شركة مجموعة الصفوة ش.م.ك مقفلة قابضة ( الصفوة ) .

[ALOTAIB]

شباب شرايكم بالتداول اليوم وشنو توقعاتكم
قبل لايسكر السوق.
انا اتوقع يسكر على 14

 

[barbarian]

نصيحة حاول تاخذه باجر على 114 فلس بس اذا ما قدرت تشتريه على هالسعر اخذه 116 فلس

على العموم سهم الصفوة للاسثمار والمضاربه في نفس الوقت حاول تضارب فيه تاخذه 114 وتبيعه 116 واذا نزل السهم لا سمح الله تذكر شيئين فقط...

1 - انت ماخذه بسعر أقل من الاكتتاب (سعر الاكتتاب كان 115 فلس)
2 - عدم البيع بخسارة لأنه راح يصعد بمجرد اعلان أرباح الربع الثاني أو قبل الاعلان اذا تسربت أخبار عن الأرباح

الزبدة أخوي ضارب فيه وطلعلك جم بيزه لمن يجي الوقت اللي تنبعص فيه وخله اسثماري الى نهاية شهر 7 فقط وراح يصعد دايركت

أتمنى انك أخذته على 114 فلس وتصكيرة اليوم على 116 فلس دليل على انه باجر راح يصرفون على 116 فلس نفس ما صار اليوم

اليوم صار تصريف على 116 فلس

ضارب فيه باجر وبيعه على 116 فلس وطلعلك جم بيزه واستمر على هذا المنوال لمدة شهر واحد فقط بعدين اخذه واحتفظ فيه لغاية اعلان أرباح الربع الثاني

طبعاً المفروض اليوم اتخلص كمية الـ 114 فلس لكن ما يبونها تنزل وبدليل كل ما خلصت كميه ضافوا كميه ثانية وتصكيره متعمدة على 116 فلس على آخر ثانيه...هم أقول مبروك التصكيره

 

[q80mofa]

تحليل على سهم الصفوة لوسمحتوا للأيام القادمة

*وهل تتوقعون الربع الثاني في أرباح كبيره حسب تصريح جريدة القبس.
*وهل سيصل سهم الصفوة إلى أكثر من 200 ف نهاية السنه حسب ما يشاع.


بالتوفيق للجميع قولوا آمين ,,,

 

[q80mofa]

بلغت ارباحها حسب حسبتهم يوم الاحد الماضي 3 فلوس مع عدم احتساب فارق ارباح شركة ترابح السعودية البالغة 9 فلوس وهي ارباح جيدة مقارنة مع السعر في السوق

 

[Black]

العصفور يقول انه راح يرد على المشككين بالفعل مو بالكلام
و كل شي بين
رد عليه رد خلاهم ما يقدرون يمسكون نفسهم من الضحك
لو موظفين 10 آلاف واحد و مقعدينهم على الدوار يبيعون بنك أبرك من هالحاله و كل يوم طالعين لنا انها دشوا مشروع قيمته مليار و مليارين و ثلاث مليارات و طبعا كلها بالسعودية و نسبة المشاركة 1.5 % يعني مكانك سر
و ما اقول الا لا بارك الله فيه من سهم
سهم طالع على ربعه
و الله يعين
سلام

 

[smok66]

الصفوه

ياجماعه صحيح اللى قاعد يصير بالصفوه تجميع قوى، هذا اللى سمعته، صحيح والا لا ؟

 

[Black]

صحيح
تجميع قوي على 112 علشان يبيعونه 110، التجميع صار له 6 أشهر !!!!
و البركة بالعصفور مأجر وانيتات شويخ كلها علشان يجمع و بعده ما خلص
و الله يعين
سلام

 

[smok66]

الصفوه

ياجماعه نبى اخبار صحيحه عن الصفوه كم الارباح مو تطنز الله يجزاكم خير ، اعمال الشركه، مساهماتها، المشاريع المستقبليه،،،،،،،،،،،،،،

 

[q80mofa]

اخبار جريدة المؤشر

• نتائج جيدة متوقعة في الربع الثاني
تجميع مكثف على سهم شركة الصفوة...وتوقعات بصعود السهم خلال الفترة المقبلة.
• شركة الصفوة حققت في الربع الاول3 فلوس ربحية للسهم.. ولكنها لم تحتسب حتى الان نسبتها في شركة ترابح السعودية والتي تبلغ 9 فلوس

 

[Black]

