يــــــوم النحــــــــــــــــــــر

[الراقي]

يعني هذا اخر كلام

 

[الحووووت]

انا عاجبتني كلمة نزول خفيف .... يعني جم نقطة 100 ولا 200 لأن تعودنا على كسر الارقام القياسية فصارت الاميات عادي عندنا

 

[المعوشرجي79]

سهم المخازن شاريه 4.020 اليوم 2.320
سلطان شاريه 1.140 اليوم .850
عربيه عقاريه 290 . اليوم 168 .

بالله عليك هالخبر تبى يأثر فينى بعد ما خسرت 50% من راس مالى ومتى ارجع فلوسى
اعتقد الحين اذا ما شفت اسهمى الحد الادنى راح اشك انه السوق فيه شى

على كل حال تشكر على هالمعلومه

انت خسرت نص راس مالك بس صج انك محظوظ !!

 

[المعوشرجي79]

من مصدر ثقه جدا

غدا نزول خفيف

وانشاءالله سوف يكون نهايه التصحيح

الارتداد من الاسبوع القادم

والايام باذن الله سوف تثبت ذلك

اي بشارة يا معود اقول استريح بس

 

[نوكيا]

المعوشرجي79 : محظوظ على شنو يالطيب
على العداد الى قاعد يفتر تقول عداد محطة بنزين

 

[gladiator4all]

بوناصر رجع وجاااب معااااااه الخير

اليوم وصل سمو امير البلاد الشيخ صباح الاحمد وان شاء الله باذن واحد احد

راح يكون السوووق اخضر

بعدين ياجماعة الخير داااام بوناصر الحاكم لاتخافووون ناموووا وانتو مررتاحين

ولاتنسووون ان كانت كلمته الاولى في الخطاب الي القاه سموه ان يتم تحويل الكويت الى بورصة عالمية وان شاء الله مافي ازمت مناخ

 

[مستثمر من 1996]

حنا وين وازمت المناخ وين ، المعطيات اليوم غير

الاقتصاد المتين ، سعر النفط ، الاستقرار السياسي ، اداء الشركات الذي اكثر من جيد .

اعتقد الخطوة القادمة استخدام الشركات حقها في شراء 10 % لتجمسع ودعم اسهمها على هذه الاسعلر المغرية جداً ، الطلبات لدى المركزي لشراء الشكات 10 % من اسهمها تزايد وشوفوا الاعلانات ، ورح اتشوفوا اكثر .

اما ابو ناصر ما اقول الا والنعم .

 

[المعوشرجي79]

اليوم وصل سمو امير البلاد الشيخ صباح الاحمد وان شاء الله باذن واحد احد

راح يكون السوووق اخضر

بعدين ياجماعة الخير داااام بوناصر الحاكم لاتخافووون ناموووا وانتو مررتاحين

ولاتنسووون ان كانت كلمته الاولى في الخطاب الي القاه سموه ان يتم تحويل الكويت الى بورصة عالمية وان شاء الله مافي ازمت مناخ

اولا الحمدالله على سلامة صاحب السمو امير البلاد

ثانيا ما اعتقد ان السوق بيخضر وسط الي قاعدين نشوفه

ثالثا ازمة المناخ بدأت بالفعل ولكن هل تستمر ام لا الله اعلم !

 

[sadsa]

سوق الكويت عش الدبابير

سوق الكويت عش الدبابير
----------------------------------
تسريبات أخبار -تلبية مصالح الكبار-الاداريين فيه مثل بلدية سوق الجمعه(أتاوات)-تكريس السوق ألكترونيا ومعلوماتيا لمصلحة الدفيع -أى خبر سى أو جيد عن أى شركه يدرى فيه المقربون قبل لا ينزل الشاشات- نزول الشركات للتداول بالسوق لازم برشوه ماليه أوحصه من أسهمها

 

[SMoOoKY]

يقولون عدنا لكم والعود أحمد... باجر يبين

 

[shamssoe]

عسى الله يحفظه ويرعاه ويطول بعمره على طاعة الله. بس هل كان مريض وحالته صعبه ورايح للعلاج لا سمح الله والحين رجع للكويت علشان ترتفع البورصه بسلامته؟؟؟؟؟؟؟؟

 

[asfoor71]

سجل يازمن

 

[نصوح]

السلام عليكم و رحمة الله

بالرغم وأقول بالرغم من الأرقام التي نراها إلا ان هناك فسحة أمل كبيره .

اخونا الحبيب الفهلوي اللي باع اليوم كان يبي ردود الأفعال هذي .

انظروا الى أغلب صفقات الشركات معظمها صفقه او صفقتين وكانت كفيله بالنزول للحد الأدنى وهذا يعني ان البياع عارف شقاعد يسوي وعارف متى يشتري .

