اكتشاف كبير للغاز فى الكويت

[ابو جراح]

التنقيب عن الغاز صارله 40 سنه مافى شى 000 بس اول ماقلنا نبى نساهم فى تعمير العراق ونزيد المساعدات حق فلسطين طلع رزقهم والله محظوظين

 

[laqtan]

الله يزيد ويبارك في خير الكويت

 

[oxford-84]

ألف مبروك لأهل هالأرض الطيبه وعساه زياده وزياده

الحمد لله والشكر على هذه النعم

صج إنه خيرنا لغيرنا, لكن نقول إذا هالخير إلي رايح لغيرنا بيحفظ لنا هالأرض الطيبه,فالحمد لله على كل حال
أحسن من ما ياخذون هالخير منه بالغصب وينزل سوقنا عدل,بعدين نطق إصبع :d

فنقول الحمد لله العلي العظيم على ما أنعم علينا والشكر لله يديم النعمه



ألف مبروك

 

[Eng_004]

سبحان الله رب ضاررتن نافعه....وقف التفاوض مع الاخوان القطريين لمد خط (بايب) من قطرللكويت للغاز الطبيعي بسبب اشكالا ت فنيه...ورزفنا الله بالاكتشاف الكبير...الحمد لله على كل شي ....ديرتنا ياجماعه مباركه...بس ياليت ماينسون الشعب الكريم الوفي...ويفرحون المواطنين ..ياليت.

 

[meshal]

اعلان عن اكتشاف 35 ترليون قدم مكعب

و اكتشاف كميات من النفط الخام تتراوح ما بين 10 إلى 13 مليار برميل تضاف إلى الاحتياطيات الحالية

المصدر جريدة القبس والوطن

الثلاثاء 7 - 3 - 2006

http://www.alqabas.com.kw/news_details.php?cat=1&id=146568&brdate=2006-03-07


الحمد لله على ما اعطا وشكر له سبحانه


بس عسا ربعنا مايوزعونه على دول الضد ويكون نفطنا وغازنا خاص لهم

مثل ماهو باين بالسياسه الجديده

ويالكويتي استريح شوي

 

[JoKaR]

الحمدالله يارب


ومن بعدها ألف مبروك ​

 

[خالد العتيبي]

ألف ألف ألف مبروووووووووك للكويت وأهلها بهذا الاكتشاف الضخم واللي نتمنى وندعو الله أن يكون مقدمة لاكتشافات أخرى مماثلة (أو أفضل )...



والحمد لله رب العالمين ...

 

[البواردي]

ايواااااااااااااااااااااااااااااا طلع عندنا غاااااااز

يقووووولك الحكومه بتشبعنا غاز بيصرفون سلندرات ابلاااااش حق كل كويتي
ويقولك راح يضرون اهل روسيا بالغاز هذا لان هالغاز ريحته احلى من غازهم
وبوزعون بيوت جديده لنك حق اللي تزوجو شهر 6 اللي طاف ... انا واحد منهم
ويقولك بطيحون القورض عن اللي برا الكويت والسبه الغاز الجديد
ويقولك راح يساعدون جزر الكاوكاو عشان لا ينقطع كاوكاوهم عنا
ويقولك راح يعطون العراق فلوس عشان اتسنع مره ثانيه

تقولولي الكويت مالها شي اقولكم تحمدو ربكم بوزعون سلندرات ابلاش
والله طماعين الكويتيين


اللـــــــــــــه وينك يا الغاز من زمان

 

[بو بندر]

ما شاء الله

اللهم زد وبارك لنا

ياليت يستغلونها للتنميه او تقدم الدوله

مو هبات او قروض منسيه اوتالي اتطيح


دمتم

 

[بو محمد]

100 %

اخواني لازم ما نبارك حق الشعب الكويتي ...باركوا حق الشعوب العربية لانه ديونهم راح تطيح اما الشعب الكويتي والله مغلوب علي أمره لا وكملها تقرير البنك الوطني اليوم انه علي اخر الشهر راح تزيد الفائدة فهنيئا للشعوب العربية ولأصحاب المراقد

