الاكتتاب في صندوق ايفا الاسلامي ( عسجد)

[كـــيـــــوت_25]

السلام عليكم و رحمة الله وبركاته

صباح الورد يا ورد

صباح الفل على كل المكتتبين بصندوقنا
مثل ما تعرفون الصندوق نازل بس تفائلنا باذن الله صاعد

ويا حلوين اذا قارنتوا صندوقنا مع باقي الصناديق بتشوفون ان ادائه جيد جدا

ولا تنسون ان السوق نزل الفين نقطه باسبوع يعني هذا اكيد بيأثر على اداء اي صندوق مو بس العسجد

والصندوق بإذن الله صاعد صاعد غصبا على الي ما يرضى

وبنقول (( بسنا فلوس يا سعد بسنا فلوس يا سعد )) ههههههههههههه

و دمتـــــــــــــــم

هههههههههههههههههههههههههههههه

و الله شكلنا بنقول

(( راح الحلال يا حسين راح الحلال يا حسين )) ​

هههههههههههههههههههههه

بس هم انا متفائله

 

[كـــيـــــوت_25]

ها يا الطـيـبـيـن

ويـــــن اخر الاخبــار ؟!؟!؟!؟

بشرونا الله يبشركم بكل خير ​

 

[AL_RAGI]

.. التقييم يطلع آخر الشهر والسوق جدام عينكم تابعوه ان شفتوه نازل أكيد التقييم نازل وان شفتوه صاعد اكيد التقييم صاعد والله الموفق

 

[بو يوسف84]

عرف شسوي و سويته

ياجماعة علموني شني اكبر شركات مساهم فيها الصندوق (Holding Shares) لأن في شهر 11 نزل وايد من 1.013 الى 0.874 خسارة 12.51% من بداية النشاط و (Big Cap) ما تأثروا وايد؟؟؟؟؟؟؟؟؟!!!!!!!

الصراحة انا خايف من جاسم البحر ابي اطلع براس مالي

شسوي؟؟؟؟؟؟؟؟

الحين بعد ما كلمت ادارة الصناديق اب ايفا - الـFront & Back Offices - لصندوق العسجد عرفت ان الصندوق هالشهر انشا الله زين...
1- اكبر 4 شركات بالصندوق -اجيليتي
-الوطنية العقارية
-الدولية للإجارة
- بوبيان ب
2- استشفيت من كلامهم ان جاسم البحر ما له شغل بالصندوق من الناحية الادارية بالمرة.

3- ان الاخ عبدالله الخزام معارض و بشدة لأسلوب المضاربة يعني انسمه طويييييييييل.

4- ممكن تغيير سياسة الـHolding Shares في اي وقت يرى انه مناسب.

عليه فإني اظن ان الصندوق راح يغير في تشكيلة الشركات في الاسبوعين القادمين، و اظن ان الصندوق كيش مبلغ جيد لهذا الشي.

اما بالنسبة للأداء المتواضع للصندوق منذ التأسيس مع انه الصندوق الوحيد اللي عنده Full Cash بشهر 6/2006 ... لأنه في شهر 7 تدبسوا باسهم متعبة و لما اخلصو منها اندج السوق بمواضيع التحييد و فسخ عقود الـB.O.T فلكل جواد كبوة و ارجو ان تكون آخر كبوة.

مسكوا وحداتكم اظن احسن

 

[كـــيـــــوت_25]

الحين بعد ما كلمت ادارة الصناديق اب ايفا - الـFront & Back Offices - لصندوق العسجد عرفت ان الصندوق هالشهر انشا الله زين...
1- اكبر 4 شركات بالصندوق -اجيليتي
-الوطنية العقارية
-الدولية للإجارة
- بوبيان ب
2- استشفيت من كلامهم ان جاسم البحر ما له شغل بالصندوق من الناحية الادارية بالمرة.

