كيفية الاكتتاب في بنك الريان القطري

[user76]

الكثير يتوقع راح يتم التخصيص اقل من 80 سهم بس مو اقل من 50 سهم
يعني الحسبه80 *10 جوازاتياوي 800 سهم
800 * 50 درهم لو نزل بالسعر هذا يساوي40000 دهم تقسيم 12 يساوي
3333 دينار اطرح سعر الاكتتاب والمصاريف وشوف جم راح يطلعلك

 

[حريص]

السلام عليكم


يا اخوان عندي عشر جوازات وشاري كل جواز ب30 دينار يعني مجموعهم 300 والتذكره علي اللفتهانزا درجه اولي ب 150 دينار تطب في الدوحه يوم السبت بالليل وبذلك لا يتبقي امامي سوي اليوم الاخير للاكتتاب وهو يوم الاحد لكي اقوم بالاكتتاب .. وحاط مبلغ وقدره 250 دينار مصاريف سكن لمدة 3 ايام هي فترة مدة الرحله واكل ومواصلات واحتمال كبير بشراء رقم من السوق السوداء لكي احصل علي دور ؟؟؟


سؤالي هنا if you were in my shoes .. لو كان أحدكم مكاني فهل سيكمل المشوار للنهايه ويسافر لقطر من اجل الاكتتاب في بنك الريان أخذا بعين الأعتبار كل التفاصيل المحبطه التي ذكرتها انفا ..

أم أن الشغله ما تسوي وراح تطلع علي أغلي من بيع السوق ... وخصوصا بعد توارد الاخبار عن الاعداد الكبيره للمكتتبين الخليجيين بمعني أنه حتي الحد الادني يمكن يصير حسره والتالي يصفي الجواز ب 80 سهم او اقل .. ومن ثم تركها أفضل والله الغني ..

أنا حاس كأني أقص علي نفسي لمجرد طرح هذا السؤال .. يعني العمليه واضحه وليست بحاجه لأستشاره .. وعلي الرغم من ذلك الا انني لا زلت
مشوش وغير قادر علي أتخاذ قرار بهذا الشأن .. أهون ولا أسافر ..

بأنتظار الشور من أهل الشور ..



والسلام ختام

شوف اخوي خلني اول شي اسالك سوال واضح وصريح ا>ا فعلا رحت وصرفت هالمصاريف كلها راح تقدر تكتتب نفرض انك قلتي نعم انا مضبط وضعي هناك او عندي احد هناك يضبطني او تقولي راح اشتري رقم علشان ادش على طوول راقولك روح وانت مغمض ولا ترد على احد
انا بالنسبه لي رحت وكلفتني السفر كلها تقريبا 350 دينار ولا بعد عندي 7 جوازات بس ولو كان عندي خمس جان هم رحت
لاني لو احسب معاك حسبه بسيطه جدا وهي
خنا نقول عندك 10 جوازات يعني راح يعطونك تقريبا 100 سهم قيمتهم 420 دينار كويتي تقريبا ومصاريف السفر راح تكون بحدود 350 تقريبا يعني اجمالي مصاريفك 420+350=770 اوكي


المتوقع للسهم انه يوصل 30 ريال قطر على اقل تقدير خلال 6 او 9 اشهر يعنى بالكويتي 2.400 اضربهم 1000 سهم راح يكون الناتج 2400 دينار ناقص 770 يساوي 1630
اعتقد انها تسوى انك تروح
لاحظ انا قلت 30 ريال يعني حسبه واحد محبط والكلام الي داير هناك بقطر ان السهم راح ينزل السوق مو اقل من 50 ريال وعليك الحساب

اسف على الاطاله

 

[Foool & Lobster]

غير متحمس بالمرة

بيني وبينكم, راحة البال ما تنشرى بفلوس, وخصوصا اخوي حمد المتوقف (Stillhamad) مدلع روحه, ويبي يروح درجة اولى على اللوفتانزا
القصد, البارح وردني خبر من واحد من الشباب وصل هناك... سامعيني؟؟ وصل قطر ورجع خاوي اليدين!!! يقول ما تسوى هالعنوة والزحمة والازعاج, وقال ان رقمة بالدور كان خيالي.
انا شخصيا كنت من المتابعين للاكتتاب, ولكن بعد ما سمعت بالاعداد واللي تفوق ال 700 الف مكتتب, راجعت نفسي, بالاضافة الى صعوبة بيع الاسهم بعدها, لانك تحتاج توكيل من كل شخص, وصدق من السفارة ب12 دينار ووزارة الخارجية....
الحسبة كانت مبنية على 82500000 مليون سهم مقسمة على 165000 الف خليجي, فيطلع للشخص 500 سهم.
الحين عيد التوزيعه, وقول 82500000 على 700000, الناتج = 120 سهم تقريبا, او اقل.
اضف الى المبلغ اللي راح ينحجز بالاكتتاب
هذي الشروة فيها علل الدنيا, فاذا عزمت, اقولك الله يعينك على البيعه, والناس اللي لازم تعمل لك توكيل بيع....
ملاحظة اخيره, سعر السهم مدفوع نصفه,والسهم جديد, فلا تتوقع راح يطير مثل باقي اسهم البنوك.
رأي شخصي
حيييييييل ما تسوى

 

[Wise]

تم دمج اكثر المواضيع اللي اتخص بنك الريان فى هذا الموضوع واتمنى من الجميع التقيد فى هذا الموضوع وشكراً .

