تحليل المؤشر السعري ( جديد )

[الريان]

​

السلام عليكم

الله يعطيكم العافيه يا بو ريم ويا بو على وكل الاخوة المحللين ..

عندي استفسار لو سمحتوا ,, شلون اقدر احصل تشارت فريم 10 دقايق ؟؟

لاني محتاجه ضروري لمراقبه حركه المؤشر السعري والوزني ..

والله يعطيكم العافيه ..

من الميتا استوك لايف عندهم بس السعري الوزني مو عندهم

www.equis.com

 

[الريان]

تحليل المؤشر على نظرة الديلي

الهدف 10.050 الي 10.100 الفترة من اسبوع الي ثلاثة واتوقع اقل من اسبوعين

ممكن يريح السوق هاليومين ممكن نزول عادي او تذبذب بسيط

لكن عندنا ترند نازل مكسور وايضا راس وكتفين وهدفهم كلاهما يصل الي 400 نقطة تقريبا اي بالقرب من الرقم اللي ذكرناه

عموما النموذج راس الكتفين صحيح وايضا الكسر صحيح واليوم الفوليوم قوي ومبروك عليكم الصعود وان شاء اللله يحافظ على مستواه

 

[الراقي]

السلام عليكم


يبقى الامل موجود اذا ما نظرنا الى الجارت المرفق وشكرا

ماشاء الله تبارك الرحمن اول واحد تنبئ براس وكتفين كلير بوعزوز بتاريخ 17-8 الله يعطيك العافية لو تهد الأمريكي شويه وتخلين نستفيد من علمك جنه احسن

 

[الريان]

تحليل ليوم الاحد وليومين قادمين فقط

المؤشر متجه الي مابين 9860 الي 9900 نزوله عن ال9680 لاكثر من نص ساعه يلغي هذا التحليل والله تعال اعلى وبالتوفيق

هذا تحليل الاحد واشرنا فيه انه ليومين ووصل الهدف بالضبط بالموعد

اليوم الثلاثاء وصل الهدف

عموما باختصار السوق متوجه الي مابين 10.050 الي 10.100 بس مطلوب منه تجاوز خلنا نسميها المشكله او مقاومة فاصله عند مابين 9860 9880

بعدها السوق الي الهدف الذي نبهنا عليه

السوق مازال فيه قوة للارتفاع بالنسبة لي للمواصل باذن الله عزوجل

 

[Q8 Stock]

السلام عليكم


الله يعطيك العافيه بوريم
لكن ما تتفق انه المؤشر موجود على المقاومه
واضح على الشارت الاسبوعي

تداول اليوم جدا طيب
والسيوله امس واليوم 80 مليون تقريبا

وان شاء الله
يكسرها المؤشر

 

[الريان]

السلام عليكم


الله يعطيك العافيه بوريم
لكن ما تتفق انه المؤشر موجود على المقاومه
واضح على الشارت الاسبوعي

تداول اليوم جدا طيب
والسيوله امس واليوم 80 مليون تقريبا

وان شاء الله
يكسرها المؤشر

راجع شنو كتبت قلت هناك مشكله اقراها عدل

 

[Q8 Stock]

ما عليش
مو لابس نظارتي
من امس ابي احط الشارت
المركز الشرقي مادري شبلاه
مو راضي يتفح وياي

 

[almared]

إذا السوق أخضر اليوم فالمؤشر متجه الي 10000 ---> 10100

بشرط عدم وجود هزات إرضية .


المارد

بإذن الله الي 10000

بس يطوف النقطة القادمة للمقاومة 9920 .

 

[سليمان الضيف]

بإذن الله الي 10000

بس يطوف النقطة القادمة للمقاومة 9920 .

الله كريم ان شاء الله عشان نضيف ترند تصاعدي جديد للنظريه اللي ابلشتكم فيها

اخوي اقرى جواب اللغز وعطني رايك الله لا يهينك

اخوك بومحمد

 

[البلاتيني]

أتوقع جني أرباح

من خلال المؤشرات الفنية للمؤشر السعري وبما أن أغلب الشركات القيادية تقريبا وصلت لنفس المرحلة ،أتوقع راح يكون هنالك جني أرباح قريب جدا وذلك عند أقرب مقاومة اللي تفضلو الأخوان المحللين بشرحها بالأسطر السابقة.

أتمنى أكون غلطان ويكمل السوق في صعوده.

ويرجى عدم أخذ كلامي كنصيحة للبيع أو الشراء.

موفقين

أخوكم

البلاتيني

 

[سليمان الضيف]

السلام عليكم ...

كسر ترند الهبوط الرئيسي وزيادة التداولات والهدف سطح القناة باللون الأحمر 10.040 تقريبا بإذن الله مع تداولات السبت .. ما قلت شي يديد نفس ما تكلموا الأخوان لكن دعمت كلامهم وكلامي بالشارت المرفق

والله الموفق

 

[stillhamad]

السلام عليكم ...

كسر ترند الهبوط الرئيسي وزيادة التداولات والهدف سطح القناة باللون الأحمر 10.040 تقريبا بإذن الله مع تداولات السبت .. ما قلت شي يديد نفس ما تكلموا الأخوان لكن دعمت كلامهم وكلامي بالشارت المرفق

والله الموفق

اخوي ابو محمد يكفي انك تشارك وتساهم بما حباك الله من علم .. وهذا في حد ذاته طيب منك ..

 

[سليمان الضيف]

اخوي ابو محمد يكفي انك تشارك وتساهم بما حباك الله من علم .. وهذا في حد ذاته طيب منك ..

هلا بالحبيب ..

اي علم اي بطيخ .. هذي كلها خرابيط ليلحين حتى يتم إثبات نتائجها

بشر شصار على المجموعه د

 

[stillhamad]

هلا بالحبيب ..

اي علم اي بطيخ .. هذي كلها خرابيط ليلحين حتى يتم إثبات نتائجها

بشر شصار على المجموعه د

تقدر تقول ستاند باي ألي أن يرث الله الأرض ومن عليها .. لأنه حقيقه فيني خرعه من السوق ما تشيلها جبال ..

وباقي الشجاعه التي أمتلكها خاشها حق سهم تتوفر فيه الشروط الأتيه ..

1 - توصيه من البحر أو سامي البدر شخصيا ومن راسه لراسي ..

2 - أتفاق عشر محللين فنيين ثقات علي صعود السهم ..

3 - انطلاق السهم من قاع تاريخي علي شكل جدر ..

4 - رؤيا لأحد الأتقياء تؤكد صعود السهم ..

5 - زوال ايران والعراق واسرائيل من الخريطه ..

حينها فقط راح أدش بالخمس الأف دينار كاملتن غير منقوصه ..

..

 

[سليمان الضيف]

ههههههههههههههه .. الله يرزقنا وياك من واسع فضله ان شاء الله ..

يبيله .. امريكي

 

[Moshaks_777]

باجر أحمر ولا أخضر ؟؟

 

[bo-hamad]

أنشاءالله أخضر

الحمدالله الشارت كسر الترند الوحيد النازل

مرفق الشارات موضح المقاومات القادمه بالدوائر

10000
10050
10120
10300
10400

ودمتم سالمين

 

[C'O'B'R'A]

باجر أحمر ولا أخضر ؟؟

باجر رايح الى 10000 باذن الله

 

[Moshaks_777]

باجر رايح الى 10000 باذن الله

انشاالله

 

[الريان]

السوق بدا مرحلة جني ارباح بسيطه باذن الله نشوف بعد السوق وين مداها بالضبط


وهذا النوع اتوقع يكون اثناء التداول فقط عند الاقفال يعدل