خـــــيــــــرنـــــــــا لــيــغــيــرنـــــا

 

[التحليل الفني]

مبروك

 

[عجب]

كدينا خيــــــــر


هالحين الكويت ارتاحت من صدام ومن وضع العراق


وراحو واعلنو الاكتشاف مع انه قديم بالحيل


بس كانو خايفيين من العراقيين


وهالحين راح ينط كم صعلو من الحزب القذر حزب البعث
ويشن من الحملات والتداعيات،،


فلذلك اتوقع ان اميرنا المفدى

ابو ناصر طول الله بعمره

راح يسد فم العراق بكم مليار

والله اعلم

 

[fahad1234_1]

الكويت ماتبي الغاز يقولون كفايه علينا النفط والبورصة والغاز تبي تعطيه مساعدات للعراق

 

[مستثمره جديده]

الكويت ماتبي الغاز يقولون كفايه علينا النفط والبورصة والغاز تبي تعطيه مساعدات للعراق

لو يعطوني قرشه غاز بس حق تفتفيخ بنتي بسويلها عيد ميلاد قبل لا يعطون العراقيين .. انا من شفت شركه العراق القابضه حاشني احباط و يانه الفقر بالبورصه

 

[Bo_Rashed1]

الظاهر مكتشفين مقابر جماعيه .... وشامين ريحة أموات .... علبالهم غــاز .

 

[AMR]

تكفون بس بطلع الحره اللى فينى
انا عندى خدامه فلبينية صارلها عندى سنة وشهرين
اليوم داقة على اهلها تسالهم عن الارض الى شرتها وقاعد تبنى عليها ويوم سالتها عن الارض طلعت شاريه ارضين مساحتها 2000 متر
ومعاشها 45 د
وانا صارلى 14 سنة متزوج وعيالى صاروا اطول منى وللحين ساكن بشقة
وهذا حال اغلب الشباب الكويتى
لا واخر شى يطلعلك بيت 400 متر لا وممنوع تحط حديقة واذا رحت مع عيالك للبر دير بالك لاتشوفك الشيخة امثال داخل محمية
والله مادرى شقول بس الله يعز الكويت ومبروك الغاز للتجار

---------------------------------------

انا بعد نفسك صارلي 14 سنه انطر البيت ( الله يعين )


و بالنسبه للغاز

نبارك للعراق و الاردن و مصر و السودان و اليمن :
علىاسقاط ديونهم لا وبعد بياذون فلوس

و احنا بيوت ماطلعت و معاشات مارتفعت
14 سنه ناطر بيت

وزير الاسكان يقول : لن ينتظر المواطن اكثر من سنتين لحصوله على السكن

المقصود : اهو بنفسه ما راح يقعد بالوزارة اكثر من سنتين
و غيره يردد نفس ما قال ( ماكوا فايده )

------------------

الحمدلله الحمدلله الحمدلله و الشكر لك يا رب على الغاز

وشكرا

 

[circle]

راح مخيمنا


الله يبارك للبلد فيه

وان شاء الله يعطيهم خيره ويكافيهم شره


ويكون خيره لابناء البلد .

 

[سهم طاير]

الحين بعد هذا الاكتشاف المفروض ان البلد تتفاعل شي وتصعد بورصتها
بس حنا العكس
البورصة انهارت بعد هذا الخبر الجميل
شسالفه

 

[stillhamad]

مبروك وعقبال اليورانيوم

 

[مستثمره جديده]

سعد الفرج قال راح يسوون الكويت اميه طبقات .. و هذا توجه الحكومه الغني راح يصير غني و احنه بالعطى رضينه و لا ارضينه لا رحنه و لا يينا مجرد صغار مستثمرين ...

انا اتسائل .. لو تم الاعلان عن هذا الاكتشاف في اي دوله خليجيه او دوله اوربيه ... هل سيكون اقتصادها من خلال سوق المال مثل ما حصل عندنه اشك في ذالك تماما .. بس العوي عوي