شركة المزايا القابضة ش.م.ك.م ( مزايا ) .‏

[Master-Leo]

هالسهم كلما أبيعه اتحسف عليه لأن وراه ناس تدعمه مايبونه

ينزل حتى لو السوق نزل يدعمونه

قلت ارفع الموضوع للافاده وبالمره نسأل محللينا عن وضع السهم بعد

التداول القوي عليه اليوم ومشكورين مقدما

 

[Q8 Stock]

السلام عليكم

فنيا

السهم يتداول عن منطقة مقاومه 620 و 630
مع كمية تداول مرتفع معتبره ايجابي في حالة الاختراق
ولكن لم يحدث هذا الاختراق
دعم السهم متواجد في 600
والدعم الثاني 560
المقاومه الثانيه 660

مؤشر الماكد ايجابي وفي محاولة لاختراق خط الصفر

والله اعلم

البيع والشراء مسؤولية شخصية

 

[Master-Leo]

مشكور حبيبنا Q8Stock على وقتك وجهدك لتحليل السهم

قبل جم يوم كنت دايما احاول اطلبه على 590 ومعروض 600 بس راسي

يابس الا أبيه 590 ماعطوني طبعا ومن يومين تقريبا أطلبه على 600

ماقامو يبيعون الا اب 610 جنه عناد علي يبوني الا اشتري من المعروض

ههههه يتراوالي باجر ان طلبته 610 هم عناد راح يعرضون بال 620 الظاهر

عقاب لي ليش اني بعت السهم من قبل وما احتفظت فيه من أيام 560

حمدلله على كل حال وكل ربح حتى لو بسيط ولنا مشاركات قادمه مع سهم الزلم

 

[Oussama.D]

الشركة للأسف خرجت من القائمة الشرعية ...

ولا كنت ناويلها نية جشرة

السلام عليكم

أخوي سالت عن السبب و قالوا انه القوائم المالية المتوفرة لديهم بس للمزايا ((القابضة)) و لكن الشركات التابعة للمزايا غير متوفرة قوائمها المالية لديهم و بالتالي اعتبروها غير شرعية و اسمحلي هذا كلام فاضي لنه القابضة هي تجميع الشركات التابعة و القابضة شرعية 100% و الدليل قوائم الشركة المالية موجودة في موقع البورصة .. ادخل و احسب النسب المحرمة بنفسك اخوي او اتصل و اسال بنفسك عن السبب..
شغلة ثانية انه بموقع البورصة شركة المزايا كانت شرعية بالنسبة لحسبة الزكاة كما ذكر بالموقع!!
والله أعلم

 

[mish3al_99]

شنو اللي قاعد يحصل .بيع الاسهم امس كان كله على 620 .. و الكمية كبيرة
و اليوم نفس الشي ,, ما يشترى الا على 620 . و الكمية هم كبيرة ..

هل الي يصير تدوير بين محافظ متفق عليها ,,,
ليش السهم مو راضي يرتفع اعلى من 620 .. لو هل الشرى على اي سهم ثاني بنفس القوه و الكمية تقاه معلق امس و اليوم ..

ليش يالمزايا , شنو عندكم ,,, شنو مخبين لنا ... ؟؟؟؟؟؟؟؟؟؟؟؟!!!

 

[Master-Leo]

شنو اللي قاعد يحصل .بيع الاسهم امس كان كله على 620 .. و الكمية كبيرة
و اليوم نفس الشي ,, ما يشترى الا على 620 . و الكمية هم كبيرة ..

هل الي يصير تدوير بين محافظ متفق عليها ,,,
ليش السهم مو راضي يرتفع اعلى من 620 .. لو هل الشرى على اي سهم ثاني بنفس القوه و الكمية تقاه معلق امس و اليوم ..

ليش يالمزايا , شنو عندكم ,,, شنو مخبين لنا ... ؟؟؟؟؟؟؟؟؟؟؟؟!!!

سبب التداول القوي تجميع والله أعلم لأن يبون يصعدونه في أي لحظة

وأعتقد اللحظة المناسبه تكون في حالة ارتفاع قوي للسوق

هذي المعلومه اللي وصلتني وحبيت أنشرها

وأنا عيزت وأنا اطلب السهم اب 600 محد يبيع والحين مطلوب أكثر

من مليون سهم على 610 ، يعني غصب طيب اللي بيشتري يحدونه

على 620

 

[mish3al_99]

سبب التداول القوي تجميع والله أعلم لأن يبون يصعدونه في أي لحظة

وأعتقد اللحظة المناسبه تكون في حالة ارتفاع قوي للسوق

هذي المعلومه اللي وصلتني وحبيت أنشرها

وأنا عيزت وأنا اطلب السهم اب 600 محد يبيع والحين مطلوب أكثر

من مليون سهم على 610 ، يعني غصب طيب اللي بيشتري يحدونه

على 620

مو يا ليو اللي باط جبدي .,. انه الشراء جده قوي على 620 .. و في نفس الوقت فيه بياع ... و اليوم معرض فوق المليون على 620 ..

ليش ما يمسكون السهم شوي ليش ما يصعدونه فوق ,, يا أخي الكل يدري ان السهم مظلوم وايد سعره فوق 800 ...

