شركة المشروعات الكبري العقارية ش.م.ك.م ( جراند )

[بقايا-جروح]

سعر جراند الجديد

4.05 اربعمائه وخمسه فلوس سعر جراند من يوم السبت

 

[azizan400]

هلا اسامة شلونك

مبروك على الملجه

موجراند اخذ اللبنانيه​

هلا والله اسامة شلونك يقولك طلقها وأخذ أختها قالك الله يلعن الثنتين

 

[مساهم قديم]

الاخوة المتابعين للسهم
اذا كان سعر السهم بعد التفصيخ 400
والاكتتاب بسعر 400
شرايكم يسوى الاكتتاب
انا اشوف ما يسوى ؟؟؟؟؟؟؟

 

[Bo Tasneem]

مساكم الله بالخير يالحبايب ..

ماتتوقعون أن يكون التفسيخ تحت الـ 500فلس عمداً !!

مادري بس فكرت فيها اشوي وطلعت بهالنتيجة ..

1- أن يتعمّد بأن يجعل السهم على مستوى الـ 400 والـ 450فلس حتى تستخسره الناس ويطيح من العين اشوي .

2- عندما تستخسره الناس راح تلتفت إلى غيره فتصير الطبخة واللقمة حقه وحق ربعه بروحهم .

3- ليمن تصير الطبخة واللقمة حقه وحق ربعه ومستثمرينه الكبار ومنهم أمراء وملوك .. راح يكبر بعينهم وعندها تتعدّل السبعة أكثر وتصعد السمعة والمصداقية عند مستثمرينه إللي قتلكم عنهم .. فهو موبحاجة حق بوتسنيم وربعه إللي بالمنتدى هإللي ماوراهم غير التحلطم .

4- ومع تعديل السمعة والمصداقية .. يأتيكم البدر بفرز أوراقه ومشاريعه ويطيح فينّا (باون) لي آخر السنة ويخلينا متحسرين على أسهمنا إللي بعناها وشراهم أهو وربعه منّا .

5- راح يخلينّا متحسرين اشلون !! أظن بأنه راح يعطي لكل 10فلوس حقها بالصعود عن طريق إعلان مشاريعه بشكل رسمي خلاص .. لأن الوضع مايتحمّل أن يتكتّم أكثر عليها .

هذا مافكّرت فيه .. فيا عزيزي يارحالي ..

اشصار على المحامي يبه !! خلنا نخلّص بسرعه تكفا ..


بوتسنيم​

 

[RBG]

الامراء والغفراء

السلام عليكم

اخى بو تسنيم اعتقد ان الوضع ما عاد يحتمل اعذار لا امراء ولا غفراء ربع المجموعة يملكون 80% من الشركة و5% اسهم ضمان عضوية وخلافه يعنى الشركة بنسبة 85% مملوكة فاى نزول للسهم ويطيح من عين منو اخى العزيز السهم طالع طالع بس لاسباب اخرى لا يجوز ذكرها لا لخاطر الامراء او سامى والله يصبر مساهمى اللبنانية على الى هيصير .

من جهة اخرى سعر 850 فلس المذكور قبل ذلك هو اساس سعر التبادل بين جراند والبنانية وليس سعر الاكتتاب وارجعوا الى اول اعلان عن الاستحواذ تلاقوا مذكور عبارة دون اعتبار لسعر السهم قبل او بعد تاريخ ابرام مذكرة الاستحواذ.

