شركة المشروعات الكبري العقارية ش.م.ك.م ( جراند )

[عكس التيار]

تبون تتعلمون فن المضاربة

شوفوا أكبر مضارب وهو مسيوسامي

 

[.osama]

أي توقف للسهم عن الصعود يعتبر فرصة للدخول .. ولن يلعب المضارب لعبته مجدداً بإذن الله ..


بوتسنيم​

كثرلي من هالكلام الي يونس يابوتسنيم

يعني تهقى فيها 700 فلس خلال شهر 6 ​

 

[الكولونيل]

تبون تتعلمون فن المضاربة

شوفوا أكبر مضارب وهو مسيوسامي

انا اموت واعرف انت شلي حارق قلبك ياخي قول نصيحتك وخلاص لاتقعد كل شوي تنط اي والله يعني بتخوف الناس بتخليهم يقطون ليش ؟؟؟؟؟؟؟

هذا بدال ماتدعيلنا بالتوفيق تقعد تتحلطم وتذم سامي البدر علشان نخاف ونقط والله عيب
انا لله وانا اليه راجعون​

 

[garmin]

طبعا الاسئله الي محيره الكل هي متي اقط السهم للي شاري و هل ادش علي السهم للي طافه القطار ؟


هل اقط السهم الحين ؟ صج سؤال يحير... السهم اخر مره سلك نفس السلوك صعد 100 % .. و للحين السهم صاعد 40 % بس مؤاشرات السوق بدات تتحسن ..السيوله قاعده تزيد ..الاخبار الايجابيه بدات تكثر ... و الاحساس العام يتجه الي التفائل بصعود جيد خلال الفتره القادمه
زين شنو نسوي ...هل اضل ماسك السهم و انطر للقمه لما افكر ابيع و بعدها نشرب نفس المقلب للمره الثانيه خلال اقل من عام !! ...
صانع السوق " عارف و داري ان اغلب الناس " مو ناويه تشرب نفس المقلب للمره الثانيه و راح تجني ارباحها بعنف عند اقل هزه ... في احتمال مو صغير انه يمشي عكس توقعات الناس و يجني ارباحه قبل الوصول ...في احتمال مو صاحي انه يكمل علي الدوسه لاسباب احنا للحين مو عارفينها

ابلش بالقسم الثاني من السؤال هل ادش علي السهم الحين ؟

طبعا ما نصح بالدخول في هالمنطقه الحرجه ...صعود اكثر من 40 % خلال اسبوع .." تخيل تنط علي قطار و هو دايس علي الاخر ... يا تصيب ...يا تخيب ... ...

يعني الفكره الي" داش راح يتحسف علي ربح اذا نزل السهم ...اما الي مو داش للحين و ويجرب ينط ممكن راح يتحسف علي خساره "

طبعا التحليل الفني جدا صعب لاي سهم ماخذ زاويه حاده بالصعود " لانه صعب تعرف ويين راح يوقف و يغير الاتجاه " لاكن راح احاول احطكم بالصوره للي انا شايفه ...و الي عند راي وده يضيفه " فليسكب دلوه "

السهم عنده مقاومه علي 510 ... متوسط سعر 100 يوم و نقطه ارتداد سابقه مؤشر القوه الشرائيه في منطقه قريبه من نطقه المبالغه في الشراء ...

لو كان سهم صاعد صعود طبيعي " كان قلت شوته و انا مغمض " اعتمادا علي التحليل الفني فقط ... لاكن الصعده مو طبيعيه " فقرار الشوته او الشراء " يعتمد علي قناعه كل شخص و مبدا الخوف و الطمع "


شخصيا انا طمعان

بالتوفيق للجميع

اخوكم بوادم

اخي العزيز قربان وبما إنك من الطماعين وبما إن السهم أقفل 510 مطلوب وبقوه فهل هذه تعتبر إشارة كسر للمقاومه
والا نحتاج تداول الغد يا كابتن

اخوك
بوفواز

 

[العالم]

أي توقف للسهم عن الصعود يعتبر فرصة للدخول .. ولن يلعب المضارب لعبته مجدداً بإذن الله ..


