شركة مركز سلطان للمواد الغذائية ش.م.ك.م ( م سلطان )

[Moshaks_777]

انشالله يروح دينارين

 

[الخال قحطة]

الواقع يقول يا اخى سهم سلطان وخاصة بعد اعلان الارباح سعرة سيراوح حول الدينار نزول وصعود يعنى الرينج بين 800 و1200 فقط والسبب فى رايى انة دام لامس ال800 فلس يعنى الحين فى ناس شروا ب 800 لى 900 وماعندهم مانع يقطون 900 ويضاربون علية انا مستغرب من اللى محتفظ فية من سعر فوق الدينارين اقول كان اللة بعونة امس قاعد مع واحد شارى السهم 2460 وللحين عندة قلتلة عندك امل اتشوف هالاسعار اغسل ايدك ... المخازن حتى لو يجى لها عقد مليارى الحين ما راح توصل اكثر من 3500 لان العقد المليارى وكان حالة جديدة فى السوق طلعت السهم فوق من 3500 الى 5400 تقريبا وبس ولكن اللى حرك السهم الى 6700 هو اعلان المخازن عن زيادة راس المال وشفتوا اشلون انهار السهم وراها من سعر التفسيخ 4460 فلس الى 3080 فى شهر واحد والعقد الثانى فى شهر 6 ماحرك السهم الا من 3080 الى 4000 بس .. نهاية الكلام اسعار سلطان السابقة الواقع يقول حدة 1200 بس بعدين ممكن احد عندة معلومة عن تاريخ الجمعية العمومية لسلطان جزاة اللة خير لان اللى عنهم السهم يسالون

سود الله وجه سلطان

 

[bo-hamad]

تـــفائــلوا بالخــــير تجـــدوه

ليش التشائم هذا

هذى شركة متماسكه

بجيكم يوم بتقولون بيض الله وجه مركز سلطان

صج أنك سلطان السوق

 

[كويتي 2005]

متى هل اليوم ، اخف يوم القيامة العصر

الي صاير معانه هو خداع في مواجهة الحقيقة ، الواقع يقول شي والتمنيات تقول شي ثاني ، ولن يمشي الى الواقع شأنا أم ابينا


بس اتوقع لسلطان يوصل 3 دنانير قبل التفصيخ ، ليش ؟ ما أدري !

 

[hhhmg]

خبر جيد بالرأي العام

 

[Moshaks_777]

خبر شكله بيرفع السهم فوق هو الإستثمار بالأندية الرياضية

 

[info]

انا شايف مشروع مركز سلطان فى حولى بجانب نادى القادسية

 

[Moshaks_777]

مشروعهم فرع مركز سلطان صغير يتكون من ديورين مقابل معهد الدراسات التجارية بطرف نادي القادسيه

 

[كويتي 2005]

الخبر إلي بالرأي العام من كثر ما هو قوي خله السهم ينزل 40 فلس

بالله عليكم هذا كلام ، كل يوم نازل ، لي متى يعني ، انا شكلي بنتحر من القهر ، حاطلي خطه مستقبليه بناءا على توقعات صعود سلطان ، ولكن للأسف فشلة خطتي ، شكلي ببيع ابخسارة واشوفلي شركة زينة اكتتب فيها واخذ ارباح سنوية احسنلي من هل الخساير ، كل يوم ينزل اكثر ، اخف يرجع حق سعره القديم 200 فلس

محد عنده تحليل او خبر او معلومة يطبطب علينا فيها تره محبطين حدنه ، انا لو شاري براس مالي دوا الكحه وبايعه مو يمكن افيد لي من سهم سلطان


بس انا بسأل وين ( نبييييييييييل ) تذكرون نبيل إلى دايما كان اييبلنا اخبار مضبوطه عن سلطان وسهم المعادن وتطلع صح ، اتذكر انه قال بسافر ، محد فيكم عنده ايميله او يدري رجع من السفر ولا لا ، تره اشتقناله واشتقنا حق اخباره وتحليلاته .
وينك يا نبييييييييييييييييييييييييييييييييييييييل
طبطب علينا يا نبيييييييييييييييييييييييييييييل

عطنه معلومة ايجابية يا نبيل

 

[careful_invest]

بصراحة يا جماعة أرباح شركات الجناعات فيها شبهة الحرام..