3- ان الاخ عبدالله الخزام معارض و بشدة لأسلوب المضاربة يعني انسمه طويييييييييل.

4- ممكن تغيير سياسة الـHolding Shares في اي وقت يرى انه مناسب.

عليه فإني اظن ان الصندوق راح يغير في تشكيلة الشركات في الاسبوعين القادمين، و اظن ان الصندوق كيش مبلغ جيد لهذا الشي.

اما بالنسبة للأداء المتواضع للصندوق منذ التأسيس مع انه الصندوق الوحيد اللي عنده Full Cash بشهر 6/2006 ... لأنه في شهر 7 تدبسوا باسهم متعبة و لما اخلصو منها اندج السوق بمواضيع التحييد و فسخ عقود الـB.O.T فلكل جواد كبوة و ارجو ان تكون آخر كبوة.

مسكوا وحداتكم اظن احسن

شكرا على هالمعلومات الطيبه

و اضم صوتي لصوتك انا وحده عن نفسي بمسك وحداتي وان قدرت ازيدها لما ينزل سعرها بزيدها لان هدفي استثمار طويل الاجل و هذا هدف الصناديق مو نفس بعض الشباب الله يهداهم لما ما طاف على الصندوق جم شهر ونزل تقييمه اعتفسوا وحالتهم حاله و ذموا بالصندوق ....!!!!!!

اشدعوه يبا ترى الصبر زين و الله يرزق الجميع

 

[AL_RAGI]

تقييم الوحدة لشهر ديسمبر 2006 هو 0.903 انشاء الله سنة 2007 يعوض ويوزع توزيعات طيبة

 

[Mohammadd]

الظاهر مدير الصندوق قاعد يكح بهالصندوق مو قادر عليه . شهر ينزله وشهر يصعده ...... الأرقام تتحدث عن نفسها :

يوليو 0.885
أغسطس 0.972
سبتمبر 0.956
أكتوبر 1.013
نوفمبر 0.874
ديسمبر 0.903

لو ندري بأن الصندوق جذيه ما استعجلنا واكتتبنا فيه أول ما انطرح ؟!
ب 1.020 دينار . لأنه بصراحه من شهر 4 وفلوسنا مجمدة والصندوق طايح حظه وخسران ....

 

[لندن]

والله الصندوق العسجد لو يعطينا أرباح 100% ماحس فيهم طعم

 

[tareq_m5]

يا جماعة إللي مكتتب من شهر 5 بسعر دينار وعشرين وعنده 10000 سهم يعني شاريهم بسعر 10200 دينار حاليا سعرها 9030 دينار حسب تقييم شهر ديسمبر الأخير يعني 10200 - 9030 = 1170 دينار خسارة والفلوس مجمدة لمدة سبعة شهور

يعني لو أني حاطهم وديعة بيت التمويل أو حساب توفير جان عطوني في 1-1-2007 أقل شيء 5% يعني 10200 في 5% يساوي 510 دينار والفلوس طبعا محفوظة ومومجمدة يعني جان صارو 10710 بدال 9030 الفرق 1680 دينار خسارة

طبعا ليلحين ما يندرى يمكن ينزل الصندوق زيادة وتظل مجمدة الفلوس ولا تنسون عوار القلب مع نزلت السوق ومصيرك مو معروف كل شهر تسأل عن التقييم هذا كله على حساب صحتك

طبعا أغلب إللي داشين الصندوق عبالهم إنهم بيربحون نفس ماربح صندوق إيفا الاسثماري 100% طبعا ما في مقارنة لأن الوضع للسوق مختلف 100%

تحياتي

 

[Mohammadd]

طبعا أغلب إللي داشين الصندوق عبالهم إنهم بيربحون نفس ماربح صندوق إيفا الاسثماري 100% طبعا ما في مقارنة لأن الوضع للسوق مختلف 100%

والله أنك صاج . على فكرة إيفا استغلت هالموضوع لمصلحتها وسوقت العسجد تمام . لكن شتقول في اللي أثرت فيه كلمات صالح السلمي و عبدالله الخزام في حفلة طرح الصندوق و أمام الحضور وهم يقول أنتم ستضعون أموالكم بأيدي أشخاص محترفين ذوي خبرة بالسوق و نحن لا نبخل على عملائنا وصندوق إيفا الإستثماري خير دليل على ذلك .

