الاكتتاب في صندوق ايفا الاسلامي ( عسجد)

[زمان اقتصادي]

mafi akhbar 3an al3asjad ya shabab ?

ليلحين ما عليها أي أخبار


ــــــــــــــــــــــــــــــــــــــــــــــــــــــ

 

[المقاطي]

يطري علي افتراض وهو الاتي

ليش صندوق العسجد اسس
ليش ما يستخدمه مدير الصندوق
في شراء اسهم شركات البحر
حتى لو يخسر الصندوق وينحرم من
المكافأة ........
وياخذ مكافأته من جاسم البحر بعد ما يصرف
اسهم شركاتة علي الصندوق.....
هنيه مدير الصندوق افلس من مكافاة انجازات
الصندوق وحول نيته الي طريق اخر وهو ان يسخر
الصندوق لمصلحة البحر ويحقق بها ارباح
علي ظهورنا.....!!!
السؤال انه لو فعل مدير الصندوق الفرضية
السابقه ......(لاجريمة علية)
البلد ماعاد فيا امان البلايا اكلونا دون ادنى
شفقه.......



حلو مني شفقة صح

 

[kuwait77]

يالربع للحين ماجا خبر عن الصندوق مو معقولة بالمرة

 

[AL_RAGI]

يطري علي افتراض وهو الاتي

ليش صندوق العسجد اسس
ليش ما يستخدمه مدير الصندوق
في شراء اسهم شركات البحر
حتى لو يخسر الصندوق وينحرم من
المكافأة ........
وياخذ مكافأته من جاسم البحر بعد ما يصرف
اسهم شركاتة علي الصندوق.....
هنيه مدير الصندوق افلس من مكافاة انجازات
الصندوق وحول نيته الي طريق اخر وهو ان يسخر
الصندوق لمصلحة البحر ويحقق بها ارباح
علي ظهورنا.....!!!
السؤال انه لو فعل مدير الصندوق الفرضية
السابقه ......(لاجريمة علية)
البلد ماعاد فيا امان البلايا اكلونا دون ادنى
شفقه.......



حلو مني شفقة صح

مو معقوله شركة كبيرة تضحى بسمعتها علشان ترفع اسهمها

 

[المقاطي]

مو معقوله شركة كبيرة تضحى بسمعتها علشان ترفع اسهمها

اي سمعه .......!!!
هذي ناس تبطش واخر شي
تفكر فيه السمعه
يا بابا هذي ناس ما تستحي

 

[kuwait77]

لو سمحتو يا اخوان دقو عليهم اسالوهم متى اول تقييم للصندوق مو معقولة من شهر اربعه للحين ما العنو اى تقييم انا مو فادر ادق عليهم عشان انا الان خارج البلاد وشكلى مطول

 

[روبية]

لو سمحتو يا اخوان دقو عليهم اسالوهم متى اول تقييم للصندوق مو معقولة من شهر اربعه للحين ما العنو اى تقييم انا مو فادر ادق عليهم عشان انا الان خارج البلاد وشكلى مطول

مساك الله بالخير ,,

بالنسبة لتقييم صندوق العسجد انشالله اخر هالاسبوع (ممكن الخميس ينزا بالجريدة)
حسب كلام موظفة الشركة .. وانشالله خير ...

 

[بلاحدود]

لعبة الصناديق!

الصناديق الاستثمارية.. تاخذ من فلوسك وتعطيك!
قولوا شلووون؟
هالصناديق تحط فيها فلوسك وانت مستانس وتتوقع ارباح مرتفعة وتقييمات ممتازة, ولكن تدرون شيصير؟
هالصناديق تقوم وتستغل السيولة العالية من فلوسك وفلوس غيرك في المضاربة والتحكم ببعض الأسهم في السوق (واتكلم عن ملايين الدنانير), تلقاها تضغط على سهم وتنزل سهم ثاني وتخسف بسهم ثالث وتكون إنت واحد من ملاك هالسهم.. وتضارب بطريقة جنونية.. وبالأخير تنزل قيمة سهمك وتخسرك وتجني أرباح من ورا ظهرك.. يعني بالعربي.. تخسرك قيمة أسهمك وتاخذ أرباح منها عن طريق المضاربة والضغط اللي ما يرحم.. وآخر السنة ترد لك فلوسك على شكل أرباح أو أسهم منحة!.. وتطلع في النهاية.. مستانس أن صندوقك ربحان.. وبنفس الوقت زعلان لأن بعض أسهمك انخفست وانصابت بالشلل.. وتقعد تنطر شهور ليما ترتفع قيمة أسهمك وتترقع.. وخل أسألكم هالسؤال... صندوق المؤشر الخاص بشركة كميفك.. وينه؟ وين تقييمه؟ عالأقل وين فوائد الأموال المحتجزة فيه؟!!