لا تبالغوا بردة الفعل فالله سبحانه وتعالى لا يضيع من يعيل وقد تكفل برزق اضعف مخلوقاته فكيف بنا ونحن نشهد له بالوحدانيه ونطلب عفوه ورضاه.

ننحني حتى لا ننكسر و من وثق بسهمه يمسك ولا يبالي بالأرقام فلابد ان تعدي العاصفه و ترجع البسمه.

اللهم يا واحد يا أحد يا فرد يا صمد يا من لم يلد ولم يولد ولم يكن له كفواً أحد صلي على محمد وآل محمد وسلم تسليما كثيرا وأذهب الحزن و الهم عن عبادك يا كريم .

اسألكم الدعاء

أخوكم
بومهدي

كلامك طيب يا بو مهدي ويثلج الصـدر ، الله يجــزاك كل خيــر .​

 

[Bo Tasneem]

للرفع .. كيفي مافيني نوم !!

وبعدين تعال يالفهلوي اشدعوه يبه !! ليش ما دمجت هالموضوع مع موضوع (الثلاثاء 14/3/2006) !! ولاّ علشان إنت صاحب هالموضوع !! (هه بوتسنيم يوز !!)

وقفوا عضويتي !! وقفوا عضويتي !! عادي ماني خايف

اتصدّق يالفهلوي .. صايره موضه هاليومين .. كل من كتب وطب قال وقفوا عضويتي !! هااهاه وايد مستانس يحليله حسباله فخر (وقفوا عضويتي)

المهم للرفع ..


بوتسنيم​

 

[قاروه]

للرفع .. كيفي مافيني نوم !!

وبعدين تعال يالفهلوي اشدعوه يبه !! ليش ما دمجت هالموضوع مع موضوع (الثلاثاء 14/3/2006) !! ولاّ علشان إنت صاحب هالموضوع !! (هه بوتسنيم يوز !!)

وقفوا عضويتي !! وقفوا عضويتي !! عادي ماني خايف

اتصدّق يالفهلوي .. صايره موضه هاليومين .. كل من كتب وطب قال وقفوا عضويتي !! هااهاه وايد مستانس يحليله حسباله فخر (وقفوا عضويتي)

المهم للرفع ..


بوتسنيم​

الحال من بعضه يا خوي ,, ترى يابوتسنيم اذا ما عطيتني الكهرب ولا اقولهم وقفوا عضويتي هههه

 

[Bo Tasneem]

الحال من بعضه يا خوي ,, ترى يابوتسنيم اذا ما عطيتني الكهرب ولا اقولهم وقفوا عضويتي هههه

تامر أمر أخوي ..

بس عطني فجه اشوي خل يتعدّل السوق .. يمكن مايتعدّل الله لايقول بس !! أبسّط فيه ورا صلاة الجمعه عند أي مسيد .. وأطلّع مصرف ماجلة هالاسبوع بس هاهااهههاا .. عادي تحسون وايد متفاءل .. الله كريم إن شاءالله

تستاهله والله ..


بوتسنيم​

 

[قاروه]

تامر أمر أخوي ..

بس عطني فجه اشوي خل يتعدّل السوق .. يمكن مايتعدّل الله لايقول بس !! أبسّط فيه ورا صلاة الجمعه عند أي مسيد .. وأطلّع مصرف ماجلة هالاسبوع بس هاهااهههاا .. عادي تحسون وايد متفاءل .. الله كريم إن شاءالله

تستاهله والله ..


بوتسنيم​

تستاهل الطيب طال عمرك و هذا شي مو يديد عليك .. و لاتكدر خاطرك وانا اخوك الي ما يطول العنب حامض عنه يقول .. انت اخونا الكبير و انت الداخل واحنا الطالعين

 

[الفهلوي]

يوم النحر يوم يتسابق فيه المؤمنين لنحر اضاحيهم تقربا لله

وطلبا لمغفرته ورحمته في يوم العيد .

اما اليوم فالأضحية هم صغار المستثمرين وأما المضحي فهم شياطين البورصة ومردتها .

فلا نقول الا " صبر جميل والله المستعان "

وكما يقال " ضاقت فلما استحكمت حلقاتها ، فرجت وكنت أضنها لا تفرج " .

اخواني الأمر قضي ومن لم يبع وأمسك فليمسك والخير ان شاء الله امامه .

واهل الآجل اقول لهم " الله يصبركم ويعوضكم بخير مما فقدتم .



الفهلوي​

يوم النحر اعقبه العيد وفرحته


الحمدلله ... وليكن ما حصل درس وعبره



الفهلوي​

 

[علمونى]

زادت الحيره

 

[Believer]

الحمدلله، وإن شاء الله العيد يكون ثلاث أيام متواصل لتكمل الفرحة ... والله يرحم الي تم نحرهم وخرجوا من السوق يوم الأربعاء الماضي واللي تحقق عليهم الآجل لإنهم ما عاد فيهم يشاركوا في بهجة العيد ....