بوتسنيم​

خذ الحذر ولاتوهق العالم
السهم راح يرتد ارتداد قوي
واذكرك في مؤتمر الشفافية
الي المجموعة د990 وجراند 1040
في حالة التوقف راح تشوف جني ارباح ماصار ولااستوى
واللة اعلم

 

[قربان]

اخي العزيز قربان وبما إنك من الطماعين وبما إن السهم أقفل 510 مطلوب وبقوه فهل هذه تعتبر إشارة كسر للمقاومه
والا نحتاج تداول الغد يا كابتن

اخوك
بوفواز

عزيزي بوفواز

السهم اليوم مره "بخضه" بيع قوي علي 510 و لاكن الحمدالله كان هناك في شراي قوي قعد يلقط " بكل سرور " الكميات الكبيره الي انقطت عليه -- احساسي ان القط كان متفق عليه علي هل الاسعار --

اهم شي طبعا ان السهم سكر فوق 510 و بقوه مثل ما تفضلت و هذا شي جدا ايجابي ... لاكن اكيد نحتاج تداول الغد للتاكيد هل الكسر وهمي او لا !!
اعتقد الاختبار الحقيقي للسهم هو " 530 " فلس و ممكن نشوف نزله لي 500 لي 510 في يوم الغد ..
افضل شي نتابعه في الايام المقبله هو " كميه التداول " .. اعتقد راح نشوف زياده في الكميه مع اقفالات " خضره انشالله " ..اهم شي اذا شفنا تداول 10 مليون سهم وفوق " زهب نفسك للنحشه " ...لان هذ الي صار في اخر مره صعد السهم بهالقوه

بالتوفيق

 

[المجموعي]

الله يعطيكم العافيه ومبروكين على هالصعود الطيب..

ومنها الى الاعلى

ارجو الانتباه ان ارباح السهم للربع الاول 4 فلوس
وسعر السهم الان 520؟؟؟؟؟؟؟

بالربع الثالث لسنة 2005 السهم كان بالدينار ومعلق بالحد الاعلى وبنفس اليوم اعلنت الشركه ارباح الربع الثالث اللي كانت ب54 فلس وغير مناسبه لسعر السهم فنزل السهم من الدينار الى ال750 ....
واتمنى هالشي مايتكرر
او على اقل تقدير يوقفون السهم عن الصعود اللي ماله داعي او الغير مبرر
خصوصا ان السهم بدا تداوله يرتفع يوم عن يوم وبالذات اليوم....!!!
مانبي صعود ماله داعي وغير مدروس ووراها نهايه مأساويه

اذا كان في خبر راح يطلع يشيل السهم ممكن يكون الصعود مبرر ويكمل السهم.. غير ذلك لأ..

جم بتكون رباح الربع الثاني؟؟؟؟

الارباح القويه راح تكون بالربع الثالث والاخير...

والله يوفق الجميع لما يحب ويرضى




وفقنا الله لما يحب ويرضى

 

[البواردي]

الله يعطيكم العافيه ومبروكين على هالصعود الطيب..

ومنها الى الاعلى

ارجو الانتباه ان ارباح السهم للربع الاول 4 فلوس
وسعر السهم الان 520؟؟؟؟؟؟؟

بالربع الثالث لسنة 2005 السهم كان بالدينار ومعلق بالحد الاعلى وبنفس اليوم اعلنت الشركه ارباح الربع الثالث اللي كانت ب54 فلس وغير مناسبه لسعر السهم فنزل السهم من الدينار الى ال750 ....
واتمنى هالشي مايتكرر
او على اقل تقدير يوقفون السهم عن الصعود اللي ماله داعي او الغير مبرر
خصوصا ان السهم بدا تداوله يرتفع يوم عن يوم وبالذات اليوم....!!!
مانبي صعود ماله داعي وغير مدروس ووراها نهايه مأساويه

اذا كان في خبر راح يطلع يشيل السهم ممكن يكون الصعود مبرر ويكمل السهم.. غير ذلك لأ..

