بليوني قال:شباب كل واحد الحين يروح يصفط فنايله ويعطيها شعبان عبدالرحيم ( مكوى رجل) يعني اوتي طبعا .
والنصاب هذا صاحب الشركه لعبها صح الزباله راحت فلوسنا وانهارت المحفظه أنهيار حاد بس هذا درس ان الواحد مايحط بيضة فى سله واحدة مرة ثانية.
والاسهم اللي عندي بعد ماأنقعها واشرب مايها , بخليها ورث لأولادي اللي لما الحين ماشافو النور .
شباب نصيحة مسلم لأخوانة خسران ومقهور :
1- لا تضع بيضك بسله واحدة.
2- استثمر او ضارب ولكن حط نسبه الربح او الخسارة (stop loss)
3- لان من الغباء نفس حالتي اشتري سهم ب 0.0415 دولار بكل المحفظة واطالعها كل يوم تنهار وانا اعطي امل حق نفسي انها بتصعد وتصير 1 دولار (جان الحين الكل ملين) بس لو مخلي ستوب لوز جان الحين انا بامان ومجرب نصيبي بالشركة هذي.
4 - حط استراتيجيه ربح : يعني انت شكثر تبي 3% 5% 7% . لان الكل يبي 1000% في ضربة واحده وانا اولكم
بس كل طراق بتعلومه. (بعد ما فات الفوت ..........)
5- القناعة ثم القناعة . لانك راح تمشي على خطوات ثابته.
اخيرا انا جازفت بكل المحفظه علشان الزواج بالصيف ان الله اراد . ولكن تجري الرياح بما لا تشتهي السفن . كل واحد بياخذ نصيبه وهذا الايمان اهو اللي مصبرني الله يعطيني على قد نيتي.
** لحظة كتابة هذة الكلمات المغتضبه وصل سعر السهم 0.0103 يعني خساره دفترية 400%
وانشاء الله نلتقي بسهم افضل من هذا ونعوض خسارتنا مع مرور الايام
والسلام ختام
الله يعوض عليك