شاري بايع من نفس المكتب

انا حبيت اذكر بعض امور تداول على سهم بتروقلف اليوم علشان في بعض المشاركات اليوم كانت تشوف انه الشراء القوي عباره عن شراي والسهم راح يصعد بقوه ..قد يصعد لكن الذي تم اليوم كان عباره عن دخول لم يوفق فيه وتم تصريف كمياته بطريقة محترفه بالنسبه للناس التي ليست لديها نظره في فن التداول وهذه إحدى التعليقات اليوم التي تدل على عدم دراية كامله في فن التداول


Bo Tasneem إقتباس:

حبيبي هذا ضغط علشان لايفلت صدقني ..

ترى أهو إللي قاعد يعرض شكله .. لأنه فجأه كان مليون بالحد الأعلى معروض .. وبسرعه صاروا 200 أو 300ألف جدامي شفتها ..

عموماً الدعوه للمراقبه وانتظار الإعلان باجر إن صح يارب مثل ما أفادنا أخونا ويلاه ..


بوتسنيم


بكل أمانه .. ماكنت حاط عيني على البيّاع .. كنت أتابع الشرّاي عدل !!

ترى شال شيل موطبيعي .. والله يكتب بهالخطوه الخير للجميع يارب


بوتسنيم

 

[sarem]

شركة خدمية مدرجة توشك على توقيع عقد استكشاف بقيمة 100 مليون دينار

شركة خدمية مدرجة توشك على توقيع عقد استكشاف بقيمة 100 مليون دينار




كتب علاء السمان: علمت «الرأي العام» من مصادر مطلعة ان إحدى الشركات المدرجة التي تعمل في قطاع الخدمات البترولية أوشكت على توقيع عقد لتقديم خدمات استكشافية في السوق المحلي.
وقالت المصادر ان الشركة فازت بهذا العقد حيث تم اخطارها بأنها تأهلت إلى مراحل نهائية في هذا الخصوص فيما لفتت المصادر إلى ان العقد تم ارساؤه على هذه الشركة التي يشهد سهمها حاليا عمليات مضاربة مكثفة لفتت الانتباه اليه, وأوضحت المصادر ان قيمة العقد تقدر بنحو 100 مليون دينار إلا ان المصادر لم تحدد مدة العقد الذي تواردت أنباء بشأنه أمس في السوق,
ومن ناحية أخرى، قالت المصادر ان مسؤولي الشركة بصدد التوقيع الرسمي على عقد سبق أن أعلن عنه منذ فترة ليست بعيدة.
إلى ذلك، أكدت المصادر ان الشركة استعدت لادراج احدى شركاتها التابعة في سوق الامارات وسط توقعات بانجاز هذه الخطوة خلال العام الحالي.

 

[Bo Tasneem]

ماعليه ياريت تاخذني على قد عقلي يا بوتسنيم

أولا :ودي تقولي شنو مفهوم الاستثمار عندك ؟
ثانيا : ودي تقولي سهم بتروقلف متى تم إدراجه وبسعر جم في السوق ؟
ثالثا :ودي تقولي سعر بتروقلف الحالي مع توزيعة المنحه يصير جم ؟
رايعا : ما أبيك تجاوب لأني ادري إنه كلامك عن مفهوم الاستثمار غلط لانه لو حسبت من أخذ بتروقلف وقت الإدراج ماراح أقولك وقت الإكتتاب راح يكون ربحان خير كثير .ولاتقولي اللي ضارب طلع أكثر أنسى هالسالفه لانه المضارب يوم يصيدهم وعشره يصيدونه .
وترى هذا الكلام ينطبق على اللي شرى قراند أو بتروقلف أو المجموعه الدوليه وماباعهم لغاية الآن قبل سنة .
تدري شلون اللي شرى الاستثمارات الوطنيه أو بوبيان للكيماويات أو المخازن أو الهواتف أو الوطنيه للإتصالات هل أخذ عائد نفس ملاك مجموعه البدر بوشامه اللي على خده علامه ..طبعا لا ياسيدي

ناطره ردك

صبحكم الله بالخير جميعاً ..

ماجاوبت لأنج قلتيلي لاتجاوب !!


بوتسنيم​