جم بتكون رباح الربع الثاني؟؟؟؟

الارباح القويه راح تكون بالربع الثالث والاخير...

والله يوفق الجميع لما يحب ويرضى




وفقنا الله لما يحب ويرضى

السلام عليكم
يعطيك العافيه اخوي المجموعي
بحيت اجاوب على سؤال حضرتك طرحته اللي اهو اذا كان في خبر يشيل السهم ؟؟
انا بسألك عن شغله قبل ما اجاوبك وبعدين بجاوب
نسيت ان جراند شرت اللبنانيه وان شاء الله بتتحول خلال اسبوعين وتصير السياحيه ؟؟

اما بالنسبه للاخبار احب اقولك في جم مشروع ومنها مشروع كبير بالرياض ومساحة المشروع كبيره جداً وان شاء الله خلال اقل من شهر راح يعلنون الخبر
استحواذ جراند للشركه اللبنانيه كاملاً وبأسعار جعلت حساباتها تختلف للاحسن ... لان السوق نزل واللبنانيه نزلت مع السوق
عن القريب العاجل ان شاء الله راح يكون في صندوق استثماري اسمه صناع السوق يحمل مبالغ كبيره وهي اللي راح تمسك المجموعه الدوليه وجراند وبتروجلف وجراند السياحيه اذا اندرجت ان شاء الله وهذا الصندوق انشأ لاجل اسهم المجموعه د فقط وليس غيرها
كلنا نعرف يا المجموعي ان اذا في شركه زميله لسركه اخرى ارتفعت ترتفع الشركه الثانيه اذا مو من المحفظه اللي ماسكتها راح يكون ارتفاعها من السوق ومن المتداولين

هذا بكل اختصار
الاسهم هذي تستحق الاستثمار واذا شريت من تحت وبعت فوق وربحت الله يرزقك
ولكن انصحك فيها جراند مستقبلها جداً جميل

 

[Bo Tasneem]

أي توقف للسهم عن الصعود يعتبر فرصة للدخول .. ولن يلعب المضارب لعبته مجدداً بإذن الله ..


بوتسنيم​

للرفع .. والتذكير ​

تبون تتعلمون فن المضاربة

شوفوا أكبر مضارب وهو مسيوسامي

مسيو سامي مثل ما تفضلت .. قاعد يلم بهالأسعار الزهيدة .. لأنه عارف في شركات تبي تدخل وماعطاها الجرين لايت ليلحين ..

سامي عنده رجال عارفين اشلون يلعبون بحسبة المضارب واشلون يدافعون عن حلال الناس .. عيني عليهم بارده والله رجال ينشد الظهر فيهم ..

دربكم خضر والله يوفقكم يارب ..


بوتسنيم​

 

[اسهم]

يعني وين رايح غراند ؟؟

نمسكه ولي متى ؟

ولا نقطه ؟؟

طلع على 540 !! حسب توصية

 

[المطرود]

السلام عليكم

شباب يا ريت أحد الأخوة يتفضل ويحط لنا الشارت ويبين إتجاهات السهم خلال الفترة القادمة .

مع خالص الشكر للجميع

 

[garmin]

عزيزي بوفواز

السهم اليوم مره "بخضه" بيع قوي علي 510 و لاكن الحمدالله كان هناك في شراي قوي قعد يلقط " بكل سرور " الكميات الكبيره الي انقطت عليه -- احساسي ان القط كان متفق عليه علي هل الاسعار --

اهم شي طبعا ان السهم سكر فوق 510 و بقوه مثل ما تفضلت و هذا شي جدا ايجابي ... لاكن اكيد نحتاج تداول الغد للتاكيد هل الكسر وهمي او لا !!
اعتقد الاختبار الحقيقي للسهم هو " 530 " فلس و ممكن نشوف نزله لي 500 لي 510 في يوم الغد ..
افضل شي نتابعه في الايام المقبله هو " كميه التداول " .. اعتقد راح نشوف زياده في الكميه مع اقفالات " خضره انشالله " ..اهم شي اذا شفنا تداول 10 مليون سهم وفوق " زهب نفسك للنحشه " ...لان هذ الي صار في اخر مره صعد السهم بهالقوه

