المجموعة الدولية للاسـتثمار ش .م.ك.م ( المجموعة د )

[LIMIT UP]

الله يا بعض الناس ضاربووو
وشرا بالعالي يااااااااااااااااااااااااااااو

 

[Bo Tasneem]

لا يكون راح السهم غليك بوتسنيم

لا تخاف باكر تسترده ارخص من اليوم هذا طبيعة سهمنا المضاربي

وللاسف احنا المستثمرين ما نستفيد شي

صار سهمنا مثل عين عذاري يسقي البعيد ويخلي القريب

بس معلش اتمنى ان الله يعوض صبرنا خير

اللهم آمين ..

لاتخاف ماسك السهم الحمدلله .. واللي صار بالجروب أعتقد توحيد الصفوف بين جراند والمجموعه .. وإن شاءالله بالإعلان يسحبون فوق ومعاهم البترووو إن شاءالله

عموماً .. سيناريو الإقفالات الأخيره مستمر إلى الآن بعكس بقية الأسهم يعني صفقة بو 5 آلاف أيضاً مازالت متكررة إلى يومنا هذا .. والله المستعان !!

حبايبي .. من داخل البورصه .. الأخبار تتناقل بين المتداولين عن إعلان أرباح المجموعه قرّب الوعد يا LONG TERM ..

واعجبتني كلمة انقالت بالموضوع القديم للمجموعه .. بأن إعلان المجموعه يعتبر (كرت نجاح) لسامي البدر .. ومايبي يقط هالكرت في السوق في مثل هالوقت لأنه ماراح ياخذ حقّه .. فهو ينتظر الوقت المناسب وبعدها يقول للناس : هذا كرتي هذا عنتر لاتقولون عنّه امطشّر امطشّر !!

بوتسنيم .. مشرفنا وايز ماسكّر موضوع المجموعه وفتح واحد يديد إلاّ علشان تطبيلك !! لو سمحت استريح هالمره !!


بوتسنيم​

 

[abu-saleh]

الله يا بعض الناس ضاربووو
وشرا بالعالي يااااااااااااااااااااااااااااو

والله لك حق تضحك وتطلع لسانك

للاسف هذي اسهم البدر

بس ارد واقول المضاربة خلوها للمحترف او من عنده خبرة بالسهم

واللي يستثمر راح يحصل خير بإذن الله ووقتها راح تبققون عيونكم

 

[ارسطو الدروازه]

اللى يعرف يضارب الله يوفقه ويزيده انشالله ... واللى مايعرف يتعلم ...


والشماته موزينه ياسعد ... ربك يمهل ولا يهمل ...


الله يرزقكم ....

 

[almared]

ألف شكر للأخ عمرو الجاسم

ملك التداول اليوووم لحركة المجموعة الدولية ... شخص ذو كفاءة عالية

ويمتاز بأسلوووب عجيب للتجميع ...

نكرر مبروك علي الأداء المتميز يا بو سعدووون .


أخوك المارد

 

[MH For Ever]

يا جماعة علمونا طيب شلون نضارب معاكم

لان بصراحة مشواري طويل لغاية ما اوصل الدينار حتى ارد راس مالي

 

[بوحسن]

يا جماعة علمونا طيب شلون نضارب معاكم

لان بصراحة مشواري طويل لغاية ما اوصل الدينار حتى ارد راس مالي

نصيحتي الي ما يعرف يضارب ترى ينصاد بسهوله

اليوم بس شفت محطوط 2 مليون على الحد الاعلى عرفت ان السهم بيصعد

ومره انصدت بمبلغ محترم وخسرت

يعني يبيله متابعه زينه

 

[ارسطو الدروازه]

اول مضاربه لى بسهم بيان

البيع 1100 والشراء 1160 ...

خوش مضارب ............

