المجموعة الدولية للاستثمار ش .م.ك.م ( المجموعة د )

[أبو سلطان]

يا جماعة هذا تصريف و إلا تجميع

 

[fullmoon]

صراح الشارت مال السهم وايد مرتب . بس الحذر واجب من التصحيح اللي ما اعتقد يكون كبير .. افضل الانتظار الى بكرة و انشوف

و الحكم لكم و الله يوفقكم

 

[أبو سلطان]

يا جماعة هذا تصريف و إلا تجميع

للتعليق و التحليل

 

[سهم مطاطي]

والله أعلم جني أرباح فقط والسهم مدعوووووم علي 510 وال 500

 

[mayy83]

أبيع الي عندي او انطر شوي تكفون الي عنده معلومات لا يبخل

 

[زين العابدين]

صراح الشارت مال السهم وايد مرتب . بس الحذر واجب من التصحيح اللي ما اعتقد يكون كبير .. افضل الانتظار الى بكرة و انشوف

و الحكم لكم و الله يوفقكم

من وين ممكن نحصل هالشارتات؟

 

[fullmoon]

من برنامج اسمه تيكر شارت ... تقدر تحصله من www.tickerchart.com

 

[Q8 Stock]

السلام عليكم

بعد الشد والكلام اللي صار
حبيت اتابع المجموعه واشوف شنو اللي صاير
بداية التداول كان في تخبط وااااضح من البياعه
وخااصه اللي عارضين 80.000 على 500
مع انه في مطلوب كان اكبر
بسبب الكلام والاشاعه
شوف الصوره المرفقه قبل بداية التداول بـ19 ثانيه
حتى الشرايه كاني متخبطين
صج صاير تخمط
الله يرزقكم ان شاء الله
ويزيدكم اكثر واكثر
<<<< ماعنده كاش ولا كان داش على 510 وبايع على 540

 

[alhooot1]

ادورون عذر

الرجال نواف قال لكم ما سمعتو كلامة شسالفة انتو اذا حبيتو سهم ما ترضون احد يتكلم علية يبا هذا سوق بيع وشراء لازم اتعرفون وايد ناس ادبست بالمخازن وسبة العاطفة الجياشة امسوينة مايكرو سوفت والتجار صرفو كمياتهم وانتو خسرتو
والحين المجموعة صرفو انتو اتقولون الرجال نواف من كلامة نزل السهم شنو عندة هذا السهم علشان يستمر في الصعود للدينار محافظ استقلت الوضع وصعد والحين يصرفون وياخذون بالنازل ويردون يصعدون كل السوق يشتغل بهذي الالية
ولا علموني اكو اقوى من السفن شوفو حالها تصعد 5 وتنزل 5
والله والعالم يبي يكمل باجر نزول بلاش تطبيل

 

[ابو تـركي]

السلام عليكم
الحين ممكن للأخوان الفارسq8 والأخ نواف
تفسير اللي حدث بحوار هادي واخويه وبعيد عن التحدي والأزدراء وتسفيه الأخر
كلنا دخلنا المنتدي عشان نستفيد
واللي حصل من يوم الأربعاء ليوم الجمعه ماشفت مثله باالمنتدي من دخلته
وبعدين كل واحد ماسك علي اخوه الزله
انا اطلب من الجميع مراجعه كامله للي حصل لعل وعسي ما يتكرر الشي هذا مره ثانيه
واسمحولي يا اخوان علي الأطاله بس والله شي يقهر
وشكرا

 

[fullmoon]

اي نعم شي يقهر

و السبب ان التهويل اللي صار من يوم الاربعاء الى اليوم مو معروف شنو سببه .. الاخ نواف يمكن يكون صادق لكن طريقته للاسف لعبت في اعصاب الناس ... قعد يطبل اسبوع كامل للسهم و بعدين قال خلاص ترى كل واحد شرى اسهم المجموعة (طبع) ولا راح يلاقي احد يشتري منه يوم السبت و لو بالحد الادنى ليش علشان عنده خبر موزين, و المصيبة انه مافي احد ثاني سمع هالخبر و لا اكده!!!!! و النتيجة تداول السهم بكمية تعادل يوم الاربعاء !!!!!!

و الله لو كان اخونا المهذب جدا (تسلم شوراربه و فعلا اسم على مسمى) قال ياجماعة ترى فيه خبر مو زين للمجموعة جان ما احد لامه .

ما اقول الا عسى الله يرزقك يانواف على قد نيتك

 

[الفارس_Q8]

الرجال نواف قال لكم ما سمعتو كلامة شسالفة انتو اذا حبيتو سهم ما ترضون احد يتكلم علية يبا هذا سوق بيع وشراء لازم اتعرفون وايد ناس ادبست بالمخازن وسبة العاطفة الجياشة امسوينة مايكرو سوفت والتجار صرفو كمياتهم وانتو خسرتو
والحين المجموعة صرفو انتو اتقولون الرجال نواف من كلامة نزل السهم شنو عندة هذا السهم علشان يستمر في الصعود للدينار محافظ استقلت الوضع وصعد والحين يصرفون وياخذون بالنازل ويردون يصعدون كل السوق يشتغل بهذي الالية
ولا علموني اكو اقوى من السفن شوفو حالها تصعد 5 وتنزل 5
والله والعالم يبي يكمل باجر نزول بلاش تطبيل

