المجموعة الدولية للاستثمار ش .م.ك.م ( المجموعة د )

[SpeciaL 1]

'طيب يا شباب هذا اللي اشترى الكميات هذي امس هل هو غشيم

ها!! اي اكيد غشيم !!!!

يمكن تبديل مراكز..
لكن لاحظ إنه يقط على مجموعه من الطلبات ومو شخص واحد اللي طالب أو اثنين
بس الأكيد إن صانع السوق على هالسهم لعب بأعصابنا لعب ​

 

[SpeciaL 1]

أخوي ويلاه.
الأسهم كان ماخذهم من المعروض. مو قاطهم على الطلب.
أعتقد تفرق.

صراحه ما نمت من أمس أنطر السوق عشان أشوف التعليقه الثانية للمجموعة.

بروح أنام الساعة الحين 9:20 صباحا.

اسمحلي أبو سلطان إذا قلت لك غلطان
لأن الطلب على 830 وكانوا ياخذون من المعروض على 840
ولاحظ شلون نزل لي 820 بهالصفقتين​

 

[بوحسن]

خذها منى ياا الصبر مفتاح اللي شرى امس ودش مع محافظ الشركه على سعر 850 - 860 اليوم قطوا قبله ..........

واذا انت مقتنع انه تصريف وهروب من السهم قطع اللي عندك

ما فهمت

 

[أبو عبدالملك]

يمكن تبديل مراكز..
لكن لاحظ إنه يقط على مجموعه من الطلبات ومو شخص واحد اللي طالب أو اثنين
بس الأكيد إن صانع السوق على هالسهم لعب بأعصابنا لعب ​

حتى لو افترضنا انه تبديل مراكز مع العلم انه العرض كان من بداية التداول

النقطة الأهم

هل هو غشيم يأخذ هذه الكميات

 

[LONG TERM]

ما فهمت

انت تقول تصريف

التصريف معناه ان السهم غير مرغوب فيه واحتمالية انزول اكبر من الصعود

فاذا انت مقتنع انه تصريف بيع

 

[أبو سلطان]

اسمحلي أبو سلطان إذا قلت لك غلطان
لأن الطلب على 830 وكانوا ياخذون من المعروض على 840
ولاحظ شلون نزل لي 820 بهالصفقتين​

أخوي العزيز أنا أقصد صفقات الشراء أمس لما أخذ من المعروض ب 850 و 860

ليش اليوم يصرفون على 820؟؟؟؟؟

 

[Bo Tasneem]

مارديت عليّ يا بوتسنيم

حبيبي كنت أتوقّع من واحد اتعرفونه أهو إللي قط ولكن السالفه لأ !!

أستاذي الصبر .. صدقني مو تصريف ..

إلى الجميع وبالأخص ربع هالجروب الطيّب .. أدعوكم جميعاً إلى حفلة الجروب غداً إن شاءالله والكنافه على LONG TERM و JJJ


بوتسنيم​

 

[بوحسن]

بو تسنيم ؟ اشفيك انت مع لونغ تيرم افا عليكم

الي صار تصريف اليوم 100%

بس مو تصريف بغرض ان السهم مو زين بس الي انشرى امس انباع اليوم

شالهدف شالما ادري شنو .. ما اعرفشي

وبعدين انا ما املك بالسهم ليم اسولف عنه

 

[طلال1]

اللي دش امس للمضاربة عطوه اليوم درس محترم :d

اللي دش امس مضاربه وشرا 780 خذا خوش درس

 

[Bo Tasneem]

أخوي العزيز أنا أقصد صفقات الشراء أمس لما أخذ من المعروض ب 850 و 860

ليش اليوم يصرفون على 820؟؟؟؟؟

سؤالك أعتقد إنك تقصد من وراه الاستنكار على هالشي صح !! إذا فالجواب هو ليس تصريف

فطبيعي أمس شراء وبجنون .. ويأتي حضرته اليوم ويبيع بسعر أقل !! يعني بخسارة !! إذا هو ليس تصريف .. والخبر اليوم بفلوس باجر ببلاش .. و820 فلس بلاش


بوتسنيم​

 

[نصوح]

مشكور ياعمر الجاسم لك تحية واداء صانع سوق محترف من اخوك بوفواز

غضنفر ماينخاف عليك
بالنسبة لحملة المجموعة أعتقد خضة البطن راح تتكرر غدا والله أعلم
لكن السهم إذا إخدمه السوق راح يرجع لمستوياته 1020 بإذن الله خلال هذا الإسبوع
أخوكم
بوفواز

شغلك عدل والله أصبت والكمية المتداولة يوم أمس مو هينة ولاحظ الصفقات الدسمة قليلة وأكثر اللي كلوها صغار المساهمين وباكر في خضة ثانية بسيطة والله يسهل عليكم ويوفقكم ، سهم يصلح للمضاربة 100 % وتسلم أخوي الجيمــاز .

 

[sarem]

تسائل

شراء امس كان معلوم الجهة وهو دخول الخليجية للمال بنسبة 7.25% بعد ما صرفوا كميتهم بالدينار سابقا.
طبعا هذا مايكشفه جدول تغير ملكيات كبار الملاك اما اليوم علينا الانتظار لنعلم شنو التغير اللي صار واللي كان وراء تداول بلغ 14مليون وهو تداول قريب لتداول امس !!!!
معقولة شروا امس 15 مليون برينج اسعار بين 780 -860 وباعوها اليوم برينج اسعار بين 850-820 ؟؟؟؟
كل شي جايززززززز

 

[Bo Tasneem]

بو تسنيم ؟ اشفيك انت مع لونغ تيرم افا عليكم

الي صار تصريف اليوم 100%

بس مو تصريف بغرض ان السهم مو زين بس الي انشرى امس انباع اليوم

شالهدف شالما ادري شنو .. ما اعرفشي

وبعدين انا ما املك بالسهم ليم اسولف عنه

على راسي يالصبر والاختلاف رحمه في المنتدى

يتخلل بعض الصفقات اليوم جني أرباح لتعزيز السيولة في المحفظة وهذا واجب أكيد وحق مشروع لكل صندوق استثماري أو محفظة مالية .. وانت من غير ماتملك بالسهم أو تملك فيه عسل والله ومشاركاتك فيها إيقاع عندي والله يشهد على كلامي ..

