شركة الثمار العقارية ش.م.ك مقفلة ( الثمار ) .

[boali]

2,040,000 على 110

ما هو تعليقكم أيها المحللين ؟

 

[استثماراتي]

أخواني المحللين بارك الله فيكم نبي تحليل للسهم ؟؟؟؟؟؟




الصبر مفتاح الفرج
لاحول ولاقوة إلا بالله

 

[بورصة نت]

نداء

نبي تحليل يا ربعنا للسهم0000 لانه في اخبار عليه

 

[dcnaq]

احسنتم بس ممكن اتقولون لنا وين المساحة الفاضية التي تكفي لمثل هذا المشروع شارع الشهداء بس ويين بالضبط

 

[المعرس]

التحليل الفني بنظري انا مو واضح هالايام
بس هذا اللي موجود
نبلش من فوق لي تحت

خطوط الدعم والمقاومه:
1) خط دعم قوي عند ال106 صعبه ينزل عن هالسعر الايام اليايه
2) خط مقاومه ضعيفه عند ال110 اذا اجتازها بتيي له مقاومه ثانيه قويه عند ال116

المتوسط المتحرك (10 ايام، 50 يوم):
متوسط ال10 (المنحنى الازرق) قاعد يقرب من متوسط ال50 (المنحنى الوردي).. وقربو يتقاطعون.. التحليل: خلال جم يوم اذا السهم حافظ على سعره .. احتمال صعود عند نقطة التقاطع..

مؤشر بولنقر:
مو معطي اي اشاره بالنص على خط ال10 ...

مؤشر macd:
انا يوم الاربعا اللي طاف قلت تحليله: صعود بطيء.. ولي الحين تحليله صعود بطيء لانه ما تغير شي.. بس اللي تغير فيه انه قرب من خط الصفر.. واذا تقاطع مع خط الصفر احتمال كبير يكون في صعود ملموس بسعر السهم.. شلون يتقاطع مع خط الصفر؟ اذا حافظ السهم على سعره او ارتفع بالايام القادمه

مؤشر rsi:
هم مو معطي اي اشاره بالنص ويساوي 50

الفوليوم:
ترند ايام التجميع صاعد.. يمكن من تحسن الاوضاع السياسيه بالفتره اللي طافت.. ويمكن قاعدين يجمعون عالراحه

الزبده: كلهم مو واضحين ولا مو معطين اشارته قويه بس اوضح واقوى واحد فيهم الmacd يقول ان حافظ السهم على سعر اغلاقاته 110 وطالع بالايام اليايه .. السهم يايته صعده حلوه وانشالله ان صعد ما يخق عند خط المقاومه 116

وخلكم من التحليل الفني يا جماعه السهم مو خساره فيه تقط فلوسك .. التحليل المالي قوي واايد واللي يبي يشوفه http://www.indexsignal.com/vb/showthread.php?t=39288&page=27 .. ونسبة المخاطره مو كبيره ترى ان نزل كلش السهم لي وين بينزل يعني؟؟ ادنى مستوى وصل له خلال ست اشهر 106 بيوقف عند هالسعر.. واذا مصخها ونزل اكثر بيوقفه سعر الاكتتاب 100فلس..

 

[المعرس]

نسيت الرسمه

 

[NBK]

بارك الله فيك
والله يا اخي كلامك يريح
وتحليل رائع
الله يوفقك
عندي طلب راح ادزه على الخاص
ok​

 

[boali]

بارك الله فيك

أخوي hikw
ويعطيك العافيه

 

[استثماراتي]

جزاكم الله خير

 

[ChuCky]

مجموعة الاوراق خفضت نسبتها من 8.33% الى اقل من 6%
الله يســــــــــــــــــــــــتر

 

[المعرس]

8ملايين كمية للبيع وبس مليونين كمية شراء والسعر ثابت 110.. مقاومه جيده عال110 اليوم

ChuCky من متى هالحجي؟؟

 

[المعرس]

اليوم كله 110 وصفقات صغيره.. آخر دقيقه من التداول صفقتين ب350الف سهم ب112فلس.. هذا اللي مصمم يشتري السهم اليووووم

 

[بوراشد جروب]

اليوم كله 110 وصفقات صغيره.. آخر دقيقه من التداول صفقتين ب350الف سهم ب112فلس.. هذا اللي مصمم يشتري السهم اليووووم

الحبيب بط الجربه ...

 

[ChuCky]

ChuCky من متى هالحجي؟؟

هلا حبيبي .. اول شي مشكور على تحاليلك

الخروج تم هذا الاسبوع من مجموعة الاوراق بعد ما كانت النسبة 8.33%
واليوم هي 5.83%
وتقدر تشوف سايت البورصه فيها

 

[المعرس]

الشرق لي الحين محتفظه بنسبتها 31%
واللي حاب يتأكد http://www.kuwaitse.com/Market/StkProfileA.aspx?stk=425 آخر الصفحه

 

[المعرس]

خروج الاوراق الماليه بشهر 4

 

[المعرس]

هذي التغييرات اللي صارت بال6 اشهر اللي طافت مطلعهم من موضوع الاخو ابوجاسم http://www.indexsignal.com/vb/showthread.php?t=43496

النسب الحاليه موجوده بموقع البورصه http://www.kuwaitse.com/Market/StkProfileA.aspx?stk=425 آخر الصفحه كلش

 

[boali]

تفضل هذا الرابط

http://www.indexsignal.com/vb/showthread.php?t=43496&page=15

 

[المعرس]

اي هذا مثل ما قال chunky انه الاوراق الماليه خفضت نسبتها من 8% الى 5% بالفتره 9سبتمبر الى 13سبتمبر.. عذرووني نسيت لا احط عليها دائره بالرسمه

 

[ChuCky]

هناك امــــل الى اهداف عالية و ربما 12%​