شركة برقان لحفر الآبار ( أبار ) .

[المحلل المالي75]

التحليل الفني وياليت إلي محترف يعطينا رأيه .. السهم اليوم تداول عليه 220,000 ألف سهم وأستحوذت أخر ثانية على 68% من مجمل تداول اليوم ..!! من الحد الأدني إلي أقفال اليوم وتم شراء 150,000 الف سهم .. والله العالم منو إلي شره لكن بلا شك شكل شمعه إيجابية وأسمها (Hammer) وإذا إلي تحرك على السهم هو صانع السوق إن شاء الله نتفائل خير ونقول عودة اللون الخضر للسهم وإن كان واحد زهقان مثلنا نقول الله يعين ...!!

عنده مقاومة على ال365 فلس وبعدها المقاومة القوية عند تقريبا 435 فلس إن كسرهات يكون بذلك كسر ترند هابط عمره سنتين تقريبا .

والدعم بإذن الله 300 فلس وبعدها 275 فلس

 

[المحلل المالي75]

تحليل السهم كتحليل أساسي راح احاول أحلله إن لقيت النشره كامله .

وياليت إلي عنده شيئ يعرفه عن الشركة مخفي يبلغنا وجزاكم الله خير

 

[المحلل المالي75]

تحليل السهم كتحليل أساسي راح احاول أحلله إن لقيت النشره كامله .

وياليت إلي عنده شيئ يعرفه عن الشركة مخفي يبلغنا وجزاكم الله خير

من خلال موقع البورصة ماقدرت اطلع بيانات الشركة للإسف ..! ياليت إلي عنده موقع يبين فيه بيانات الشركة يبلغنا ومشكووورين

 

[قناص اسهم]

والله هالسهم محيرني يا شباب عقد ب 48 مليون من شركة البترول ونزل السهم

 

[المحلل المالي75]

والله هالسهم محيرني يا شباب عقد ب 48 مليون من شركة البترول ونزل السهم

سلام عليكم .. اخوي مبين إنه فيه تجميع عليه وللإسف الأسهم مواجد يعني تخيل 83% نسبة كبار الملاك وهذا من خلال موقع البورصة .. واكيد فيه ناس تملك بس اكيد أقل من 5% .

شوف نزوله بكميه بسيطة ممكن لاتتجاوز ال200 ألف سهم ..!! وهم الصعود نفسه .

الله العالم .. اتوقع غنه الشركة راح تعلن عن أرباح طيبه للربع الثاني ويمكن نشوف تجديد عقود او إعلان عن توقيع لاعقود جديدة ....

بس مايمنع من متابعة السهم وغن كانت خسارتك ماتجاوزت ال7% تقدر تطلع وتشوف شركات ثانية

 

[المحلل المالي75]

مشكله السهم تداول ضعيف .!!! واللحين رد السهم لسعره قبل إعلان عن عقده الأخير إلي من قبل أسبوع وكان ب50 مليون دينار كويتي تقريبا ..

6 جلسات سابقه متتاليه ويغلق بإقل من إقفاله السابق واللحين خسر 20% تقريبا خلالها .....!! ياليته ماوقع عقد يمكن مانزل هالنزله

أذكر عنده دعم على ال275 فلس والدعم الأخير عند 248 فلس .. ننتظر يعطف صانع السوق على السهم ويرده فوق بسبب :

1 - توقيع عقد ب50 مليون دينار كويتي
2- نمو أرباحه بالربع الاول لعام 2011

 

[المحلل المالي75]

سلام عليكم يعطيكم العافيه ....

شرايكم ياأخوان هل تتوقعون يرتد من ال275 فلس بكره هذا لو نزل وأختبر الدعم ....؟؟

مع العلم سكر اليوم 280 لليوم ...