2005 الكل ربح حتى العليمية والاخوان بإيفا شنصت معاهم ....ولا من شاف نسفت السلمي عرف أن ما وراه خير .

والله من يوم دشيت مكاتبهم وشفت اشكال هالبنات اللي كانو ياخذون الطلبات وأنا ماني مرتاح ولكن شيقول الواحد غير حسبي الله ونعم الوكيل .​

 

[Metaboy]

والله أنك صاج . على فكرة إيفا استغلت هالموضوع لمصلحتها وسوقت العسجد تمام . لكن شتقول في اللي أثرت فيه كلمات صالح السلمي و عبدالله الخزام في حفلة طرح الصندوق و أمام الحضور وهم يقول أنتم ستضعون أموالكم بأيدي أشخاص محترفين ذوي خبرة بالسوق و نحن لا نبخل على عملائنا وصندوق إيفا الإستثماري خير دليل على ذلك .

2005 الكل ربح حتى العليمية والاخوان بإيفا شنصت معاهم ....ولا من شاف نسفت السلمي عرف أن ما وراه خير .

والله من يوم دشيت مكاتبهم وشفت اشكال هالبنات اللي كانو ياخذون الطلبات وأنا ماني مرتاح ولكن شيقول الواحد غير حسبي الله ونعم الوكيل .​

لزوم الشغل

 

[سوق التجار]

والله أنك صاج . على فكرة إيفا استغلت هالموضوع لمصلحتها وسوقت العسجد تمام . لكن شتقول في اللي أثرت فيه كلمات صالح السلمي و عبدالله الخزام في حفلة طرح الصندوق و أمام الحضور وهم يقول أنتم ستضعون أموالكم بأيدي أشخاص محترفين ذوي خبرة بالسوق و نحن لا نبخل على عملائنا وصندوق إيفا الإستثماري خير دليل على ذلك .

2005 الكل ربح حتى العليمية والاخوان بإيفا شنصت معاهم ....ولا من شاف نسفت السلمي عرف أن ما وراه خير .

والله من يوم دشيت مكاتبهم وشفت اشكال هالبنات اللي كانو ياخذون الطلبات وأنا ماني مرتاح ولكن شيقول الواحد غير حسبي الله ونعم الوكيل .​

حلوه منك أخوي محمد على سالفه نسفه السلمي .... أخوي هذول يدخلونك البحر ويردونك عطشان... أنت منصجك متأمل من وراهم فلوس... وعلى قولتك العليمي ربح في عام 2005 وأنا من شفت توزيعتهم بو 100% ... وأنا عارف أنها يِم حق هالفقارة على شان يدشون القرقور.

 

[Pivotrend]

صعود صندوق أيفا الأستثماري 100% في 2005 دليل كبير على سوء الأداره مع أحترامنا لهم
معدل صعود السوق في 2005 أكثر من 200% و هناك من ربح أكثر من ذلك
النتيجه
صعود صندوق أيفا الأستثماري 100% في 2005 أقل من اداء السوق بكثير

مثلما هو واضح في 2006 الصندوق الاسلامي يصعد بأقل من مستوى صعود السوق و يهبط بأكثر من مستوى هبوط السوق أيضا

وهذا أكبر دليل على سوء الاداره وقلت احترافها أو أستهلاكها لموارد الصندوق كتكاليف أدارته أو , ان لم يكن هدفها امور تنفيعيه اخرى لصالح الشركه الأم والله أعلم

لا تسمع كلام أحد
أنظر الى الأرقام بنفسك
خلك مستثمر ذكي
مع ان العمليه ما تحتاج ذكاء خارق

 

[A.M.W]

فلم صندوق العسجد

صندوق اسلامي ، انخدعنا بالمسميات الاستقبال بالصندوق بنات كل وحدة مستشوره الشعر وهالميكأب والعطر .