الشي الغريب بإدارة الصفوة ، ليش رفعوا راس المال اذا الى الحين صارلهم 6 شهور ولا اعلنوا عن اي خبر فيه خير ، المفروض لما يكونون يبون يرفعون راس المال يكون عندهم مشاريع شبه جاهزة و من أجلها تم رفع راس المال بس الظاهر الجماعة بقعدة ديوانية قرروا رفع راس المال و ما يدرون شنو بيسوون بالفلوس من كثرها .
و الله لو باقين على حالتهم أول أيام رعد أبرك بألف مرة ، كان له صيت هالسهم و يتحرك حيل و فيه مربح طيب
بس الحين ماوراه هالسهم الا الكدر و ضيقة الخلق
على ما اعتقد ان ربحية الربع الأول كانت 396 ألف دينار
و الله فشله
الله يعين
سلام

 

[بوعباس]

ارباح خرطي

الشي الغريب بإدارة الصفوة ، ليش رفعوا راس المال اذا الى الحين صارلهم 6 شهور ولا اعلنوا عن اي خبر فيه خير ، المفروض لما يكونون يبون يرفعون راس المال يكون عندهم مشاريع شبه جاهزة و من أجلها تم رفع راس المال بس الظاهر الجماعة بقعدة ديوانية قرروا رفع راس المال و ما يدرون شنو بيسوون بالفلوس من كثرها .
و الله لو باقين على حالتهم أول أيام رعد أبرك بألف مرة ، كان له صيت هالسهم و يتحرك حيل و فيه مربح طيب
بس الحين ماوراه هالسهم الا الكدر و ضيقة الخلق
على ما اعتقد ان ربحية الربع الأول كانت 396 ألف دينار
و الله فشله
الله يعين
سلام

ترى الارباح 396 الف هذه من وديعه فوريه بالتجاري يا مال الفقر والله

 

[barbarian]

• نتائج جيدة متوقعة في الربع الثاني
تجميع مكثف على سهم شركة الصفوة...وتوقعات بصعود السهم خلال الفترة المقبلة.
• شركة الصفوة حققت في الربع الاول3 فلوس ربحية للسهم.. ولكنها لم تحتسب حتى الان نسبتها في شركة ترابح السعودية والتي تبلغ 9 فلوس

أضم صوتي لصوتك واللي راح يبيع الحين باجر ما راح يحصله الا بأسعار عاليه

 

[niseria]

زعلانين ؟؟

ما اعتقد احد يحق له يزعل اكثر مني

انا اشتريته ب 148 !!!!!!!!!!!!!!!!!!!

رفع راس المال كان حركه كسبوا من وراها الملايين .. هذا اللي قاعد يتأكد لي كل يوم ..

الحين احنا على امل صحوة ضمير منهم ..

مثل ما قالوا الاخوان .. لو فيهم خير جان طلع لهم حس .. لكن ليش يطلع لهم؟! .. ما يقدرون .. حاشتهم تخمه من فلوسنا اللي لموها ..

(

 

[barbarian]

زعلانين ؟؟

ما اعتقد احد يحق له يزعل اكثر مني

انا اشتريته ب 148 !!!!!!!!!!!!!!!!!!!

رفع راس المال كان حركه كسبوا من وراها الملايين .. هذا اللي قاعد يتأكد لي كل يوم ..

الحين احنا على امل صحوة ضمير منهم ..

مثل ما قالوا الاخوان .. لو فيهم خير جان طلع لهم حس .. لكن ليش يطلع لهم؟! .. ما يقدرون .. حاشتهم تخمه من فلوسنا اللي لموها ..

(

صج اللي يشوف بلوة غيره تهون على بلوته

اصبر ان الله مع الصابرين

وصول السهم الى السعر اللي انت شاريه يبيله من 3 الى 6 أشهر اذا اتحسنت الأوضاع بس لايمكن تتحسن مدام المضاربين وراه وراه ماكو فايده

الأربعاء اللي طاف يشترون على 110 فلس ويعرضون الكميه مره ثانيه للبيع على 112 فلس عشان يضغطون أكثر على السهم والناس اتبيع من تحت وهم يلمون

 

[الخمعلى]

السلام عليكم00000000000000000000000000000000000000000000 تمتلك الصفوه 10 ملايين من اسهم البنك العقارى 0000000000منقول من جريدة الانباء 0000000000000 شالسالفه هل هذا هدف زيادة راس المال وين المشاريع اللى من اجلها كان رفع راس المال كل اللى نسمعه انها شرت بنك بوبيان 15 مليون وتملك بشركه ترابح السعوديه على مااعتقد 3% من اراس المال اللى قيمته 3 مليار ريال سعودى 0000000 بصراحه مادرى شقول

 

[q80mofa]

نقلا من العضو أبو صالح من منتدى النوادي

بحلل السهم والله يوفق ويسهل أنشاءالله

أولا قبل كل شيء ارجوا من الكل أن يطمئن مبدئيا لأن السهم حاليا في مرحلة تأسيس وهو ثابت سعريا ولكن للخسران يعتبر سهم مريض لأنة طول أعلم هذا ولكن الصبر زين

