هذا الموضوع لتفريغ الغضب العام تجاه اوضاع السوق ومناقشة اسباب نزوله

[اقتصاد77]

عاجل من كونا

هيئة الاستثمار تقرر زيادة مساهماتها في صناديقها الاستثمارية في البورصة

اقتصاد/كويت/بورصة/حميضي
هيئة الاستثمار تقرر زيادة مساهماتها في صناديقها الاستثمارية في البورصة



http://www.kuna.net.kw/home/Story.aspx?Language=ar&DSNO=836507

 

[الأوسط برو]

نعم خسران ... بس ما راح ابيع ...


نعم خسران ... بس انا اعلم ماذا يدور

نعم خسران .. بس لن اسلم اموالى ولو بعد 20 سنة - الاسهم لى ولعيالى ... وقلبى بارد " واللى يحصل يحصل " لا يمكن ان يكون هذا سعر اسهمى .. المبنى على اساس
لو تلاحظون الصفقات ... الصغار باعوا بخسارة ...و سياسة القطيع هى السائدة .. الخوف والهلع غلب السوق

المحافظ الصغيرة والمتوسطة تريد ان تحافظ على مكاسبها .. الكبيرة فقط تنهش ..وتستفيد وتقوا هل من مزيد
اما ادارة البورصة ... ( للمتعصبين الذين دافعوا عنها ) : قد جاءكم اليوم الذى تفرون منه ... وعلى نفسها جنت براقش



وانا بعد وياك يادرب العصامى
( ماراح ابيع إلا وانا رابح وماراح ارضى على نفسي اني اكون ضحيه من ضحايا الهوامير )

 

[alshammery]

اخوانى الاجل فية المخاطرة بنسبة كبيرة والربح نسبتة قليلة خاصة حق اللى ماخذ سهم كان مرتفع مثل بيان والحين شوفوا سعرة فى الحضيض 430 والسبت اكيد 405 بناء على وضع السوق اللى موراضى يتعدل وشفتوا السوم مذبحة الاسهم ونحرها امام اصحابها وهم موقادرين يسوون شى .... انا ما اقول الا اللة يكون فى عون اللى حان موعد الاجل هذة الايام ....نصيحة ابتعدوا عن الاجل ومخاطرة لانة ممكن يودى الواحد المركزى ويدمرحياتة .........................

 

[عكس التيار]

سبب انهيار البورصة

السلام عليكم و رحمة الله و بركاته

لو شفتوا سبب الصور للي يلقطون فقع وشلون تتكرر هاليومين فى الجرايد

كان عرفتوا السبب الرئيسي

بالعربي الفصيح الجماعة يقولون خلوا البورصة وروحوا تفقعواااااا أحسن لكم

طبعا الطمع اعمى عيونكم ماوصلت رسالتهم وقعدتوا بالبورصة

من اليوم وصاعد ماكو لحم ولا سمك و لا دجاج

تبون تاكلون روحوا البر تفقعوا قبل تنفقع مرارتكم

وعصرنا الحالي هو عصر ربط الأحزمة

والله يعوض عليكم وقولوا

اللهم آجرني فى مصيبتي واخلفني خيرا منها

 

[boalons]

هيئة الاستثمار تقرر زيادة مساهماتها في صناديقها الاستثمارية في البورصة

اقتصاد/كويت/بورصة/حميضي
هيئة الاستثمار تقرر زيادة مساهماتها في صناديقها الاستثمارية في البورصة

http://www.kuna.net.kw/home/Story.aspx?Language=ar&DSNO=836507

 

[ابو عليا]

يجماعة حكومتنا طيبة وتحب تساعد الدول المنكوبة
شوافوا مساعدتها للعراق تبرعوا قبل انفجار مساجدهم يعني اسرع من البرق والعبارة المصرية دزا لهم مساعدة وزلازل اللي صار بالقمر والبركان اللي صار بالمريخ والانهيار اللي صار في عطارد
بس الحكومة ماتبي الاجر لها لوحدها لازم الشعب يشارك وياهم بالاجر
لازم المواطن يدفع عشان ياخذ اجر
ادفعوا ياشعب الكويت مصاريف الحكومة عشان تاخذون اجر
ومبروك لكم اقتصادكم الجديد والمتين

 

[Cha3bar]

هذا سوق، ما فيها شى إن كل واحد يعبر عن مشاعره ويطلع إلي في قلبه .. لكن لا يحمل مسؤولية خسارته لأي شخص أو جهة ثانية غيره "هو" شخصيا

الله يصبر إلي ظل والله يعوض على إلي باع بخساره

موفقين

 

[بو نبيل]

عمار يا كويت !