السؤال الحالى هل سيتم تغطية زيادة راس المال للبنانية الى 100 مليون
طيب مين الا هيدفع ؟

 

[Cha3bar]

السؤال الحالى هل سيتم تغطية زيادة راس المال للبنانية الى 100 مليون
طيب مين الا هيدفع ؟

اللبنانية راح تكون مملوكه بالكامل لجراند حسب صفقة الإستحواذ وعليها تكون شركة جراند هي من ستقوم برفع رأس المال إلى 100 مليون دينار وهي من تغطي هذا الإكتتاب عاد بدفع المبلغ بالكامل ولا لأ ما أدري

السؤال الثاني اللبنانية قبل لا يتغير كيانها إلى السياحية راح تنسحب من البورصة ولا شسالفة؟

 

[البواردي]

السلام عليكم

يا جماعه اللي بدل اسهمه باللبنانيه ياخذ ارباح جراند عقب ما اتفصخ ؟

 

[RBG]

وقعت فى الفخ

اللبنانية راح تكون مملوكه بالكامل لجراند حسب صفقة الإستحواذ وعليها تكون شركة جراند هي من ستقوم برفع رأس المال إلى 100 مليون دينار وهي من تغطي هذا الإكتتاب عاد بدفع المبلغ بالكامل ولا لأ ما أدري

السؤال الثاني اللبنانية قبل لا يتغير كيانها إلى السياحية راح تنسحب من البورصة ولا شسالفة؟

يا سلام
لو جراند لديها 100 مليون ما هو السبب لعملية الاستحواذ طيب ما تزيد راس مالها هى وخلاص من غير لبنانية ولا امريكية .

لن يتم سحب البنانية من البورصة او اى شئ فيه ناس ما بدلت الاسهم ولو تم ايقاف السهم ..............؟

عملية الاستحواذ عملية لها ابعاد خطيرة سوف تدركون ما تم وسوف يتم لاحقا .

 

[NBK]

السلام عليكم

يا جماعه اللي بدل اسهمه باللبنانيه ياخذ ارباح جراند عقب ما اتفصخ ؟

منو هذا الي بدل اسهمه باللبنانيه؟؟؟؟؟؟؟؟؟؟


مايصير ياخذ ارباح اللبنانيه وارباح جراند

ليش ماعلمتنا قبل توزيع اللبنانيه

هاهاهاهاهاهاهاهاهاهاها

لاتزعل امزح وياك

شكرا

 

[white soul]

ليمن تصير الطبخة واللقمة حقه وحق ربعه ومستثمرينه الكبار ومنهم أمراء وملوك ..

بو تسنيم انت من صجك اتحجى..!

منو يثق بسامي البدر..؟

نسيتو وعوده ومشاريعه الي بالدرج والا اذكركم..؟

حتى لو دشو معاه ملوك وامراء على قولتك فاعرف ان السالفه وراها ضحايا لا يعدون ولا يحصون نفس سالفة البحر والوليد بن طلال..!

اتقوا الله في هالناس الي حطت الي وراها وجدامها السهم يوم كان بين ال 800 وال 900 كنتو تقولون السهم رايح وامسكو ويومة نزل 100% من سعره قمتو تأولون الاحداث وانه يبي ياكل الكيكه بروحه..

الله لا يوفق كل شخص ساهم بتضليل الناس عن عمد الي انخدع نفس هالعالم الله يعوض علي بس الي كان مشترك معاهم انشالله يشوفها بصحته​

 

[Cha3bar]

يا سلام
لو جراند لديها 100 مليون ما هو السبب لعملية الاستحواذ طيب ما تزيد راس مالها هى وخلاص من غير لبنانية ولا امريكية .

لن يتم سحب البنانية من البورصة او اى شئ فيه ناس ما بدلت الاسهم ولو تم ايقاف السهم ..............؟

عملية الاستحواذ عملية لها ابعاد خطيرة سوف تدركون ما تم وسوف يتم لاحقا .

