المجموعة الدولية للاسـتثمار ش .م.ك.م ( المجموعة د )

[أبو عبدالملك]

ياجماعه حتى بلحلم وحلمت فيه, ( واحد كان يقول انه سامي حرامي ونصاب عووود, حتى اعرف ماضيه, ويصرخ اب صوت عالي ويقول سامي كان مدرب حصن) جان اقوم من النوم واتعوذ بالله من ابلييسس استغفر الله لا ليلي ليل ولا نهاري نهار, لا حول ولا قوه الا بالله, ويا جماعه ترى هذا حلم والله

مدرب حصن!!

شكله عاد تلبسه ترينق و تي شيرت حفر !!!

بس بشرط تي شيرت لازم فيها بزمة !!!

 

[bo-3boud]

عجيبه والله

انا املاحظ فى هذا المنتدي ناس كثيره ليما يربحووون تلقاهم يمدحوون المحلل ويقولون عنه ابصراحه انت انسان ما فيه مثلك انت لازم انسميك مستر ميتاستوك وتلقاهم بعد يمدحووون مجلس الاداره ورئيس المجلس ويقولوووون عنه بصراحه هذا خوش ريال هذا الى ماله مثيل ,,,,,,,,,,, واذا نزل السهم عليه وخسر تلقاااااااااه اللهم يا كافي انقلب وصار المحلل العجيب المستر ميتاستوك ما يسوي شي وقام يسب بمجلس الاداره وعلى راسهم رئيس المجلس وقام يقذف عليه بالكلام ويتكلم بذمة الحرامى فعلان تركااااااان ونسى انه الربح والخساره هذا شى من رب العالمين اهوااااا الى يوزع الأرزاق ارجواااا من المشرفين ان ينتبهووون حق هالشغله عشان هذا النوع من الكتابات يقلل من هيبة المنتدي ويعطى انطباع بأن المنتدي رواده ناس مراهقين ولكم جزيل الشكر واتمنى انه كلامي يكون خفيف عليكم وطبعا انا ما اقصد شخص معين عشان لحد يزعل ,,,,,,,

 

[أبو عبدالملك]

انا املاحظ فى هذا المنتدي ناس كثيره ليما يربحووون تلقاهم يمدحوون المحلل ويقولون عنه ابصراحه انت انسان ما فيه مثلك انت لازم انسميك مستر ميتاستوك وتلقاهم بعد يمدحووون مجلس الاداره ورئيس المجلس ويقولوووون عنه بصراحه هذا خوش ريال هذا الى ماله مثيل ,,,,,,,,,,, واذا نزل السهم عليه وخسر تلقاااااااااه اللهم يا كافي انقلب وصار المحلل العجيب المستر ميتاستوك ما يسوي شي وقام يسب بمجلس الاداره وعلى راسهم رئيس المجلس وقام يقذف عليه بالكلام ويتكلم بذمة الحرامى فعلان تركااااااان ونسى انه الربح والخساره هذا شى من رب العالمين اهوااااا الى يوزع الأرزاق ارجواااا من المشرفين ان ينتبهووون حق هالشغله عشان هذا النوع من الكتابات يقلل من هيبة المنتدي ويعطى انطباع بأن المنتدي رواده ناس مراهقين ولكم جزيل الشكر واتمنى انه كلامي يكون خفيف عليكم وطبعا انا ما اقصد شخص معين عشان لحد يزعل ,,,,,,,

حبيبي..

مجلس الإدارة اللي ما يحترم مساهمينه و ينزل سهم من 1.060 الى 500فلس بظرف اقل من اسبوعين هذا مجلس ادارة غير محترم

حتى لو رفع السهم مرة ثانية يبقى مجلس إدارة غير محترم.. لأنه خسر ناس كثير من اهل الآجل و لا عمل لهم أي حساب..و لا إحترم مساهمينه.. في المقابل لاحظ بعض الاسهم كيف تحترم الدعم و كيف تحترم مساهمينها...و لكن عزاءنا الوحيد هو التوزيعة و راح نشوف كم راح يوزعون.. و ان شاء الله تكون طيبة..و يااااااااااااويلهم و يا سواد ليلهم لو توزيعته اطلعت خرطي

اما الارزاق مافي ادنى شك انها من الله سبحانه و تعالى..