بالتوفيق

أتمنا أشف رأيك في تداول السهم اليوم وهل كسر المقاومه كتحليل فني

اخوك
بوفواز

 

[قربان]

أتمنا أشف رأيك في تداول السهم اليوم وهل كسر المقاومه كتحليل فني

اخوك
بوفواز

كسرها بكل شرف

الحمدالله و الشكر ال 530 كانت نقطه مو هينيه و 510 ما فكر يشوفها

و الله اليوم السهم بغا يخضني معاه ... كنت حاط ايد علي قلبي و ايد علي الكيبووورد ..بس الحمدالله مشيت معا احساسي و ما بعت ..

الحين الكلام ..الهدف ويين ..متا بوقف ؟؟ .. للحين مافي اي اشاره ان السهم ناوي يغير اتجاه خلال اليومين القادمين ...

كاهداف منطقيه ... ممكن تكون 580 و 590 هي نهايه الرحله ...
كاهداف موصاحيه ... "نفس سلوك السهم الحالي " ممكن نشوف 670 الي 700 فلس ... ..
ممكن البعض يقول مستحيل ... 700 فلس ... لاكن لو نرجع قبل 8 ايام و نشوف جراند علي 330 فلس هل كنا نحلم ان نشوفها علي 540 فلس اليوم !!

المهم الحذر واجب في المرحله القادمه ... واضح ان حده البيع قاعده تزيد و هم واضح ان في شراي ناطر هل البيع " بكل رحابه صدر " ...لاكن المنطق يقول ماكو شي يصعد للابد و من الي شفناه اي سهم عده 100 % صعود خلال فتره بسيطه " تمت معاقبته من قبل المتداولين " في الفتره الي بعدها ... اتمني هالشي ما يحصل " و احساسي يقول ممكن انه ما يحصل " لانه هذا هو المنطق و صانع السوق ما راح يمشي معاه

بالتوفيق

 

[Senator]

بس بزيد مشاركه مع ان انا ما عندي بهالسهم شي

اتوقع جني الأرباح قريب

الجماعه اللي حولو اسهمهم من اللبنانية ما خذو شهادات جراند ليلحين

و بمجرد ما ياخذون اسهمهم راح يبيعون لانه وصل لأسعار مرتفعه

من 300 و شي الى 540 مو شويه

و متابعتي له ان حد اعلى جم يوم و فتح .. هذا مؤشر مو زين

و الحذر واجب

 

[garmin]

كسرها بكل شرف

الحمدالله و الشكر ال 530 كانت نقطه مو هينيه و 510 ما فكر يشوفها

و الله اليوم السهم بغا يخضني معاه ... كنت حاط ايد علي قلبي و ايد علي الكيبووورد ..بس الحمدالله مشيت معا احساسي و ما بعت ..

الحين الكلام ..الهدف ويين ..متا بوقف ؟؟ .. للحين مافي اي اشاره ان السهم ناوي يغير اتجاه خلال اليومين القادمين ...

كاهداف منطقيه ... ممكن تكون 580 و 590 هي نهايه الرحله ...
كاهداف موصاحيه ... "نفس سلوك السهم الحالي " ممكن نشوف 670 الي 700 فلس ... ..
ممكن البعض يقول مستحيل ... 700 فلس ... لاكن لو نرجع قبل 8 ايام و نشوف جراند علي 330 فلس هل كنا نحلم ان نشوفها علي 540 فلس اليوم !!

