المجموعة الدولية للاسـتثمار ش .م.ك.م ( المجموعة د )

[الوطني2]

بياااااااان بيااااااااان

ما اقدر مقروص منها

 

[قربان]

" نجم 2006 بالمضاربه "

اعتقد احسن وصف للسهم ... سهم مضاربي اكثر من ممتاز ..الي يعرف يضارب فيه يطلع منه ذهب علي الرغم من وضع السوق المتجه من سيء الي اسوا ..

حاليا اعتقد السهم في احتمال يمكل نزول لي 600-550 و بعدين فيها ارتداد جميل انشالله ...



بالتوفيق لجميع الاخوه من دون استثناء

انشالله باجر فيها ارتداد

بالتوفيق للجميع

 

[الوطني2]

انشالله باجر فيها ارتداد

بالتوفيق للجميع

مشكور اخ قربان للافاده ..

اتمنى يعلق باكر وابيعه واحول على سهم ثاني

 

[Black]

باركولي
اليوم بعت سهم المقموعة 540 بحد أدني
الكمية 25 ألف سهم
سعر الشراء دينار
سعر البيع 540 فلس ((
الخسارة 460 فلس (((((
إنا لله و إنا إليه راجعون
ماقدرت أنطر لي باجر إلى أن يدش بالكسور و بعدها ما ادري منو طقاقي
قلت أسلم على جم فلس و احاول اطقطق منيه مناك يمكن أطلع لي جم بيزه
و كلمة أقولها لكم و صدقوني فيها
كل اللي قاعد يصير بسبب الحكومة و التجار و ما دمر المجموعة الا نفسه سامي البدر و راح اتشوفون شلون بعد هالانتكاسه شلون مطلع ربح في الربع الأول
و ما أقول الا الله ينتقم من اللي كان السبب و ابي الانتقام يكون بأعز الناس له و علشان يتمنى يقط اللي عنده كله ولا يفيده
و الله يعين الجميع

 

[الراقي]

بوتسنيم وين منخش ماكو تعليق كلش ؟؟؟ اليوم السوق استعدل اشوي الا المجموعه وتوابعها شسالفه ؟؟؟

اخوي والله بوتسنيم ماله ذنب والسوق كله تعبان وشوف شركة محترمة مثل الصناعات امسحو فيها الأرض ولاتحطون الحره في ربعكم ترى هم خسرانين نفسكم ويمكن اكثر

 

[جرير]

:

انشالله باجر فيها ارتداد

بالتوفيق للجميع

يوووه والله نتفاائل فيك ياقربان

وكلامك داايم في الصميم

واذا الله وفقنا وارتد السهم باجر

ابشر بكنافه لمدة شهر واصله عندك للبيت

و اذا تم الارتداد جم يوم ابشر في اللي يبطل يم بيتك الطيباوي

يعني كنافه مدى الحيااة ​

 

[5-50/5]

يا جماعة ما بقى شي ويستعدل الحال.. والتجربة وتجارب الآخرين تقول.. لا شفت نفسك أو غيرك يفكر يطلع من السهم، فاعلم بأن السهم قريبا سيرتد .. وانتوا بكيفكم

ومثل ما قال بو حسن.. يخلص صفر وكل شي يصير حلو شعلاقة شهر صفر بالسوق ما أدري

 

[قربان]

:

يوووه والله نتفاائل فيك ياقربان

وكلامك داايم في الصميم

واذا الله وفقنا وارتد السهم باجر

ابشر بكنافه لمدة شهر واصله عندك للبيت

و اذا تم الارتداد جم يوم ابشر في اللي يبطل يم بيتك الطيباوي

يعني كنافه مدى الحيااة ​

مشكور اخوي و الله يوفق الجميع انشالله

و انا مابي شي و الله الا ان الكل يكون ربحان و مستانس و هالشيين عندي بالف كنافه

بالتوفيق و انشالله رب العالمين يعوض خسايرنا و خسايركم عن قريب

 

[sa3ad76]

ما اقدر مقروص منها

اتعوظ خسارتك كلهااااااا
صدقني

 

[خالد 44]

سامي و المارد

--------------------------------------------------------------------------------

يقولون ان سامي البدر راح يتفقع و لقى مصباح علاء الدين و مسح عليه فطلع له مارد و قال تمنى لك ثلاث امنيات