ليش شرط الحرام بانك تتاجر بما حرمه الشرع..لكن الحرام انك تقبض أرباح من فلوس الناس بالغش والحرمنة والتدليس وبث البيانات التطمينية علشان تخدع فيها خلق الله..

لما شركة توزع 25% و15% بمجموع 40% وين راحت 60%..

حرام عليكم يا عيال السلطان تحققون كل هالأرباح وما توزعون الا التناتيش على مساهمينكم..

بسكم تحايل وجمبزة..

لا حول ولا قوة الا بالله

 

[Black]

سلطان شريته فوق الدينار و ظليت ماسكه و هو ينزل و بكل نزله يطلع روحي و كلما قلت تجازن نقطعة المقاومة اشوفه اليوم الثاني نازل و بصراحة مافي احد ينزل السهم الا اصحاب الشركة و هم يقصدون ان السعر ينزل .
و بالنسبة لسلطان بعد ما نزل على 800 بعد نزلات حد أدنى لأيام متتالية فجأة السبت حد أعلى و الأحد حد أعلى و الاثنين حد أعلى و وصل السهم 950 لأن اجتماع الجمعية كان يوم الاثنين فوق الساعة 3 و كانت الناس عندها أمل بالأرباح و لما طلعت الأرباح كلها سواد ويه اليوم الثاني سلطان حد أدنى و نزل أكثر اليوم اللي بعده .
و بصراحة انا بعته بخسارة مو قليلة بس الله كريم و الله يعوض لأن فلوسنا قامت اتطير و احنا نتفرج ولا قادرين انسوي شي و ماناخذ من اصحاب الشركات الا التصريحات عن المشاريع اللي اتفيد الشركة فقط ولا اترد على المستثمر للسهم بأي مردود
و الله العالم انا متوقع ان التجار غالبيتهم متفقين على المستثمرين الصغار انهم يبون ينحشونهم و يطلعونهم من طورهم على ان يطلعون من السوق او يحطون فلوسهم عند الصناديق
و الله يعين

 

[info]

على شنو فايدة التحليل

 

[azzd]

اقتراح

يا جماعة سؤال ؟؟

مجلس الادارة للشركة قدم توصيته للارباح لسنة 2005 ( وكانت توزيعه فعلا تعبانه واثرة وايد على السهم ) واحنا تضررنا نحن اصحاب السهم

السؤال .......اهم قدم توصيتهم حق الجمعية العمومية ( اصحاب الاسهم ) يعني ممكن نروح كلنا ونرفض هذه التوصية ونرفع التوزيعة (النقدي والمنحة ),,
هل ممكن نعمل ذلك ولا ما نقدر ؟؟؟؟
مو اهم يبون موافقة الجمعية ( الي اهم احنا )

خلونا نوقف بويهم اشوي علشان يعملونا احساب
هذا رآي بالموضوع ممكن يحتمل الخطاء

 

[الشورى خالد]

قصوا عليك اليوم راحوا وخلوك بس الظاهر البروكر مو محترف مثل المخازن ووطنية ع ( نظامهم التداول من 12.29 الى 12.30) بداية خير لملاك السهم

 

[كويتي 2005]

يا اخوان شنو صاير بسلطان ، المخازن حد اعلى وسلطان حد ادنى ليش


شنو تقترحون علينه ، نبي حل

 

[كويتي 2005]

شكثر باقي حق سلطان ويوصل 200 فلس

ودي اشتري بهل السعر ، تره شاريه بـ 800 فلس ، بس سمعت يمكن يوصل 500 فلس ويمكن اقل . ويمكن من السبت يصعد
ما يندره
بس الخساره ما شيه
خربانه خربانه ، خل نروح ننام وننسى البورصة لي بعد 6 اشهر بعدين نشوفه يمكن الوضع تغير .
ولا شرايكم مو احسن من عوار القلب كل يوم

 

[كويتي 2005]

للرفع

 

[shamssoe]

والله نسيبي يوميا خسارته 1750 دينار من سلطان الله يكون بعونه وعون الجميع لا حول ولا قوة الا بالله

 

[hhhmg]

لاحول ولا قوة الا بالله

 

[Moshaks_777]

خربها عدل سليطين