ملف الاكسل اليومي للميتاستوك .

[Eng]

اوكي...

معناته ان الجهاز شايف الفلاش بس مو قادر ادش عليه...

انشاء الله محلوله.

هذا البرنامج الأول...
مشاهدة المرفق first.zip

إذا ما شاف الدرايف..جرب هذا:

مشاهدة المرفق second.zip

بس هذا ارجوا انك تنتبه لما تختار ال درايف!!!!!!!!!!!
مو تمسح الدرايف الصلب...اختار ال ريموفبل درايف...
و من القائمة اليمين اختار Entire drive ..و بعدين بريبير.

هذا دواه و على الله شفاه انشاء الله...بلغني شيصير وياك.

 

[Q8 Stock]

شاكر لك على الاهتمام اخوي إنج
الملف الاول ما اشتغل
الثاني هذي نافذه
ومن قريت التحذير بلعت العافيه )))
شوف الصوره

 

[Eng]

اي هذا تحذير علشان تنتبه لا تمسح ال هارددسك اللي بالجهاز نفسه (fixed disk)

لا البرنامج الاول ولا الثاني شايفين الفلاش

كان ودي افيدك..بس ما بيدي شي ..

و عموما ...للتوضيح..البرنامجين ما يرجعونلك المعلومات اللي كانت بالفلاش!!!

مجرد يصلح الفلاش..يصفر الفلاش (فورمات)

و الله يعينك انشاء الله

 

[Q8 Stock]

الله يعطيك العافيه
مشكور وماقصرت
برجع ابني مملكتي مره ثالثه
الله يوفقك

اسمك مو غريب علي E N G ..!!

 

[Q8 Stock]

السلام عليكم

اعتذر على التأخير
بسبب رادئت الاتصال
الخلل مني ولا من شبكة الانترنت



اقفالات الثلاثاء
25/7

دعواتكم
" الله كريم "

 

[lonley]

مشكووووووووووووور بو على عالبيانات
الحين نقدر انتغدى ونام
عموما انا عندى النت اوكى طبعا مع ايج الوطنيه الى عندى

 

[سليمان الضيف]

بشر يا بو علي انشالله مشى الحال

 

[Q8 Stock]

بالعافيه اخوي لونلي
ونوم العوافي واحلام سعيده

بشر يا بو علي انشالله مشى الحال

هلا نجدي
الحمدلله
بعد البحث في اكثر من 25 CD
تم العثور على المطلوب ونزلت الملف الاسبوعي
وانحلت المشكله
شاكر لك على الاهتمام
والله يوفقك

 

[saadss]

والله يابو علي سباق بالطيب
ومواقفك سواء بالدورات او بماتقدمه لاخوانك بالمنتدي لا نستطيع نجازيك عليها الا بالدعاء لك وانشاء الله بميزان حسناتك :d

 

[MH For Ever]

الف شكر يا بو علي على الملف ويعطيك العافية

 

[zancop]

بو علي حبيبي حطلك هارد دسك 80GB ولا 120GB باك اب احسن من ال CD`z و عوار الراس والله ​

 

[Q8 Stock]

بو علي حبيبي حطلك هارد دسك 80GB ولا 120GB باك اب احسن من ال CD`z و عوار الراس والله ​

الله يعافيكم اخواني

مشكور اخوي زانكوب
بس جذي مافي اكشن
<<< من خرب كمبيوتره وصار مو مضبوط ..!!
حتى لو بحط 80 او 120
المشكله هي الكمبيوتر ما يشتغل خير شر
قلبته و ورفسته و حذفته ولا اشتغل
الفني قالي حلك فقط فورمات
لانه المشكله صارت فجأه ومن غير اي سبب ؟؟؟
يعني اذا ابي آخذ باك أب او احفظه في هارديسك خارج
مراح اقدر بسبب انه فجأه ما يشتغل
يعني جذي وجذي مافي حل

شاكر لك على الاهتمام
مثل ما قلت لك المشكله صارت فجأه والفورمات على درايفر C
الدرايفر D محتفظ فيه اشياء من 2002 تقريبا
لازم ناخذ المقسوم ونبني مملكتنا من جديد

 

[TechnoFund]

الكويت كلها عرفت مأساتك، وتتعاطف معاك قلبا وقالبا.

الظاهر انك يا بوعلي مزور على الكمبيوتر ومعطي حد الدوسه .. تره الكمبيوتر ملزوم يريح .. ينام .. وانت ما شاء الله عليك مو معطيه فجه كلش .. قالك خن اموت احسن من هالعيشه اللي ما فيها أي نوع من انواع الرأفه بالكيبورد !!

