كم هو سعر ارخص شقه تمليك بالكويت

[boali]

thanks

في شركة المدينه العقاريه

هم عندهم شقق للبيع ابتداء من 190000 بإمكانك الدفع على فترات

والاستلام على ما أعتقد بعد 9 شهور

انا من قبل اسبوع كلمتهم

بس على ما أعتقد شي مرتب

 

[عليمي و مقرود]

مبارك عليكم الشهر

السلام عليكم ومبارك عليكم الشهر وعساكم من عوادة.
بخصوص شقق التمليك ، لي صديق يملك شركة لبيع شقق في الكويت،
سالت صاحبي عن تلك الشقق ومدى الاستثمار فيها.
اجابني :-
توجد لديه شقق في المنقف والمهبولة والجابرية والاسعار تتراوح بين 28الف
الى 49000دينار كويتي والعمارات مشطبة ديلوكس.
والشقة اللي قيمتها 28000 الف دينار ممكن تتأجر بـ 230 دينار شهرياً
والشقة اللي قيمتها 49000 الف دينار ( الجابرية ) ممكن تتأجر بــ 350 دينار
والتاجير على شركات لديها عقود مع الجيش الامريكي او الشركات النفطية ، يعني عقود مستمرة .
ترى يا جماعة مو شرط اللي يشتري شقة لازم يسكن فيها ، ممكن يستثمرها بالتأجير وبعد فترة يبيع ، يكون استفاد فترة من الايجارات والبيع مستقبلاً ( العقار يمرض بس ما يموت )
الصراحة اقنعني صاحبي بالاستثمار ، بس يتعدل السوق واذا رب العالمين رجع لنا راس مالنا نغير النشاط من البورصة لي العقار.

واذا احد من الاخوان يحب يشوف العروض اللي عند صاحبنا ، ترى انا بالخدمة
اخوكم \ بوحمد

 

[سناعيس]

والتاجير على شركات لديها عقود مع الجيش الامريكي او الشركات النفطية ، يعني عقود مستمرة .

الى متى سيبقى الامريكان؟مدى الدهر؟؟؟؟؟؟؟؟؟؟؟؟
صدام والحمدلله ازاله الله عن صدور الكثير منا وباقى نراه معلق على حبل المشنقه حتى ترتاح كل ام فقدت ابنها او زوجه لزوجها او طفل لوالدها

 

[yoleses]

يعطيكم العافيه ..للامانه خوش مواضيع اللي تجي من الشباب هنا

وعلى الاقل .. الواحد يستفيد حتى لو مايبي يشتري ..

إفتراضات ..

35000 دينار يعتبر مقياس جيد لجميع عروض سعر البيع في السوق الكويتي
من حيث المردود المادي..هناك اقل واعلى ..ولكن لناخذ متوسط الاسعار
ونقـــارن ..

35000 دينار = 420000 الف درهم تقريباً وهذا يعطينا ايضا سعر متوسط لسوق الامارات وايضا في المردود المادي ..

مقارنه اذا وجدت الفرصه ..مالانسب من السوقين ..؟

الكويتي ..وهو السوق القديم الاصيل ..المتماسك ..الذي يدور حوله الكثير الكثير من الجدال السياسي في مجلس الامه وفي مجالس الوزراء وفي جميع مستويات البلد من قطاعات وطبقات مختلفه كثيره لتحويله الى مركز مالي ضخم .؟


الاماراتي ..السوق الجديد القديم الراسخ في عقول عباقرة العقار في العالم الجديد واستحواذه على اعلى نسب ارتفاع عقاري في المنطقه من حيث الحجم والانفتاح في مفهوم التخيلات والتوقعات الاستثماريه لكبرى شركات العقار في العالم


نتمنى المشاركه في هذا الافتراض..والمقارنه في نفس الوقت

والله يقبل منا ومنكم في هذه الايام المباركه​

 

[mr_judo]

الله يعطيكم العافيه على الافكار الطيبه لاني انا واحد من الناس قاعد افكر اني ابدي حياتي بشي بسيط لين ما الله يوفقني ويرزقني وقاعد افكر اني اخذ شقيقه على قد افليساتي والله يوفق الجميع يارب العالمين ويرزقك الرزق الحلال ويبعدكم عن الحرام

 

[Castroy]

شباب ادور على شقة قريبة من الكويت
حولي - الجابرية - السالمية والمناطق القريبة منها
وياريت يكون سعرها مناسب وما تقل عن 110 متر ويكون السعر مناسب
والشقة ليست للاستثمار، اريدها لشخصي

 

[shorok]

السلام عليكم و رحمة الله و بركاته

أنا عندي لكم حل مادام تفكرون تستثمرون بالعقار ، ليش ما تتوجهون للأستثمار في المغرب حيث ان كل كبار البلد و الشركات العقاريه القويه سواء الأماراتيه او الكويتيه توجهت لهناك، يعني بعطيكم مثال

