الاكتتاب في صندوق ايفا الاسلامي ( عسجد)

[kuwait77]

يالربع الرجال حط التلفون دقو ويعلمونكم لاتصيرون كسالا

 

[بلاحدود]

يالربع الرجال حط التلفون دقو ويعلمونكم لاتصيرون كسالا

لا حول ولا قوة إلا بالله.. يا خوي.. يالغالي.. يقولك يدق محد يرد.. وأنا بنفسي دقيت محد يرد.. شنسوي؟!.. ما لنا بعد الله تعالى.. إلا شباب هالمنتدى الطيب الله يعطيهم العافية.. وإلا شالفايدة من هالمنتدى؟؟! أكيد تبادل آراء ومساعدة وكل واحد الله يعطيه على قدر نيته.. فإذا عندك شي مفيد.. قوله .. وقواك الله..

 

[tadaweel]

التقييم يوم الاثنين و الاسترداد يوم الثلاثاء و الاربعاء و السبت بعدهم تقريبا باسبوع او 10ايام تتم التحويلات و اتوقع ان الشيكات تطلع قبل التحويلات ...
الشركة مكانها مجمع الصالحية الدور 5 مدخل 8 و ارقامهم 844432
بس مو تنسى الشهادة الاصلية انا رحت لهم الشهر اللي فات بسترد بس ماكانت معاي الشهادة و حسيت انها خيرة اني ناسيها و مااسترديت و كلمتهم الشهر هذا امبين ان الصندوق امعدي الدينار و بدى النحس ينفك عنه....

 

[على حمد]

كل الشكر للجميع على التجاوب

وبالتوفيق اجمعين وهالشهر انشاالله فوق الدينار

تحياتي

 

[على حمد]

ها يا جماعة ما في خبر عن التقييم !!!!!

 

[AL_RAGI]

تقييم العسجد لشهر ابريل 1043 أخيرا طلع من تحت الدينار وان شاء الله يستمر الى اعلى ويلحق اخوه صندوق ايفا الاستثمارى اللى محقق من بداية السنة 40%

 

[wildibm]

شفتوا شلون

قلت لكم اصلا الصندوق مرتبط بالسوق
مثل ماهو مكتوب قبل لا تشتركون فيه

على العموم السوق في صعود مستمر
وحسب تحليل خبراء المنتدى

السوق راح يوصل 12 الف
وراح اقول

بس يا ايفا بس ايفا
وباذن الله راح تلقون سعر الوحدة وصل دينارين وهذا غير الأرباح

والله يرزق الجميع

 

[malek]

تقييم العسجد لشهر ابريل 1043 أخيرا طلع من تحت الدينار وان شاء الله يستمر الى اعلى ويلحق اخوه صندوق ايفا الاستثمارى اللى محقق من بداية السنة 40%

نصيحة للي يبي يسترد الحين فرصتكم تقدرون تستردون والسوق قاعد يصعد ، ومن المفروض الشركة توزع علينا أرباح .

 

[كـــيـــــوت_25]

سعر الوحده شهر ابريل 1.043


أداء الشهر 8.30 %


مــــــــــبــــــــروووووووووووووووك​

 

[Speed90]

لا يزال الصندوق خسران
من المفروض صعوده بما لا يقل عن 10% من سعر 1.020
لتعويض سنه كامله

اكتسبنا خبره من هذا الصندوق
انه اي اعلان عن صندوق اسلامي شرعي ممكن التلاعب فيه
الا بحاله واحده و هي اذا وزعوا اسهم ببلاش

 

[كـــيـــــوت_25]

لا يزال الصندوق خسران
من المفروض صعوده بما لا يقل عن 10% من سعر 1.020
لتعويض سنه كامله

يا معوووووود المهم صعد

و اول الغيث قطره

و بعدين شلون تبيه يصعد والسوق كله كان نازل ؟!!؟


عالعموم

تفائلوا بالخير تجدوه

وانا ان شاء الله متفائله خير بارباح هالصندوق بس يبيله شوية صبر ​

 

[SADOO]

للعلم لن يتم توزيع اي ارباح عن صندوق العسجد ، لكن التوزيع سوف يكون لصندوق ايفا الأستثماري اخر مايو أو بداية يونيو 2007
والله أعلم
للعلم الشركة العام وزعت على المساهمين 100 % وماخشت شئ من الصندوق يعني اللي عندهم عطونا أياه واللي بيحصلونه اتوقع يردون يوزعونه علينا مرة أخرى .

