نداء لمقاطعه البورصه من يوم السبت

[مستثمر اسلامي]

اعتبر هذا نداء الجميع الاخوه في المنتدي بل عتصام لمده اسبوع لانقوم بشراء او البيع حتي نقف بوجه المحافظ الرجاءالمشاركه

 

[المرزوق]

كلامك صحيح بس وين اللي بيسمع ويقتنع علي العموم جزاك الله خير ويرزقكك خير
تحياتي...
,

 

[azz]

أعتصام

أنا معاكم على الاضراب على البورصة( :

 

[careful_invest]

أنا بعد معاكم..
بس مو بكيفي..غصب ..والله غصب..
لا أقدر أبيع بخسارة ولا أقدر أشتري لان ببساطة ماميش..ماكو كاش..

بس عطوني كاش وراح أثبت لكم ان صج بكيفي:d

 

[أسد الجزيرة]

شرعي

يا متداول اسلامي

سؤال هل هذا العمل اسلامي

يعني هل جائز شرعا الاتفاق مسبقا على الاضراب عن البيع والشراء

افتينا



هيا

اذا كانت شرعيه فالفكره حلوه

 

[المناور]

أظم صوتى لصوتك

ولابد من أخذ موقف ضد البورصه والقائمين عليها


وأنا من ناحيتى سأطبق الإعتصام إعتبارا من يوم السبت ولمدة أسبوع

وأرجو من الأخوان أن يحذوا حذوى لعلنا نجد حل لهذه المصخره

وإذا لم يلتفتوا لنا سنضرب عن الطعام وعن أعمالنا

 

[ibrahimi]

اشحقة المقاطعة كل واحد يمسك اسهمة وماايقط ابخسارة وانة احساسى الاسبوع الياي البورصة حلوة ودوام الحال من المحال

 

[بوعزيز]

شباب أنا أقول نزول البورصة إنتهى ويوم السبت راح تشوفون صعود يفوق 200 نقطة وهذا مو توقع بل أجزم

 

[WISE MAN]

مجموعه مختاره من الناس تتحكم بشعب كامل ... والبوق شغال ومخلينهم على كيفهم وديوان المحاسبه مو ملحق يشوف هذا ولا ذاك
الديره صايره فساد في فساد ... والاصلاح في الطريق ان شاء الله على سنة 2025 لما الديره تنشف فلوسها والدينار = 2 جنيه مصري (

 

[الكونكورد]

انا اثني على كلام الاخ ابراهيمي

الافضل ان نمتنع عن البيع لمده اسبوع .. حتى الربحان لا يبيع

وشوفوا شبيصير !!

 

[ذيبان]

يا جماعه هذا سوق والسوق مفتوح ماتقدر تلزم المحافظ انها تبيع او تشتري او تمسك.... واي واحد ينخذ قرار بيع او شراء يتحمل مسئولية نفسه مو شرط الواحد على طول ربحان ...... اهم شي الواحد يعرف متى يطلع ومتى يدش وهذي للاسف 70 % من المتداولين مايتقنونها وعلى فكره اهي مو سهلة

 

[ابو محمد مساهم]