 

[بوعدول]

ابشركم السوووووق تعدل
الحكومه دشت

حبيبي انور النقوشي
ممكن تقولي شدراك ان الحكومه تدخلت او دشت على قولتك ؟؟؟
وياشباب على فكره السوق موصارله لا 9 ايام ولا شهر ,,, تذكروا عدل السوق من بداية شهر 12 وهوا ينزل ,, ولما توفى جابر الخير الله يرحمه السوق هبط اكثر وتم ينزل 3 ايام ويرتفع يوم
الحمدلله والشكر على كل حال
لاحول ولا قوة إلا بالله

 

[السهم التجاري]

السلام عليكم ،، الأخ الفاضل : الصبر مفتاح

لا تتفاءل وايد ( تبي تقص على نفسك وتصبر نفسك ميخالف )

تدري ان كل ما أشوف الرأي العام يمدحون بالبورصة أتشاءم زيادة واحس ان الوضع خطير ،،

أنا الحمدلله انحشت من هالمعمعة بفضل الله وعنايته .

اللي عنده أسهم الله يعينه واللي انحاش انا احس انه الافضل ، لانه عرف جم خسر وعرف جم اللي له وجم عليه ،

وبالتالي يحط راسه وينام وهو مرتاح ، الله يعين اللي عنده اسهم ويخاف تصير اوراق ، وخوفك يبدل اوراقه ( اسهمه ) بكشاكيل اليهال ، لانها هم أوراق بس اوراق وايد

الله يعينكم
ويعين الجميع

لا تتفاءلون وايد صدقوني ، تشاءموا ، تشاؤموا


لا تلومون الناس لو مهما عبرت بهالمنتدى والله يحق لهم يسبون ويشتمون اللي كان السبب ، بس المصيبة منو المتسبب بهالشي والله ماندري وهني المصيبة .

مانعرف سبب مقنع للنزول
والسلام

 

[نصوح]

أيهما أكثر صوابا اليوم قرار البيع أو الشــراء ؟

اليـوم الأربعــاء 8 / 3 / 2006 اليوم الدامي للبورصة الكويتية فهل قمت اليوم بالبيع ولمــاذا ؟ أم كنت مقـداما وأشتريت ولمــاذا ؟ كل له أسبــابه ونظرته للسوق ، والكل مخير بإتخاذ قراره سواء بيع كان أو شراء نرجو المشاركة للاستفـادة .

 

[portfolio grl]

Sell

 

[بوعدول]

دخلت الحكومه دخول جزئي...

والمعاند بينهم للحين موجود..

الله يعين الجميع

اخوكم محمد

اخوي محمد شدراك ان الحكومه دخلت دخول جزئي ؟؟؟
شنو دليلك ان الحكومه اهيا الي ارفعت المؤشر او دخلت على قولتك ؟

 

[السهم التجاري]

أنا اليوم شلعت والحمدلله وافتكيت

الله يعين اخوانا اهل الكويت

والله ما تستاهلون اللي يصير لكم ،

 

[الفارس_Q8]

اشلون نتفقع اصلا ممنوع 000قبل مده دخلوا بعض الناس المحميه عن طريق فتحه بالشبك 00اشصار فيهم 00طالحت عليهم امثال داخل المحميه وطلبت الشرطه واخذت بطاقاتهم المدنيه وزفتهم جدام اهلهم واعيالهم خوش زفه وقالتهم لهم والله لعلمكم اشلون تخربون البيئه و تلقطون فقع هذا تدمير للمرافق العامه وسجلت عليهم قضيه وركبتهم الدوريات

 

[محمد ديبون]

بس مافي تفاصيل عن متى يبدا التنفيذ و ما نسبة زياردة حجم الاستمارات

 

[portfolio grl]

ممكن انشوف الاخضر و هم ممكن انشوف طيحت 97 .. ظلوا 5 سنوات اقولون السوق راح يصعد :]

 

[ahmed6]

كان المفروض ابيع اسهمي من اول هالمشكله بس ماكو فايده الحين فات الاوان

 

[محمد ديبون]

معنى كلامك ان ممكن ينزل اكثر

 

[محمد2]

سؤال في وقته

شخصيا كنت عاقد العزم على الشراء لكن لمّ شفت الأنهيار قلت يا ولد

أثقل السالفه ...... الظاهر مصارعه ما هي بيع وشرى !!!

على العموم بعد الرتداد أظن و الله العالم أن التصحيح أخذ حده

وأن شاء الله الأسبوع الياي أخضرررررررررررررررررررررررر