نداء لمقاطعه البورصه من يوم السبت

[rahaly]

يا الله نفسي



رحالي

 

[مستثمروون]

دعوة الاضراب الشامل أعتقد غير دقيقة ... ليش ؟
لأنه يمكن بعض الأخوان لديهم من الكاش انه يقدر يشتري للتبريد على أسهمه ... فمن الطبيعي انه من صالحه انه يعدل وضعه ولا يشارك بالاضراب
.... ولكن أنا أعتقد انه لو يكون دعوة لعدم البيع بخسارة لمدة اسبوع على الأقل ( اهي خربانه خربانه ) ... بس نمسك أسهما عن البيع بخسارة
واللي شايفها فرصة للشراء .. أقول للشراء فله الحرية
بس يا جماعة أنا ما أحرض أحد ... لكن من يفكر بالبيع خل يراجع أموره ادا يقدر يمتنع لو هالاسبوع - القادم - ...
وكل يضبط أموره على حسب ما يشوفه ... واحنا الحين بنهاية الاسبوع ...وراجعوا انفسكم هاليومين ...
عن نفسي ما راح أبيع هالاسبوع لأني راح أكون خسران ! (

 

[supv]

انا راح اتضامن معاكم في الاضراب لمده يومين ابتداء من باجر

 

[osamaism]

وانا بعد وياكم ، لا للبيع بخساره الاسبوع القادم
وان شاء الله لو سوينا هالشى ، راح يرد اخضر

 

[q8 investor]

والله دكرتونى بسالفه صارت لى فى سنه 97 وادكر يومها كان السوق نازل لمده اسبوعين وما كان فى سهم واحد مرتفع والكل خسران ..جان يعصبون الشياب اللى بالقاعه وقالو محد يشترى ويبيع وصارت بلحظتها وصج محد قرب يم مكاتب الوساطه ونزل السوق اكثر وصارت اغلب الاسهم معروضه بالحد الادنى وكنت متوهق بالانابيب وكنت شاريه بثلاثمائه على ما اعتقد ... تدرون شنو صار ............................. تسحبت شوى شوى لمكتب الوساطه وبردت على سهمى .هههههههههههه.. وما هى الا لحظات والكل خون بعدها وبعدين بلشت الطلبات بالشراء وبعت وعوضت خسارتى.هههههههههههه

 

[عنيد]

الصراحة السوق بالوقت الحالي فرصة ان الواحد يشتري .

وانا واحد بشيل كثر ما أقدر وخصوصا الشركات اللي شوي وتنفجر ​

​

 

[البواردي]

والله خوش فكره بس مو الحين لان ان شاء الله السبت بينزل السوق والاحد بفففففففففففففففففففففففف انفجار وهذا احساسي وهالايام من احس بشي يصير إلا المخازن ونزولها اليوم

عموماً انا مضرب عن البيع والشراء لي شهر 3 والباجي على الله

 

[بوحسن]

والله دكرتونى بسالفه صارت لى فى سنه 97 وادكر يومها كان السوق نازل لمده اسبوعين وما كان فى سهم واحد مرتفع والكل خسران ..جان يعصبون الشياب اللى بالقاعه وقالو محد يشترى ويبيع وصارت بلحظتها وصج محد قرب يم مكاتب الوساطه ونزل السوق اكثر وصارت اغلب الاسهم معروضه بالحد الادنى وكنت متوهق بالانابيب وكنت شاريه بثلاثمائه على ما اعتقد ... تدرون شنو صار ............................. تسحبت شوى شوى لمكتب الوساطه وبردت على سهمى .هههههههههههه.. وما هى الا لحظات والكل خون بعدها وبعدين بلشت الطلبات بالشراء وبعت وعوضت خسارتى.هههههههههههه

شوف انت مثال الخيانه طال عمرك

بارك الله فيك وبالشياب ولو ماسك السهم جان الحين بعته اب 3 اضعافه

وانا وياكم شباب لا بايع ولا شاري

ليم تتعدل البورصه

بكبر هالصوره الي بتوقيعي بسويه بوستر كبير ضخم واحطه على شاشة البورصه الصبح بوم السبت اشرايكم ؟

 

[q8 investor]

شوف انت مثال الخيانه طال عمرك

بارك الله فيك وبالشياب ولو ماسك السهم جان الحين بعته اب 3 اضعافه

وانا وياكم شباب لا بايع ولا شاري

ليم تتعدل البورصه

بكبر هالصوره الي بتوقيعي بسويه بوستر كبير ضخم واحطه على شاشة البورصه الصبح بوم السبت اشرايكم ؟

ادا بتقول امسك السهم من 97 جان شريت التجاريه العقاريه ب 16 فلس حزتها بسوق الجت .... خلاص انا الحين عقلت وانا وياكم بضرب ... بس ديرو بالكم ترى بكون بالقاعه وادا شفتو واحد متلثم وقاعد يتسحب شوى شوى لمكتب التداول ..هدا الشخص ترى انا...ههههههههههه..... يا خوى انا موخر عن السوق هالفتره لانى احس فى نوع من الخيانه من المحافظ والتوزيعات بصراحه تضيق الخلق ... احسن وقت تدخل على السهم الحين هو بعد ما يتفسخ

