هذا الموضوع لتفريغ الغضب العام تجاه اوضاع السوق ومناقشة اسباب نزوله

[wanasa]

والي عنده مصريه و قابضه

الله ايعينك​

 

[Bo Tasneem]

مويايني النوم .. قلت أقعد معاكم اشوي أفش خلئي عندكم .. اشوي النفسيه صايره (شمعة داوجي) وواصله إلى عنق المثلّث هااهها !! إن شاءالله ترتد النفسيه وأنام عدل

عموماً .. توه وصلني بأن صناديق راح تدخل باجر البورصه من الأسعار المغرية للأسهم !! الله يستر مايكونون صناديق للضغط على السوق بس !!

(بوتسنيم روح نام وفكنا .. امس تقول الأمير مجتمع مع وزير المالية ووزير التجارة !! آخر شي طلع عازمهم على الغدا "مطبّق سمج" .. وحضرتك تقول هالاجتماع لرفع السوق !! نام بس نام) حاضر تصبحون على خير


بوتسنيم​

 

[صقرالبحر]

أنا كنت كاتب موضوع عن سبب نزول السوق بس مع الأسف أحد المشرفين إشطبه.

على العموم السبب هو السلاح النووي الإيراني اللي مهدد ومزعزع كيان الدول الخليجيه ، ولو تلاحظون أن التزول ليس فقط عندنا ولكن بمعظم الدول الخليجيه ,أهمها السعوديه والإمارت

وهالمره نووي وليس كيماوي
وإفهم يافهيم

كلام معقول جدا ...
ليش الحكومه ماتقوله اذا كان هذا احد الاسباب والناس تعرف وتلحق علي باقي فلوسها ؟؟؟؟

المشكله ان السالفه عايمه ومحد يدري ليش هالانهيار

 

[الفارس_Q8]

انا سمعت اللي عنده لبنانية بيعطونه نانسي عجرم :d

ياحظه 00 مو انا عندي ام القيوين

 

[ابو جراح]

والي عنده مصريه و قابضه

يعطونه فيات ميه وتمن طاشر

 

[مستثمره جديده]

مويايني النوم .. قلت أقعد معاكم اشوي أفش خلئي عندكم .. اشوي النفسيه صايره (شمعة داوجي) وواصله إلى عنق المثلّث هااهها !! إن شاءالله ترتد النفسيه وأنام عدل

عموماً .. توه وصلني بأن صناديق راح تدخل باجر البورصه من الأسعار المغرية للأسهم !! الله يستر مايكونون صناديق للضغط على السوق بس !!

(بوتسنيم روح نام وفكنا .. امس تقول الأمير مجتمع مع وزير المالية ووزير التجارة !! آخر شي طلع عازمهم على الغدا "مطبّق سمج" .. وحضرتك تقول هالاجتماع لرفع السوق !! نام بس نام) حاضر تصبحون على خير


بوتسنيم​

الله يكون بعونك و بعونا جميعا على المهزله .. اؤكد لكم اخواني باني لاعمل لصالحكم و من قبل قليل تمت الموافقه بالاجماع مع اخواتي و الفريق التابع للحمله الانتخابيه عن اننا سوف نوقع عقب مع الشركه المهريه القابضه للملابس .. و ذالك لتوفير يونيفورم موحد للمنتدى



و شكرا

 

[أحمداني]

سؤالك حلو

إنت إشرايك ليش الحكومه ما تقوله؟؟؟

 

[عبدالحكيم]

شوارب

انا وحده راح ارشح نفسي حق مجلس الامه في الدائره الثامنه .. و اول اقتراح مقدم راح يكون تطبيق منع الاختلاط بالبورصه يمكن اهو حاصل من زمن و لكن منعا باتا راح يكون اقتراحي بان يتم انشاء بورصه للحريم و هذا اذا يخلق جو من التنافس .. بس هناك سؤال اللي مشككني بالامر اني كل ما دخلت البورصه اشوف ناس ما عندهم شوارب و لابسين دشاديش فراح تكون اصعب الامور بتطبيق الاقتراح لعدم القدره على التميز .. ودي اقول اكثر و اطلع حرتي بس بخش بقلبي مابي احد يزعل مني

اللهم ارزقنه الصحه و العافيه و العمر المديد و احفظ بلدنه و احفظ اهلها و بورصتها من تلاعب المنافقين و المفسدين و ابعد عنا المقرضين و الحراميه يارب العالمين

إختى اشلون يصير على ها دول النساون المستثمرين اللى دازين البورصة بشورابهم اشلون نميزهم ...والله رفيقى قال لى اسهل شى ان تميزهم من وسط الف تلاقيهم دزين البورصه و مو فهمين شى فى أى شى تعرفهم من اول طله..مو محتاجه شوراب

 

[bo 6obar]

والي عنده مصريه و قابضه

أقول لايكون تريقها فول ودخلها البورصة

 

[أبو عبدالملك]

انا عندي السكب أخاف يعطوني سكب=طاف

شنو!!! نووووووووووووووووووووووو

 

[Electron]

والي عنده سنام يروح ينام

 

[شسوي]

ركزلي على سهم الدواجن.....

