الي يقول السوق احمر اقوله عطني الدليل

[almared]

بدأ يتكن المؤشر بعد الخبااال اللي حاشه يمكن تأثير حريق مستشفي الطب النفسي أثر عليه .

 

[pipes_kse]

بس, اللي باع اول السوق الله يرزقه, بس اللي ببي يبيع الحين مضطر يبيع حد أدنى, و اتوقع ان شاء الله في ارتداد اخر السوق

و الله يرزق الجميع ان شاء الله

 

[pipes_kse]

البيع اصبح عشوائي

 

[q8_chamber]

السووووق صاااااااار كاااااااتشب

ياريت كاااااتشب على الاقل طعمه حلو

يا اخوي استثماراتي - انا آســـــف

بس حبيت اعدل معلوماتك ​

السوق
فلفل تباسكو


يحرق​

 

[almared]

بدأ يتكن المؤشر بعد الخبااال اللي حاشه يمكن تأثير حريق مستشفي الطب النفسي أثر عليه .

بدأ يتماسك وإنشاء الله يرتد للأعلي ..

 

[adany2005]

المؤشر

اقوله عطني الدليل ان السوق غدا احمر ونتكلم بالحجه وبالدليل..........او ياتي باشاعات نتيجتها الضرر بالاموال او اشارات فهذا كلام غير مقبول وغير موزون

فان رؤوس الاموال جبانه وحتى لو لم يؤثر المنتدى بالسوق ..فاسهل شي ان تؤثر بالنفسيه ... ويقوم بالبيع اول الصبح وقبل اي اشاره وخسارته في رقبة من قال او نصح او استعجل بالكلام وفي رقبتنا باننا لم نرد عليه في حينه ونتكلم بالحجه معه

الي نعرفه السوق مره احمر ومره اخضر بنسب متفاوته وهناك من الاسهم ما تتأثر وهناك من الاسهم ما لن تتأثر

ونتمنى غدا ان نراه باللون الاخضر

وبالنسبه لي شارتيا فان
هناك دعمين للؤشر السعري مقابل مقاومتين ..لمن الغلبه..غدا سنعلم باذن الله

اخوي تبي الدليل
أحــــــــــــــــــــــــــــــــــــــمر

 

[انور النقوشي]

سلامتك يا نقوشي!!
لا يكون حاشك عمى ألوان بس من كثر ما تبحلق بالشاشة!!
نصيحتي صدّ عنه الشاشة ساعة وان شاء الله بتعدل الأمور

اهو مالك شغل بالاسم انا قصدي اللون شنوووووووووووووو
احمرررررررررررررر

 

[kuw13]

احمر

بدأ يتماسك وإنشاء الله يرتد للأعلي ..

اخوي اسمحلي بس ماقدرت امسك نفسي من الضحك كااااااااااااااااااااااااااااااااااااااااااااك

يقول ارتد يقول

السوق انهار اليوم وين التصحيح ؟

 

[بوحسن]

ادري ان السوق احمر

بس امس محد عطاني دليل واضح

لان صدقني حتى الي بالسعوديه اليوم (( الساعه 9 ونص )) صباحا

طلع محلل تابع لشركه استثماريه ( مو عضو جمعية متداولين ) وقال والله السوق مافيه شي الا نفسيات المتداولين والكل قاعد يبيع اشخاص محافظ مستثمرين ... وحث على الاستثمار

والمذيعه استغربت منه ليم قال انه ممكن يصعد السوق وردت عليه وقالت .. كل هذا النزول وفي احتمال السوق يصعد بعد هذا النزول القوي باي لحظه وخصوصا الاسهم كلها نازله بقوه .. ؟


ونفس المذيعه بعد فتره قالت ... غريبه السوق السعودي بدى يصعد بقوه ! وعوض خسايره بسرعه


خبر صحيح ماكو لا نووي لا بطيخ ولا ارباح سيئه اطلعت الى الان ...

