سامي البدر وعقود جديده بالاردن

[البواردي]

السلام عليكم

يا جماعه والله تشائمكم اهو السبب

اذا انا وانت وانت وانت نقول ماكو فايده من هالعقود يصير ما منها فايده لكن اذا ترقبنا السهم صدقوني راح ياخذ حقه بكل القعود


الله كريم وعسى ربي يرزق الجميع

 

[خير الكلام]

السلام عليكم

حدث العاقل بما يعقل تدري على كلامك مثل ماذكر اخونا شاطر لما تفضل وقال ان بكلامك هذا تعتبر معظم الشركات المدرجة شركات وهمية وغير تشغيلية وبكلامك ايضا تدلل ان رؤساء مجلس الادارة مشكوك في امرهم اخوي اذا انت حاط دوبك دوب سامي البدر ومجموعته لسبب ما فالله يعينك وهذا شانك ويخصك ، اما انك تتهم دون علم فهذه مشكلة ومصيبة ، شلون قيمت ان شركات سامي البدر غير تشغيلية ، انت قاعد تقول ان الناس تحلطم من الخسارة على الاقل اسهم سامي البدر منذ بداية الانهيار او بمنى اصح في اوج الانهيار وصل اسهمه الى 1060 د.ك والشاطر والي ما طمع باع في هذا الوقت عدل يا استاذ ، قالوها لي طاح الجمل اكثرت سجاجينه بس ارد واقولها سامي البدر مايهزك ريح انشالله

ورجاء من المراقبين الي يلغي مشاركتي يتكلم ويقول انا الغيت المشاركة بسبب كذا على شان نعرف وين الخطأ ....

====

تبيني اعترض على كلامك ؟

مااقول الا كلامك صحيح

والعبره بالنهايه ؟

متى النهايه الله يرضى عليك ؟

 

[خير الكلام]

السلام عليكم

السلام عليكم

يا جماعه والله تشائمكم اهو السبب

اذا انا وانت وانت وانت نقول ماكو فايده من هالعقود يصير ما منها فايده لكن اذا ترقبنا السهم صدقوني راح ياخذ حقه بكل القعود


الله كريم وعسى ربي يرزق الجميع

=====
حبيبي البواردي هذي ارقام ماهي احلام .

بنك بوبيان راح ينزل بسعر 500 فلس تقريبا اذا مو اقل .


منو المسكين اللي بيحتفظ بالمجموعه د ويترك افضل فرصه للاستثمار حتى الان ؟


انت تقارن بنك اسلامي بمجموعه من النصابين ؟


لك عندي سهم راح ادزه لك بالخاص بعد ماتستقر الامور (شهرين).

وان شاء الله ربحك 200 % .


وان خسرت مااعرفك وان ربحت الله يوفقك .


ملاحظه: نختلف بالاراء ولانختلف بالمحبه .

 

[خير الكلام]

السلام عليكم

اخى الكريم خير الكلام خلنا نشوف شركات اخرى واحسب خساير الناس فيها وشوف شركات سامى البدر والخساير فيها

شوف مركز سلطان
شوف المخازن
شوف اللبنانيه

والله الشركات اللى نزلت نزلت اكثر من شركات سامى البدر

تخيل اللبنانيه اللى مشترينها 1120فلس والجحين سعرها والحين سعرها 260 فلس ومركز سلطان عندك وعندك غيرهم واجد على الاقل ارباحه اللى يوزعها ممتازه شوف جراند جم وزع وشوف شلون السهم مرتفع شوف المجموعه الدوليه من جم صاعده لاتقول جم وصلت المهم ارباحها اللى مزعتها ممتازه وعندك فرصه تبيع لحد الحين اذا انت خايف من السهم السهم مافسخ لحد الحين وسعره ممتاز مومهم تعوض كل خساير بس وقفها اذا انت خسران ترى المال يروح ويجى بس الصحه حافظ عليها وهذا السوق يوم تحت ويوم فوق اذا فهمت سياسه السوق وسياسه التداول دش السوق مره ثانيه

والسلام عليكم



الله يعوض علينا وعليكم

=======

ياعزيزي منو قال اني مااعترضت على المخازن وربعها يوم كانت باسعار عاليه ؟

كنت من اشد المعارضين للمخازن يوم كانت باسعارها الخياليه .

والان انا من المؤيدين للمخازن ووطنيه وسلطان هذا مو تناقض هناك فرق بالسعر والزمن .

الفرق بين المخازن وسامي بدر هو :

ان المخازن سهم سعره (كان) عالي بس في شغل .

ومجموعه سامي كان سعرها عالي وماكان عندهم شغل .

اي نعم ماكو شغل واللي مو مقتنع بكيفه .