وجت سليمه، والخساره إذا ما هي بالصحه تره ما هي خساره يا بو علي ولا شرايك .. اللهم لك الحمد على الصحة والعافيه وديمها علينا نعمة يا رب.

أنظر التوقيع .. مكشخك فيه ..
:d

 

[splendid]

الف شكر يا بو علي​

 

[Q8 Stock]

الكويت كلها عرفت مأساتك، وتتعاطف معاك قلبا وقالبا.

الظاهر انك يا بوعلي مزور على الكمبيوتر ومعطي حد الدوسه .. تره الكمبيوتر ملزوم يريح .. ينام .. وانت ما شاء الله عليك مو معطيه فجه كلش .. قالك خن اموت احسن من هالعيشه اللي ما فيها أي نوع من انواع الرأفه بالكيبورد !!

وجت سليمه، والخساره إذا ما هي بالصحه تره ما هي خساره يا بو علي ولا شرايك .. اللهم لك الحمد على الصحة والعافيه وديمها علينا نعمة يا رب.

أنظر التوقيع .. مكشخك فيه ..
:d

السلام عليكم

الاخ العزيز والحبيب والغالي ستاربوكس ( بوليد )
احرجتني بكلامك
من قريت كلامك ولا عندي كلمه اقدر اقولها
وانت اغلى من ماي الذهب
بخصوص المشكله حبيت افضفض شوي
كلامك عين الصواب لانه في اوقات اخلي شابك اكثر من يومين
وصارت مشكله بالدي اس ال قالي الدعم الفني
اخوي خل الجهاز يرتاح ..!! مو كله شابك فيه
عندي ادمان انترنت مو طبيعي
الحمدلله على كل
والله يبارك فيك ويجزاك خير


العفوو اخوي سبلندد




اقفالات الاربعاء
26/7


دعواتكم

 

[سليمان الضيف]

حبيب . يخليك ربي

 

[SOS]

الله يوفقك ويرحم والديك يا بوعلي

كل مرة نحمل الملف الأسبوعي نضطر إلى تعديل بيانات المؤشر السعري
ومرات ننسى نعدلها وبالتالي يطلع التحليل غير دقيق
يا ليت يا بوعلي تضيف بيانات المؤشر السعري للملف الأسبوعي
وهذي البيانات من 21/3/2000

تقبل خالص تحياتي وتقديري لمجهودك الكبير

موفق بإذن الله تعالى

 

[Q8 Stock]

السلام عليكم

هلا اخوي Sos
الله يجزاك ويوفقك
ابشر هذا ملفك بعد التعديل

الطريقه بسيطه لك وللاخوان
نفس طريقة تحديث الاقفالات اليوميه
هو راح يضيف البيانات الناقصه للداتا
بالتوفيق

ينقصه كمية التداول من 21/3/2000 الى 16/6/2001

 

[stillhamad]

ألي الأخ sos والأخ أبو علي أيهما أولا


أعزائي

هل معني كلام الأخ أنقذوا أرواحنا .. أنه يظطر ألي تعديل بيانات المؤشر السعري .. أن المؤشر السعري كان غلط كل المده الي طافت ؟؟ و بناء عليه فأن نتائج تحليل الشارت السعري هم كانت غلط ؟؟

يعني من كلام الأخ sos أن التحديث اليومي لملف الاكسل لم يكن يتضمن تحديثا للمؤشر السعري ؟؟

ولماذا ؟؟؟ <----- (( طرار و نفسه شينه ))

عموما أنا حدثته عن طريق الداونلود بس كانت بدايته في 19-7-2004 !!!

ولم أشاهد البيانات لهذه المده 21/3/2000 الى 16/6/2001 !!!

فشنو فيه مشكل ؟؟

 

[Q8 Stock]

السلام عليكم

هلا حمد
مافي مشكل
الملف اليومي فيه البيانات المؤشر السعري والوزني
القصد من كلام الاخ انه يزيد البيانات السابقه مثل ما تفضل
وطرح علي الفكره انه الملف الاسبوعي يحتوي هذه البيانات للمؤشر السعري
ليتم قرائتها بصوره صحيحه بنظرية إليوت
علشان جذي هو محتاج اكبر فتره ممكنه

وطريقة اظهار البيانات الناقصه سهل جدا
افتح الميتاستوك
وختار File
وبعدها Open او الاختصار CTRL + O
بعد ما تفتح لك نافذة الاسهم
في خيار بالزاوية جهة اليسار مكتوب Options
اضغطه راح تطلع لك عدة خيارات
اختار الخيار Load Options
راح تفتح لك نافذه اكتب الرقم 65500 في الخانتين
واضغط OK
الصوره في توضيح اكثر

بالتوفيق