المجموعة الدولية للاستثمار ش .م.ك.م ( المجموعة د )

[سعود222]

الحمد لله رب العالمين على كل حال
وانشاء الله يعلق اليوم وباكر والى الاعلى

 

[حسين بن عاقول]

مبروك التعليقه وان شاء الله يدوم الارتفاع ويلامس اسعار الشراء الي شاريين فيها 000000000

 

[Bo Tasneem]

حتى لا ننسى ................ الدرس المرعب

هناك حبايبي نقاط مقاومة في الطريق من جديد إلى الدينار ..

كثر ماتقدر افهم إللي قاعد يصير وحاول تقرا الأرقام صح .. فانتظارك طوال هذه المده يجب أن تجني من وراها أرباحاً أكثر من الاستثمار .. متى !! عندما تكون قارئ للأرقام بشكل صحيح ومعرفة العرض والطلب فمتى تعرض ومتى تشتري !! عموماً إذا ماتعرف لاتخاطر وتروح عليك 40 أو 60 فلس إنت أولى فيها

ربنا يوفّق الجميع إن شاءالله .. توقّعوا إذا استمر حال السوق طوال هالـ 3 أيام فسيتم إعلان الأرباح هالاسبوع بحيل الله


بوتسنيم​

 

[ChuCky]

بوتسنيم.


ماراح توصل الدينار الا بطلعت الرووووح وصعب تتعدى 1.020
السهم للمضاربه فقط

 

[كيفاني]

الحمد لله رب العالمين على كل حال

الحمد لله رب العالمين على كل حال
وانشاء الله يعلق اليوم وباكر والى الاعلى

 

[Bo Tasneem]

بوتسنيم.


ماراح توصل الدينار الا بطلعت الرووووح وصعب تتعدى 1.020
السهم للمضاربه فقط

لك منّي إذا أعلن صاحبنا اعلان الربحية هالاسبوع .. بتشوف الدينار سهاله السالفه .. وراح يصطحب بعد الربحية اعلان قوي ألماني إن شاءالله .. بعدها الموعد 1.200 وأكثر بتكّه بإذن الله !!

عموماً للحديث بقية ..


بوتسنيم​

 

[ChuCky]

الله يسمع منك ونترزق منه

 

[pipes_kse]

ان شاء الله بيوصل الدينار بسهولة, بس خليك لعيب هذي المرة, لاحظو قوة التعليقة اليوم, صانع السوق كل تركيزه على المجموعة د

موفقين ان شاء الله و الكل يعوض خسايره
و الحمدلله

 

[almared]

للمتابعه ...

 

[hamhali]

الى الأعلى انشاء الله

مبروك للجميع والى الأمام

 

[سهم استثماري]

كل اللي ذموا شركات سامي البدر ... باجر إذا علقت راح يصفقون لها ويكتبون شعر غزل بعد

مبروك يا ملاك المجموعة .. ليش تفاعلكم دون المستوى وغير طبيعي !
عندي إحساس بس قولوا إنشاء الله تعليقه ثلاث أيام على الأقل .. ها ...تبون اكثر من ثلاث أيام ... ما تجيب راسكم !!

 

[ابو معمع]

نعمة ولله الحمد
بس يبيلها 7 تعليقات علشان توصل سعر التكلفة ( شاري ب 1020 )
اشرايك ... فيه امل .؟

 

[سهم استثماري]

نعمة ولله الحمد
بس يبيلها 7 تعليقات علشان توصل سعر التكلفة ( شاري ب 1020 )
اشرايك ... فيه امل .؟

7 تعليقات يبيلها بو تنسيم ...
بس تدري ضارب على السهم لما تشوف صعود ..ورا صعود .. راقب الكميات إذا شفتها زادت قط ترا راح ينزل وآخذه من تحت وخلك معاهم بيع فوق واشتر تحت... شكلك متعلق من زمان وتبي السهم يجيك وأنت قاعد .. ما يصير خله هو يركض وراك ... وخلك مضارب وهالسهم بالذات يعطيك دروس بفن المضاربة وبالمجان

 

[Black]

كلامك عدل يبيلها تعليقه 7 ايام و معروف ان مافي اعلان الى ان يصير في ضعف ، في الحالة هذه مستحيل يتم الاعلان لان في فرصة الى آخر مارس للاعلان و اجتماع الجمعية يحددونه متى ما يبون بعدها .
مركز سلطان كان اجتماعه اليوم و لما شاف السوق أجله الى يوم الاثنين الساعة بعد نهاية السوق علشان ما يحرق توزيعه الارباح و يستفيد من الارتفاع 3 ايام و بعدها جم يوم للارباح و نفس الشي بيصير للمجموعة
و الله يعين و ان شاء الله راح نسمع اخبار طيبة
سلام