 

[Q8 Stock]

ورجاء من المراقبين الي يلغي مشاركتي يتكلم ويقول انا الغيت المشاركة بسبب كذا على شان نعرف وين الخطأ ....

منعا عن شد بالموضوع
يفضل اختيار الامثله المحترمه
وعدم التقليل من الرأي الاخر

 

[خير الكلام]

السلام عليكم

منعا عن شد بالموضوع
يفضل اختيار الامثله المحترمه
وعدم التقليل من الرأي الاخر

=======
اخي العزيز المشرف المحترم .

من ناحيتي ماعندي اي اعتراض ان يشتمني او يحط امثله غير محترمه .

هذي طبيعتي خلهم يقولون مهما يقولوا

انا انسان استراتيجي غير تكتيكي ,

يمكن الاخ المعوشرجي يعترض على كلامي اليوم ويمكن يكون وياي غدا .

الاهم مانخسر بعض من اجل حفنه من الاسهم .

 

[المعوشرجي79]

منعا عن شد بالموضوع
يفضل اختيار الامثله المحترمه
وعدم التقليل من الرأي الاخر

كلامك على العين والراس يا بوفهد واحنا ما نقلل من الراي الاخر يعني شنو الراي الاخر هوه الصح واحنا غلط لازم مثل ما يكتب الراي الاخر نرد عليه او ننقده نقدا بناء من غير اي تجريح بس شنسوي انتوا سلطة عليا محد يقدر عليكم تسوون الي براسكم وبس

 

[popan]

السلام عليكم
الاخبار هذى ماهى جديدة ولا هى قديمه
يعنى انا عارفها من زمان وفى ناس ماتعرفها ...لكن نبى شى ملموس على شان اصدق خبر
لكن بالنهاية ... اسهم شركات سامى البدر جيده وتشجع والتفاؤل زين

وبالتوفيق

 

[مايجامل]

بصراحه الحق ينقال عندما قال سامي البدر راح اوصل سهم المجموعة الدوليه دينار كان عند كلمته

واعتقد في شئ جديد بالطريق

واتوقع بس يتعدل السوق اسهم البدر ما تنصاد

وملاحظ ضغط علي بتروجلف للتجميع بأقل الاسعار

 

[Bo Tasneem]

=======



شركاااااات سامي بدر ماتشتغل .

مجرّد مداخله بسيطة .. وسامحونا ..

عيل الميزانيات إللي تروح المركزي مافيها شغل !! فيها بس مصاريف نيسكافيه وجاي وكرنيشن وزقاير وجرايد على موظفين الشركة بس !!

الله يهداك بس .. والعبرة عندما يصبح السوق أخضر وبعيد عن اللعب .. اهني نشوف جروب المجموعة إن شاءالله


بوتسنيم​

 

[المجموعي]

مجرّد مداخله بسيطة .. وسامحونا ..

عيل الميزانيات إللي تروح المركزي مافيها شغل !! فيها بس مصاريف نيسكافيه وجاي وكرنيشن وزقاير وجرايد على موظفين الشركة بس !!

الله يهداك بس .. والعبرة عندما يصبح السوق أخضر وبعيد عن اللعب .. اهني نشوف جروب المجموعة إن شاءالله


بوتسنيم​

صبحك الله بالخيييييييييييييييير بوتسنيم

كل اللي قلته صح الا الزقاير الله يهديك نسيت انه شركه اسلاميه

ال124 فلس جابوها من الشارع ترى والمدققين اللي بالمركزي كلهم خريجين علم نفس وادب انجليزي عشان جذي طافت عليهم ميزانية الشاي والجرايد
العقود اللي بالاردن مع الحكومه الاردنيه كلها تيش بيش(سامي عطا الحكومه الاردنيه بغشيش عشان يعدون السالفه)

وكله بصوب والصوره مع ملك الاردن بصوب(سامي البدر غش الملك وقاله انا سعود الفيصل وزير خارجية السعوديه وعدت السالفه)

وعقوده مع الحكومه البحرينيه على السيف جدام الله وخلقه(سامي البدر ماله شغل كل المسأله عقد مع حلوى شويطر لتوريدها للكويت بحرا بقيمة عقد90 مليون دولار..عفيه حلوى)

وعقوده مع الحكومه الليبيه(ماشاء الله كل حكومات رسميه) ترى خرطي ضحك عليهم وقالهم انا ضد امريكا وعطوه عقود ب500 مليون دولار بس(اشويه ولا شي)
وعقده اللي بالسعوديه ابو ال3 مليارات(قالهم ابي اقلب لكم الثمامه جنه خضره بسنه والربع الخالي بسنتين) وعطوه عقد ابو ال3 مليارات
وقالهم مجانا مني مهرجااااااااااان الجنادريه انا متكلف فيه لمدة 10 سنوات هديه مني لكم

والعجيب بالامر توزيعة المجموعه الدوليه ال30% نقدي وال45%منحه(آآآآآآآخ لوتدرون ش سالفتها ومن وين يبي يدفعها سامي البدر)
لعب كوت بوسته مع بليه من التجاااااااااار الكبار قاله اذا غلبتك تدفع لمساهمين المجموعه المنحه والنقدي عني وتتحمل كل شي وقاله التاجر صار وتم(طبعا كلمت التجاااااااااااار مسمار بلوووح(سنديان اصلي)
وجذيه فك عمره بوبدر من السالفه كلها..

