خبر عاجل كسر الترند النازل في الانترداي

[ralraja11]

والله اني كانت حاط امر على صافولا شراء ب 1400 لكن الغيته

تعرف ما لنا خلق استهبال

الى الان المؤشر يعطي اشارات وقف النزف ولا يعطي اشارات الدخول....

عموما اغلاق اليوم جيد

وبكرا لو فيه نسب تحت الشراء للمغامر وبعنف

لكن نقول الله يستر والا لو سكر بكرا تحت

رحنا فيها

 

[@SAMBA@]

السلاااااام عليكم
هل تم اختراق الترند الهابط هذا اليوم ام ننتظر الإقفال للتأكيد
مازال التفاؤل موجود

 

[فهد محمد]

ابو اسم صعب يالله انك تحييه...بذمتك الغيت طلبك بصافولا..ليش...؟؟؟؟

كل ذا خوف..( فاز باللذات من كان جسورا ).تري الامور هانت بدون تحليل ولا شي...خذها من اخوك وكل شي بعد مشيئه الله...

اللي صاير بالسوق كله مضاربه في مضاربه خاصه القياديات علي قولتهم

انا كل يوم ادخل بصافولا والاتصالات وابيع بدون تحليل..صح اكلها علي راسي مره وافوز بها مرتين....وزجاج تلقيط علي خفيف وبالنسب تحت وتراها ليست للبيع...وبصراحه احيي فيك اثراءك للمنتدي بالمشاركات الفعاله تحياتي....​

 

[ralraja11]

الله يعطيكم الف عافية

لكن والله يا اخونا فهد كانت مجازفة خطيرة

يعني تخيل لو اليوم ما قفل السوق مرتفع

او قفل منخفض وين بنروح ؟؟؟

حنا على دعم قوي وهو اخر الدعوم وبعده حفرة

عموما مثل ما قلت السوق كله مضاربة لكن مضاربة عمالقة وانا والله ماني قدهم ............

ما لي خلق اتورط :d

عموما يبدو اننا مقبلين على خير

ونشوف انا بدخل اذا ارتدينا للمرة الثالثة من اغلاق امس مهما كانت الاسعار

وبما اني من اهم رموز الارجاف والحوسة بمنتدانا المعمور

بكمل في قسم متابعة السوق لاني انحست وحست العالم معي

good احسه يقول وش فيه ذا الملحوس ينط من موضوع لموضوع

و chart man احسه يقول وش فيه هذا كانه من بني رشاش كل ما رحنا لمكان رشنا بالف مشاركة

الله يعطيكم الف عافية ان شاء الله ويصبركم على ابو اسم صعب وتاسي

 

[ralraja11]

استاذنا قوود

قصدت بالشارت ما يطمن انه مقطع وانت شفت ما صمد كسر الترند

لكن نقول ان شاء الله خير اهم شي ما نقفل تحت اغلاق امس


والله صافولا امس على الويكلي والديلي والانترداي تقول خذني على 1400 بس ولو لو كان توقعي صح بنرجع مرة ثالثة لل1400 يا اما نكسرها ونعلن انهيار السوق يا اما نرتد منها ونعلن انتهاء التصحيح ....

بعدين لاحظت بس ما ادري ان شارت ال5 دقائق هو الافضل

تبتعد عن الاشارات الكاذبة من شارت الدقيقة

والاشارات التي انتهت صلاحيتها من شارت ال10 دقائق


وان شاء الله خير