شركة إنجازات العقارية ( إنجازات ) .

[البستكي]

اخوي على اي اساس قلت هالشي

الارباح زادت عن السنه الي فاتت باكثر من 500% وبالعكس بالنسبه للربع الاول هالارباح ممتازه على سعر السهم الان

اخوي شكثر لازم تكون الارباح لتتناسب مع سعر السهم

بو الانس
ارباح الاسماك زادت عن العام الماضي اكثر من 500%
والسهم اليوم بالحد الادني

الانجازات وعلي حسب كلام بوفواز شيخ التوصيات قد قامت ببيع احد الادوار في برج الداو وهذا هو سبب ارتفاع ربحيتها
وبعدين تري كبار المساهمين والمحافظ عارفه ربحية السهم وعلي هلاساس اليوم صرفوا ونزلوا السهم 25 فلس وبالحد الادني ( الظاهر هم ما عجبتم الربحية وكانوا متوقعين اكثر نفس حالاتي )
اتمني ان تكون الفكرة قد وصلت لك

 

[البستكي]

كيف الارباح سيئه

ولا لانك نصحت ربعك يبيعوا وما تبي تتفشل

وشوف مين الي يطبل على نزول السوق

تابع السهم باجر
وشوفه اذا صعد او نزل وبهدها عقب

شرط باجر السهم نازل

 

[ابومانع]

السلام عليكم
والله يا بو مانع انا كان عندي السهم من ايام 450 فلس ونزل لي 400 قمت ودقيت على الشركة وكلمت المدير المالي وكنت وقتها منرفز فقالي انه ارباح الربع الاول لسنه 2006 راح تكون ممتازه جدا واغلبها تشغيلي وانا كنت ارد عليه بكلام قاسي شوي من حر مافيني واهو كان يترجاني اني اكلمه بعد ارباح الربع الاول
فلما قريت اعلانهم اليوم بالبورصه دقيت عليه وكلمته عرفني وقام يضحك
قلتله شنو قولك الحين ليلحين عند كلمتك قالي راح تشوفها باجر قلتله بحدود جم يعني مارضى والله يا بو مانع
بس اللي قاله انه الارباح اضعاف الربع الاول للعام الماضي قلتله ادري لانه العام الماضي كانت فلسين ماتطوف علي
قالي صح كلامك بس الربع هذا مو اقل من 12 فلس وكلها تشغيلي
وانشالله خير

يعني شلون؟
بيرتفع السهم ولا شلون؟

اليوم نزلوه حد ادنى

صج انه ارتد بسرعه

بس ولو لها تأثير

رحت صليت ورجعت لقيت السهم عقبي متخسبق

 

[المضارب السريع]

الارباح سيئة بناءا علي سعر السهم
والي حصل اليوم هو تصريف واضح
نزلوا السهم الي 25- وبالحد الادني وباعوا علي الناس
وبعدها صعدوا صعود وهمي الي 10-


السهم شكله راح يهبط اكثر ولا استبعد ان ينزل اكثر من 250 فلس


انا اليوم نصحت الربع ببيع السهم وحتي لو بخسارة

تركوا عنكم المطبلين لانهم ماراح ينفعونكم ان خسرتوا خسارة فادحة

اخوى البستكي الارباح مو سيئه بلعكس وايد زينه لاتنسه انها تشغيلى راح تشوف الشركات فى الربع الاول شنو راح يعلنون 10 فلوس تشغيلى تعادل 30 فلس غير محققه

 

[(واحد من الناس)]

.



.

الحمد لله ؛ يعني متفقين

.

جدا

 

[الكولونيل]

يعني شلون؟
بيرتفع السهم ولا شلون؟

اليوم نزلوه حد ادنى

صج انه ارتد بسرعه

بس ولو لها تأثير

رحت صليت ورجعت لقيت السهم عقبي متخسبق

بالعكس ياخوي نزلته هذي تجربه للدعم ورتد منه بسرعه وبثواني هذا يعني انه انشالله الدعم وقوي وخلال الايام القادمه انشالله راح نشوفه عند الهدف
340 انشالله وبحول الله بس انت اصبر شوي

 

[مستثمر73]

بو الانس
ارباح الاسماك زادت عن العام الماضي اكثر من 500%
والسهم اليوم بالحد الادني

الانجازات وعلي حسب كلام بوفواز شيخ التوصيات قد قامت ببيع احد الادوار في برج الداو وهذا هو سبب ارتفاع ربحيتها
وبعدين تري كبار المساهمين والمحافظ عارفه ربحية السهم وعلي هلاساس اليوم صرفوا ونزلوا السهم 25 فلس وبالحد الادني ( الظاهر هم ما عجبتم الربحية وكانوا متوقعين اكثر نفس حالاتي )
اتمني ان تكون الفكرة قد وصلت لك

لا خوش تصريف !!

البيع ألي حصل على هالأسعار 305-300-295 أقل من 300 الف سهم ...

وين التصريف ألي تتكلم عنه ؟!!

بالعكس اليوم السهم اثبت أنه له صانع سوق محترم وسريع الرد ...

10 فلوس تشغيلي ومحقق ممتاز بالنسبه للوضع الحالي ..

 

[زمان اقتصادي]

بلغ ربح انجازات 2,9 مليون د.ك لل3 أشهر المنتهية في31-03-06‏
يعلن سوق الكويت للأوراق المالية أن مجلس ادارة شركة انجازات للتنمية العقارية
قد اجتمع أمس الاثنين الموافق 24-04-2006، واعتمد البيانات المالية المرحلية
للشركة لفترة الثلاثة أشهر المنتهية في 31-03-2006، وفقا لما يلي:‏
نتائج أعمال الشركة:‏
البند ال3 أشهر المنتهية في 31-03-05 ال3 أشهر المنتهية في 31-03-06‏
الربح (د.ك) 421,352 2,909,153‏
ربحية السهم(فلس كويتي) 1,75 10,7‏

 

[المهذب جداً]

.

