الاربعاء الاسود غدا حسب ماوصلنا من مصادرنا

[خوش خبر]

blehan

اخواني حذرت من يوم السبت من السوق سوف يهبط الي النزول في منتدي النوادي وحذرت وقلت ان من لايبيع خسران ومن يشتري خسران وان عند ربي صاج اخواني نصيحة ترا غدا حسب معلوماتي سوف يكون الاربعاء الاسود كما كان في 8/3/2006 دربالكم واخرتها انطردت من المنتدي من سبب النصيحة فعاد يامشرفين ومراقبين السوق غدا سترون 9950في المؤشر وانا لاقلت قلت وجاكم العلم

بلوتوث مو بليهان

 

[مستثمروون]

وليرحم والديك يا أخ بليهان ....
لو بس تعتدر للاخوان بسبب الخبر المشئوم اللي طرحته ... واللي طلع خاطئ ولله الحمد !
لأن من الممكن يكون في من الأخوان صدق معلومتك وباع أو على الأقل يمكن نقل توصيتك لغيره من المتداولين ....
فشوف شنو تسببت للآخرين ...
مهما يكون يا أخي ... لا توصي بالبيع أو الشراء ... لأنك في هالحالة تضع نفسك في موقع حرج للغاية ...( والناس مو ناقصة ترهيب لأن ومثل ما يقولون الأخوة السوريين " نحنا جلدنا متمسح " يعني جلدنا صار مثل جلد التمساح من كثر البلاوي )

وأوصى الجماعة ترحمون شوي ... ارحموا من في الأرض يرحمكم من في السماء ...
وأرد وأقول الكرة في ملعبك يا بليهان

 

[Semsar]

والله خوش اربعاء يليت باقي الايام مثله...

وترى ياجماعه كلنا نغلط بس يليت الغلط مايكون بهالطريقه اللي تخوف الناس

وهاردلك يابليهان ان شاء الله تصيب بالجايه

واعتبرها من منطلق :
كل طقه بتعلومه

 

[السوق الكويتي]

خوووووش مصادر !!!

 

[mutadawil_22]

السلام عليكم

الاخ بليهان موضوعك هذا يضر اكثر من انه ينفع
واذا وقفت على الاربعاء الاسود
فالايام اللي طافت كلها سوده الله لايعيدها
وحتى لوكان باجر السوق نزول فصعب الواحد يبيع
فأكثر المتداولين خسرانين اكثر من 35% من فلوسهم
وكان المفروض الخروج قبل شهرين اما الان فالارتداد
على الابواب والرابح هو من يتمسك بأسهمه لانها وصلت الى اسعار
متدنيه جدا...فهي مغريه لشراء وليست للبيع.

واعتقد المطلوب الان مواضيع تدخل الطمأنينه والتفاؤل
بدل التخويف والتشاؤم

اخوي بليهان اذا كان اليوم ان شاءالله السوق اخضر
وين تروح من اللي بالمنتدى:d

والله كان واصلني ان السوق اليوم اخضر
بس خفت اكتب ويصير العكس...
فقلت شيفكني من الاعضاء

عاد الله يعينك شيفكك الحين
اعتقد اصبحت في نظر الاعضاء فاقد للمصداقيه يابليهان

 

[راعي خير]

الله يعلم بنيتك ياكريدى مدرى بليهان ... ويعطيك على قدها

 

[انور النقوشي]

الله اكبر
جاء الحق
الاربعاء الاخضر

 

[أبو محسن]

+165

10310

 

[بوعبدالهادي]

كل مره قول (الاربعاء الاسود) دام النتايج حلوه جذي :d
مبروكين يا جماعه وانشالله ايامنا كلها خضراء

بوعبدالهادي

 

[kkekke]

بليهان الله يبلهك قول آمين

 

[shamssoe]

الرجاء من المشرفيين الغاء الموضووع فورا. وشكرا

 

[هوكس بوكس]

اخواني حذرت من يوم السبت من السوق سوف يهبط الي النزول في منتدي النوادي وحذرت وقلت ان من لايبيع خسران ومن يشتري خسران وان عند ربي صاج اخواني نصيحة ترا غدا حسب معلوماتي سوف يكون الاربعاء الاسود كما كان في 8/3/2006 دربالكم واخرتها انطردت من المنتدي من سبب النصيحة فعاد يامشرفين ومراقبين السوق غدا سترون 9950في المؤشر وانا لاقلت قلت وجاكم العلم

والله انت خاب عمرك وشاط روحك واخر شي اخبارك كلها غلط مع مصادرك النجال
اخوي بليهان انا اقول ليش ما تروح انت ومصادرك الي قالولك ان اليوم راح يصير انهيار ليش ماتروحون تلفون كبة وايد ابرك لكم
خلوا البورصة لاهلها
اكيد مصادرك يا بليهان واحد بنغالي من تنظيفكو ولا خباز فرع قطعه 4

الحين عرفت ليش انت مطرود من منتدي النوادي
تري حتي منتدي المؤشر اتوقع راح تنطرد منه

 

[قاروه]

مشكور علي قذفك لي وطعنك بكلامي بس باقي غدا وتقول انشهد ان بليهان جاب العلم بس مو تصرقع لاشف رقم اليوم باجر والله يسامحك نصحناك ولاتبي النصيحة

بليييييييهان الريال ما قذفك ولا طعنك و مؤشر اليوم شاهد ..

حاول مرة اخرى او حظا اوفر :d