 

[Master-Leo]

والله ياخوي مشعل من ناحية مظلوم مظلوم وأنا ودي استثمر فيه شركه

وإداره ناجحه ماعليه خوف وأرباح وأخبار ممتازه يعني حتى لو أشتري بسعر

620 ماعندي مانع اشتري لأن له يوم أكيد راح يوصل فوق 800 ان شاءالله

بس انت شايف السوق مايشجع الواحد ياخذ قرار بالاستثمار حاليا لأن سوقنا

صاير اضرب وأهرب وأنا توقع شخصي اقول ممكن جلوبال قاعده تبيع على

محفظة أو صندوق ممكن يكون تابع لها لأن اللي أعرفه جلوبال تملك فوق 20%

وممكن تبي تاخذ أرباح محققه قبل نهايه السنه فتسوي تبديل بين صناديقها

كل شي جائز ! وانت عارف جلوبال من تملك نسبه في شركة تزهق

الناس على ماتصعده

 

[mish3al_99]

اوفقك الرأي ,,
اهو بالضبط هذا اللي يصير ,, تبديل بين محافظ جوبل اكيد ..

الله كريم ,, بنسبه لي انا صامد مع السهم لين يوصل 800

 

[Master-Leo]

اوفقك الرأي ,,
اهو بالضبط هذا اللي يصير ,, تبديل بين محافظ جوبل اكيد ..

الله كريم ,, بنسبه لي انا صامد مع السهم لين يوصل 800

الله يفرجها ويرزقك وان شاءالله مع صعود السوق راح ياخذ حقه وان شفته

800 راح أكون أول واحد يهنئك ان شاءالله ومن يدري وقتها ممكن اكون

مستثمر هم مثلك بالسهم لأن ايدي تحكني ماعرف اخلي محفظتي خاليه

من أسهم المظاليم (الممتازة) والمقصود هنا مزايا

 

[mish3al_99]

الاخ كنغ ,, ابشرك اكسرت 620 و الحين 630 انشالله خير اليوم .. و تنطلق من هل المقاومة القويه ...

 

[Master-Leo]

الاخ كنغ ,, ابشرك اكسرت 620 و الحين 630 انشالله خير اليوم .. و تنطلق من هل المقاومة القويه ...

هلا بالحبيب مشعل موفق اخوي انا والله راحت علي راسي صار

فيه جزمه قديمه مثل مايقولون الأيام اللي فاتت كنت اطلبها بال 600

أو 610 وماعطوني موفقين جميع الملاك يارب والله ان هالسهم

يخلي الواحد يحترمه ويحب يستثمر فيه واللي يضارب فيه يتحسف

حتى لو باع بربحيه السوق نازل 58 نقطه وماشاءالله زيد وبارك

مزايا صاعده 20 فلس بتداول قوي أيضا مانقول الا الى الأمام سرررر

 

[Q8 Stock]

ليو اعترف
انت اللي رفعت السهم اليوم..!!

مبروكين الارتفاع

 

[startq8]

سبب صعود سهم مزايا والتداول القوي هو

دخول صندوق الفرص التابع للمركز المالى

لطرح السهم في سوق الخيارات

هذا اللى اعرفه هالوقت بس اذا في سبب ثاني

الله واعلم

 

[Master-Leo]

مبروكين يابوعلي ولجميع الملاك وصراحه الواحد يتشجع يدخل مره ثانيه لما

يشوف قوة الطلب والدعم على هالسهم الحديدي اللي صمد طول فترة

النزول الماضيه وعوض مستثمرينه خير وليما الحين أوصي ان شاءالله الخير

ياي بالطريج ولنفس الأسباب اللي سبق ذكرتها وملاحظة كالعاده انقول

لاتشتري الا متأكد من نقاط الدعم والمقاومه اذا كنت مضارب واذا

مستثمر ابشر بالخير

 

[mish3al_99]

في شي مو طبيعي .,,,

بيت الاستثمار العالمي ,,, انخفضت نسبته من 20,70 % الي 14,6 %

 

[Master-Leo]

في شي مو طبيعي .,,,

بيت الاستثمار العالمي ,,, انخفضت نسبته من 20,70 % الي 14,6 %

أعتقد والله أعلم مدام انها خفضت نسبتها معناتها اهي اللي كانت

تبيع على صندوق الفرص التابع للمركز المالي بدليل طرح الصندوق

اليوم لشركة المزايا من ضمن سوق الخيارات ( مطبوخه يعني)

 

[Master-Leo]

لاتعليق غير مبروكين اجمعين ومنها للأعلى يا ملاك السهم الحديدي

 

[sam]

مبرووووووووووووووووووووووووووووووووووووووووووووووووووووووووووك

وكل عاااااااااااااااااااااااااام وانتم بألف خير ومزايا بخير

مبرووووووووووووووووووووووووووووووووووووووووووك علينا جميعا

 

[mish3al_99]

أعتقد والله أعلم مدام انها خفضت نسبتها معناتها اهي اللي كانت

تبيع على صندوق الفرص التابع للمركز المالي بدليل طرح الصندوق

اليوم لشركة المزايا من ضمن سوق الخيارات ( مطبوخه يعني)

زين عقب ما يكتفي صنودق الفرص التابع للمركز المالي ,, توقع يهدون السهم من غير دعم ,,, و لا يحاولون يجذوبون مشتثمرين بسعر اعلى ,, مثل ما توقعنا فوق 800 ....انشالله ,,