 

[حسين بن عاقول]

الله يا بعض الناس ضاربووو
وشرا بالعالي يااااااااااااااااااااااااااااو

شدراك لا يكون انت الدلال واحنا ما ندري

 

[MH For Ever]

نصيحتي الي ما يعرف يضارب ترى ينصاد بسهوله

اليوم بس شفت محطوط 2 مليون على الحد الاعلى عرفت ان السهم بيصعد

ومره انصدت بمبلغ محترم وخسرت

يعني يبيله متابعه زينه

طيب اخي الصبر مفتاح على الاقل اعطونا المبادئ والطريقة علشان نتعلم ونفهم اصولها وشوي شوي يمشي الحال

احسن ما احط ايدي على خدي انتظر الفرج

 

[بوحسن]

طيب اخي الصبر مفتاح على الاقل اعطونا المبادئ والطريقة علشان نتعلم ونفهم اصولها وشوي شوي يمشي الحال

احسن ما احط ايدي على خدي انتظر الفرج

هذي اغنيه ؟ مو ؟ احط ايدي على خدي
واحاسب روحي .... واقول بيدي جرحت نفسي وزدت جروحي في جروح ... هذا اهداء لك بوتسنيم


والله اعتقد في موضوع خاص بطريقة المضاربه
لو احد يحط الرابط وجميعا نكون مشكورين له

انا استخدم طريقتين عموما

الاول المراقبه الجيده للسهم
2- اشوف المطلوب والمعروض شلون قاعد يصير ومن وين قاعد يصير القط او الشراء من تحت لي فوق ولا العكس وهل هي اموال من المعروضه او جايه من بره وهكذا وهل قاعد يصير دعم للسهم ولا تخريع وسرعة البيع والشراء ...يبيله صبر وتوفيق من الله

 

[hamhali]

صدقت يا بوتسنيم

اللهم آمين ..

لاتخاف ماسك السهم الحمدلله .. واللي صار بالجروب أعتقد توحيد الصفوف بين جراند والمجموعه .. وإن شاءالله بالإعلان يسحبون فوق ومعاهم البترووو إن شاءالله

عموماً .. سيناريو الإقفالات الأخيره مستمر إلى الآن بعكس بقية الأسهم يعني صفقة بو 5 آلاف أيضاً مازالت متكررة إلى يومنا هذا .. والله المستعان !!

حبايبي .. من داخل البورصه .. الأخبار تتناقل بين المتداولين عن إعلان أرباح المجموعه قرّب الوعد يا LONG TERM ..

واعجبتني كلمة انقالت بالموضوع القديم للمجموعه .. بأن إعلان المجموعه يعتبر (كرت نجاح) لسامي البدر .. ومايبي يقط هالكرت في السوق في مثل هالوقت لأنه ماراح ياخذ حقّه .. فهو ينتظر الوقت المناسب وبعدها يقول للناس : هذا كرتي هذا عنتر لاتقولون عنّه امطشّر امطشّر !!

بوتسنيم .. مشرفنا وايز ماسكّر موضوع المجموعه وفتح واحد يديد إلاّ علشان تطبيلك !! لو سمحت استريح هالمره !!


بوتسنيم​

أنا سامع أن الأرباح انشاء الله 124 فلس والتوزيعات قنبلة موقوتة وأنا عندي خبرها وكتبتها قبل مدة وما راح أكتبها هل المرة بس التوزيعات أكثر من التي تناقلتها الصحف انشاء الله هذا مو تطبيل لأني ما أملك أي سهم بالمجموعة
بس اللي يبط الجبد ليش ما تعلقت اليوم هل يبون يوهمونكم علشان تبيعون ممكن بس انشاء الله بعد الأعلان (مخازن 2 )

 

[م. سعد]

طيب اخي الصبر مفتاح على الاقل اعطونا المبادئ والطريقة علشان نتعلم ونفهم اصولها وشوي شوي يمشي الحال

احسن ما احط ايدي على خدي انتظر الفرج

السلام عليكم،

هذا ما يحضرني عالسريع

1. البيع بالعالي مو بالنازل ..
2. المجازفة في المضاربة في حال الربح مو الخسارة عشان لا تزيد ..
3. تقبل الخساير بسعة صدر اكبر من الاستثمار ..
4. المضاربة بجزء من الكمية و ليس كلها و ترك بعض الكاش بره لزوم تعويض اي انطلاقة بالسهم..
5. الاقتناع بوحدة او ثنتين ..
6. عدم المضاربة في حال الصعود الصاروخي ..
7. معرفة اسعار الدعم و المقاومة و التعامل معاها ..
8. دراسة العرض و الطلب اللحظي ..
9. دراسة الوضع العام للسوق و تأثيره ..
10. دراسة المزيد من فنون المضاربة في الصفحات الاخرى ..

