اسئله وأسعار للأسهم الغير مدرجة

[الناسجت]

السلام عليكم
حبيبي الناسجت .... شركة ايكاروس التابعه للصناعات ماكو تداول ولا اسعار
عليها ...؟
ومشكور مقدمآ

صباح الخير ... ما لها بالسوق لا حس ولا خبر .. وآسف على ذلك

دمتم

 

[وردة اليرموك]

الاخ الناسجت

ممكن سؤال كي جي ال لوجستك كم سعرها بالسوق

 

[الناسجت]

ممكن سؤال كي جي ال لوجستك كم سعرها بالسوق

مساء الخير .. لا أحد يشتري السهم في الناسجت ..

دمتم

 

[سامبا2006]

صباح الخير .. ما عاش اللي يعطيك أو يعطي أي عضو في المنتدى طاف .. عيل ليش قالوا " مشرف " ؟

بعض الأحيان الجواب على السؤال يحتاج إلى بحث وسؤال فأحتاج بعض الوقت حتى أقف على المعلومة الأكيدة وأحطها في القسم ..
وسهم العقيلة من الأسهم اللي تداولها قليل في السوق غير الرسمي
.. ولا تنسى إن يوم الخميس والجمعة بالنسبة لي يومان راحة ... ومع ذلك أدخل القسم وأشوف لعل هناك سؤال مستعجل ..

حبيبنا سامبا 2006 لا تحط في بالك شيء واحنا في الخدمة دوماً

البيعة اللي تمت في حضورك وعلى السعر المذكور " بيعة محفوفة " خاصة باثنين اقتنعوا فيما بينهم على البيع والشراء ... ولا يعني أن سعر السهم الرسمي بالسوق هو كذلك ...

دمتم

اسف اخوي الناسجت لم اكن اعرف ان الخميس والجمعه راحه عندك

وفعلا البيعه الي صارت علي العقيله كانت محفوفه من اثنين انا اعرفهم طرف كان يرغب بالبيع لحاجته للمال وطرف كان يرغب بالشراء وانا فقط عرفتهم علي بعض وتمت البيعه
علي فكرة انا لاني دلال ولا شي بس كل ما في الامر ان واحد كان يبي يشتري والثاني يبي يبيع
وتمت البيعه علي السعر المتفق 190 فلس والكمية كانت 100 الف سهم

 

[adel K]

السلام عليكم

اخوى الناسجت هل عندك علم بما يلى :-

1- سهم الزمردة للايجارة والاستثمار

- كم سعره حاليا بسوق الجت ؟

- متى تتوقع يتداول بسوق الاوراق المالية ؟

2- سهم فيلا مودا

- متى يتم ادراجة بسوق الاوراق المالية ؟

- وما هى توقعاتك بسعر السهم عند الادراج ؟

مع الشكر ....

 

[الناسجت]

السلام عليكم
اخوى الناسجت هل عندك علم بما يلى :-
1- سهم الزمردة للايجارة والاستثمار
- كم سعره حاليا بسوق الجت ؟
- متى تتوقع يتداول بسوق الاوراق المالية ؟
2- سهم فيلا مودا
- متى يتم ادراجة بسوق الاوراق المالية ؟
- وما هى توقعاتك بسعر السهم عند الادراج ؟
مع الشكر ....

صباح الخير .. دعني أوضح لك أمر .. التجار ليسوا في عجلة من أمرهم لشراء سهم " اكتتاب جديد بالسوق الناسجت " .... لماذا يشتري التاجر من السوق بسعر أعلى والإكتتاب كان مفتوحا على مصراعيه وبسعر أرخص .. اللهم إلا إذا كان الإكتتاب مشروطاً مثل " المسعى " بشرط المساهمة لموظفي أعيان ..

فالزمردة ولوجيستيك كي جل إل وآجال وغيرها لا سعر لهم حالياً في السوق " إلا عروض " بأسعار معينة مثل آجال معروض السهم على 270 فلس ولا مشتري له ...

وأي سهم مقفل يشترط فيه مضي 3 سنين مالية حتى يحق لها طلب إدراج وليس " إدراج فوري"

سهم فيلا مودا لا شيء يخصه

دمتم

 

[mish3al_99]

الاخ ناسجت ,,, شركة المنشآت العقارية ,.,,, يتم الاكتتاب بعد العيد ,, اكتتاب خاص ....
شلون اندش هل الاكتتاب ,, و شلون نحصل على دعوه الاكتتاب ,,,

و دي اذا تعرف اصحاب الشركة ,, اسمائهم ,, اذا ما عليك امر ,,

و شكرا

 

[الناسجت]

الاخ ناسجت ,,, شركة المنشآت العقارية ,.,,, يتم الاكتتاب بعد العيد ,, اكتتاب خاص ....
شلون اندش هل الاكتتاب ,, و شلون نحصل على دعوه الاكتتاب ,,,
و دي اذا تعرف اصحاب الشركة ,, اسمائهم ,, اذا ما عليك امر ,,
و شكرا