شقة مساحتها 100 متر مربع في منطقه سياحيه و راقيه بمدينة مراكش
سعر المتر مربع يتراوح بين 300 و 500 دينار ، الأيجار يوجد طريقتين
تسلم شقتك لمكتب عقاري و تاخذ أيجارك سنوي اللي بيكون بحدود 3600 دينار كويتي او تتفق مع المكتب ان ايجارها يكون يومي و طبعا لهم نسبه
حيث ايجارها اليومي بين 20 و 30 دينار و يكون مدخولك السنوي بحدود 7000 دينار

كما أن هناك اراضي خام عبارة عن هكتارات للبيع ، بياخذها المستثمر و بيجزأها لقطع ارضيه مساحة كل قطعه 500 متر مربع و يبني عليها فلل للبيع حيث وصل حاليا سعر الفلل ل 500 الف دولار مع العلم ان سعر الهكتار الواحد بحدود 200 الف دولار .

و اللي يبي اي استفسار يطرش لي على الخاص

و هذا جزء من مشاريع شركة اعمار العقاريه بالمغرب
http://www.emaar.com/morocco

 

[BO-MUBARAK]

انا اقترح فكرة ويمكن تعجب اللي يبي يستثمر بشكل يومي يعني ممكن الشقة بشهر واحد تطلعله من 800 دينار الى 1500 دينار
والفكرة هي :_
( الشقق االمفروشة) والاجار اليومي يعني تأجر الشقة باليوم بسعر من 30 دينار الى 45 دينار على حسب المواسم
وبالتالي اذا فرضنا ان الايجار بالنازل
بالنازل ؟!!!! يعني مثلا 20 دينار باليوم في 31 يساوي 620 دينار

هذي فكرة بالنسبة للاستثمار بالشقق ترى ذهب والماس احسن من
الفلل

حبيت اشارك وشكرا

 

[مغامرجي]

نصيحة

اذا كنت تفكر تشتري شقة وتستثمر فيها لا تشتريها كاش اخذ قرض وخل ايجارها يسدد القرض , لكن اذا خذيتها كاش ما راح تستفيد

 

[الدينار]

نصيحة

اذا كنت تفكر تشتري شقة وتستثمر فيها لا تشتريها كاش اخذ قرض وخل ايجارها يسدد القرض , لكن اذا خذيتها كاش ما راح تستفيد

أن أختلف معاك أخوى ليش القرض ! هل نسيت الفوائد أخوى المترتبة على القرض يعنى أقل شقة بالمهبولة بسعر 20 ألف ومساحتها صغيرة كم فوائد 20 ألف أحسبها

 

[الدينار]

انا اقترح فكرة ويمكن تعجب اللي يبي يستثمر بشكل يومي يعني ممكن الشقة بشهر واحد تطلعله من 800 دينار الى 1500 دينار
والفكرة هي :_
( الشقق االمفروشة) والاجار اليومي يعني تأجر الشقة باليوم بسعر من 30 دينار الى 45 دينار على حسب المواسم
وبالتالي اذا فرضنا ان الايجار بالنازل
بالنازل ؟!!!! يعني مثلا 20 دينار باليوم في 31 يساوي 620 دينار

هذي فكرة بالنسبة للاستثمار بالشقق ترى ذهب والماس احسن من
الفلل

حبيت اشارك وشكرا

أخوى بالطريقة أنت معرض للشكاوى والمشاكل لأنك بتأجر حق عزاب ومن هب ودب نسيت الجيران العوائل ما أعتقد راح يسكتون على هذا الشئ اذا العمارة بالكامل ملكك هذا شئ ثانى مثل بعض العمارات الموجودة بالديره

 

[3am-sam]

اىلاى

 

[kuwaityvip]

لو اشتريت شقه تمليك وسكنت فيها وبعد فتره من السنين صارت البنايه قديمه ولازم هدام شنو مصير الارض ؟ حق منو ؟ وشنو لي انا من الارض ولو قسمناها على كل الشقق كل واحد راح يطلع له نص متر

 

[عزوز الكويت]

ردا على الاخوان

طال عمرك في شرائك للشقه اكو نوعين من الشراء عن طريق بنك التسليف وفي مواصفات معينه او الشراء العادي
الشراء عن طريق بنك التسليف يعطيك حصة الاسد من الارض حتى بعد الهدام يعني المالك الاصلى للعماره ما راح يقدر يهدم الا بموافقتك ولو باع يعطيك نصيبك على افتراض انه العماره 10 شقق بيكون لك 10% من قيمه الارض موقعه باسمك

لكن لو اشتريت من جيبك الخاص بتكون لك نسبه من الارض كذلك لكن اقل من النسبه في المثال الاول