 

[portfolio grl]

و أنا بعد وياكم

 

[nasy]

اعتبر هذا نداء الجميع الاخوه في المنتدي بل عتصام لمده اسبوع لانقوم بشراء او البيع حتي نقف بوجه المحافظ الرجاءالمشاركه

ليش بضاعتهم دنماركيه

 

[هتلر]

كلمت الاضراب تستخدم فقط في السجون لانها الوسيله الوحيده للتعبير عن مشاعرهم وسخطهم هذي عن المساجين:d

والاضراب في البورصه معروفه في الوقت الحالي مابليد حيله

والفرق واضح المساجين الاضراب عن الطعام
والمتداولين ماكو اضراب بس يبحلق عيونه:d

 

[sporty72]

الصبر زين

اشكر المشاركين والقائمين على المنتدي الطيب
وارجو ان تقبلوني صديق جديد لكم ليكون هدفنا هو مصلحة الجميع بكل امانة وصدق لاننا جمينا في سفينة واحدة
يا جماعة الصبر زين وهدو بالكم شوي , اولا توكلوا على الله وتفائلو بالخير تجدوه
والي اشوفه نزول السوق امر طبيعي
ومن وجهة نظري شخصيا احيانا النزول المؤقت يكون من مصلحة الجميع ولا شلون راح نضارب؟ في احد يتفق معاي ؟ واذا كلامي غلط نوروني جزاكم الله خير
وشكرا

 

[شرياص العديلية]

ليش ما تحرقون تواير بعد ؟

ميصرش الحكي هيك يا زلمه !

حاولوا انكم اتوسعون اصدوركم حيل ​

 

[careful_invest]

ليش ما تحرقون تواير بعد ؟

ميصرش الحكي هيك يا زلمه !

حاولوا انكم اتوسعون اصدوركم حيل ​

ميصرش الحكي هيك يا زلمه!!! شكلك شرياص نابلس

 

[شيكاغو]

اشدعوه المحافظ والصاديق رادين علينا اذا اضربتو عن البيع والشراء ّ! يبين يوم السبت بعد الكبوه هذي وانشالله فيها خير بس والله انا سامع خبر بس انطر يوم السبت واقوله والله يستر

 

[الفنان2006]

استغفر الله

الرجاء من الجميع الصلاة ركعتين مع الاستغفار حيث ان الاستغفار يذهب

الكربات..نستغفرك اللهم ونتوب اليك

 

[lekyooom]

كلام طيب وانا من الحين
أعلن اضرابي عن البيع والمشترى
لمدة أسبوع من الأن
أبي اشووووف أضرابي
يأثر على السوق
جنهم مادرو عني
بس لاأحد ينجلني
اضرب بروحي وأقعد
في البيت بعد ابشركم يمكن اضرب عن
الدوام بعد

 

[الفنان2006]

اشدعوه المحافظ والصاديق رادين علينا اذا اضربتو عن البيع والشراء ّ! يبين يوم السبت بعد الكبوه هذي وانشالله فيها خير بس والله انا سامع خبر بس انطر يوم السبت واقوله والله يستر

اخ شيكاغو يا ريت تقول اليوم وتنورنا ترى اعصابنا خلاص

 

[الفنان2006]

الزلزلة يزور البورصة الاسبوع المقبل

الزلزلة لـ «الرأي العام»: لا خلاف بيني وبين مدير البورصة
كتب أحمد سماق: نفى وزير التجارة والصناعة الدكتور يوسف الزلزلة وجود أي خلاف بينه وبين المدير العام لسوق الكويت للأوراق المالية الدكتور صعفق الركيبي.
وقال الزلزلة في تصريح خاص لـ «الرأي العام» عقب لقائه مع الركيبي أمس: «من يعرف يوسف الزلزلة يعرف تماماً انه لا يضع أحكاماً مسبقة على أحد قبل ان يعرفه عن قرب».
وأضاف: «لا يوجد أي خلاف بيني وبين الأخ صعفق الركيبي، هو يقوم بدوره وأنا أقوم بدوري في إطار مهني، وعلاقتنا علاقة عمل وزمالة وهذه العلاقة ستدفع في اتجاه تحقيق هدف تحويل الكويت إلى مركز مالي، بالتعاون مع مختلف الجهات المعنية في الدولة».
وأوضح الزلزلة انه سيزور البورصة الأسبوع المقبل «للاجتماع مع الاخوة في البورصة حتى تكون لديّ الصورة الكاملة عن خطط التطوير في السوق وسبل دعم هذه الخطط لتحقيق الأهداف المرجوة من ذلك».
وتابع الزلزلة ان اجتماعاً مطولاً جمعه والركيبي أمس «وقفت فيه على كل القضايا المتعلقة بتطوير سوق المال، واطلعت على ما قامت به إدارة البورصة في عدد من المجالات التي كان آخرها الاتفاق مع مستشار عالمي لتحويل السوق إلى هيئة مستقلة خلال فترة زمنية محددة».
تجدر الإشارة إلى انه راجت معلومات في أوساط السوق عن وجود خلاف بين الطرفين، فيما عزا البعض نزول السوق إلى هذا الخلاف المزعوم.