ترى المضاربة حلوة طول ما انت تربح، بس ان صادوك بفرق سعر عالي راح تتحسف و يمكن تطلع من السهم او تقل كميتك فيه .. و المضاربة اليومية فيها حظ اكثر من فن و تحتاج تسأل أهلها اكثر و هذا اللي عندي و الله المفوق.

 

[جرير]

يبيله مضاربه​

 

[bigd]

اي متى الاجتماع ترى مصخوها ؟؟؟؟؟

 

[Black]

اختنقنا من هالاجتماع اللي ماله اي بيان و لا ذكر
حتى تاريخ انعقاد الجمعية مو راضين يعلنون عنه و مو باقي على الشهر الا سبعة أيام عمل فقط
و الناس على أعصابها و الله يستر
و الله اذا كانت التوزيعه مو زينه بتكون نهاية المجموعة
لان الانهيار اللي بيحوشها بيكون كارثة و بيصير حتى الواحد مولاقي احد يشتري اسهمه و بيرجع الى تحت النص دينار
و الله يعين

 

[rahaly]

بو تسنيم .... اولا باركلي رجعت مالك للمجموعة ...

ثانيا كلامي من الحين راح يكون في تطبيل .... لزوم الشي والشئ اعلاه:d

ثالثا : يا اخوان الارباح 124 خبر اكيد ما فيه تراجع بس الباقي على التوزيعات تقرر اتجاه السهم ...


اما السعر الحالي فهو مناسب جدا جدا .... يعني مو غلط ان السهم يوصل 870 .... سهله انشاء الله

والله اعلم



تحياتي



رحالي

 

[MH For Ever]

السلام عليكم،

هذا ما يحضرني عالسريع

1. البيع بالعالي مو بالنازل ..
2. المجازفة في المضاربة في حال الربح مو الخسارة عشان لا تزيد ..
3. تقبل الخساير بسعة صدر اكبر من الاستثمار ..
4. المضاربة بجزء من الكمية و ليس كلها و ترك بعض الكاش بره لزوم تعويض اي انطلاقة بالسهم..
5. الاقتناع بوحدة او ثنتين ..
6. عدم المضاربة في حال الصعود الصاروخي ..
7. معرفة اسعار الدعم و المقاومة و التعامل معاها ..
8. دراسة العرض و الطلب اللحظي ..
9. دراسة الوضع العام للسوق و تأثيره ..
10. دراسة المزيد من فنون المضاربة في الصفحات الاخرى ..

ترى المضاربة حلوة طول ما انت تربح، بس ان صادوك بفرق سعر عالي راح تتحسف و يمكن تطلع من السهم او تقل كميتك فيه .. و المضاربة اليومية فيها حظ اكثر من فن و تحتاج تسأل أهلها اكثر و هذا اللي عندي و الله المفوق.

اشكرك اخي م. سعد على الرد بس يا ليت تعطيني شرح موسع ومفصل اكثر للنقطة رقم 8

مع الشكر

 

[MH For Ever]

بو تسنيم .... اولا باركلي رجعت مالك للمجموعة ...

ثانيا كلامي من الحين راح يكون في تطبيل .... لزوم الشي والشئ اعلاه:d

ثالثا : يا اخوان الارباح 124 خبر اكيد ما فيه تراجع بس الباقي على التوزيعات تقرر اتجاه السهم ...


اما السعر الحالي فهو مناسب جدا جدا .... يعني مو غلط ان السهم يوصل 870 .... سهله انشاء الله

والله اعلم



تحياتي



رحالي

تصدق اخي رحالي الحين زاد اطمئناني بالسهم يوم انت دخلت

والله مو مجاملة بس بالفعل اتفاءل فيك.

المهم يشاع في المنتديات ان التوزيعة 40 نقدي و 40 منحة فلو كان الخبر صحيح كم تتوقع يصل سعر السهم؟؟

مع التحية

 

[سعود222]

الله يعطيكم العافيه
40 + 40 ما شاء الله
الى الاعلى يا المجموعه الدوليه وتوابعها