واحنا بالطريج لمجمع الصالحية وكل واحد بينه وبين نفسه وهو رايح يكتتب يقول لنفسه خلاص راح أعوض خسارة البورصة وتصير عندي فلوس وابيع الفورد واشتري السيارة اللي ابيها كاش لا وبعد بالكي نت وأسافر حول العالم مع ام العيال ودخل عيالي مدارس خاصة واحطلهم سايق يوديهم ويجيبهم بلكزس بدال الباص مال ممدوح المصري 15 دينار بالشهر ياخذ على كل واحد الله ياخذه.

وأول ما دشينا مجمع الصالحية نقول حق نفسنا خلاص وداعا للاسواق الشعبية وداعا لسوق المحاميد وكل قطعة ب100 فلس من بعد صندوق ايفا راح تكون ملابس وساعات وجناط وجواتي زوجتي من هالسوق وبس. وراح اشتري ساعات أصلية بدال شغل الصين التقليد بدال لا أشتري ساعة شوبارد ب18 دينار تقليد وأكاسر راعي المحل عشان يطيح دينار أشتريها ب6000 دينار بشيك بدون مكاسر.


تركب الاصنصير وانت صاعد متجه الى الطابق اللي فيه صندوق العسجد نفسك تقولك خلاص من اليوم ورايح انت صاعد والرصيد صاعد وكل شي بحياتك صاعد ياكشخة شعليك من قدك باجر تشتري بيت بالنزهة والا السرة والا اليرموك .... الخ ، يه يه يه يامعود عطنا ويه !! وانا ثقلان وواصل حدي خلاص صرت غني عندي عمارات ومحل بالمرينا.


اكتتبت وطلعت والصدر منشرح والناس يطالعونك نازل من الاصنصير ويأشرون عليك وانت مستانس وبنفس الوقت مستغرب وتقول لنفسك معقولة انشهرت بالهسرعة وصرت من هوامير الديرة والناس كلها اعرفتني !!!؟؟؟؟ وماتدري ان في علج لاصق على دشداشتك من ورا هههههههههه.

لكن بعد 8 شهور يتحول هذا الحلم الوردي الى كابوس مرعب فبدل أن يكون صندوق عسجد ( ذهب ) ...........................،،،، يا حبيبي انتهى الفلم وكان المخرج هو السيد البحر والممثلين هم بنات الاستقبال والبطل هو المكتتب ( انا وانت ) ! ولكن أبطال الافلام دائما في نهاية الأفلام تكون نهايتهم الموت والتصفية الجسدية ولكن نحن كانت التصفية مالية.


يا جماعة الخسارة بالعمر والدين اما الفلوس فدوة لضحكتنا هونوها وتهون وتفاءلوا بالخير وماكو الا العافية واعتبروها تجربة وخبرة انضافت الى ملف معلوماتكم وآسف على الاطالة .

 

[kuwait77]

متى توزيع الصندوق يا اخوان

 

[لندن]

A.m.w.هههههههههههههههههههههه بس أبى أعرف لما ونت تتحلم وقعت من النوم لقيت نفسك متأخر على الدوام

 

[كـــيـــــوت_25]

صندوق اسلامي ، انخدعنا بالمسميات الاستقبال بالصندوق بنات كل وحدة مستشوره الشعر وهالميكأب والعطر .