ولكن يا أخونا العزيز

مامر عليك الكلام هذا؟؟.. (ليست الأرزاق أن يجلس الإنسان في مسجده أو بيته أو صومعته، فإن السماء لا تمطر ذهبًا ولا فضة، خذوا بالأسباب، واطلبوا الرزق الحلال من أبوابه، يفتح الله لكم من رحمته، وينشر لكم من بركاته وخيراته)

 

[Black]

صلوا على النبي
و ان شاء الله اتعوضون اللي راح
المشكلة في الناس انها تنسى بسرعة او تتناسى
سهم يخسرهم و يفقدون الثقة فيه و في صاحب الشركة و بس يصعد جم يوم يردون عليه ، يعني من السهولة يقصون علينا
السالفة اللي صارت بالسوق كلها خطة مرتبين لها من كل النواحي سواء الحكومة او التجار الكبار المقربين اللي الى الحين مافيهم واحد طلع و انتقد اللي صاير و الكل يقول كل شي عادي و مافي شي مو طبيعي و الحكومة نفس الشي اتردد كلامها ان مافي شي صاير بالبورصة و الأعضاء اول شي دقوا الصدر و بعدين كأنما وقف على رؤوسهم الطير ، مثل الاغنية القديمة اللي اتقول ماشوف شي ما اسمع شي و لا انطق بشي !!!!!
عطوا الناس الطعم بإرتفاع غير طبيعي متوقع للبورصة و فتحوا الباب للآجل أثناء السوق (وكان هذا اكبر طعم) و بظرف فترة قصيرة جدا اللي اشتروا بالآجل صاروا بمئات الملايين ، و وصلت نقطة الافتراس و لازم يكون الافتراس سريع حيل علشان الخسارة اتصير عالية و الواحد ما يقدر يبيع و يعيش في أمل و أوهام و طموح يرسمه احد المحللين او التجار بكلمة يقولها .
و النار راحت ورا الشمس و الخساير مدمرة لكثير من الناس و الى الحين لو تسأل أي تاجر يقول ان كل شي تمام و الامور بخير ، الكبار تآمروا على الصغار ، الكبار لهم الفلوس و النفوذ و الصغار لهم الله و نعم بالله .
و موضوع المجموعة الدولية يؤخذ على سامي البدر انه وقف وقفة المتفرج و ترك السهم ينزل بدون ان يحاول دعمه و مبين من اللي صاير بالسوق ان له يد ، لأن لو كان في أحد قاعد يحاول ينزل اسهم المجموعة غصبن عليه راح اتلاقون في تصريحات و كلام ان في قوى كبيرة قاعدة تهدم في اسعار المجموعة و هذا يمكن راح يساعد ان صغار المستثمرين يحاولون يساعدون في عدم انهيار السهم بس مبين انه راضي و مرتاح من اللي صاير ، و حتى موضوع الارباح اللي الكل كان يقول انه راح يختار الوقت المناسب و تبين بعدين ان الاختيار كان في الوقت الضائع و بعد ما وصل سعر السهم على حافة الهاوية ، و الحين بالتوزيعه يا انها اتكون ممتازة حيل و تنقذ السهم و يا انها راح اتكون رصاصة الرحمة .
و ان غدا لناظره قريب
و الله يعين

 

[المسبار]

هذي مشاركة ابو تطبيل بتاريخ 27/2/2006

http://www.indexsignal.com/vb/showthread.php?p=311830#post311830

هناك تجميع آخر سيتم بهاليومين قبل اطلاق مدفع الأرباح للمجموعه والبقية .. لذا يجب التنويه على ذلك ..

