طيب نبدا باسم الله اولا.....
لعيون واحد هنا اسمه قاصد كريم ابشارككم في التعارف وبيحصل لي الشرف بين هالوجيه الطيبه........... حبيب هالرجل يقول لي حط المبلغ في حسابي وانا اقول له لا ابعطيكياه يدا بيد احسن ( الصراحة كنت خايف يزرفني لأني ما كنت اعرف الرجال) هذي لها سالفه. بس خلوني اعرفكم بنفسي ولست بافضل منكم.
(سنعود بعد قليل)
الاسم: أسامة,,,, وعلى طاري هالاسم وش رايكم بهالبيت:
يحسبونه دلع اسمي ولا يدري احد – ان اسمي مثل رسمي يسمى به أسد
عمري 33سنه,,,,,,,,,,,,,,,,,,, احس اني شويب بينكم. ((( على طاري شويب . من يذكر كلمة شاكوش؟
المؤهل: بكالوريوس أدب انجليزي,,,, حطيت يدك على الجرح يا عبدالله القحص..... والله اني تعقدت من شي اسمه شيكسبير وكريستوفر مارلو. صحيح ان ابو شكس (اللي هو خوينا ما غيره شيكسبير) ان الرجال عنده اعمال شعريه ومسرحيه كويسه. بس والله ان الامريكان والانجليز معطينه اكبر من حجمه,,,,, وحده من المعلقات اللي عندنا,,, تطق بقصايده باصبع.
متزوج ولله الحمد,,, وانا مستغرب من كثير من اللي ما يبون الزواج ولا حتى طاريه,,, لا ,,, ويقولها بالفم المليان. يا حبيب قلبي اذا ربي وفقك بوحده تخاف الله وبنت حلال,,,, يوووووووه من قدك يا شيخ صدقني بتشوف لون السماء وردي مو سماوي.
على طاري اللون السماوي,,,,, تراني نصراوي,,,, بس مو مثل اول خلاص وين ايام مرحوم المرحوم ومساعد الطرير,,,, من عقب الثانوية الواحد شاف مصلحته وينها فيه. وبعدين الحين المدرجات فاضية والناس مشغوله بالاكتتابات وكلن مشغول بنفسه,,,,, يحس الواحد انه يشجع لحاله,,, طبعا الكلام هذا مو بس في النصر,,,, الا كل الاندية,,,, والا انا غلطان,,,, احسن الناس مو مثل اول في التشجيع,,,, يعني فاز النصر والا الهلال كله واحد,,,, اهم شي وين وصل المؤشر؟
مع اني والله العظيم نصراوي بس احس هالنادي يبغاله نسب فوق علشان يأخذون الدوري كاني متعلق بسهم الكهرب بمية ريال.
احيانا الواحد يعصب في التشجيع ويتمنى لو يعرض النادي للتقبيل,,,, او يخلونه للبلياردو والكيرم والضامنه. واحيانا (وهذي قليله) يوسعون صدرك بلعب حلو,,,, بس ارجع واقول ان اربعه اهداف الاخيره من الفيصلي قويه,,,, لو (ابله عطيات) تدربهم كان تشوف شي. يافيني حره وضيقه اسمحوا لي افضفض شوي. بس يالله, الله يفرجها الموسم الجديد.
(عدنا)
السالفة اني دقيت على ابوفيصل استفسر عن دورة المؤشرنت . وجاوبني على كل شي والشهادة لله.... الرجال كان جدا مؤدب معي. المهم يوم جاء طاري الفلوس.... هو قالي تقدر تحول المبلغ في الحساب..... هنا انا خفت وقلت له لاااااااااا..... ابعطيكياه يدا بيد احسن. كنت خايف بس والله ما كنت اعرف الرجال ويوم حضرت الدورة قعدت ادور عليه ابعطيه الفلوس من زود الحرص...... معنى كذا اني حضرت الدورة وقابلت المهندس/ سيف العجمي. (احلى تحيه لابوعلي) وقاصد كريم واللي لعيونه –ولا يهون باقي الاعضاء- كتبت هذي السطور.
ابوفيصل تذكر اللي جاء الدورة وهو مواصل اكثر من 24ساعة علشان ما تفوته الدورة؟
.............................................................................................تحياتي للجميع
))
)