عيل إسمها جراند على شنو؟ :d

حاليا وحسب المعلن إن جراند سيطرت على أكثر من 85% من اللبنانية وباقي بين 1200 و 3000 مساهم لم يقوموا بتحويل أسهمهم، زين لما تنعقد جمعية عمومية جديدة للشركة اللبنانية ويقرون زيادة رأس المال المفروض إن المساهمين هم الذين يزيدون حصتهم كل حسب حصته وفي حالة عدم التغطية يفتح المجال لإدارة الشركة لإختيار سبل التغطيه الأخرى

خبري إن يجب أن لا يقل عدد المساهمين في أي شركة مدرجة عن 200 مساهم ... راح تتوقف الشركة وإلا تنسحب؟

 

[غازى]

اللبنانية راح تكون مملوكه بالكامل لجراند حسب صفقة الإستحواذ وعليها تكون شركة جراند هي من ستقوم برفع رأس المال إلى 100 مليون دينار وهي من تغطي هذا الإكتتاب عاد بدفع المبلغ بالكامل ولا لأ ما أدري

السؤال الثاني اللبنانية قبل لا يتغير كيانها إلى السياحية راح تنسحب من البورصة ولا شسالفة؟

شلون مملوكة بالكامل ؟؟؟ اسهمي لحد الحين بأسمي مو بأسم جراند

حسب تصريح جراند فهم سيملكون 88% من اللبنانية وهي نسبة من قام بالتبديل

اللبنانية راح تستمر الى ان تملك جراند الاغلبية وتدعو لجمعية عمومية لانتخاب مجلس الادارة وبعد ذلك تقدم طلب زيادة راس المال وبعدها يتم تغيير اسمها من اللبنانية الى جراند السياحية ,,,,

 

[Bo Tasneem]

بو تسنيم انت من صجك اتحجى..!

منو يثق بسامي البدر..؟

نسيتو وعوده ومشاريعه الي بالدرج والا اذكركم..؟

حتى لو دشو معاه ملوك وامراء على قولتك فاعرف ان السالفه وراها ضحايا لا يعدون ولا يحصون نفس سالفة البحر والوليد بن طلال..!

اتقوا الله في هالناس الي حطت الي وراها وجدامها السهم يوم كان بين ال 800 وال 900 كنتو تقولون السهم رايح وامسكو ويومة نزل 100% من سعره قمتو تأولون الاحداث وانه يبي ياكل الكيكه بروحه..

الله لا يوفق كل شخص ساهم بتضليل الناس عن عمد الي انخدع نفس هالعالم الله يعوض علي بس الي كان مشترك معاهم انشالله يشوفها بصحته​

الرجل ليلحين حي يرزق ويطلع من مؤتمر إلى مؤتمر ومن جمعية إلى أخرى .. روح كلمه عن وعوده للناس !!

والمضللين على قولتك ماقالوا إلاّ كلام المؤتمر نفسه ووصلوه للبشر ياخوي .. أمّا سالفة صعود السهم إلى سعر معيّن فهذا كلام البدر نفسه .. هم روح وقوله ليش قتلنا بأن الاستثمار بشركاتي هو خير استثمار !!

آر بي جي .. الإكتتباب من أهل اللبنانية عندما تتحول إلى جراند للاستثمار السياحي ماراح يكفي الكمية كلها .. فراح يكون اكتتاب خاص للناس إللي أهم يختارونهم وأكيد بينهم شركات وحصص مملوكه لجهات كبيرة ..


بوتسنيم​

 

[white soul]

الرجل ليلحين حي يرزق ويطلع من مؤتمر إلى مؤتمر ومن جمعية إلى أخرى .. روح كلمه عن وعوده للناس !!

والمضللين على قولتك ماقالوا إلاّ كلام المؤتمر نفسه ووصلوه للبشر ياخوي .. أمّا سالفة صعود السهم إلى سعر معيّن فهذا كلام البدر نفسه .. هم روح وقوله ليش قتلنا بأن الاستثمار بشركاتي هو خير استثمار !!