خلال أسبوع تم تداول عله تقريبا 800 ألف سهم وخسر من قيمته السوقيه 55 فلس من 355 فلس ؟إلي 280 فلس

 

[قناص اسهم]

انشاالله بداية الخير

 

[متدرب أصيل]

هذا السهم يستاهل
كان اليوم معروض وحدة بال 270 و وحدة ثانية بال 275 و وحدتين بال 280 كنت بشيل فيه
ترددت فيهم لأن السوق كان أحمر و ماكان لنا نصيب
الله يهني ملاكه

 

[المحلل المالي75]

جزاك الله خير اخوي متدرب أصيل ..............

 

[قناص اسهم]

الله كريم ويعوض صبرنا خير بهالسهم

 

[xoxo2009]

يعطيكم العافيه ممكن احد يفيدنا وين نقطة الدعم و المقاومه لسهم او انا قاعد اشوف السهم ممسوك 82% او مافي اخبار عن ارباح الربع الثالث وشكرا

 

[المحلل المالي75]

يعطيكم العافيه ممكن احد يفيدنا وين نقطة الدعم و المقاومه لسهم او انا قاعد اشوف السهم ممسوك 82% او مافي اخبار عن ارباح الربع الثالث وشكرا

سلام عليكم أخوي ميزانتيه تنتهي ب30/3 واللحين وقت النصف الاول ..

والتحليل الفني لاجديد ..... إن شاء الله نسمع الأخبار الطيبه عن السهم من عقود أو أرباح طيبه قريبا .

 

[xoxo2009]

يعطيك العافيه اخوي انا اتوقع الي مقبس علي سهم شريته علي 275 او نزل السهم انا اتوقع لمن اطلع منه راح يصعد انا اقول الشباب يقطولي قطيه او اطلع من السهم 295 او حلال عليكم الي 350

 

[المحلل المالي75]

يعطيك العافيه اخوي انا اتوقع الي مقبس علي سهم شريته علي 275 او نزل السهم انا اتوقع لمن اطلع منه راح يصعد انا اقول الشباب يقطولي قطيه او اطلع من السهم 295 او حلال عليكم الي 350

ماعليك إن شاء الله يصعد , على الأقل حنا أحسن من كبار الملاك ومنهم ( الأولي للإستثمار ) إلي شاريه السهم ب950 فلس ...

 

[المحلل المالي75]

السهم صعد +15 فلس عند ال295 فلس وعنده مقاومة على ال300 فلس وهي مهمة جدا ... إن كسرها يكون قدامه مقاومة بسيطة إن شاء الله عند 310 فلس وعندها مقاومة قوية عند 365 فلس تقريبا ............

إن شاء الله يتجاوزها قريبا ,,,

 

[قناص اسهم]

انشااالله يتجاوز المقاومة ويكمل المسيرة

 

[باحث قانوني]

السلام عليكم
اخواني شلون السهم اوضاعه هل عليه مشاكل
او ديون (قروض) هل مجلس الاداره آبار ناس مضبوطين ولا مثل بعض الاسهم لا ذمه ولا مصداقيه
وهل يعتبر سهم تشغيلي
ارجو النصيحه ولكم مني كل الاحترام وتقدير

 

[debtor]

ليش قاعدة تنزل

شركة تشغيلية 100 %

عقود متواصلة بعشرات الملايين

تحولت للربحية

قيمتها الدفترية 250 فلس ...ارتفعت

باختصار ذهب

وخصوصا انها تشتغل بالذهب الأسود

 

[المحلل المالي75]

السلام عليكم
اخواني شلون السهم اوضاعه هل عليه مشاكل
او ديون (قروض) هل مجلس الاداره آبار ناس مضبوطين ولا مثل بعض الاسهم لا ذمه ولا مصداقيه
وهل يعتبر سهم تشغيلي
ارجو النصيحه ولكم مني كل الاحترام وتقدير

سلام عليكم ... كيف حالك اخوي , بخصوص وضع الشركة القانوني والله ماأدري عنه مافي شي رسمي بهاذا الموضوع .

باقي الأمور من أخبار وعقودها موجود على هالرابط : http://www.indexsignal.com/forum/showthread.php?t=307741