ملف الاكسل اليومي للميتاستوك .

[Q8 TrAdEr]

مساء الخير

بو علي

انا شفت اخر ملف والله يعطيك العافيه علي هل مجهود الممتاز

بس عنك سهم جلوبل اعتقد فيه خطا بعد عملية تفسيخ السهم
كانت التوزيعه منحه ونقدي وزيادة راس مال .
وعندك بالملف بعد تفسيخ السهم اخر اغلاق صار 1.340 تاريخ 21/3
يعني بتاريخ 3/22 تداول السهم بدون ارباح لازم يكون ادني سعر 1.240
وطالع معاك بالملف ادني سعر 1.160

المهم مالك بالطويله تفضل ملف الاكسل اللي انا مسويه
انا سعر الاساس اللي اعتمدته اهو 1.160 / 1.680 اخر اغلاق

اخوك : بو سعود

 

[Q8 Stock]

السلام عليكم

الله يجزيكم خير

اخوي بوسعود
هلابك والله
ولك وحشه
بالنسبه للشارت تم تعديل من قبل الميتاستوك نفسه
يعني بعد اخترت التاريخ اني اعدله
طلعت لي الارقان 3 : 1 تقريبا
علشان جذي اعتمدتها
جزاك الله كل خير على هذا التوضيح
وبارك الله فيك

 

[Q8 TrAdEr]

السلام عليكم

الله يجزيكم خير

اخوي بوسعود
هلابك والله
ولك وحشه
بالنسبه للشارت تم تعديل من قبل الميتاستوك نفسه
يعني بعد اخترت التاريخ اني اعدله
طلعت لي الارقان 3 : 1 تقريبا
علشان جذي اعتمدتها
جزاك الله كل خير على هذا التوضيح
وبارك الله فيك​

هلا والله
اخوي بو علي
ماتفقد غالي
والله يجزاك خير علي هل مجهود الجبار
اخوك بو سعود​

 

[Q8 TrAdEr]

بو علي
تفضل سهم اصول بعد التفسيخ





اخوك :
بو سعود

 

[wazer]

كثرالله خيرك اخوي Q8 Stock

 

[alcaptin]

خطا بالشارت الداتا الاسبوعيه

اخى الفاضل كويتى ستوك الداتا الاسبوعيه فى خطا بالشارت للمركز المالى يا ليت تعدلها

 

[Q8 Stock]

مشكوور اخوي بوسعود

حياك الله اخوي الوزير


اخوي الكابتن
وين الخطأ ؟؟؟

 

[Q8 TrAdEr]

مساء الخير
الاسهم اللي تفسخت اليوم مع الانظمه








اخوك : بو سعود

 

[Q8 Stock]

السلام عليكم

الله يعطيك العافيه بوسعود
وبارك الله فيك




تعديل اسم شركة Noor الى نـــور - 241
مراح اعلمكم اليوم
الطريقه موجوده في قبل كم صفحه




اقفالات الاثنين
1/5

 

[فهد عبدالرحمن]

سؤال عن كيفية ادراج تفسصيخ السهم ؟؟؟

السلام عليكم يعطيكم العافية
سؤال ؟ طريقة ادراج ملف التفيصيخ للشركات ؟
هل هي نفس الملف اليومي وضع تاريخ التفصيخ في الأوبشن او هناك طرقة اخرى
شكراَ

 

[Q8 Stock]

طريقه بسيطه لكن يبيلها شوية دقه
انسخ بيانات ملف الاكسل
وبدلهم مع بيانات الشركه
اذا ما ماتعرف
نزل الملف الاسبوعي
ان شاء الله
تلاقيهم معدلين

 

[SOS]

الله يجزاك خير أخوي Q8 Stock
بميزان أعمالك إن شاء الله

أعتقد ملف إقفالات 1/5/2006 غير صالح ... لو تراجعه نكون شاكرين فضلك

 

[SOS]

الله يجزاك خير أخوي Q8 Stock
بميزان أعمالك إن شاء الله

أعتقد ملف إقفالات 1/5/2006 غير صالح ... لو تراجعه نكون شاكرين فضلك

الله يجزاك خير أخوي ... شغلك عدل
بس بسبب الشبكة ما حمل الملف بالكامل وطلع عندي خطأ

أعتذر ... تحياتي

 

[alajmiktv]

بو علي ماكو مشكلة اذا نزلت الملف الاسبوعي 26-4 علما بأنني محدث البيانات حتى تاريخ امس ؟؟

 

[alcaptin]

شارت المركز المالى الخطا بالملف الاسبوعى

اخى كويت ستوك هذا الشارت مركز المالى الخطا نزلته من الملف الاسبوعى ومحدث حتى تاريخ 30_4_2006

 

[alcaptin]

شارت المركز المالى الخطا بالملف الاسبوعى

اخى كويت ستوك هذا الشارت مركز المالى الخطا نزلته من الملف الاسبوعى ومحدث حتى تاريخ 30_4_20 06

 

[Q8 Stock]

اخوي العجمي
نزلت الملف الاسبوعي
وحدثت بياناته من يوم السبت الى تاريخ اليوم
مافي مشكله
هذي تعتبر داتا الاسهم ما يحتاج تنزل الملف الاسبوع القادم
الا اذا في اسهم تفسخت وحاب تدخل عليها
وبتشوف حركتها بالشارت لازم تنزل التحديث الجديد بسبب التفسيخ
غير جذي ما تحتاج انك تنزله من جديد

اخوي الكابتن
مادري شنو مشكلة الشارت
ممكن توضح ؟؟؟
قصدك انه الهاي ماله تقريبا 810 وبالشارت موجود 680 تقريبا
اي اخوي عادي
مافيه اي خطأ
لابد من تعديل الشارت بعد عمل التفسيخ
وهذا الشي معمول فيه على مستوي جميع الاسواق

 

[Q8 TrAdEr]

مساء الخير
تكملة الاسهم التي تفسخت اليوم . خليج زجاج
مع سهم تعمير -817 تاريخ التفسيخ تم بتاريخ 28-2-06





اخوكم :
بو سعود​

 

[alcaptin]

هذا الشارت الصحيح للمركز المالى

اخوى كويتى ستوك اشكر لك سعه صدرك انا اقصد الفجوه اللى موشر عليها بالشارت بعد تفصيخ السهم فى هذا الشارت الصحيح طبعا الذى يختلف عن اللى موجود بالملف الاسبوعى وانت عارف اهميه الملف الاسبوعى للشخص الذى ليس لديه الداتا او فقد الداتا ماله الا تنزيل الملف الاسبوعى وتحديثه بعد ذلك لذلك سيجد الخطا بالشارت

 

[Q8 Stock]

يعطيك العافيه اخوي بوسعود

اخوي الكابتن
الفجوه اللي صايره بالشارت بسبب تفسيخ السهم
علشان جذي نسوي عملية Split للشارت
علشان الفجوه تروح من الشارت
وتصير قراءة المؤشرات وحركة الشارت واضحه
هذا الشي ما يعتبر خطأ
هذي عملية تعديل لازم تصير بالشارت
سواء بالسوق الكويتي او اي سوق آخر
شوف شارت المخازن والسلطان والهواتف كم اعلى سعر وصل له
وشوف بالشارت اعلى سعر موجود
هذي عملية عاديه جدا
وتقدر تراجع ردود سابقه فيها نفس استفساراتك

ان شاء الله
قدرت اوضح لك