هذي بالضبط حكاية سامي البدر مع عقوده اللي وقعها وربحيته وتوزيعة المجموعه الدوليه
اتوقع ثبت لكم رسميا ان المجموعه ماعندها ارباح ولاعقود وكل خرطي بخرطي وماعندهم شغل ولاموظفين
اعتقد واجزم اني اقنعتكم!!!!!!!!!!

الله يوفقكم لكل خيييييييييييييييييييييييييييييييير

 

[مايجامل]

مجرّد مداخله بسيطة .. وسامحونا ..

عيل الميزانيات إللي تروح المركزي مافيها شغل !! فيها بس مصاريف نيسكافيه وجاي وكرنيشن وزقاير وجرايد على موظفين الشركة بس !!

الله يهداك بس .. والعبرة عندما يصبح السوق أخضر وبعيد عن اللعب .. اهني نشوف جروب المجموعة إن شاءالله


بوتسنيم​

والعبرة عندما يصبح السوق أخضر وبعيد عن اللعب

وأنا معاك وكلاك 100%

 

[خير الكلام]

السلام عليكم

مجرّد مداخله بسيطة .. وسامحونا ..

عيل الميزانيات إللي تروح المركزي مافيها شغل !! فيها بس مصاريف نيسكافيه وجاي وكرنيشن وزقاير وجرايد على موظفين الشركة بس !!

الله يهداك بس .. والعبرة عندما يصبح السوق أخضر وبعيد عن اللعب .. اهني نشوف جروب المجموعة إن شاءالله


بوتسنيم​

=======
والله انك حبيب يابوتسنيم

دمك شربات .

مو مثل بعض الناس يزعلون بسرعه

ويكفي انك موجود حتى بنزول السهم .

وهذا شئ تشكر عليه .

 

[مايجامل]

في أخبار ممتازه للمجموعة وراح ترتفع في الأسبوع القادم ان شاء الله

 

[خالد 44]

[
وكله بصوب والصوره مع ملك الاردن بصوب(سامي البدر غش الملك وقاله انا سعود الفيصل وزير خارجية السعوديه وعدت السالفه)

المجموووعي

لايقول خير الكلام ان الصوره وهميه مصورها من متحف الشمع اللي بلندن:d :d :d

 

[الطلال]

في أخبار ممتازه للمجموعة وراح ترتفع في الأسبوع القادم ان شاء الله

استفسار اخوي ما يجامل

اذا السوق نزول الاسبوع القادم ؟؟ الاخبار الممتازة راح تقدر تخلي المجموعة ترتفع

بارك الله فيك

 

[مايجامل]

استفسار اخوي ما يجامل

اذا السوق نزول الاسبوع القادم ؟؟ الاخبار الممتازة راح تقدر تخلي المجموعة ترتفع

بارك الله فيك

ان شاء الله السوق زين تفائل يا أخي

 

[الطلال]

ان شاء الله السوق زين تفائل يا أخي

ان شاء الله السوق السعودي زين علشان يصير سوقنا زين نتفائل ليش ما نتفائل

بس من كلامك الاخبار الممتازة ما تقدر ترفع المجموعة اذا السوق نزول

الله يعطيك العافية...والسلام

 

[Bo Tasneem]

=======
والله انك حبيب يابوتسنيم

دمك شربات .

مو مثل بعض الناس يزعلون بسرعه

ويكفي انك موجود حتى بنزول السهم .

وهذا شئ تشكر عليه .

تسلم أخوي ..

وعلى العهد باقون إن شاءالله لما نراه من تحركات جاده داخل الشركة .. ولكن الإكتفاء بما أسلفنا سابقاً أعتقد كافي .. والكلمة الآن في ردة فعلها ليست كما هي سابقاً لما يدور في السوق من تذبذب .. فعلشان جذي الصمت أحسن وسيلة ..

ولكن أثناء ظهور السلبيات نذكرها ولاننكرها .. ونحن مع المستثمرين يداً بيد ومعاهم بنفس الموجه .. ماسكين الأسهم وربنا كريم ويعوض كل خسران إن شاءالله

يعطيك العافية أخوي ..


بوتسنيم​