يا بو تسنيم ياعزيزي الحمدلله املك الشجاعه اني اكلمه منو اهو عشان ما اكلمه..؟

ومسالة ظهوره يوميا في مثل يقول ان لم تستحي فاصنع ما شئت

الحمدلله انا ما املك باسهمه ناس حذرتنا من عنده والحمدلله عرفنا شلون نلعبها معاه صح

ويا عزيزي المضللين ماكانو يقولون سمعنا هالحجي بالمؤتمر

كانو يقولون مصادرنا تقول ومصادرنا تقول

وراح يسوون وراح يعملون ومعلومه سريه ومعلومه خطيره

ومعلومه من السي اي ايه ومعلومه من البيت الابيض

كل واحد كان مسوي نفسه كلش وكلام رجال باجر السهم طالع

لو قايلين يا جماعه احنا حالنا حالكم سمعنا هالحجي بالمئتمر محد لامهم بس اهم كانو يقولون عندنا اخبار ومصادر موثوقه وكلام معسول

وعلى فكره انا ماعندي باسهم المجموعه وشلتها

ولاتكابر يا كهرب قصدي يابو تسنيم قول غشوني نفس ما غشوكم...!​

​

 

[rahaly]

مساكم الله بالخير يالحبايب ..

ماتتوقعون أن يكون التفسيخ تحت الـ 500فلس عمداً !!

مادري بس فكرت فيها اشوي وطلعت بهالنتيجة ..

1- أن يتعمّد بأن يجعل السهم على مستوى الـ 400 والـ 450فلس حتى تستخسره الناس ويطيح من العين اشوي .

2- عندما تستخسره الناس راح تلتفت إلى غيره فتصير الطبخة واللقمة حقه وحق ربعه بروحهم .

3- ليمن تصير الطبخة واللقمة حقه وحق ربعه ومستثمرينه الكبار ومنهم أمراء وملوك .. راح يكبر بعينهم وعندها تتعدّل السبعة أكثر وتصعد السمعة والمصداقية عند مستثمرينه إللي قتلكم عنهم .. فهو موبحاجة حق بوتسنيم وربعه إللي بالمنتدى هإللي ماوراهم غير التحلطم .

4- ومع تعديل السمعة والمصداقية .. يأتيكم البدر بفرز أوراقه ومشاريعه ويطيح فينّا (باون) لي آخر السنة ويخلينا متحسرين على أسهمنا إللي بعناها وشراهم أهو وربعه منّا .

5- راح يخلينّا متحسرين اشلون !! أظن بأنه راح يعطي لكل 10فلوس حقها بالصعود عن طريق إعلان مشاريعه بشكل رسمي خلاص .. لأن الوضع مايتحمّل أن يتكتّم أكثر عليها .

هذا مافكّرت فيه .. فيا عزيزي يارحالي ..

اشصار على المحامي يبه !! خلنا نخلّص بسرعه تكفا ..


بوتسنيم​

بو تسنيم .... اسمحلي هالسيناريو يصلح حق فيلم عربي قديم ...

بس مو البدر .....

يا عمي هذا لم فلوسنا حقه وحق ربعه وملينوا .... اما الكبار فلهم وعود اخرى غير هالطريقة ....!!




عموما المحامي موجود ... وكل يوم يركض دار مادار المحكمة ... يسخن


بس المطلوب رسوم القضية ... نص مليون ....
شلون نجمعها ؟؟


شرايك نكلم البدر يدفعها





يا الله السلامة



رحالي

 

[البواردي]

منو هذا الي بدل اسهمه باللبنانيه؟؟؟؟؟؟؟؟؟؟


مايصير ياخذ ارباح اللبنانيه وارباح جراند

ليش ماعلمتنا قبل توزيع اللبنانيه

هاهاهاهاهاهاهاهاهاهاها

لاتزعل امزح وياك

شكرا

looooooool
اسف اخوي انا قاطها بدليه لاني كنت دايخ يا الحبيب >>> ذبحني القمري (حمام البر)


المهم انا اقصد اني بدلت اسهم اللبنانيه بجراند عاد يصير اخذ ارباح جراند ولا شلون الوضع لان احنا الحين نعتبر من ملاك جراند

اليوم متفصخ السهم واحنا نملك السهم يعني يحقلنا ؟؟؟

وشكراً

 

[Bo Tasneem]