اعتقد والله أعلم إن الأموال في هالصندوق وغيره من الصناديق الجشعة وخاصة اللي ما اشتغلت لحد الآن.. تستغل في المضاربة والخفس ببعض الأسهم.. ولما تسألهم شصار عالتقييم.. يقولون بعدنا ما اشتغلنا!.. السوق ما يساعد!؟! خل ننتظر ونراقب الوضع!

 

[A.M.W]

والله ان بعضكم مرضى نفسيين مصابين بالرهاب العصابي وهو وضع فرضيات غير موجودة وجعلها حقيقة ومسلمة من المسلمات أي أوهام وتخيلات تجعلكم غير واثقين بأحد حتى في انفسكم وهذا ما استشفيته من بعضكم وهو التشاؤم والنظرة السوداوية التي ومن الواضح انها تسيطر عليكم ليس في البورصة والصناديق فقط وانما في جميع مجالات الحياة وعلى مختلف الاصعدة 0000

يا جماعة الخير شفيكم الصبر الظاهر انكم اول مرة تدخلون صناديق من طلعت الصناديق وهذا نظامها تأخير ويعملون من الحبة أبة عادي الوضع والله عادي ( بيروقراطية ) بس قاعديت تخرعون بالناس وتسونها جنها شركة وهمية خذت فلوسنا وقبت بدون شهادات وشيكات وقصة طويلة وين قاعدين بمصر ؟؟

شاطرين بس بالهذرة والبلقرقة الزايدة عطوني صندوق واحد من تاريخ تأسيس الصناديق باق الناس وأكل فلوسهم !!! بس شاطرين تتحجون وتهرفون بما لاتعرفون الله المستعان

خلو التحليل لأهل التحليل مو احنا المساكين نتكلم عن شركات صارلها باع طويل بهالمجال شوفولكم شغلة ثانية غير تخريع الناس اللي مو مستند لأدلة ولو ظنية كله وهم وخيال أنصحكم بمراجعة اطباء نفسيين لحل مشكلة الخوف العصابي اللي تعانون منه طبعا البعض الحمد لله والشكر

 

[أوتاد]

السلام عليكم..

الاخوان مو محتاجين اطباء نفسيين..
بس محتاجين انهم يتكلمون..على الاقل يرتاحون شوي...

واللي تناقشو داخلين في الصندوق..يعني قصد تخويف الناس
ما اظن انه همهم وهدفهم الاكبر..

والله يوفق الجميع ..
واحنا مو مساكين الا لله سبحانه وتعالى ..

 

[محمد2000]

تقيم الصندوق سوف يعلن عنة يوم السبت او الاحد علي ابعد تقدير
طبعا بالصحف اليومية .
اتمني ان يكون صندوق العسجد فال خير للمساهمين و يكون التقيم مجدي وبالتوفيق للجميـــــــــــــــــــــع

 

[بلاحدود]

السلام عليكم..

الاخوان مو محتاجين اطباء نفسيين..
بس محتاجين انهم يتكلمون..على الاقل يرتاحون شوي...

واللي تناقشو داخلين في الصندوق..يعني قصد تخويف الناس
ما اظن انه همهم وهدفهم الاكبر..

والله يوفق الجميع ..
واحنا مو مساكين الا لله سبحانه وتعالى ..

مشكورة.. فعلا محتاجين نتكلم.. عالأقل يخف تعبنا النفسي.. والأخ بيطلب لنا أطباء نفسيين لأن بس تكلمت عن تجربة شخصية مع صندوق من هالصناديق!

 

[زمان اقتصادي]

أداء صندوق العسجد

0.934 د.ك

صافي قيمة الوحدة في 28/6/2006

6.62 % -

الأداء من بدء النشاط​

 

[السوق الكويتي]

أداء صندوق العسجد

0.934 د.ك

صافي قيمة الوحدة في 28/6/2006

6.62 % -

الأداء من بدء النشاط​

اخوي من وين يبت الخبر؟؟

من اول شهر نزول 6% !!!!!!!!