 

[حريص]

اي سمعو كلام حريص صدقوني

بعد جبدي والله

 

[الميموني]

نصيحه لوجه الله اشتر راحتك
والشغله ماتسوا لأن فيه ناس شارين رقم من يومين والى الأن مادخلوا ...

 

[q8^للمقاصة]

السلام عليكم ....

انا توني قبل 12 ساعه مكتتب في بنك الريان

ولازم تحطون هالامور في بالكم ولا لاترحون .......


1- عدد 30 الى 35 جواز اذا اقل ماتسوى هذا التعب والبهذله كلها
2- تحط في بالك تشتري رقم ما بين 600 الى 1000 ريال الدور يكون اليوم اللي بعده او تكون انسان لك القوه اللي تقدر ادش بدون رقم

3- اذا ماعبيت الطلب من الاترنت شوفلك احد سابقك هناك يشري الطلب 400 واذا لقا خير ونعمه

ولله ياجماعه اذا شفته شي عجيب غريب انا قعدت لى اخر لحظه حايشني احباط لولا احد الاخوان اللي لهم باع في التسلل هربي وياه وماصدقت نفسي اني اكتتبت بس والله ماتسوى اذا جوازات شويه

في ناس ناصبه خيامها عند النادي ونايمه يم السيارات وناس شفتها نايمه بالمساجد القريبه والاخوان القطرين منصدمين بالوضع يعني ......

 

[التحليل الفني]

اول شي الحمدلله على السلامه يالغالي

وانا باجر مسافر ترنزيت كويت بحرين دوحه بحرين كويت شنو رايكم معاي 19 جواز تسوي ياجماعه

 

[abo faleh]

صبحكم الله في كل خير والله توني واصل من الدوحه بسيارتي وحبيت

اضيف بعض النصايح للي ماكتتبو ..

1- السكن مو طبيعي لانه اللي 350 ريال صارسعره مو طبيعي 1200 ريال

2- صحيح انه من الصعب انك تستلم اوراق التعبيه

3- الارقام تنباع بسعر غريب ممكن 800 او 1000 ريال مو تلفون سياره بس رقم لدخولك للاكتتاب

4- نفسيت قوات الامن داخل الملعب الواحد يستحي يتكلم فيها

5- دخولك الدوله عن طريق الحدود من مركز الى مركز والله من الساعه
2:50 الفجر لغاية 9:30 الصبح

الجديد في طريقة الاكتتاب ...

1- من ناحية السكن على الجماعه يكون سعره رخيص

2- استلام الاوامر للتعبية الاوراق عن طريق الانترنت سهله واوفرلك
ومايمنع تمسك دور في النادي

3- للمعاقين لهم معامله خاصه ودورهم من غير الزحمه .....
وامس وصو على الاكتتاب بالخيم وطلب دفعه جديده من الموظفين
وانا اكتتب شفت كذا موظيف جديد ومن سؤالهم للمسؤول القطري انهم موظفين اول يوم يداومون

4- ومن ناحية القوات الخاصه اللي كانت موجوده شالوهم وجابولهم شرطة
الامن العام واعتقد انهم متفاهمين الوضع من الناس ويتقبلون السؤال

5- ومن ناحية المراكز زادو الموظفين وانا راجع والله مافي اي زحمه

وطرقة الاكتتاب داخل الصاله .....

1- الشخص اللي بيدخل عندهم اي مقدم الطلب يرفق صورة جوازه من كل معامله ولا يحتاج صوره للشيك اقصد مجرد الشيك الاصلي .

2- صورةجواز لكل مكتتب وهم لا تنسون الشخص اللي بيقدم الطلب صوره جوازه

وعسى الله يرزقكم ويرزق الجميع كل خير .....

 

[asfoor71]

والله ولله والله انى صارلى ساعتين واصل وشارى رقم 16024 بالفين ياجماعه والله شى موطبيعى واللى ماعنده اكثر من عشرين جواز مايستفيد وشكرا

 

[B52]

صبحكم الله في كل خير والله توني واصل من الدوحه بسيارتي وحبيت

اضيف بعض النصايح للي ماكتتبو ..