إن استطعت أن تضارب كان بها .. وإن ما عرفت فسكّر الشاشة اشوي وجابل شغلك أبركلك .. فلاداعي للخوف إن شاءالله


بوتسنيم

جم كان السعر بهالمجموعه، واللي سكر الشاشه وفتحها اليوم، شنو يقول ؟؟
ايي يقول الله (..) يوفقك لا بدنيا ولا اخره

 

[المسبار]

وهذي بتاريخ 25/2/2006 (اليوم الوطني)

http://www.indexsignal.com/vb/showthread.php?p=310809#post310809

يمسيكم بالخير جميعاً .. وكل عام والجميع بخير

وعسى الكويت دايماً بأفراحها وأفراحكم عامره .. ويرحم أبونا الغالي ويسكنه فسيح جناته يارب

---------------------------

بوفواز حبيبي تسلم على هالمداخله بوسط هالعطله (اشلون لقيت فجه وتتحفنا بمشاركاتك القيمه ماشاءالله عليك !! )

أخوي .. إذا المجموعه أعلنت عن زيادة رأس مالها ولو بقليل .. فأعتقد إنها فوق الـ 1.500 بتكه على قولة بوبدر

--------------------------------------------------------
شنو تخسر لو قايل فوق ال 500 بتكه ؟؟؟؟
لانها فعلا من كلامك وهي في نزول ووصلت فوق ال 500 بتكه

 

[شاري بايع]

السلام عليكم



شنو صار بجتماع أمس ياشباب ؟

 

[المسبار]

هالمشاركه بتاريخ 2/3/2006

http://www.indexsignal.com/vb/showthread.php?p=314710#post314710

مساكم الله بالخير .. وانت بالذات

الموعد الاسبوع القادم .. توصية جداً قوية .. واللي بالجدر يطلعه (بوبدر)


بوتسنيم

-----------------------------------------------
طبعا السوق كان نازل بوقتها، ووراها باسبوع بعد ما تم التصريف على من سمع كلامه، قال نفس العذر هم السوق نازل !!!!!!

 

[المسبار]

وهذي بتاريخ 28/2/2006

http://www.indexsignal.com/vb/showthread.php?p=313084#post313084

إقتباس:
الكاتب: الكونكورد

شنو سالفه عقد ال B.O.T. اللي يقال ان المجموعة الدولية و جراند حصلوا عليه ؟

اللي عنده خبر يفيدنا ..

--------------------------------------------
وهذا رد ابوتسنيم

نعم هناك عقد ضخم للمجموعه وجراند .. بس واللي يرحم والد والديكم .. خلوها سكّاتي وعن الحنه .. ترى بوبدر يحب المفاجآت ومانبي نخرّب عليه

كلما حنّينا عاند الريال وامتنع عن الافصاح .. خلوا القنبلة تنفجر بتوقيتها بدون تأجيل هالمره إن شاءالله .. بس هااااا !! بدون حنّه


بوتسنيم
--------------------------------------------------------------
القنبله انفجرت على راس منو ؟؟؟؟

 

[napoli]

http://www.indexsignal.com/vb/showthread.php?t=38958&page=3 تفضل هذا الرابط اللى تبيه اخوى almai

 

[المسبار]

وهذي بتاريخ 6/3/2006
http://www.indexsignal.com/vb/showthread.php?p=320113#post320113

"ويمكرون ويمكر الله .. والله خير الماكرين "

تكاثر التطاول أثناء التداول على جروب المجموعة الدولية .. وخاصة في أواخر الأيام .. وها أنا أمامكم أقول بأن بعض العناصر التي سبق وذكرناها أمثال (س-ص) .. و (ج-ك) .. و (ل-م) .. وغيرهم أمثال هالبشر إللي من أولوياتهم في الحياة هي الكسب من فوق ظهور الناس .. (الأحرف السابقة وهمية لضرب المثال لا أكثر)

ومن منطلق هالآية الكريمة السابقة .. أقول بأن وراء جروب المجموعة الدولية رجل .. يعلم أشد العلم بأمثال هذه الحثالة (حشاكم) التي لا يهدأ لها بال إلاّ بعد أن ترى حسرات الناس على دخولهم البورصه لكسب الرزق ..

ومن هنا أقول بأن بوبدر سيتولّى أمرهم من الغد إن شاءالله .. وسيأتيهم سيل غضبنا ممّا أولوه علينا .. وكلنا نضع أيدينا مع يدك يا بوبدر حتّى نخفف عنك حمل المعروض إن شاءالله .. والملتقى قريب بيننا إن شاءالله إلى الـ 1.200

غداً القيادة لسامي البدر .. والله يوفقنا معاه إن شاءالله .. هذا ماجاءني للتو وتستاهلون هالبشارة حبايبي


بوتسنيم
---------------------------------------------------------
والله ادري انك حاط ايديك بايد ابو بدر، وايدك الثانيه بالمنتدى
تعال صج شصار بثاني يوم ؟؟؟
هممممممممممم
اي اكيد السوق كان كله نازل !!!!!!!