 

[SpeciaL 1]

اليوم قعدت متأخر
وكنت حلمان خوش حلم عن السوق
وحسبالي لما قعدت إنها كانت نومة الظهر
ولما شيكت عالساعه إلا توه الصبح
عقب ما أخذت شاور وتريقت
ولعت زقارتي وشغلت الجهاز وبققت عيوني
إلا السوق مشلع بالعالي
وكله طلب وماكو عرض
قلت ما شاء الله.. والحمدلله.. وسبحانه مغير الأحوال
فتحت صفحة الكسور وقمت أشوف المعروض
قلت بآخذ أي شي على قد هالفلسين اللي ظلوا عندي
مره أصعد عالأولى ومره أنزل على أم قوين وأرجع على بوبيان
ما وعيت إلا هذا اللي عرض 1000 المجموعة د على 720
قلت يبيله
خفت أحط طلب بالأوسط برو ويروح علي لأنه ما يبين إلا بعد التداول
جان أدق على البروكر بالسوق وأقول له اخمطهم بسرعه
وخمطتهم
اشرايكم فيني بعد ما كنت بآخر أنفاسي
بس هالألف راح أعتز فيهم وماني بايعهم وبخليهم استثمار طويــــــــــــــــــــــــــــــــــــل
وبشوف جم يوصلون ​

 

[قربان]

ما يصير ندش و ما نمر علي الحبايب


السهم عنده

دعم علي
670

700

مقاومه علي

770 -- صعبه

800-- هم مو شي



بالتوفيق للجميع

 

[Black]

السهم رايح على أعتاب الدينار بس المشكلة كلها في 1040 يا يكسرها بقوة و يستقر فوق 1100 يا انه بيرجع على بحر 800 - 900
و الله يعين

 

[قربان]

السهم رايح على أعتاب الدينار بس المشكلة كلها في 1040 يا يكسرها بقوة و يستقر فوق 1100 يا انه بيرجع على بحر 800 - 900
و الله يعين

هلا و الله اخوي بلاك

ممكن تشرحلي ليش رايح للاسعار الي قلتها ...ممكن في شي انا ما شفته.. ياريت تنورني عليه للاستفاده ؟

يعطيك العافيه

 

[Black]

أخوي قربان حسب اللي انا شايفه ان أكبر الدعم موجود على جهة 920 و هذه النقطة راح يوصلها السهم بسهولة بسبب الانفجار اللي صاير و اللي راح يلحقه اعلان الأرباح اللي غالبية الناس اتقول انها قوية و بسبب هذا الاعلان راح ياخذ السهم طريقه الى فوق الدينار
بس !!!!!!
اذا وصل فوق 1200 راح يترك فجرة خطرة حيل ، خصوصا اذا صعدها بسرعة من 920 . و سوق الكويت من كثر طراقاته لي علمني ان ماله امان
شنو بيصير بعدها ما ادري
1 + 1 = 2
1 & 1 = 11
يمكن أكون غلطان و ان شاء الله يكون بالسهم هذا توفيق
و الله يعين

 

[قربان]

أخوي قربان حسب اللي انا شايفه ان أكبر الدعم موجود على جهة 920 و هذه النقطة راح يوصلها السهم بسهولة بسبب الانفجار اللي صاير و اللي راح يلحقه اعلان الأرباح اللي غالبية الناس اتقول انها قوية و بسبب هذا الاعلان راح ياخذ السهم طريقه الى فوق الدينار
بس !!!!!!
اذا وصل فوق 1200 راح يترك فجرة خطرة حيل ، خصوصا اذا صعدها بسرعة من 920 . و سوق الكويت من كثر طراقاته لي علمني ان ماله امان
شنو بيصير بعدها ما ادري
1 + 1 = 2
1 & 1 = 11
يمكن أكون غلطان و ان شاء الله يكون بالسهم هذا توفيق
و الله يعين

يعطيك العافيه اخوي بلاك علي التوضيح

قصدك اكبر مقاومه علي 920 .. مو غلط لانه هو خط الترند الي كسره السهم لما نزل ..بس ما راح يكون الطريق لها سهل و كسرها سيكون صعب

شخصيا ما ني شايف السهم علي 1200 خلال علي الاقل 3 الي 6 اشهر القادمه ... و ما عتقد راح يكون في انفجار ..

بالتوفيق اخوي