startq8 قال:
على طاري الديون والاقساط بقول شي حصل
يوم صارت على تجار الكويت مديونيات صعبه امر المغفور له الشيخ جابر الاحمد الصباح بسحب مبلغ 6 مليار دينار كويتي لتجار بس ومحد تحجي الحين يوم يت على كل الشعب او 70% من الشعب ومبلغ لاتجاوز المليارين
والله انا ماعندي قروض بس هذي مساعدة دوله لشعبها المحتاج
قالو مايصير وشنو سوى الشعب عشان نسقط القروض اقولكم شنو سوى الشعب
الشعب اهو اللى حما عن الشيخ جابر ايام محاولة الاغتيال
والشعب اهو اللى دافع عن الكويت ايام الغزو ومن الكويتين الشهداء والاسرى
الشعب اهو اللى اللتف على الاسره الحاكمه ايام الغزو وفي مؤتمر الطائف
بس اللى يقول شنو سوى الشعب اهو شنو سوى للكويت غير انتشار الفساد وشراء الذمم
والله يبى خوش حجي ! انا مادري من وين متعلمين هل كلام هذا !؟
من قالك ان الدوله طيحت 6 مليارات عن التجار ؟
انتوا ماتقرون جرايد ؟ يبى هذي الفلوس دفعتها الحكومه للبنوك أيام أزمة المناخ ,, يوم كل واحد صار مطلوب أكثر من 500 مليون و توهقوا العالم ومنهم شيوخ ,, وأسست الحكومه هيئة المديونييات الصعبه .. ومن كبار المديونيين هو الشيخ سعد العبدالله 420 مليون (أو 240 مليون ) دينار كويتي ويليه المرحوم مبارك الحساوي وألخ ألخ ... هذيل كل سنه يدفعون للحكومه مبلغ وقدره .........إيـــــــــــــــــــــــــــــــه ها عيل عبالكم إبلاش ؟!؟! لا يبى لا ....... وأبشرك بعد كل ما يتأخر العميل في الدفع تزيد عليه الفوائد .. وكل ما يسرع في الدفع تقل عنه الفوائد