1- السكن مو طبيعي لانه اللي 350 ريال صارسعره مو طبيعي 1200 ريال

2- صحيح انه من الصعب انك تستلم اوراق التعبيه

3- الارقام تنباع بسعر غريب ممكن 800 او 1000 ريال مو تلفون سياره بس رقم لدخولك للاكتتاب

4- نفسيت قوات الامن داخل الملعب الواحد يستحي يتكلم فيها

5- دخولك الدوله عن طريق الحدود من مركز الى مركز والله من الساعه
2:50 الفجر لغاية 9:30 الصبح

الجديد في طريقة الاكتتاب ...

1- من ناحية السكن على الجماعه يكون سعره رخيص

2- استلام الاوامر للتعبية الاوراق عن طريق الانترنت سهله واوفرلك
ومايمنع تمسك دور في النادي

3- للمعاقين لهم معامله خاصه ودورهم من غير الزحمه .....
وامس وصو على الاكتتاب بالخيم وطلب دفعه جديده من الموظفين
وانا اكتتب شفت كذا موظيف جديد ومن سؤالهم للمسؤول القطري انهم موظفين اول يوم يداومون

4- ومن ناحية القوات الخاصه اللي كانت موجوده شالوهم وجابولهم شرطة
الامن العام واعتقد انهم متفاهمين الوضع من الناس ويتقبلون السؤال

5- ومن ناحية المراكز زادو الموظفين وانا راجع والله مافي اي زحمه

وطرقة الاكتتاب داخل الصاله .....

1- الشخص اللي بيدخل عندهم اي مقدم الطلب يرفق صورة جوازه من كل معامله ولا يحتاج صوره للشيك اقصد مجرد الشيك الاصلي .

2- صورةجواز لكل مكتتب وهم لا تنسون الشخص اللي بيقدم الطلب صوره جوازه

وعسى الله يرزقكم ويرزق الجميع كل خير .....الحمدالله على السلامه وابي اسئلك بخصوص الانترنت كم طلب اطبع لجواز

 

[الفهلوي]

يااخوان اذا احد موجود حاليا في قطر

ويستطيع ان يحصل لي على رقم دور ، وذلك ان اخي سيذهب غدا صباحا

بواسطة السيارة ، واخشى ان لايدرك رقم قريب ، او حتى يفوته الإكتتاب .


ياليت يراسلني على الخاص .


وشكرا


الفهلوي

 

[الفهلوي]

يااخوان اذا احد موجود حاليا في قطر

ويستطيع ان يحصل لي على رقم دور ، وذلك ان اخي سيذهب غدا صباحا

بواسطة السيارة ، واخشى ان لايدرك رقم قريب ، او حتى يفوته الإكتتاب .


ياليت يراسلني على الخاص .


وشكرا


الفهلوي

للرفع للأهمية




الفهلوي

 

[yousifXP]

السلام
انا دزيت 14 جواز مع رفيجي جزاه الله خير
رق علي الساع 01:00 الظهر قال لي انه توه دش القاعه وبعدين..............................................................
رد دق علي الساعه 11:00 بالليل قال لي توني طالع من القاعه!!!!

 

[المريح]

أوراق التعبئة

كيف نحصل على أوراق التعبئة لمصرف الريان ؟سواء الإنترنت أو غيرة؟

وهل يصير الإكتتاب من خلال صورة الجواز فقط"أي من دون اصطحاب الجواز الأصلي"؟
شاكرين لكم.

أخوكم المريح

 

[الفهلوي]

كيف نحصل على أوراق التعبئة لمصرف الريان ؟سواء الإنترنت أو غيرة؟

وهل يصير الإكتتاب من خلال صورة الجواز فقط"أي من دون اصطحاب الجواز الأصلي"؟
شاكرين لكم.

أخوكم المريح

https://e-register.qnb.com.qa/eIPO_Online/


الفهلوي

 

[المريح]

https://e-register.qnb.com.qa/eIPO_Online/


الفهلوي

جزاك الله خير،وفرت علي كثير.

والله ييسر أمر أخوك.

أخوك المريح

 

[browser]

اللهم لك الحمد و الشكر

اللهم لك الحمد و الشكر


خلصت الاكتتاب يوم الاربعاء قبل ساعتين من موعد طيارتي طلعت من القاعة الى المطار على طول ,,,


الله وفقنا الحمد لله

الصراحة اللي ما عندا واسطة او جواز ديبلوماسي لا يروح ابدا لان الوضع صعب جدا !!!

اكو قاعة في مبنى الفنادق على الكورنيش فيها شخص محترم اسمة عبدالله الانصاري مدير الاستثمار في بنك قطر الوطني اهو يخلص اي شخص معاه جواز ديبلوماسي او خاص ,, المطلوب مراجعة الفرع الرئيسي لبنط قطر


اتوقع تخصيص اقل من 100 سهم لكل مكتتب لان اعداد المكتتبين و الجوازات اللي وياهم غير طبيعية !!

دش علينا سعودي معاه 1000جواز في اربع جناط !!!

 

[بوعمر2]

سمعت ان فتره الاكتتاب لبنك الريان مددوها..........هل هذا صحيح.

 

[browser]

سألنا قالوا لا ماكو تمديد