المفروض مع صعود البورصة يكون صعوده قوي ...

 

[زمان اقتصادي]

اخوي من وين يبت الخبر؟؟

من اول شهر نزول 6% !!!!!!!!

المفروض مع صعود البورصة يكون صعوده قوي ...

ــــــــــــــــــــــــ

جريدة القبس ( اليوم 1/7/2006 )

صفحة 51
​

 

[محمد2000]

أداء صندوق العسجد

0.934 د.ك

صافي قيمة الوحدة في 28/6/2006

6.62 % -

الأداء من بدء النشاط​

[/QUOTE
اقل وصف لمدير الصندوق يقال عنة غبي
تملك ملايين واقل من شهر تخسر 6,62 % صج اثول
ماقول الا مالت علي هالوجة الكرية .
علي فكرة الصندوق بدآ نشاطة من اول شهر 6 فقط .
حرامية اللة لا يوفقهم لعبتهم مكشوفة اليهوديين .
بعد الاعلان يخلونك بموقف ماتري شتسوي اذا طلعت من الصندوق اهم ربحانين منك 6,62% بأقل من شهرين واذا استمريت بالصندوق فهم قاعدين يتاجرون ويربحون من فلوسنا .
يعني طلعت اهم ربحانين قعدت همن اهم ربحانين .
هذيلا ناس قالولنا اهلنا عنهم ايام الكويت فقر "" ايام الغوص والشقا "" مارحموا اهل الكويت ايام الغوص كانوا ياخذون منهم ربا ؟؟؟ يعطونك 50 ربية تردهم 150 ربية .
ينزعجون ويموتون قهر اذا شافوا الكوتيين مومحتاجين او راسك براسهم .
هالاشكال اهم زمرة الفساد اللي سمعتوا عنهم بالندوات الانتخابية يطقون اصبع اذا استمرت هالاوضاع بالكويت لاقوانين ولا محاسبة وعمك اصمخ .
اللة يحفظ الكويت واهلها المخلصين ويخلصها من هالحرامية .

 

[أوتاد]

صراحه صناديق الاسهم تخوف..وانا مشاركه مع التجاري الاسلامي بس لحد الحين مابدا النشاط...الله يستر ...

وان شاءالله العسجد يعوض خسارته ...

 

[بلاحدود]

من أولها خساير؟!

العسجد.. من أولها خساير؟!
أعتقد أن سعر الوحدة راح يبقى تحت 1د.ك أو يحقق أرباح طفيفة خلال فترة الصيف لأن السوق بشكل عام راح يكون هاديء خلال هالفترة.. ويكمل الأداء الضعيف لغاية دخول شهر رمضان.. يعنى لا تتوقعون أرباح قياسية مثل صندوق إيفا إلا بعد نهاية سنة 2006!!
مادري هل توافقوني الرأي؟
والله يعوضنا ويعوضكم خير...

 

[وردة اليرموك]

حراميه وبس اذا شايفين السوق نازل ليش دشيتوا بالوقت هذا لان تشترون اسهم ايفا بالسوق وترفعونه

 

[vail]

حراميه وبس اذا شايفين السوق نازل ليش دشيتوا بالوقت هذا لان تشترون اسهم ايفا بالسوق وترفعونه

عندما انتهى الاكتتاب فى صندوق العسجد كان السوق بالقاع فالسؤال اي سهم اسلامى (باعتبار الصندوق اسلامى) تملك فيه الصندوق وانخفض سعره بهذه النسبة 6 % ؟؟؟

هل الجواب يكون بنك بوبيان الاسلامي !!

ويفترض من الصندوق كونه اسلامى لايشتري اسهم غير شرعية مثل ايفا وباقى مجموعتها .

واذا اخذنا بعين الاعتبار انه اشترى سهم ايفا (طبعا لاحسيب ولارقيب على الصندوق) ايفا وزعت على حسب علمى 50 منحه و 20 نقدى فسعر التعادل لها بعد الجمعية العمومية اقل بكثييير من السعر الحالى فبتالى يكون ربحااان الصندوق .

جواب الخسارة لااحد يملكه غير البحر ومدير الصندوق الاسلالالامى