الانجازات وعلي حسب كلام بوفواز شيخ التوصيات قد قامت ببيع احد الادوار في برج الداو وهذا هو سبب ارتفاع ربحيتها

إنجازات باعت 29 دور من أصل 33 دور من برج الداو

 

[المهذب جداً]

.

تستعد لتطوير أراض في منطقة الخليج منها أبراج مكتبية ومخازن وأسواق

إنجازات تربح 2.9 مليون دينار في الربع الأول وتفاوض لبيع أحد أصولها في أمريكا وتعتزم تصفية محفظة عقارية في أوروبا

أعلنت شركة إنجازات للتنمية العقارية عن أرباحها الصافية خلال الربع الأول من العام الحالي قد تمثلت بستة أضعاف ما حققته الشركة في الربع الأول من العام الماضي، حيث بلغ صافي الربح 2.9 مليون دينار أي بواقع 10.7 فلوس للسهم مقارنة بـ 421 ألف دينار أي بواقع 1.75 فلس للسهم خلال الفترة نفسها من العام الماضي. وبلغ إجمالي الإيرادات 3.6 ملايين دينار مقارنة بـ 856 ألف دينار في الربع الأول من العام 2005 أي بزيادة %.76


وأوضح محمد إبراهيم الفرحان العضو المنتدب بأن هذه النتائج الطيبة والتشغيلية جاءت نتيجة للاستراتيجية التي تنتهجها إنجازات والتي تتلخص في تنويع أنشطتها الاستثمارية والعقارية في عدة أقاليم والاعتماد على الأنشطة العقارية المختلفة بدل الأسواق المالية التي تراجعت في الآونة الأخيرة وأثرت سلبياً على نتائج الشركات.

وكشف الفرحان أن نتائج الربع الثاني أيضاً ستكون تشغيلية وطيبة حيث تتفاوض الشركة حالياً على بيع أحد أصولها في الولايات المتحدة الأمريكية بالإضافة إلى تصفية أحد محافظها العقارية الاستثمارية في أوروبا والتي ستظهر أرباحها في الربع الثاني من السنة.

وحول مشاريع الشركة، قال الفرحان ان لدى الشركة عدة مشاريع جديدة في منطقة الخليج العربي حيث ستقوم بتطوير الأراضي التي لديها في المنطقة سواء كانت من خلالها أو بالمشاركة مع أطراف أخرى، منها أبراج مكتبية ضخمة ومخازن وأسواق تجارية ومجمعات سكنية وكلها في مناطق مميزة.

.

 

[sprite]

.


إنجازات باعت 29 دور من أصل 33 دور من برج الداو

شلونك المهذب ..

هذا خبر ممتاز , فهل من تأكيد لهذا الخبر ؟

 

[المهذب جداً]

.

شلونك المهذب ..

هذا خبر ممتاز , فهل من تأكيد لهذا الخبر ؟

أفا عليك .............

الخبر شبه مؤكد

والربع الثاني قرب ينتهي ومتوقع له أرباح قوية للغاية

.

 

[sprite]

مشكور .. بس الربع الثاني باقي له شهرين ( ينتهي ب 31/6 )

 

[nfrs66]

تابع السهم باجر
وشوفه اذا صعد او نزل وبهدها عقب

شرط باجر السهم نازل

اعتقد اليوم السهم اعطاك الجواب

 

[الكولونيل]

بالعكس ياخوي نزلته هذي تجربه للدعم ورتد منه بسرعه وبثواني هذا يعني انه انشالله الدعم وقوي وخلال الايام القادمه انشالله راح نشوفه عند الهدف
340 انشالله وبحول الله بس انت اصبر شوي

للرفع

 

[خير الكلام]

السلام عليكم

ماكو شئ اسمه خبر شبه مؤكد للاسف ؟

في شئ اسمه دينار اكيد بجيبك .

ان كانت التوصيه ب540 بالخريف .

ليش ماابيع ب440 وعصفور باليد خير من 10 بشجره .

هذا رايي وطبعا يمكن اكون على خطا .

 

[ابومانع]

اكيد انت صح

وازيدك من الشعر بيت

انا لو يرتفع تكتين اقطه وبس ينزل ارجع امسكه مره ثانيه

وانا منتظر الهدف خل اطلع مصروفي

 

[الحووووت]

هده خله يتحدى !!

انا اللي عجبني اليوم شيين:

الاول: كمية التداول حلوه 4 ملايين ونص على هاللأسعار.

الثاني: تفاعل السهم مع الأخبار الايجابيه حيث من متابعتي للسهم انة لم يتفاعل يوم كان فوق وتم اعلان ال 60 فلس ارباح العام الماضي.

انا اقول حق صانع السوق مال هالسهم خل (يهده ويخليه يتحدى) لأن هالسهم ما ينخاف عليه :d

 

[الكولونيل]

ياجماعة الخير الهدف القادم انشالله 340 فلس وخلال الايام القريبه يمكن باجر او الاسبوع الجاي بالكثير انشالله واحتمال كبير يكسرها ويتجه للهدف الثاني 365 ومنها للاعلى

وبالتوفيق للجميع

 

[BOSS-74]

اب قريد

وكشف الفرحان أن نتائج الربع الثاني أيضاً ستكون تشغيلية وطيبة حيث تتفاوض الشركة حالياً على بيع أحد أصولها في الولايات المتحدة الأمريكية بالإضافة إلى تصفية أحد محافظها العقارية الاستثمارية في أوروبا والتي ستظهر أرباحها في الربع الثاني من السنة.

والله اعلم