اذا لماذا النزول ..لو تقول ثبات ..نقول اوكي ..بس نزول بدون مبرر هذا السوال وخصوصا ان طبيعة روؤس الاموال جبانه وتميل الى النزول اكثر من الصعود خصوصا في زمن الاشاعات وعدم الاستقرار وعلشان جذي ..حاولت اشوي اخفف من وطأت الاشاعات وعدم الاستقرار ...بس شنسوي

انزين خليني اوجه لكم جميعا هذا السوال ؟ شنو يمنع باجر السوق يكون اخضر ؟؟

 

[بوعبدالهادي]

انشالله خير .. انشالله خير .. انشالله خير

الصبر مطلوب واللي باع لا يجازف ويشتري مره ثانيه علشان لا تزيد الخسارة عنده

وانشالله راح نشوف ارتفاعات الايام اليايه

والله كريم

تحياتي للجميع والله يوفقكم ويوفقنا
اخوكم/ بوعبدالهادي

 

[بوعبدالهادي]

انزين خليني اوجه لكم جميعا هذا السوال ؟ شنو يمنع باجر السوق يكون اخضر ؟؟

الله يعطيك العافية اخوي بوحسن ..

مافي شي او سبب يمنع ان السوق باجر يكون اخضر

لكن عندي احساس ان السوق باجر ينزل شوي وبعدها انشالله يخضر

وانشالله يكون اخضر علطول

تحياتي لك وللجميع

 

[thunder]

تنجيم

الله يعطيك العافية اخوي بوحسن ..

مافي شي او سبب يمنع ان السوق باجر يكون اخضر

لكن عندي احساس ان السوق باجر ينزل شوي وبعدها انشالله يخضر

وانشالله يكون اخضر علطول

تحياتي لك وللجميع

رجاءا لا يفتي السوق يا اخوان مو احساس ولا تنجيم..اللي ماعنده تحليل او معلومات ولا يحس

 

[almared]

اخوي اسمحلي بس ماقدرت امسك نفسي من الضحك كااااااااااااااااااااااااااااااااااااااااااااك

يقول ارتد يقول

السوق انهار اليوم وين التصحيح ؟

أقرأ عدل شنو كاتب الساعة 11:03 وبعدين علق ...

بدأ يتماسك وإنشاء الله يرتد للأعلي ..

شوف شارت السوق اليومي هل تماسك ولا ما تماسك ..

بعدين شنو مفهوم الانهار عندك ؟

 

[الأسيف]

في ناس ترقع فيهم ينفع...... وفيه ناس ما ترقع
يا اخوان الي صاير فقاعة صابون ينغر فيها الغشيم
اخونا ابو حسن كلامه جدا منطقي شنو دليل السوق احمر ما في دليل للاسف يعني النزول اليوم مو على اي اساس
عندي وجهة تظر تتحتمل الخطا وكذلك الصواب
اعتقد السبب الرئيسي للنزول هو سبب تافه وان اسميه اسغلال!!!!!!!!
قناة Cbnc ذكر ان وضع ايران ومشاكلها سوف تاثر على المنطقه استغلولها اصحابنا الكبار لان القناة اصبحت عند كل شخص يتعامل في سوق الاوراق الماليه وسمع التصريح اذا لازم يقط بكره
عتابنا على القناه ان اي نزول لسوق السعودي يجبون كثير من المحللبن ليرفعوا السوق ولكن اسواق المنطقه في الدرجه الثانيه من الاولويات وهذا ما اسميه جعل التيعيه للسوق السعودي واكبر دليل اليوم ليش يا قناتنا المفضله ما تاثر السوق السعودي بالسلاح النووي؟؟!!!
وايضا العتب على العقلاء والحريصين على البلد ان يتنبهوا لللتبعيه الاقتصاديه وما تاثيرها مستقبلا على القرار السياسي للبلد الموضوع لها ابعاد خطيره جدا اقلها ان الاقتصاد الهش هو المتاثر والاقتصاد القوى هو المؤثر
فاين نحن من الطرفين..... المسؤولين يقولون اقتصادنا قوي والواقع غير ذلك يا شباب ترى الكلام مو بس على البورصه على اقتصاد البلد

 

[يوسف غضنفري]

بو حسن .. جهز الفخار

الدليل الظاهر هو التحليل الفني ....

1- لمدة يومين والمؤشر يلامس المقاومة عند متوسط الحركة 100
2- المؤشر حقق الهدف الفني لكسره الترند الهابط اي نصف مقدار الهبوط السابق.