يا بو تسنيم ياعزيزي الحمدلله املك الشجاعه اني اكلمه منو اهو عشان ما اكلمه..؟

ومسالة ظهوره يوميا في مثل يقول ان لم تستحي فاصنع ما شئت

الحمدلله انا ما املك باسهمه ناس حذرتنا من عنده والحمدلله عرفنا شلون نلعبها معاه صح

ويا عزيزي المضللين ماكانو يقولون سمعنا هالحجي بالمؤتمر

كانو يقولون مصادرنا تقول ومصادرنا تقول

وراح يسوون وراح يعملون ومعلومه سريه ومعلومه خطيره

ومعلومه من السي اي ايه ومعلومه من البيت الابيض

كل واحد كان مسوي نفسه كلش وكلام رجال باجر السهم طالع

لو قايلين يا جماعه احنا حالنا حالكم سمعنا هالحجي بالمئتمر محد لامهم بس اهم كانو يقولون عندنا اخبار ومصادر موثوقه وكلام معسول

وعلى فكره انا ماعندي باسهم المجموعه وشلتها

ولاتكابر يا كهرب قصدي يابو تسنيم قول غشوني نفس ما غشوكم...!​

​

ليش أقولك غشوني مثل ماغشوك !!

من أيام الـ 180فلس واحنا نطلع من ورا هالمجموعة خير .. والحين أقول غشوني !! سبحان الله .. مو احنا إللي ننكر الإحسان يبه ..

تأكد بأن كل إللي دخلوا على الجروب من البداية ربحانين .. عاد تيي تدخل بالدينار هذي مشكلتك أخوي .. ومع العلم بأن التوصيات إللي تقول عنها كانت توصلنا .. ترى أهلها هم أول المتضررين !!

يا أخي قلتها من قبل وربي يشهد .. اعيال سامي البدر اخسروا اشتبي أكثر بعد !!

أحدهم أكثر من 80 ألف دينار .. وكانت كلمته لهم بأن صبروا وبعوضكم بخير إن شاءالله .. بس نخلص من الآجل وبلاوية ونخلص من سالفة نزول السوق هذي .. ارجع واقرا أخوي راح تلقاه بالتفصيل ..

ومودفاع عن البدر لاحشى .. آنا أول واحد ضده ترى على كتمانه لعقوده .. هذي يبه سياسته وهذا عقله .. عاد تبيني أفتح لك مخه مشكله جذي .. اشلون بيقعد بالمؤتمر ومخه مفتوح !! اشلون السبعه مالته يحطها على خشمه مثلاً

يعطيك العافية أخوي .. ووسع صدرك ترى كلنا بالهوا سوا ..


بوتسنيم​

 

[صقرالبحر]

ليش أقولك غشوني مثل ماغشوك !!

من أيام الـ 180فلس واحنا نطلع من ورا هالمجموعة خير .. والحين أقول غشوني !! سبحان الله .. مو احنا إللي ننكر الإحسان يبه ..

تأكد بأن كل إللي دخلوا على الجروب من البداية ربحانين .. عاد تيي تدخل بالدينار هذي مشكلتك أخوي .. ومع العلم بأن التوصيات إللي تقول عنها كانت توصلنا .. ترى أهلها هم أول المتضررين !!

يا أخي قلتها من قبل وربي يشهد .. اعيال سامي البدر اخسروا اشتبي أكثر بعد !!

أحدهم أكثر من 80 ألف دينار .. وكانت كلمته لهم بأن صبروا وبعوضكم بخير إن شاءالله .. بس نخلص من الآجل وبلاوية ونخلص من سالفة نزول السوق هذي .. ارجع واقرا أخوي راح تلقاه بالتفصيل ..

ومودفاع عن البدر لاحشى .. آنا أول واحد ضده ترى على كتمانه لعقوده .. هذي يبه سياسته وهذا عقله .. عاد تبيني أفتح لك مخه مشكله جذي .. اشلون بيقعد بالمؤتمر ومخه مفتوح !! اشلون السبعه مالته يحطها على خشمه مثلاً

يعطيك العافية أخوي .. ووسع صدرك ترى كلنا بالهوا سوا ..