 

[المسبار]

http://www.indexsignal.com/vb/showthread.php?t=38958&page=3 تفضل هذا الرابط اللى تبيه اخوى almai

مشكور اخوي نابولي.

ما قصرت والله

 

[أبو عبدالملك]

يا خوي يا AL-Maie

شفيك الله يهديك!!!

و شنو هدفك من وضع هالمشاركات ؟؟!؟!

الكل يعرف و قرأ هالمشاركات فماله داعي تذكرهم و خلك شجاع و انسى الماضي فالانسان غير معصوم عن الخطأ...

خلاص خسران بالسهم قول (لا حول و لا قوة الا بالله و انا لله و انا اليه راجعون)

ترا كلنا خسرانين بالسهم فأعتقد ماله داعي انك تقتبس هالمشاركات لأننا في مشكلة الحين و مانبي نلوم بعض

كلنا اخوان فالأسد الحين و الشجاع اللي يقولنا آخر أخبار التوزيعات شنو مو نقعد نتصيد على فلان و فلنتان!!!!!!

لأنها ماتنفع بأي شيء

ارجو ان تفهم قصدي بارك الله فيك

 

[المسبار]

يا خوي يا AL-Maie

شفيك الله يهديك!!!

و شنو هدفك من وضع هالمشاركات ؟؟!؟!

الكل يعرف و قرأ هالمشاركات فماله داعي تذكرهم و خلك شجاع و انسى الماضي فالانسان غير معصوم عن الخطأ...

خلاص خسران بالسهم قول (لا حول و لا قوة الا بالله و انا لله و انا اليه راجعون)

ترا كلنا خسرانين بالسهم فأعتقد ماله داعي انك تقتبس هالمشاركات لأننا في مشكلة الحين و مانبي نلوم بعض

كلنا اخوان فالأسد الحين و الشجاع اللي يقولنا آخر أخبار التوزيعات شنو مو نقعد نتصيد على فلان و فلنتان!!!!!!

لأنها ماتنفع بأي شيء

ارجو ان تفهم قصدي بارك الله فيك

اخوي نوح، مو من عوايدي اتصيد، وابو تسنيم والله العظيم ما يستاهل اني اتكلم وياه مجرد كلام.
لكن الحاصل انه قلنا راينا في المجموعه الدوليه في لقاء بينا وبين اعضاء منتدى النوادي (ورأينا تحقق حرفيا).
قام الاخ وفتح موضوع وسبنا ولعنا وقال الفاظ سيئه للغايه الى درجة ان الاخوه المراقبين شطبو الموضوع.

انا اقدر اسبه والعنه واقوله الفاظ اهو متعود عليها، ولكن فضلت اني اوريكم كلامه احسن من اني ارد عليه.

وانا مو خسران من المجموعه الدوليه، انا شاريها بسعر اغلا من ابو تطبيل، وربحان فيها اكثر منه بعد، وكل اللي كانو باللقاء شروها باعلا من سعره وربحو فيها اكثر منه.

انا ما ادري عنه نيته ولا ابي ادري عنها، ولكن اسلوبه المنحط هو اللي خلاني ارد لما افضى (بس هالساعتين فضيت له وما راح افضى له مره ثانيه).

عموما والرساله لابو تسنيم:
الناس كلها تعرف تقرا وتكتب وتعرف تسب وتلعن، والناس كلها تعرف تفكر وتقول رايها، والرجال العاقل اللي ياخذ الاراء ويدرسها، مو اللي يعصب ويسب ويعتبر السهم او الشركه وحده من بناته.
اتمنى تكون اكتسبت خبره في رجاحة العقل.