الله يكثّر من أمثالك .. والوعد هالاسبوع إن شاءالله وباجر بالتحديد بإذن واحد أحد


بوتسنيم​

 

[LONG TERM]

اللي دش امس مضاربه وشرا 780 خذا خوش درس

التوقع امس في احد تجرأ يا خذ على 780 والسوق متذبذب

المضاربين ما يدشون على السهم الا مع زياده التداول على السهم ولمضاربين دشي على 850 - 860 لتوقعهم ان اليوم فيه صعوووووود ......... ( واكيد في انويتش خذوا باقل وباعوا اليوم )

واللي خذ ولم امس محافظ المجموعه وباعت اليوم لغرض الكاش

 

[alshammery]

سهم المجموعة الدولية اليوم هو احسن سهم مضاربى يروح 770 ويسحبونة 860 و900 ويرد مرة ثانية 770 اللى باعوا اليوم على سعر 820 كانوا 905000 سهم فقط طبعا هذيلة اتوقع انهم شارينة 770 وماباعوا امس عالتعليقة 860 يوم شافوا الوضع مو مطمن صرفوا على 820 واذا غدا فى نزول بداية السوق ممكن ينزل ل790 فهم معتقدين ان ارباحهم راح تروح اذا ما باعوا اليوم 820 للمضاربين انصحهم فى المجموعة امس انا اخذتة 820 وبعت 860 امس واليوم استرجعتة 820 وبعتة 850 والحمد للة وهذا حالنا مع المجموعة نصيحة لايطوفكم رزق من هالسهم واللى خلانى ابيع اليوم فى اعتقادى ما راح يرتفع .....

 

[طلال1]

التوقع امس في احد تجرأ يا خذ على 780 والسوق متذبذب

المضاربين ما يدشون على السهم الا مع زياده التداول على السهم

واللي خذ ولم امس محافظ المجموعه وباعت اليوم لغرض الكاش

اي في مضاربين شرو امس وربحو 11% في يوم واحد

 

[LONG TERM]

اي في مضاربين شرو امس وربحو 11% في يوم واحد

اذا في احد ضارب صح ( قصدي بكميات كبيره ) غير محافظ المجموعه عليهم بالف عافيه ........

بس انت لا تزعل ولا تتضايق وخلك مستثمر بالمجموعه د ولا تتابع يومي
وابشر بالخير مهما كانت الارباح او التوزيعات

 

[JJJ]

أمس كان التجميع على 850 و 860 .

ليش الحين نصرف على 830 و 820.

اشرحوها بالله عليكم.

يا اخوان يرجى ملاحظة ان متوسط سعر التداول ليوم امس كان 830 فلس
و ان متوسط سعر التداول اليوم 839 فلس

اي ان اغلبية اللي شروا امس باعو اليوم خاصة و ان محترفي التداول يشترون باكثر من سعر و عادة ما يكون متوسط اسعارهم قريبة من متوسطات التداول و هذا اساس المضاربة.

و الواضح ان المحافظ الداعمة للسهم قامت بتصريف كمياتها مع تواجد الطلب اليوم وهي التي قامت بدعم السهم لاحقا عند 820 و استوعبت الكميات الكبيرة المباعة عند نهاية السوق

مع تحياتي

 

[SpeciaL 1]

مجرد رأي

لاحظت المؤشر الوزني للسوق بالإقفال وكان إيجابي
وهو المؤشر الذي لا يمكن التلاعب به مثل المؤشر السعري
ولاحظت مؤشر السيولة في المجموعة د وقد تغير من النزول.. بمعنى أن السيولة قد ضخت على السهم..

فعلاً أمس تم التصريف
وبمقارنة الكميات التي اشتراها صانع السوق مع الكمية المتداولة يتضح أن النسبة غير متكافئة
حيث ضغط صانع السوق لهذا السهم واشترى بالنازل ومن ثم التصريف بالأعلى واسترجاع كميات مرة أخرى بالأعلى
ويتضح من مؤشر السيولة أنه لم تدخل سيولة على السهم
وساعد انتعاش السوق صغار المستثمرين بالتهافت على الشراء وتم التصريف عليهم

أما اليوم فكان ضغط على أغلب أسهم السوق وأسهم المجموعة د بشكل خاص
كان هناك من يصرف لأجل التخويف ويعاود التجميع
وصغار المستثمرين تميزوا بالحذر اليوم وهذا ما جعل صانع السوق يميل للمراوغة كثيراً
واتضحت رغبة صانع السوق بالشراء

تصور ليوم الغد
يستمر الضغط واقفال بصعود

وهذا مجرد رأي​

 

[almared]

لاحظت المؤشر الوزني للسوق بالإقفال وكان إيجابي
وهو المؤشر الذي لا يمكن التلاعب به مثل المؤشر السعري
ولاحظت مؤشر السيولة في المجموعة د وقد تغير من النزول.. بمعنى أن السيولة قد ضخت على السهم..


​

أخوي العزيز ويلاه

المؤشر الوزني للسووق بشكل عام مو لسهم معين .

وتشكر علي مجهوداتك .

أخوك المارد