نقطه ثانيه اللي يبي يحسب نفسه ربحان ولا خسران يسوي عمليه حسابيه بسيطه ياخذ الاجار يضربه ب 12 وبعدين يقسمه على قيمه اشقه وبعدين يضربه ب 100
ويشوف النسبه ان كانت اكبر من 9% فهو ربحان

ولاي استفسار انا حاظر

 

[خوش خبر]

تامر
الشركه الكويتيه للإسكان والتعمير رقمهم 5757775 وعندهم شقق بمناطق مختلفه و اسعارهم من 14750 الى 50000 وانت تختار الي يناسبك
وعلى فكرة في الحين بفندق الشيراتون معرض عقاري يمكن يفيدك و هم هالشركه مشاركه فيه

كيوت 25 كم يوم المعرض المقام فى شيراتون لو سمحتى ؟

ولك الشكر مقدما

 

[كويتي ماركة]

الموضوع قديم من 2006

الحين اقل شقه غرفتين تحصلها 33 الف

لا بالفروانيه بعد

 

[FastFuture]

مشكلة

راحت علينا و احنه ايش بإيدينا .. خلها على الله .. يكفي اللي فينا ...

والدنيا دنيا وتدور فينا .. مرة معانا وعشرة علينا ..​

 

[red1981man]

يا جماعه واللي على المعاش ويدفع اجار شهري 300 دينار

ممكن واحد يشوفلي حل ؟؟؟ تسوى قرض عشان شقة تمليك

توني جديد متزوج ولا راح يوصل دورنا بالبيت الا بعد 15 سنه

شنو الحل الفلوس تروح للاجار وياريت تروح حق شي تملك

وسؤال في راسي اذا بنطر الاسكان وين راح احصل بيت؟؟؟؟ باي ديرة داخل ولا بره الكويت ؟. لاني ماني شايف مناطق للسكن حاليا ..؟؟؟ مثلا على الحدود ولا دور ثاني او تحت الارض

ولا شقق تمليك بشروط التسليف ؟.؟؟

شالسالفه شنو الوضع ابي واحد يصدمني بالاوضاع

 

[RomanticLove]

يا جماعه واللي على المعاش ويدفع اجار شهري 300 دينار

ممكن واحد يشوفلي حل ؟؟؟ تسوى قرض عشان شقة تمليك

توني جديد متزوج ولا راح يوصل دورنا بالبيت الا بعد 15 سنه

شنو الحل الفلوس تروح للاجار وياريت تروح حق شي تملك

وسؤال في راسي اذا بنطر الاسكان وين راح احصل بيت؟؟؟؟ باي ديرة داخل ولا بره الكويت ؟. لاني ماني شايف مناطق للسكن حاليا ..؟؟؟ مثلا على الحدود ولا دور ثاني او تحت الارض

ولا شقق تمليك بشروط التسليف ؟.؟؟

شالسالفه شنو الوضع ابي واحد يصدمني بالاوضاع

كل شي فكرة فيه الحكومه .. الحكومه ارصدت امية الف مليون علشان قروض وديون العراق ومن بعد القروض اكيد راح يعطونا الحكومة العراقيه راح يكرمونا بصفوان كمنحة على الكرم الكويتي ( خير ان شالله اذا عطونا حتى صابونة بو رقي وايد زين ) صفوان وان شالله من نصيبك منطقة صفوان تابع لمحافظة الجهراء .. طبعا حق طلبات من 2008 لي 2015

 

[الأرستقراطي]

يا جماعه واللي على المعاش ويدفع اجار شهري 300 دينار

ممكن واحد يشوفلي حل ؟؟؟ تسوى قرض عشان شقة تمليك

توني جديد متزوج ولا راح يوصل دورنا بالبيت الا بعد 15 سنه

شنو الحل الفلوس تروح للاجار وياريت تروح حق شي تملك

وسؤال في راسي اذا بنطر الاسكان وين راح احصل بيت؟؟؟؟ باي ديرة داخل ولا بره الكويت ؟. لاني ماني شايف مناطق للسكن حاليا ..؟؟؟ مثلا على الحدود ولا دور ثاني او تحت الارض

ولا شقق تمليك بشروط التسليف ؟.؟؟

شالسالفه شنو الوضع ابي واحد يصدمني بالاوضاع

نصيحتي لك أخوي ال 300 اللي الحين تقطها وانت في بداية حياتك راح اتقط دبلها اذا الله ارزقك عيال ان شاء الله آنا الحين مأجر 4 غرف ب 500 دينار فاذا صارلك أكثر من سنة متزوج أخذلك شقة شرط من الشقق المرتبة اللي يعطون عليهم قرض التسليف و عندك خيارين يا تأجرها ب 800 دينار و فوق يا تسكن فيها ومتى ما الله فرجها بيعها و اشترلك بيت ،،، للعلم بنك التسليف يسمحلك تشتري ثلاث مرات ،،،