فقال سامي :

امنيتي الاولى :

اتمنى اعرف اخبار الشركات اول واحد بالكويت علشان استفيد

قال المارد لا توهقني اخاف الركيبي يحولني تحقيق

امنيتي الثانية :

اتمنى ان عمرو الجاسم يرجع المجموعة

جان يقول المارد بالمشمش

امنيتي الثالثة :

اسهم المجموعة و اخواتها ترجع و تظل فوق الدينار

طالعه المارد و غرقت عيونه بالدموع و قال

اسكت يا معود ترى عندي 100 الف بترو اجل

مشاركه أكثر من رائعه ،، للتخفيف من الضغط النفسي :d

 

[المرزوق]

اظن في منتديات اخواني حق البيبي تقدرون تروحون هناك ويعطونكم مصاص بعد عشان تتسلون اما هني منتدى للاستفاده وعيب الشماته علي خلق الله ترا الله قادر اني يحطكم بنفس المكان انت وياه وسالفه هنود ومادرى شنو ترا كلهم خلق الله والهنود اللى اتكلم عنهم لا انت ولا غيرك قدر مواصيلهم التقنيه والعلميه ومايابكم ورا الا هالشماته علي خلق الله انظر لنفسك انت وياه قبل لا تنظر للناس وبدونهم انت ثيابك ودارك وصخه ولا تنكر انا ماكو ابيتكم هنود؟؟؟
ولو اهما اظن حالتك تعيسه
ثانيا والاهم الاتكاليه للاسف اخلقت منكم بدن بلا عقل التفكير الاساسي محدود ومقصور علي طلعات وقص شعر وبنات لا اكثر
اما العلم وغيرة طريجه غير طريجكم للاسف

 

[بو اسكندر]

ليش انشطبت مشاركتي لاني دافعت عن لهنود وله شالسالفه

 

[rahaly]

لا يا جماعة بو تسنيم قال راح يطلع يوم الاربعاء او لما يصعد السوق اظن !!
يطلع ويقولنا


بس والله اشتقنا حق تطبيلاته



بس انشاء الله يصعد السوق ويتعدل الحال

 

[ارسطو الدروازه]

انشاءالله باجر المجموعه د حد اعلى ونعدل وضعنا اشوى يارب .....

 

[شرياص العديلية]

قبل رمضان كانت المجموعه.د 510-570 يعني شهر 9 أو 10 حوالي

بعدين .....

طوربيد لا اله الا الله عليه 8 أيام حد أعلى ... 510........1.040

أكل الملاك الشهد ( وخصوصا الآجل )

بعدين العدوان الثلاثي قام ينفس على السهم.....

1.040 ...... وحيل ...... حيل ....العيدية ..... 650 حوالي ...

والحين حوالي نفس السيناريو رجع مره ثانية مع بعض الفروقات السعرية

صراحة ومن غير مجاملة ( كلامي موجه لملاك السهم ... مو آجل )

لان اللي ماخذ اجل أصلا يعتبر شخص يحب المخاطر ... والعلاقة طردية

بين الرسك والربح ! معناته ان اهو متوقع هالشي وحاطه في الحسبان

ولا مايطلع راعي سوق .. سوق يبه وين رحتوا .

ملاك السهم ( الكاش )

واللي عنده فلوس حاليا .... نصيحه لا لا لا يبرد على السهم

وحتى لو تشوفونه يتعلق يومين ورا بعض لا لا تبررررد .

وانسى ان يوم من الأيام كان عندك سهم اسمه المجموعه ...

شوف الرسم البياني ( الشارت ) للسهم نفسه وشوف الصعدات

والنزلات .

ليش تفكرون بطريقة ان اليوم أو باجر اهو الحلقة الأخيرة للسهم

وانك لازم تبيعه بعد اسبوعين ؟ لأ ... طول بالك ... واحسبها ...