صباح الخير .. قاعد أتابع الموضوع وأي خبر مهم راح أذكره في القسم

دمتم

 

[صاف بالدور]

شباب . . منو يفيدنا بأسعار الأسهم التالية :
الأولى
بيان القابضة
أبيار
القرين
مع الشكر والامتنان

 

[ابوعبدالله 66]

اخوي الناجست ممكن طلب

مثلك عارف احنى وغيري كثير مكتتبين بأسهم شركات وبصراحه ما نعرف اسعارهم الحقيقيه ولا عليك امر نبي اسعار جميع الشركات اللي تعرفهم وتعرف اسعاهم بسبب مثلك عارف رمضان ودنى نطلع زكاة هالأسهم بس محنى عارفين اسعارهم الحقيقية وشاكر لك جدا

 

[بوكر]

الناسجت

اخوي الناسجت كيف الحال


مبارك عليك الشهر وتقبل الله طاعتك ولكل الأعضاء

بنسبه لسهم الخليج للملاحه هل انسام وكم تتوقع نزوله في البورصه على حسب خبرتك العريقه

وحنى مالنا غنى عنك

وشكراً​

 

[الناسجت]

اخوي الناسجت كيف الحال
مبارك عليك الشهر وتقبل الله طاعتك ولكل الأعضاء
بنسبه لسهم الخليج للملاحه هل انسام وكم تتوقع نزوله في البورصه على حسب خبرتك العريقه
وحنى مالنا غنى عنك
وشكراً​

صباح الخير .. إلى هذه اللحظة السهم ما عليه سوم في الناسجت .. والمتعارف عليه في الأسهم الخليجية أنها تنزل قريب وبسعر على الأقل مضاعف

دمتم

 

[PABB]

اخوي الناسجت,

متى تتوقع ادراج اسهم المسعى و ابيار؟ و كم اسعار هذه الاسهم الحين؟

شكرا

 

[الناسجت]

اخوي الناسجت,

متى تتوقع ادراج اسهم المسعى و ابيار؟ و كم اسعار هذه الاسهم الحين؟

شكرا

صباح الخير . المسعى 2007 وسعر السهم اليوم تقريباً 165 فلس

أبيار أسعارها قديمة .. ولا سعر جديد لحد اليوم

دمتم

 

[الزايرالفيلكاوي]

مساك الله بالخير اخوي الناسجت ....
طال عمرك لو توافينا باسعار هذه الشركات :

1. الاولى للوقود
2. السور للوقود
3. الوطنيه للطيران
4. القرين بتروكيماويات
5. الشحن الجوي

واكون شاكرلك عزيزي الناسجت .

 

[الناسجت]

مساك الله بالخير اخوي الناسجت ....
طال عمرك لو توافينا باسعار هذه الشركات :
1. الاولى للوقود
2. السور للوقود
3. الوطنيه للطيران
4. القرين بتروكيماويات
5. الشحن الجوي
واكون شاكرلك عزيزي الناسجت .

الأسعار هاليومين غير مستقرة وكل ساعة لهم سعر .. بس اللي متأكد منه سعر القرين على 210 فلس

لا تنسى تحط شيء فوق السعر لزوم العمولة

دمتم

 

[الزايرالفيلكاوي]

انزين يالناسجت اذا باسالك سؤال
بصراحة بحرجك فيه اذا عندك مبلغ
وتبي تستثمره لمدة 6 شهور
بشركه تختار شنو من هالثنتين ؟؟

1. المسعى او 2. رواحل

 

[يقولون]

يعطيك العافيه اخوي الناجست ومشكرا على جهودك وحبيت اسألك ان عندي 14 الف سهم بالمستقبل للاتصالات وودي ابيعهم جم سعرهم الحالي وهل في شراي لهم وعندي بعد 100 الف سهم آجال جم ينباعون الحين ابي ابيعهم وشكرا

 

[tajjir]

يعطيك العافيه اخوي الناجست ومشكرا على جهودك وحبيت اسألك ان عندي 14 الف سهم بالمستقبل للاتصالات وودي ابيعهم جم سعرهم الحالي وهل في شراي لهم وعندي بعد 100 الف سهم آجال جم ينباعون الحين ابي ابيعهم وشكرا

كم كان سعر اكتتاب المستقبل للاتصالات..؟ و متى..؟

 

[الناسجت]

انزين يالناسجت اذا باسالك سؤال
بصراحة بحرجك فيه اذا عندك مبلغ
وتبي تستثمره لمدة 6 شهور
بشركه تختار شنو من هالثنتين ؟؟

1. المسعى او 2. رواحل

هلا بالحبيب ... آنه متربص بسهم المسعى عند مستوى الـ 150فلس حتى أشتريه،

وسهم رواحل ما سمعت فيه

دمتم