مع الاضراب للقضاء علي جميع نصاب

وانا معاكم بالاضراب لمدة اسبوع بس اتمني من جميع المستثمرين الصغار انهم يضربون لمدة اسبوع وبنفس الوقت اذا كان فيه فرصه مغريه ميه بالميه للشراء لايطوفونها اما للبيع باسعار الحضيض لا والف لا ياجماعه والله العظيم اللي يتحكمون في اموال الناس بالبورصه حراميه موتجار فالاجدر ان احنا مانساعدهم يتمادون بسرقت حلالنا وحلال الناس بورصه يوم واحد خضرا واربعة ايام حمرا ليش لانهم بسبب بسيط يتربحون بخسارة الناس والطرق هذي طرق تعمد للخساره يقفل السهم بسعر ويفتح السهم بسعر افتتاح نازل 30 او 40 فلس وياريت يصعد لا ينزل والمشكله بدون كميات وهذي سرقه عينك عينك والطريقه اللي المتبعينه هذي الفتره هي صعود الاسهم الي اسعار عاليه لمدة شهرين او ثلاثه حتي الي يبي يبع سهم بربح يبيع بس اذا شري سهم ثاني اي تراجع للسوق يخسر المربح من الاسهم الثانيه وهم يخسر من راس ماله والمشكله حتي الاسهم اللي مئسسه علي اسعار من قبل كم شهر وماتنزل عن ذيك الاسعار هم نزلوها الي ادني من الاسعار اللي تم تدويرها فيها ولو تجيكون علي اغلب الاسهم راح تشوفون ان اسعار اللي تم فيها تدويرها فترات طويله اصبحت من الماضي وهذا السرق بعينه فاتمني ان الجميع يطبق الاضراب لمدة اسبوع واحد لسبب بسيط اغلب المساهمين اظن اليوم عتدهم خساير في اسهم كانت عند اسعار اسست عليها لفترات طويله والحين اسعارها صارت بخبر كان واخيرا انا مضرب من يوم السبت الا اذا بدي السوق يصعد من البدايه بسيوله عاليه مو حيالله يعني بخمسه مليون صاعد 60 نقطه هذي حركة نصب وتصريف وراح يرد يحمر مره ثانيه وشكرا.

 

[WISE MAN]

يا جماعه هذا سوق والسوق مفتوح ماتقدر تلزم المحافظ انها تبيع او تشتري او تمسك.... واي واحد ينخذ قرار بيع او شراء يتحمل مسئولية نفسه مو شرط الواحد على طول ربحان ...... اهم شي الواحد يعرف متى يطلع ومتى يدش وهذي للاسف 70 % من المتداولين مايتقنونها وعلى فكره اهي مو سهلة

اخوي ذيبان كلامك عين العقل بس انا شنو ضماني اذا نطرت ان ما تصير بوقه بالشركة او تلاعب بالأرباح او قصور
مثال : اليوم كان فيه اعلان من شركه نص ارباحها غير محققه والارباح جايه من اصول قيمتها 4.5 مليار دولار ... يعني ما في نسبه وتناسب ... اشلون انطر (

 

[zgombi]

اضراب حلوه والله

الاخ يحسب قاعد بمصنع طابوق هههههههههههههههههههههه


حبيبي وانا بعد وياكم بس اذا تقدر تجمع الناس على خسارة فلوسها انا معاك .


حلوة اضراب

ههههههههههههههههههههههههههههه

 

[برق الشرق]

معكم في الاضراب عن البيع بخسارة,لإني اذا كنت خسران بأصبر يمكن تتعدل الأمور ,واذا ماتعدلت لاحقين على البيع بخسارة .
وأما الشراء فأعتقد أن خير وسيلة لتعويض خسائرنا بشراء أسهم (تكانه) تغطي بمربحها خسايرنا ,يعني نطلع بهالحاله لا طالب ولا مطلوب!! بس الحجي :منو عنده كاش؟؟

 

[ابو عليا]

ليش الاضراب ... السوق ممتاز ورخيص بس وين الناس اللي تشتري
اللي ما يشتري الحين ماعندة سالفة ... حتى الناس اللي خسرانة فرصة ذهبية للتبريد على اسهمهم...

 

[واحد قنوع]

حبيبي ليش ندش بمسئلة يجوز اوما يجوز لو اننا كلنا نمتنع من البيع بخساره والصبر هنا نكون حلينا الاشكال وحافظنا على حلالنا .

 

[نوكيا]

مجموعه مختاره من الناس تتحكم بشعب كامل ... والبوق شغال ومخلينهم على كيفهم وديوان المحاسبه مو ملحق يشوف هذا ولا ذاك
الديره صايره فساد في فساد ... والاصلاح في الطريق ان شاء الله على سنة 2025 لما الديره تنشف فلوسها والدينار = 2 جنيه مصري (

عيل من الحين ادور لى عدم ممانعه واروح اشتغل فى مصر قبل لا يوصل هالسعر

 

[alshammery]

اخوانى الاعضاء ... اولا السوق مفتوح ومافى احد يقدر يجبر احد على الشراء او البيع وكل واحد يدور مصلحتة ....والسوق هذة حالتة يوم اخضر ويوم ماكو شى ويوم احمر

 

[غشيم جدا]

اكيد بيصعد الاسبوع الجاي او روحي بتصعد