في أحد يطالبك فلوس ؟

هل انت شخص محتاج للكاش لدرجة انك تقدر تبيع المجموعة بنص دينار

ونت شاريها فوق ؟

هل هناك شيك ؟ كمبيالة ؟

هل هناك جلب ايرب لاحقك ... شكو

اعتبر فلوسك بالمجموعة كانهم ( بضاعة شاريها قبل الغزو ) وحاليا الأزمه

وبعد شهر بيرجع صامي البدر وتتحرر البورصة وتشوف الارتداد اللي يفرح

قلوبكم انشاءالله .... وتشوفون المجموعه 900 فلس بشهر 5 ( احساسي)





المرقاب لنا قبل لا يسمونها المرقاب

 

[الواصل]

قبل رمضان كانت المجموعه.د 510-570 يعني شهر 9 أو 10 حوالي

بعدين .....

طوربيد لا اله الا الله عليه 8 أيام حد أعلى ... 510........1.040

أكل الملاك الشهد ( وخصوصا الآجل )

بعدين العدوان الثلاثي قام ينفس على السهم.....

1.040 ...... وحيل ...... حيل ....العيدية ..... 650 حوالي ...

والحين حوالي نفس السيناريو رجع مره ثانية مع بعض الفروقات السعرية

صراحة ومن غير مجاملة ( كلامي موجه لملاك السهم ... مو آجل )

لان اللي ماخذ اجل أصلا يعتبر شخص يحب المخاطر ... والعلاقة طردية

بين الرسك والربح ! معناته ان اهو متوقع هالشي وحاطه في الحسبان

ولا مايطلع راعي سوق .. سوق يبه وين رحتوا .

ملاك السهم ( الكاش )

واللي عنده فلوس حاليا .... نصيحه لا لا لا يبرد على السهم

وحتى لو تشوفونه يتعلق يومين ورا بعض لا لا تبررررد .

وانسى ان يوم من الأيام كان عندك سهم اسمه المجموعه ...

شوف الرسم البياني ( الشارت ) للسهم نفسه وشوف الصعدات

والنزلات .

ليش تفكرون بطريقة ان اليوم أو باجر اهو الحلقة الأخيرة للسهم

وانك لازم تبيعه بعد اسبوعين ؟ لأ ... طول بالك ... واحسبها ...

في أحد يطالبك فلوس ؟

هل انت شخص محتاج للكاش لدرجة انك تقدر تبيع المجموعة بنص دينار

ونت شاريها فوق ؟

هل هناك شيك ؟ كمبيالة ؟

هل هناك جلب ايرب لاحقك ... شكو

اعتبر فلوسك بالمجموعة كانهم ( بضاعة شاريها قبل الغزو ) وحاليا الأزمه

وبعد شهر بيرجع صامي البدر وتتحرر البورصة وتشوف الارتداد اللي يفرح

قلوبكم انشاءالله .... وتشوفون المجموعه 900 فلس بشهر 5 ( احساسي)





المرقاب لنا قبل لا يسمونها المرقاب

مشاركة عسل بصراحة وكلام منطقي جدا
الله يعطيك العافية

 

[trust]

مشاركه أكثر من رائعه ،، للتخفيف من الضغط النفسي :d

امنيتي الثانية :

اتمنى ان عمرو الجاسم يرجع المجموعة

جان يقول المارد بالمشمش
_______________________________
لا وانت الصاج جان يقول المارد ما اقدر على ممدوح الشربينى

 

[zancop]

السوق كله نازل مو بس شركات المجموعه و ناس وايد خسرانه
بس ليش ابيع ابخساره
انا صفطت الاسهم و حطيتهم بالكبت ويه لهدوم الشتويه
باخذ ارباح و بنطر بشوف تاليته ويه هل الاسهم ليه وين
و البال طويل ​

 

[المهندس الاول]

سهم مايحترم مساهمينه ينشات بالغندرة(

 

[يوتا]

الفرق هو انك بجم شريت السهم

اقترح ان الي يبي يتكلم عن السهم بتشاؤم او بتفاؤل يذكر قبل كل شي بجم شرى السهم !!

لان الي شراه بدينار يعتبر خسران وشراه بوقت غلط حسب اسعار السوق الحين ونتمنى ان الله يعوضهم خير انشاء الله ,,,, وهذ راح يتكلم بالخساره ويكون محبط في كتاباته وبدون قصد يوهم العالم انهم كلهم خسرانين !!!!

لكن الي شراه بين 500 و 700 فلس يعتبر ربحان انشاء الله + الارباح المتوقعه وصعود السهم مع صعود السوق قريب انشاء الله .

(690) شاري ب

والله أعلم مني ومنكم