واحنا بالطريج لمجمع الصالحية وكل واحد بينه وبين نفسه وهو رايح يكتتب يقول لنفسه خلاص راح أعوض خسارة البورصة وتصير عندي فلوس وابيع الفورد واشتري السيارة اللي ابيها كاش لا وبعد بالكي نت وأسافر حول العالم مع ام العيال ودخل عيالي مدارس خاصة واحطلهم سايق يوديهم ويجيبهم بلكزس بدال الباص مال ممدوح المصري 15 دينار بالشهر ياخذ على كل واحد الله ياخذه.

وأول ما دشينا مجمع الصالحية نقول حق نفسنا خلاص وداعا للاسواق الشعبية وداعا لسوق المحاميد وكل قطعة ب100 فلس من بعد صندوق ايفا راح تكون ملابس وساعات وجناط وجواتي زوجتي من هالسوق وبس. وراح اشتري ساعات أصلية بدال شغل الصين التقليد بدال لا أشتري ساعة شوبارد ب18 دينار تقليد وأكاسر راعي المحل عشان يطيح دينار أشتريها ب6000 دينار بشيك بدون مكاسر.


تركب الاصنصير وانت صاعد متجه الى الطابق اللي فيه صندوق العسجد نفسك تقولك خلاص من اليوم ورايح انت صاعد والرصيد صاعد وكل شي بحياتك صاعد ياكشخة شعليك من قدك باجر تشتري بيت بالنزهة والا السرة والا اليرموك .... الخ ، يه يه يه يامعود عطنا ويه !! وانا ثقلان وواصل حدي خلاص صرت غني عندي عمارات ومحل بالمرينا.


اكتتبت وطلعت والصدر منشرح والناس يطالعونك نازل من الاصنصير ويأشرون عليك وانت مستانس وبنفس الوقت مستغرب وتقول لنفسك معقولة انشهرت بالهسرعة وصرت من هوامير الديرة والناس كلها اعرفتني !!!؟؟؟؟ وماتدري ان في علج لاصق على دشداشتك من ورا هههههههههه.

لكن بعد 8 شهور يتحول هذا الحلم الوردي الى كابوس مرعب فبدل أن يكون صندوق عسجد ( ذهب ) ..................،،،، يا حبيبي انتهى الفلم وكان المخرج هو السيد البحر والممثلين هم بنات الاستقبال والبطل هو المكتتب ( انا وانت ) ! ولكن أبطال الافلام دائما في نهاية الأفلام تكون نهايتهم الموت والتصفية الجسدية ولكن نحن كانت التصفية مالية.


يا جماعة الخسارة بالعمر والدين اما الفلوس فدوة لضحكتنا هونوها وتهون وتفاءلوا بالخير وماكو الا العافية واعتبروها تجربة وخبرة انضافت الى ملف معلوماتكم وآسف على الاطالة .

ههههههههههههههههههههههههههههههههههههههههههههه

اكثر شي ضحكني ممدوح بو 15 دينار

لووووووووووووووووووووووووووووووووووووووووووووول ​

 

[A.M.W]

A.m.w.هههههههههههههههههههههه بس أبى أعرف لما ونت تتحلم وقعت من النوم لقيت نفسك متأخر على الدوام

المشكلة مو حلم !!! كل هذا الحجي صار وانا قاعد وبكامل قواي العقلية هههههههه

 

[Q8Sun]

السلام عليكم

شباب احد عنده معلومة عن طريقة الاسترداد و جم وصل سعر الوحدة وهل الاسترداد يطول ؟

واكون

​

شاكر لكم

 

[AL_RAGI]

شباب احد عنده معلومة عن طريقة الاسترداد و جم وصل سعر الوحدة وهل الاسترداد يطول ؟

واكون

​

شاكر لكم

اذا بغيت تسترد فلوسك تروح لمقر الشركة بمجمع الصالحية خلال الفترة من 1 الى 19 الشهر وتطلب استرداد فلوسك بعدين تنزل لك الفلوس خلال عشرة ايام ثانى شهر واما سعر الوحدة ماراح تبين الا اول شهر فبراير لكن متوقع لها نزول وذلك لنزول السوق كله