بوتسنيم​

اللحين صاروا اللي دشوا عالسهم بالدينار صارت مشكلتهم ؟
اهم دشوا عالسهم لما شافوا تواقيعكم انت مع الجيماز ان السهم بيوصل 1500 ولا انا غلطان ؟ هذا غير الكلام والتطبيل اللي عمره محد وصل للاحترافه
ولما الدخول عالسهم بالدينار مشكله ليش تشجعون الناس بالدخول عليه ليش ماحذرتوهم واللي يخالف تحذيركم ويدش هنيه تصير مشكلته

لكن شعقبه ؟ عقب ماساح دم الاجل بالبورصه لما وصل الشارع واللحين صارت مشكلتهم
انا انصح بعدم اعطاء اي اسعار مستقبليه عن اي سهم مهما كانت نشاطاته الا من خلال تحليل فني وتكون اسعار قريبه جدا مع وجود سعر للخروج من السهم
ولكن سهم 800 فلس تقول رايح 1500 هذا مدي بعيد جدا ومسؤليه هالتوقع كبيره

 

[Bo Tasneem]

اللحين صاروا اللي دشوا عالسهم بالدينار صارت مشكلتهم ؟
اهم دشوا عالسهم لما شافوا تواقيعكم انت مع الجيماز ان السهم بيوصل 1500 ولا انا غلطان ؟ هذا غير الكلام والتطبيل اللي عمره محد وصل للاحترافه
ولما الدخول عالسهم بالدينار مشكله ليش تشجعون الناس بالدخول عليه ليش ماحذرتوهم واللي يخالف تحذيركم ويدش هنيه تصير مشكلته

لكن شعقبه ؟ عقب ماساح دم الاجل بالبورصه لما وصل الشارع واللحين صارت مشكلتهم
انا انصح بعدم اعطاء اي اسعار مستقبليه عن اي سهم مهما كانت نشاطاته الا من خلال تحليل فني وتكون اسعار قريبه جدا مع وجود سعر للخروج من السهم
ولكن سهم 800 فلس تقول رايح 1500 هذا مدي بعيد جدا ومسؤليه هالتوقع كبيره

والله مومال امناجر بس ماعليه راح أرد عليك ..

إللي جدامك شاري كمية على 1,020 بآخر صعود تم لأن المحللين الأعزاء قالوا هذي صعده بدون رجعه إن شاءالله فهذا أكدلي الصعود المتوقع للسهم ..

عمّي تدري اشلون اشحقه أرد عليك .. يكفي أقولك خلك على الوطنية العقارية أحسن يبه ..

وماقصرت على النصيحه أخوي ..


بوتسنيم​

 

[rahaly]

ليش أقولك غشوني مثل ماغشوك !!

من أيام الـ 180فلس واحنا نطلع من ورا هالمجموعة خير .. والحين أقول غشوني !! سبحان الله .. مو احنا إللي ننكر الإحسان يبه ..




بوتسنيم​

بو تسنيم .....

عاد هذي مو مقبولة منك ...

لاااااااا ياخوي باعتبرها زلة لسان ..




شنو احسان ؟؟؟

عمي حاطين فلوووووووس ... موني ..... حلاااااال عديل الروح ...


ومقابلة الادارة قاعدين ياخذون بيزات ويريشون (هذا بالرسمي والامانة بس) ....

يعني ما تشوف مطاقق على مجالس الادارة ؟؟

ليش؟؟

صدقة جارية؟؟





يعني ياخوي نعم ما ننكر جهد شخص ... بس احسااااان؟؟؟
قوية يا بوتسنيم ....

وانت حبيبي قاعد تطبلهم سنتين ... شنو عطوك؟ ووين الجميل ؟؟

هذا الاحسان صح






رحالي