 

[malek]

هل أحد عنده خبر الصندوق يستمر في أي شركات بالضبط ، لكي نتابع صعود هذه الشركات وبحال صعودها نسترد .

 

[wildibm]

انا اقول انتظروا على الصندوق شوية

لأن السوق بدا يصعد لله الحمد
فاصبروا شوية
واذا السوق نزل
لاحول ولا قوة إلا بالله

بس شارتات خبراء المنتدى تبشر بالخير

شوفوا بس نص شهر صعد السوق شوية
علطول الصندوق ارتفع

وانتوا كيفكم

 

[tadaweel]

انا معاك wildibm الصندوق حقق شهر مارس 9% و الشهر هذا 8.3% يعني الصندوق بدا يمشي مع السوق و احسن من السوق بعد ..
malak الصندوق الشهر اللي فات كان مستثمر في بنك بوبيان و بوبيان ب و مزايا و اتوقع دار الاستثمار اذا انا مو غلطان بس هذا الشهر مادري اذا تغيرت الملكيات ولا لأ ...​

 

[malek]

انا معاك wildibm الصندوق حقق شهر مارس 9% و الشهر هذا 8.3% يعني الصندوق بدا يمشي مع السوق و احسن من السوق بعد ..
malak الصندوق الشهر اللي فات كان مستثمر في بنك بوبيان و بوبيان ب و مزايا و اتوقع دار الاستثمار اذا انا مو غلطان بس هذا الشهر مادري اذا تغيرت الملكيات ولا لأ ...​

للعلم فقط نقلت لكم الخبر التالي : -
توزيعات صندوق ايفا الأستثماري والأسلامي

مبروك لملاك وحدات الصندوقين الأستثماري والأسلامي ، لقد اتصلت على شركة إيفا وتحدثت الى الأخت المسؤولة عن الصندوق الأستثماري وأفادت بأنه سيتم إن شاء الله توزيع أرباح على المساهمين تقريبا في شهر يونيو مع العلم أنهم سوف يوزعون الأرباح اللي شفتوها بالكامل وهذه ميزة الشركة بأنها وزعت عن عام 2005 أرباح 100 % والأن سوف تكون التوزيعة مدروسة ولمصلحتنا مع العلم انه اللي يريد الأسترداد يستطيع أن يراجع الشركة قبل نهاية الشهر .
صندوق إيفا الأسلامي ، أيضا سوف يتم توزيع أرباح على المساهمين لكن قبل نهاية عام 2007 ، والله أعلم كم أو ماهي التوزيعة لم تحدد لي المسؤولة ، لكن الزبدة أنه سوف يتم توزيع أرباح .

 

[كـــيـــــوت_25]

شباب انا رحت لبيت الزكاة بطلع زكاة فلوسي بهالصندوق

قالي الموظف اول تأكدي منهم اخاف اهم يطلعون الزكاه عنج بما انه صندوق اسلامي ؟!؟!

فما ادري هل انا الي اطلعه ولا الشركه تحسبلي الزكاة وتخصمها من المبلغ الي حاطته عندهم ؟!​

 

[زمان اقتصادي]

شباب انا رحت لبيت الزكاة بطلع زكاة فلوسي بهالصندوق

قالي الموظف اول تأكدي منهم اخاف اهم يطلعون الزكاه عنج بما انه صندوق اسلامي ؟!؟!

فما ادري هل انا الي اطلعه ولا الشركه تحسبلي الزكاة وتخصمها من المبلغ الي حاطته عندهم ؟!​

السلام عليكم


أنا أقترح إنج تتصلين بالشركة وهم راح يفيدونج أكثر؟؟؟

 

[كـــيـــــوت_25]

خــيــرهــا بــغــيــرهــا

دقيت تقول ما نطلع الزكاة انتوا الي تطلعونها


بس مآدري اطلع على تقييم شهر 3 او 4 او على راس المال الي حطيته في البدايه بغض النظر عن التقييم ؟!؟


اذا على شهر 3 = 0.963


و اذا على شهر 4 = 1.043




و سألتها اذا في توزيع ارباح شهر 6 مثل ما قال الاخ ملاك




قالت لأ الي بيتوزع له ارباح ايفا الاستثماري مو الإسلامي



بس ألين شهر 6 تقول يمكن يصير مستجدات ؟!؟!؟



و حاليا مافي عندهم اي خبر عن توزيع ارباح لنا مع الاعتقاد بالنفي !!



هــــاردلــك



مــراسـلـتـكـم



كـــيـــــوت__25 ​

 

[kuwait77]

يالربع لو عندي اسهم خسرانة هم اطلع عليها زكاة