ووقتي اللي فضيته لك خلص، والعقل نعمه
--------------------------------------------------------------------
الله يرزق جميع ملاك المجموعه الدوليه ويعوضهم خير ان شاء الله.
ولازم السهم يغلق فوق ال 530

والله يوفق الجميع

 

[mustafa2005]

السلام عليكم ورحمة الله وبركاتة

الأخ AL-Maie يعطيك العافيه
لا تلوم اخونا Bo Tasneem على مشاركاته لانه وحده سبحانه هو الذي يعلم الغيب وما تفضل به اخوانا بو تسنييم ما هو الا معلومات وصلت له عن طريق فلان او غيره ابعدت اي شك عن التأكيد لأنها مصدر موثوق او مقرب واحب ان يعلمنا لنستفيد

احب ان اقول انى من الناس الى كانت توصلني معلومات من المدير المالي لشركة اخرى وكانت حركة السهم لاتتأثر ابدا ببعض الأحيان مره فوق ومره تحت ولا يسيطر عليه حتى الشركة نفسها

السوق كبير ومو شخص او اي جهة تقدر تتحكم فيه
حتى رب الأسره يفقد السيطره على عائلتة ويخطأ في بعض الأحيان
الكل يخطأ وخير الخطائين من يعترف بخطأه و يتوب عن تكرار نفس الخطأ

وبالنهايه كلنا اخوه والى صاير بالسوق امر استثنائي وانشالله راح تمر الأزمه
على خير

وتأكد يا مستثمر بأن رزقك على الله وهو الأمر الذي لايمكن لأي مخلوق مهما كان ان يعبث به او يبدله

احمدوا الله على كل حال واطلبوا منه الرحمة يستجيب لكم انه هو التواب الرحيم

 

[نصوح]

إلى جميع إخواني ملاك المجموعة الدولية
السـلام عليكم ورحمة الله وبركـاته
لقـد قرأت جميـع المشــاركات من يوم الأربعاء بعد إنتهــاء التداول وحتى هذه اللحظة وأقول لكم :1- الرجــاء الابتعــاد عن التجــريح وعن وصف إخوانكم الذين كانوا يبغون الخير
والنصيحة لكم بأوصــاف لاتليق بهم وأن نحسن الظن بهم وأن لا تكون
خسارتكم خسارتين ، خسارة الأسهم وخسارة الأثم نتيجة الغيبة وأكل
لحوم إخوانكم وهم أحيــاء .
2- لقد ذكر إخوانكم بأن ربحية السهم لا تقل عن 120 فلس وقد صدقوا بما
قالوا فلماذا نأخذ التوقعات الصحيحة ونفرح لها ونمسك التوقعات التي لا
تصيب ونعلق عليها بالتعليقات الغير محبذة .
3- إن النزول على المجموعة كان واضحـا منذ أسبوعين وكان بإمكان كل
واحد منـا إيقــاف الخســارة .
4- الأربــاح المعلنــة فوق الممتــازة للسهــم خلال سنة واحدة فمن كان
مستثمـرا فعليه الصبر ومن كان مضاربا كان عليه الخروج مبكرا والدخول
مرة أخرى على السهم بأسعار أقل أوالابتعاد عنه .
5- أنتم تقولون أن الشركة لا تحترم مسـاهميها وذلك عن طريق التخلي عن
دعم السهـم أثنــاء النزول ، فالشركة لا تستطيع أن تلم كل أسهم الأجـل
الذي تم شراؤه وهذا خطأ ينسب للأشخاص وليس للشركة وأنا أتحدث
من منطق العقل والواقع .
6- أنتم تسبقون الأحداث فموعد تحديد التوزيعــات الأحد 2 / 4 / 2006 فلماذا
تستبقون الأحداث فتفــاءلوا بالخير تجدوه .
7- إن ملاك المجموعة اللي فيهــم كافيهم فلا تزيدو النــار حطب ، فمنتدانــا
الجميــل بدأ يأخذ منحنى آخــر بسبب بعض الأقلام .
8- إن الله أعطى لكل منكم عقــلا يستطيع أن يختار الغث من السمين من
الكلام فلماذا الطعن والتجريح بإخواننا المجتهدين الذين بدأو بالنحشة من
هذا المنتدى بسبب التجريح والكلام اللي ما له داعي وخلو شعاركم
( فلتقل خيرا أو لتصمت ) .

وأخيــرا أقول لكم الرزق على الله وهذه بورصة فيها الربح والخسارة واللي يدش هالمكان يتحمل فلدينا إخوان ناصحين وأصحــاب خبرة في هالمنتدى
كافي كافي كافي ....... خليكم راقيين أكثر والله يوفقكم جميعا .