وصلنا هذا المسج ويقول فيه
خبر عاجل

قررت هيئة سوق المال تحويل قيمة الاسهم الى اصول ثابته ومثال على ذلك :
اللى عنده سهم مواشى ... ياخذ تيس (( الله يعزكم ))
اللى عنده سهم اسمنت ...ياخذ كيس اسمنت
اللى عنده سهم اتصالات ...ياخذ كرت تعبئة ايزى
الى عنده سهم دواجن ....ياخذ ديايه
اللى عنده سهم كيبلات ...ياخذ واير كهربا
اللى عنده سهم انابيب ...ياخذ بايب

.....
والكل اكيد يعرف التكمله

يعطونه ديـــايـــه...... والا دجاجه ترا فيها فرق كبير لانه ديايه غير عن دجاجه انا بصراحه ابي ديايه لانى عندي ديج يبي ديايه مطلق دجاجه ....

 

[السوق الكويتي]

فعلا قاعد يصير شيء واحنا ماندري عنه ...

ولا خبر قوي مثل اكتشاف الغاز يخلي البورصة تهبط 350 نقطة مره وحده !!!

وكل ساع نسمع عن اجتماعات وزير مع فلان وعلان ...


اكييد راح ترجع البورصة وترتفع مرة ثانية ... بس السؤال هل اسعار اسهمك راح ترجع ؟؟ او تربح فيها ولو شيء بسيط !!


ان شاء الله ترجع الامور الى نصابها ... ومهما كان فأن الكل متأثر من نزول البورصة بلا استثناء .... ماكو احد ربحان هالفترة ... واذا واحد ربحان فهذا محظوظ لا اكثر ولا اقل ...

 

[وراكم وراكم]

كل الي صار قبل فترة وتسئلون في شي صاير بالديرة ياجماعة نسيتوا الي صار بعد وفاة الامير بخصوص تولي مسند الامارة هذا شيء والشيء الثاني تشكيل الحكومة غير مرضي لبعض الاطراف من الاسرة الحاكمة .

 

[تاج المراجل]

منو الي يدير البلد

يا جماعه كل شي واضح من تم تشكيل الحكوومه الجديده وكل شي واضح الناس ما يبون هالشي نكون صريحين مو يقولون الكويت دومقراطيه خنا نشووف وين الشيخ سالم العلي مو مبين له فترة حتا يوم حكم الامير ما شفناة شنو السالفه نسمع كلام من ناس ان الشيخ سالم سحب السيوووله واتجه فيها الى خارج الكويت (( يعني الي نفهمه انه زعلان )) هذا الي حاصل طيب لو نلاحظ انه من يوم تم اجتماع سمو الامير الشيخ صباح مع اثنان من الوزراء لمساعده السوق من الانهياار بس ماقدرو يعني شنو الي نفهمه التجاار هم الي يديرون البلد وين الحكوومه وين صناديقها وين الفوائظ الزايده الي تنتجها النفط وين الخير شنو كله اختفا مو معقووله المفرووض الحكوومه تسااهم بصناديق من الفائظ والعائد النفطي الي كل اسبوع يتكلمون عنه ويحمون واجهة البلد من الانهياار بس ( احنا نلاحظ انه كل ما صار عندنا فائظ في الميزايه تذهب فلوسنا الي الدول الي وقفت ضد الكويت ايام الاحتلال هالشي هذا ما يصير ولا ينسكت عليه مو معقوولة اول ما مدت الحكوومه الجديده افلوس الشعب الى العراق ونست شعبها هالشي ما يجووز يبه هالفلووس فلووس الشعب مو فلوس الحكومه بروحه تتصرف من غير ما تلتفت للشعب الي مغلووب على امرة ياليت حكومتنا الرشيده تعدل من اسلووبها شوي والله ملينا ياخوفي من باجر الشعب يطفش ويهاجر البلد وتصير بلد الكويت من غير شعب بس يصير فيها كم بيت للتاجار وعيالهم بس الحكومه راح تصير اذكاء راح تطلب من دول الضد عدد لا باس فيه من الناس يمكن يختارون من عوائل عراقيه او اردنيه او يمنيه بس ما نقوول الى الله يستر والله يرحم والدنا واميرنا الراحل جابر الخير ودمتم

 

[ولد الديرة]

والله خوش فكرة انا عندي السفن يعني راح يعطوني سفينة بس المشكلة راح يعطوني سفينة حربية ولاتجارية ولا ناقلة بترول .. لو الاخيرة تكون احسن

 

[بوحسن]

دام في تعويض

اليوم ببيع سهم جيزان ودش على اللبنانيه

اعتقد سهم جميل والتعويض فيه بيكون حلو ويستاهل الصبر عليه

اخاف ابتلش بالجيزان مو كافي سهمهم هالمره تعويضهم بيطلع شنو

 

[LIMIT UP]

وإلي عنده مجموعة دولية
ياخذ خوووووش هديه

 

[spageti]

دعاء تداول الاسهم

دعاء تداول الاسهم :

اللهم اني أعوذ بك من سهم لا يطلع ومن توصية لا تسمع ومن مضارب لا يجمع ومن رأس مال لا يرفع ومن عضو مجلس ادارة لا ينفع

 

[التحليل الفني]

دعاء تداول الاسهم :

اللهم اني أعوذ بك من سهم لا يطلع ومن توصية لا تسمع ومن مضارب لا يجمع ومن رأس مال لا يرفع ومن عضو مجلس ادارة لا ينفع

الله يقطع ابليسكم صج كويتيين ماكو فائده حق الشماته جاهزين اذا السوق صاعد او نازل الشمائته جاهزه عندكم