وفي الجانب الأخر هو ان المؤشر بنزوله اليوم ارتد من الدعم عند متوسط الحركة 200 ... وفي حال كسره لمتوسط الحركة 200 يكون الدعم الذي يليه عند 10245 (50% نسبة تراجع الفيبوناتشي) والدعم الذي يليه عند 10100 (نسبة تراجع الفيبوناتشي 61.8%)

 

[البستكي]

انا اتوقع باجر السوق احمر وبقوة

هذا مجرد توقع لا اكثر ولا اقل

يمكن الثلاثاء او الاربعاء يعدل شوي

 

[بوحسن]

بو حسن .. جهز الفخار

الدليل الظاهر هو التحليل الفني ....

1- لمدة يومين والمؤشر يلامس المقاومة عند متوسط الحركة 100
2- المؤشر حقق الهدف الفني لكسره الترند الهابط اي نصف مقدار الهبوط السابق.

وفي الجانب الأخر هو ان المؤشر بنزوله اليوم ارتد من الدعم عند متوسط الحركة 200 ... وفي حال كسره لمتوسط الحركة 200 يكون الدعم الذي يليه عند 10245 (50% نسبة تراجع الفيبوناتشي) والدعم الذي يليه عند 10100 (نسبة تراجع الفيبوناتشي 61.8%)

شكله الفخار على راسي بتكسر

والله بعد نزول اليوم وبهل القوه مخلينا بين حدين

نقول لا حول ولاقوة الا بالله بكل الاحوال والله الرازق

ومشكور على طلتك وتحليلك استاذي

 

[rahaly]

حبيبي بوحسن ....

ممكن تفسر لي ان تكون مائة شركة ....

مائة شركة.......


معروضة اسهمها بدون طلب(ممكن 60 منها ما عديتهم) ... او معروضة بالحد الادنى بكميات قليلة جدا لا تتناسب مع المعروض ...!!!!

بماذا تفسر ذلك ؟؟؟

(( مو تقولي توارد خواطر المتداولين))








رحالي

 

[بوحسن]

حبيبي بوحسن ....

ممكن تفسر لي ان تكون مائة شركة ....

مائة شركة.......

معروضة اسهمها بدون طلب(ممكن 60 منها ما عديتهم) ... او معروضة بالحد الادنى بكميات قليلة جدا لا تتناسب مع المعروض ...!!!!
بماذا تفسر ذلك ؟؟؟
(( مو تقولي توارد خواطر المتداولين))


رحالي

والله رحالي هي نفسيات

ومحد بيضيع ربح الارتفاع الاخير حتى لو كان بسيط ولذلك الكل باع ولا شكو نشوف 400 نقطه نزول !! وهي عبارة عن ارتفاع المؤشر السعري لمده 4ايام على الاقل !! يعني اسبوع

وخصوصا لا يزال في ذاكره البعض النزول الاخير الهائل الي مرينا فيه ومحد وده يكرر هذه التجربه مره اخرى ولا فيه حيل ولا فيه صبر

لذلك اي تصريح ايجابي مني مناك او اي محاوله لرد الثقه في نفسيات المتداولين هي كفيله بانك تشوف المؤشر اخضر

ولو كان الاغلاق السعودي اليوم اخضر في تداول الفتره المسائيه بتشوف اثره غدا في الكويت

رحالي اي نزول حاليا هي مثل احجار الدومينو المصطفه .. ما ان تسقط وحده حتى تشوف الباقي يتساقط واحد تلو الاخر

 

[بوعبدالهادي]

رجاءا لا يفتي السوق يا اخوان مو احساس ولا تنجيم..اللي ماعنده تحليل او معلومات ولا يحس

شكرا على ردك اخي الكريم

الاحساس لا علاقة له بالتنجيم
وانا لم انقل معلومات خاطئة او مظللة او حتى اشاعات ولم ارعب الناس بأن السوق راح يكون كله احمر وسوف يكون النزول جنوني!!!!
وكلامي لا احد ياخذ به لانه مجرد احساس شخصي

اذا زاعجتك كلمة احساس خلاص اغيرها ولا يهمك .. واكتبها باسلوب ثاني

انا متفائل بان السوق غدا اخضر

تحياتي
اخوك/بوعبدالهادي