السوق فوق 500 !! مو خوش خبر

[bo 6obar]

انا اقول بعد غلط

مو معقوله نزعل اذا نزل المؤشر 500 ونقول مايصير ينزل شنو صارت الحرب

طيب لازم نزعل اذا ارتفع المؤشر 500 ونقول غلط شنو صاير وين راح يروح

هذا يدل على ان مافي سبب نزل السوق وكل اللي صار لعب على الناس وتفصيخ للآجل

لو يصعد كل يوم بين 50 و 100 معقول هني الشاطر اللي يصيد الاسهم الصاعده

خل يدش شوي أحمر ويرتد مو غلط بس المهم يسكر أخضر لأن الإقتاصد قوي وكل شي يقول السوق زين وخل يصحح بعدين بس لايخفس في العالم لأن السوق صحح في تاريخ 26 / 4 ومحد تظاهر

بس يصعد كل السوق وين بنوصل القمر كل يوم 500 راح ينزل اكثر من المناخ ومحد راح يقدر يطلع من السوق لأن كله فجوااااات لو كل البننايه شغلناهم ماراح يسكرونهم وراح نزلق من فجوه لي فجوه أكبر

 

[portfolio grl]

Al Wattan News PaPer

ففي وقت أعلن فيه رئيس المجلس جاسم الخرافي أنه لم يتسلم حتى أمس أي طلب لفتح مناقشة في وضع البورصة خلال جلسة المجلس غداً، أكد مصدر برلماني رفيع أن ارتفاع مؤشر السوق بهذه الصورة المفاجئة ليس في صالح المتداولين ولا يعد من الامور الجيدة، معتبرا ان الصعود المفاجئ أو الهبوط المفاجئ ليس هو المطلوب لضمان وتيرة اداء متوازن للسوق


Fo'ad Al Hashem
"ALWATTAN NEWS"

لن تنفع كل عمليات الضخ المالي الحكومي في البورصة لأن هذه الاخيرة اشبه بـ «الجربة المقضوضة»، وعلى السادة المتعاملين ان يتذكروا القول الكويتي الشائع.. «اللي يبي الدح.. ما يقول أح»، و.. «لا تنام بين القبور ولا تشوف منامات.. تخرع»!!

 

[Bo_Rashed1]

انا ما أقــــول إللا اللـــــــه يستــــــــــر من نهايـــــة الاسبــوع


شكلي راح اشوفلكــم كابوس ... بس من العيار الثقيــل هالمره.

 

[JoKaR]

عين العقل

أعتقد لأنه أول يوم أنفراج بعد الهبوط العنيف

وبسبب نزول 95% من الشركات المدرجه في البورصه

فألي صار كأنه الفرج للكل .. مع تفائل أغلب المتداولين

وأعتقد أن كل يوم عن يوم راح تقل نسبة الإرتفاع بشكل تدريجي

ويرجع الوضع يتوازن بالإرتفاع أو حتى النزول بمستويات معقوله

 

[kappa]

يا اخوان

الاربعاء الاسعار كانت مغريه حييييييل نفس هيفاء وهبي

والسبت كان يوم شراء طبيعي

لكن ماكان في عروض للبيع والطلبات كثيره

اتمنى من الكل الامساك بالاسهم وعدم عرضها للبيع

حتى يرد السهم لسعره

 

[المهذب جداً]

.


ظنيت إن السوق رايح 11250 نقطة سحبة وحدة و نفس واحد.



.

 

[تريليوني]

البورصه حتى لو وصلت إلى 15ألف نقطه فأن أسعار الاسهم ستكون أقل من البورصة عندما كان البورصة 12 ألف نقطة
وأفهم يا شاطر .

 

[بورزق]

فرحان وخايف

كلمتين تصف شعوري بارتفاع المؤشر 500 نقطة بيوم واحد

اي و الله نفس الشعور

 

[shamssoe]

الله يستر شكله نازل علشان يسكر الفجوه

 

[Black]

بالأمس كان المؤشر فوق 500 و اليوم فوق 50
بالأمس كانت أكثر من 90% من الشركات مطلوبة بالحد الأعلى و الواحد مو لاقي سهم يشتريه لأن الناس ماسكة اسهمها و اليوم نسبة كبيرة من الشركات دشت الأحمر و بعضها صار حد أدنى
مو شي غريب ان شركة اتكون اليوم حد أعلى و اليوم التالي اتكون حد أدنى و لكن الغريب لما اتكون الغالبية الساحقة من الشركات حد أعلى و مطلوبة بكميات ضخمة جدا و في اليوم التالي تنقلب الصورة
سوق غريب
و الله يعين