يااخي نواف شنو قال 000في البدايه يقسم السهم رايح دينار وبيعو بيوتكم وسياراتكم واشترو وبعد مااشترو الناس بالغالي 550 قال عندي معلومه خطيره والسهم رايح ينهار وبالحد الادنى طيب شنو المعلومه انيع بس لو اقولك بيع اسهمك عندي معلومه خطيره وبس تبيع
للسهم الاخوان المهذب والصبر مفتاح واشرف خليل اقدر منا على تحليله
بس السهم كان المفروض يصحح على 500 والبيع اليوم قوي بس الكميات تدل ان الغالبيه صغار المستثمرين 100 وانت نازل عكس الشاري كميات كبيره واخذه بالسعر اللي يبيه السهم عنده دعم على 500 انشالله مايكسرها ونبي راي اخوانا المحللين لا يبخلون علينا

اما كلام نواف حد ادنى وماكو شراي طلع فالصو

 

[CENTRALBANK]

قال ولا ما قال

قال ولا ما قال شي طبيعي انة السهم المفروض يريح ... بس اهم شي الاخلاق والكلام الطيب... وادب الكلام مو قلة الادب

 

[مستثمر صغيروني]

يا شباب اشفيكم علي نواف الله يجزاكم خير نواف ما ينلام وبيض الله وجهه نواف لو موخايف على مصلحة الشباب ما قالهم بيعوا السهم00 كان سكت ولا بلغ احد وكان باع اسهمه بدون اي شوشره ولا كان احد راح يدري عنه00 ونواف لو نيته باطله كان سكت وقال عن اللي صار اليوم تصحيح عادي وسكر علي الموضوع وخلاص00 بس اعتقد اليوم اللي كان يبي يشتري اشتري واللي كان يبي يبيع لقى بياع وخلاص انتهت المشكله00 اصلن امبين من بداية التدوال انه في لعبه من المحافظ والمضاربين الكبار لتنزيل السهم 000 والا اشمعناته ان السهم تمت عليه اكثر من الـــــف صفقه00 ولو كان السهم فيه شي ما تمت عليه كل هالصفقات000 واخيرن اتمني يا اخوان انكم اتلفون هالموضوع واتسكرونه وخلاص 00 وترى نواف انسان زين وخوش ولد والدليل انه لونيته موزينه كان سكت عن الموضوع ولا تكلم فيه00 واسف على الاطاله

 

[ستوك]

نواف ماقال لا حق ولا باطل .. قال أول شي السهم بيوصل 750 هالأسبوع وبعدين قال السهم بيوصل 310 بعد اسبوعين ..شايفين مقدار التناقض ؟؟؟ وقال إن السهم اليوم حد أدنى وهم طلع غلط .. مادري شنو اللي قاله نواف وطلع صح !؟ نزول السهم اليوم منطقي وعقلاني وقد يستمر فترة بسيطة للتأسيس وماله دخل لا بكلام نواف ولا غيره ..
أنا لكن السهم سيواصل مسيرته وأذكركم .. السهم صعب ينزل تحت 480 و سيواصل صعوده بعد فترة قصيرة بإذن الله تعالى ..

 

[خالد 44]

حسبى الله عليك؟ لأنى اتوقع أنك انت اللى عارض 80 الف بالحد الادنى؟ لكن الحمد لله خيب رجاك؟ بالمجموعه وببنتها

 

[الفارس_Q8]

الكميات المتداوله فوق 18 مليون والقيمه فوق 9,700 والشراي مااضن من صغار المستثمرين واخذه ب510 بكميه فوق المليون لو فيه خبر سئ ماانباعة هالكميات مثل ما فيه بيع فيه ناس شاريه 00وباجر نشوف مسار السهم

 

[مستثمر صغيروني]

حسبى الله عليك؟ لأنى اتوقع أنك انت اللى عارض 80 الف بالحد الادنى؟ لكن الحمد لله خيب رجاك؟ بالمجموعه وببنتها

هههههههههههههههه صف النيه يا بو وليد مو الهالدرجه يعرض بالحد الادنى000 ههههههههههههه

 

[qatel4]

السلام عليكم يا اخوان
كما توقعت اليوم السهم يريح عدل وهذا جدا منطقي
وان هذا الكلام يزعل ناس
بس ابشركم بكره اثبات وجود للسهم اذا تحبون يبقى على هذا السعر راح يبقى ولا اذا ثبت ابشركم بيوم الاثنين كل مضارب يربح
الا اذا صارت بلبلة اكثر وخوف شئ طبيعي راح ينزل
سهم المجموعة معروف صعودة يبدأ كل يوم اثنين
وانتو احرار فيه

ملاحظة: تكفون اذا في بياعة للسهم ترى عندنا شراية حاضرين يشترون بكرة من 550فلس وقولوا كاتل4 ماقال
----------------------
ومن يتوكل على الله فهو حسبه

 

[bu3teeg72]

كفو عليك يا نواف
والله انك بيضتها
كلامك مسمار بلوح
انا اول واحد بعت اليوم علي 530
كله بفضل ربي وبفضلك

صج الرجال معادن وانت اولهم يا نواف
كلامك وحده بوحده


الي عاندوك لازم يعتذرولك هذا اقل شي ممكن يسوونه لك

روح يا نواف الله يرزقك

الأخ نواف قال حد أدنى كم يوم مو 30 فلس!