اللي حاصل في سوقنا الصراحه مسخرة و صاير مثل سوق القطيع
يعني لما أسواق الخليج إرتفعت إرتفاعات خياليه وأصبحت مكررات أرباحهم فوق الخمسين والستين والمئة في بعض الاحيان كان سوقنا يرتفع ارتفاعات متواضعة وبسيطه ليش ؟ لأنهم كانوا يقولون إحنا ما نبي ننصدم بالإنخفاضات الكبيره اذا زادت الأسعار عن المعقول وهذا كلام زين ومنطقي
لكن لما نزلت أسواق الخليج طبعا بعد ما جنوا أرباح كبيره وغير منطقية ننزل إحنا وياهم ونقول هذي موجة نزول على المنطقة كلها
الصراحه اللي قاعد يصير إن الكبار في سوق الكويت يبون يربطون بين نزول بورصات الخليج اللي هي مضخمه ونزولها من وجهة نظري منطقي مع بورصة الكويت اللي المفروض ما تنزل النزول هذا ، يعني الشغلة يعوّلونها على العامل النفسي مو على العامل المنطقي .