------------------------------------------------------------
أخوكم نصــوح

 

[أبو عبدالملك]

AL-Maie العزيز

انت ان شاء الله رجل محترم فماله داعي التجريح اخوي

و كلنا اخوان ان شاء الله و في مركب واحد و ان شاء الله لاتوجد هناك خلافات شخصية..توجد خلافات و لكن في الآراء و هذا الشيء مرغوب و جيد و لكن بالأخير الجميع أخوة

و إنسوا الزعل و انسوا اللي راح طمنوني بس .. شصار على التوزيعه

 

[أبو عبدالملك]

5- أنتم تقولون أن الشركة لا تحترم مسـاهميها وذلك عن طريق التخلي عن
دعم السهـم أثنــاء النزول ، فالشركة لا تستطيع أن تلم كل أسهم الأجـل
الذي تم شراؤه وهذا خطأ ينسب للأشخاص وليس للشركة وأنا أتحدث
من منطق العقل والواقع .
[/color]

هذي المشاركة انا المقصود فيها

اخوي النصوح بارك الله فيك و ان شاء الله يكون لك نصيب كبير من اسمك ان لم يكن كله

عزيزي لا تلوم الاشخاص بالبيع فلماذا لم يدعم السهم!!!؟؟ الاشخاص لو كانوا يعلمون انه سينزل هذا النزول ما تلقى احد اشترى آجل!!!

و لو سألت أي أحد قبل ان يأخذ الآجل و قلت له ترا ممكن ينزل السهم الى 500فلس صدقني راح تلقاه يضحك.. طبعا انا اقصد لما كان فوق ال900

مافي مشكلة نزل السوق نزول كبير طيب وين دعمك للسهم!!! ليش تاركه بدون دعم!! و ليش توصل الناس لهذه المرحلة ليش ما حطيت حد لهذا النزول من الأساس!!! عشان الناس ماتوصل لمرحلة انه و الله يتفصخ عليه الآجل و هذا اللي صار و هذا اللي يبونه!!

مابي اطول عليك بإختصار ليس هناك احترام للمساهم الى هذه اللحظة الا اذا وزع توزيعة طيبة و رجع السهم الى سابق عهده ممكن ان يكون هناك قليل من الاحترام لأن بصراحة السهم تهزززززززززأ !!

الله يوفقك الجميع

 

[نصوح]

AL-Maie العزيز

انت ان شاء الله رجل محترم فماله داعي التجريح اخوي

و كلنا اخوان ان شاء الله و في مركب واحد و ان شاء الله لاتوجد هناك خلافات شخصية..توجد خلافات و لكن في الآراء و هذا الشيء مرغوب و جيد و لكن بالأخير الجميع أخوة

و إنسوا الزعل و انسوا اللي راح طمنوني بس .. شصار على التوزيعه

هلا بالحبيب خلنا نتفــاءل ونقول التوزيعــة إن شاء الله بتســر الخـاطر وختامها مسك قولوا آمين ، لاحظو توزيعة جراند وبترو جلف فالتوزيعة مقارنة بنسبة الأرباح ممتــازة ومثل ما قال أخونا المهذب جدا شركة لها أذرع قوية وصخر وإن شاء الله توزيعتها صخر وفولاذ بعد ...........

 

[أبو عبدالملك]

هلا بالحبيب خلنا نتفــاءل ونقول التوزيعــة إن شاء الله بتســر الخـاطر وختامها مسك قولوا آمين ، لاحظو توزيعة جراند وبترو جلف فالتوزيعة مقارنة بنسبة الأرباح ممتــازة ومثل ما قال أخونا المهذب جدا شركة لها أذرع قوية وصخر وإن شاء الله توزيعتها صخر وفولاذ بعد ...........

هلا حبيبنا

ان شاء الله متفائلين بعد شوف الابتسامة من كثر التفاءل ===>

جراند وزعت 35 و 25 و الارباح اعتقد بحدود ال83 اذا ماني غلطان..توزيعتها طيبة

المجموعه ارباحها 123 فلس المحقق منها 87 فلس

انا مو طماع نبي يوزع 45% نقدي و 50% منحة ان شاء الله