ماني عارف شلون ارتب أفكاري وأوصل لكم الصورة

السهم حاليا أقفل على خط دعم 110 وهذا الدعم تأسس من 30/5 ولم يكسر الحمدالله وأن كسر سوف ينزل الى الدعم الجديد 106

مقاومة هذي المرحلة هي 116 أن كسرت هذي المقاومة السهم سوف يلامس خط المقاومة الثاني 120

نصيحة للمضاربين: من يريد أن يضارب بهذا السهم ممكن وأرجوا ولكن أرجوا متابعة جيدا لأن خطوط الدعم و المقاومة قريبين من بعض والفارق السعري بسيط أيضا
من يرتد من خطوط الدعم هذي تشتري و تبيع في حالة فشلة كسر المقاومة ( دعم - مقاومة )
(104-108)
(108-110/112)
(112-116)
(116-120)

أشارة الخروج اي اقفال ادنى من 104
خط المقاومة 124 هو سيد هذي المرحلة أي أقفال فوق يعطي أشارة الفرج الكبرى

بتصوري أن السهم لن يهبط أدنى من 104 وأنشاءالله أكون على صواب

 

[q80mofa]

نقلا من العضو أبو صالح من منتدى النوادي

كلامي حاليا من يريد الأستثمار الطويل

اي شراء ما بين 124-110 هو جيد و سعر ممتاز للمرحلة القادمة وأذا تريد أشارة تأكيد أكثر أي أقفال أعلى من 124 هو أشارة الأنطلاق للأهداف التالية
130
142

ولكن هذا ليس الهدف المستقبلي السهم في مرحلة تكوين أستدارة من الأعلى وهدف هذا الشكل هو 175 أنشاءالله

 

[Black]

انا ماخذ السهم على 124 يعني يبيلي جم شهر على ما يرد لوضعه الطبيعي و الغريب ان السهم كل نقطه فيه لها دعم و مقاومة و اختلط الحابل بالنابل كل فلسين دعم و كل فلسين مقاومة و بكل مرة يطلع عكس الكلام و المقاومة اتصير دعمو الدعم يصير مقاومة ، حاطين دعم 6 او 10 مليون و فجأة اختفت كلها و نزل السهم ، و يقولون المضاربين يأثرون عليه ، في الفترة الأخيرة كان أكثر سهم مضاربة تستخدمه الناس هو سهم المجموعة الدولية و كان الحجي نفسه يدور و السهم قيمته فوق النص مو 110 فلوس ، و لما حبوا يرفعوا خلوه كل يوم حد أعلى و صعد فوق ، بس لأن في وراه ناس تربح و اتربح اللي معاها ، و في عندنا ناس مثل الناس اذا كلت شي ما اتهد وراها الا الرماد ، لأن الشركة بأيدي أمينة حيل و البركة بالعصفور اللي ما شفت طلته البهية من يوم استلم الفلوس و قال راح ارد على المشككين بالفعل مو بس كلام !!!
ذكرني بحسينوه ولحم القواطي
الله يعين
سلام

 

[bo-sahm]

مبين ان أكبر مضارب على السهم الحين هم:

^
^
^
^
^
^
^
^
^
^
^
^
^
^
^
^
^
^
^
إنزل بعد
^
^
^
^
^
^
^
^
^
^
^
^
^
^
^
^
^
^
^
^
^
^​

للأسف هم- أصحاب وأهل الشركة​

وهذا مبين من المضاربة البشعة الي قاعدين يسونها

وجني اشم ريحة الإستثمارات الوطنية معاهم

 

[barbarian]

السلام عليكم00000000000000000000000000000000000000000000 تمتلك الصفوه 10 ملايين من اسهم البنك العقارى 0000000000منقول من جريدة الانباء 0000000000000 شالسالفه هل هذا هدف زيادة راس المال وين المشاريع اللى من اجلها كان رفع راس المال كل اللى نسمعه انها شرت بنك بوبيان 15 مليون وتملك بشركه ترابح السعوديه على مااعتقد 3% من اراس المال اللى قيمته 3 مليار ريال سعودى 0000000 بصراحه مادرى شقول

بالعكس هذا خبر حلو

البنوك ما تخسر ولد عمي ومدام دشت بالبنوك احتمال الخسارة ضئيل جداً جداً جداً وهذا يخلي الأرباح بالربع الثاني حلوه على عكس بعض الشركات اللي أعتقد راح تعلن عن خسائر مره أخرى في الربع الثاني مثل ما أعلنت في الربع الأول