المهم الحذر واجب في المرحله القادمه ... واضح ان حده البيع قاعده تزيد و هم واضح ان في شراي ناطر هل البيع " بكل رحابه صدر " ...لاكن المنطق يقول ماكو شي يصعد للابد و من الي شفناه اي سهم عده 100 % صعود خلال فتره بسيطه " تمت معاقبته من قبل المتداولين " في الفتره الي بعدها ... اتمني هالشي ما يحصل " و احساسي يقول ممكن انه ما يحصل " لانه هذا هو المنطق و صانع السوق ما راح يمشي معاه

بالتوفيق

أول شي مشكور على تحليلك للسهم
وسلامتك من خظظظظظة البطن
السهم فيه خير بإذن الله وأخبار طيبه راح تسمعها بإذن الله تسرك
اليوم كان في بيع لكن في مقابله شراء طيب ومرتب والدفاع على منطقة ال500-510-520 كانت واضحه جدا .
السهم إستقراره في هذه المنطقة أمر إيجابي بالنسبه لي

الله يوفق الجميع يارب
اخوكم
بوفواز

 

[almared]

والله لك وحشه أخوي قربان ...

السهم حسب التحليل الفني دبل بوتم ...

الهدف تقريبا 590 - 600


والعلم عند الله ..

والحذر وااااااااااااااااااااااااااااااااااااااااجب

السهم علق 8 أيام والتاسع مخضر ...

وبالتوفيق ..

أخوكم المارد

 

[قربان]

والله لك وحشه أخوي قربان ...

السهم حسب التحليل الفني دبل بوتم ...

الهدف تقريبا 590 - 600


والعلم عند الله ..

والحذر وااااااااااااااااااااااااااااااااااااااااجب

السهم علق 8 أيام والتاسع مخضر ...

وبالتوفيق ..

أخوكم المارد

حبيبي يالمارد القلوب عند بعضها

كنت احاول قدر الامكان ا تابع المنتدي ... بس مثل ما شفت وضع السوق السوق كان سئ جدا و لايسمح بالمخاطره بابداء الراي بالمضاربه او الاستثمار " جو مضبب " ... بس الحمدالله .. اعتقد السوق راح يستقر و يبدا يسلك سلوك فني منطقي نوعا ما ... انشالله باحاول اتابع مع الاخوان قدر الامكان لاقتناص الفرص و تعويض خسائرنا و خسائرهم

بالنسبه للسهم مثل ما تفضلت مشكل الدبل بوتم .. و الهدف 580-590-600 كلهم ينفعون ...
و الحذر واجب اكيد ...شخصيا اعتقد نقطه خروجي بتكون علي 580 فلس
لانه ممكن تكون هذي الموجه الاولي ... بنطر الموجه الثانيه " التصحيح "
و بعده انشالله بركب علي الموجه الثالثه
فكر فيها اذا هذي الموجه الاولي ... تهقا الموجه الثالثه وييين بتاخذ السهم

حبي المارد

اخوك قربان

 

[almared]

بارك الله فيك اخوي قربان والله يعوضك خير أنت وباقي الاخوان .


اخوك المارد

 

[faris q8]

مساكم الله بالخير شنو وضع السهم بعد تداول اليوم ؟

 

[قربان]

بعد تداول اليوم اشوف الاحتمالات القادمه هي

1) نزله لي 500 -510 و بعدها صعود لي 580 - 600 -- احتمال غير فني بس كل شي جايز
2 ) بدايه موجه التصحيح الثانيه و اتجاه السهم لي 455 فلس
3) == == == == ======== اتجاه السهم لي 410 فلس

اليوم كان في دعم واضح علي 520 -510 -500 ... اعتقد الرساله منها هي ان النزول التصحيحي بيكون نزول طبيعي ... ما عتقد بنشوف الحد الادني بسهوله

بكل الاحوال اعتقد ان اليوم كانت نهايه الموجه الاولي و انشالله السهم بصحح الموجه الثانيه نزول و بعده " لا تطوفكم الموجه الثالثه " فيها صعده ممكن تاخذ السهم لي 700 فلس و فوق "

شخصيا انا طلعت اليوم علي 530 للحفاظ علي الارباح المحققه " النحشه نص الشجاعه " و انشالله بنطر السهم لين ينتهي من التصحيح

بالتوفيق للجميع