المجموعة الدولية للاستثمار ش .م.ك.م ( المجموعة د )

[almared]

وانصح اخواني احذروا ال 1040 .... هذا السعر مصيبة ....

المتداولين سوف يتذكرون (وانا منهم ) حين تأملوا استمرار الصعود حين ارتد السهم من 1040 ووصل الى 800 +- +-

رحالي

الأخ رحالي كلامك صحيح الهاي السنوي 1040

الدينار حاجز نفسي ...

بس لو طلع أي خبر راح يتجاوز الجميع ...

لا تغيير علي الشكل الفني ...



أخوكم المارد

 

[Bo Tasneem]

بوفواز يقول ارباح المجموعة اخر العام 125 فلس
وانا اقول ارباح المجموعة اقل من97 فلس

والموعد عند الاعلان
خل نشوف منو الصح

ليش ناوي شر ياخوي !!

إذا على قولتك 97 فلس وامحققه للمجموعه !! أيضاً فوق الممتاز .. وسّع صدرك

ورحالي عطانا الحسبة فيما سبق .. بأن لو أدنى الدون (الله لايقول) .. إذا الأرباح 100 محقق فالسهم يستاهل 1.150 بحيل الله .. هذا أدنى الدون أوكي خل نحط في بالنا هالشي !!


بوتسنيم​

 

[بوحسن]

هناك شراي بسعر قبل الدينار صدقوني .. بس ننتظر الإعلانات وإن شاءالله فالكم طيّب !!

في محافظ طمعانه بهالشركة الواعده والصاعده بحيل الله .. خل يكون للتاريخ كلام في الصعود .. رجاءاً لا للاستعجال !!


بوتسنيم​

في شراي على الدينار ؟

وليش ما يشتري الحين ؟ ليش يشتري ان وصل الدينار

انت قصدك ... ان وصل السهم ليم الدينار واعلنو عن ارباح 120 فلس

فان المحافظ سوف تدعم السهم اكثر لان السهم قول وفعل حزتها

ويفتك البدر من دعمه للسهم بروحه

ولا جان قلنا ليش ما يعلن الحين ويوفر على بو الدينار جم فلس دام بيدش شريك مستثمر بالسهم ويريح باله البدر من دعم السهم ابهل الوقت ويقطها على ناس ثانيين

قتلك من قبل السهم براي ان صانع السوق عليه اهو نفسه مالك السهم

ان صعد فمنه وان نزل فمنه .. بس انت وفيت وكفيت وهذا احنا شفنا 980 ولو لفتره ... ولو نزل السهم 800 فلس مره ثانيه انت اوكي

بس عاد لا تطبل اكثر خوو افهمها

 

[Bo Tasneem]

في شراي على الدينار ؟

وليش ما يشتري الحين ؟ ليش يشتري ان وصل الدينار

انت قصدك ... ان وصل السهم ليم الدينار واعلنو عن ارباح 120 فلس

فان المحافظ سوف تدعم السهم اكثر لان السهم قول وفعل حزتها

ويفتك البدر من دعمه للسهم بروحه

ولا جان قلنا ليش ما يعلن الحين ويوفر على بو الدينار جم فلس دام بيدش شريك مستثمر بالسهم ويريح باله البدر من دعم السهم ابهل الوقت ويقطها على ناس ثانيين

قتلك من قبل السهم براي ان صانع السوق عليه اهو نفسه مالك السهم

ان صعد فمنه وان نزل فمنه .. بس انت وفيت وكفيت وهذا احنا شفنا 980 ولو لفتره ... ولو نزل السهم 800 فلس مره ثانيه انت اوكي

بس عاد لا تطبل اكثر خوو افهمها

نعم يالصبر .. هذا القصد جزاك الله خير

وكلنا نعلم بأن الصعود المجنوني يخلق فجوات .. ومووقته .. تونا امسكرينها نرد نفتح غيرها !! الله المستعان

تسلم على التصحيح .. وكله اتصلحلي ماتقصر والله .. أخاف على يوم أقول "كاريم كاراميلاّ" .. اهني مشكله وين اترقعلي هاهاهاااه


بوتسنيم​

 

[boalons]

ليش ناوي شر ياخوي !!

إذا على قولتك 97 فلس وامحققه للمجموعه !! أيضاً فوق الممتاز .. وسّع صدرك

ورحالي عطانا الحسبة فيما سبق .. بأن لو أدنى الدون (الله لايقول) .. إذا الأرباح 100 محقق فالسهم يستاهل 1.150 بحيل الله .. هذا أدنى الدون أوكي خل نحط في بالنا هالشي !!


بوتسنيم​

وال 100 فلس تسهلك الحسبه اكثر

مكرر ارباح قطاع الاستثمار اعتقد 14 او 15

يعني السهم يستاهل ال 1.400 وزيادة

 

[المهذب جداً]

.

المهذب قبل كان توقيعك يقول بان ارباح المجموعة الدولية اخر العام 170 فلس
ليش شلته؟
هل تغير شي

يقال أن الأرباح 124.6 فلس

إذا كان هناك - وكما يشاع - قليل من الكاش في التوزيعة و الباقي أسهم منحة و/أو زيادة راس المال ؛ فإن مكرر الربحية سيقفز من 14 إلى 17!


.

 

[فيرسون]

في شراي على الدينار ؟

وليش ما يشتري الحين ؟ ليش يشتري ان وصل الدينار

انت قصدك ... ان وصل السهم ليم الدينار واعلنو عن ارباح 120 فلس

فان المحافظ سوف تدعم السهم اكثر لان السهم قول وفعل حزتها

ويفتك البدر من دعمه للسهم بروحه

ولا جان قلنا ليش ما يعلن الحين ويوفر على بو الدينار جم فلس دام بيدش شريك مستثمر بالسهم ويريح باله البدر من دعم السهم ابهل الوقت ويقطها على ناس ثانيين

قتلك من قبل السهم براي ان صانع السوق عليه اهو نفسه مالك السهم

ان صعد فمنه وان نزل فمنه .. بس انت وفيت وكفيت وهذا احنا شفنا 980 ولو لفتره ... ولو نزل السهم 800 فلس مره ثانيه انت اوكي

بس عاد لا تطبل اكثر خوو افهمها

تصدق عاد يا الصبر ..

ان اللي كان يشتري و يرفع المجموعة الدولية من سعر 840 لغاية اليوم ..يعني 130 فلس صعود .. ماله علاقة بملاك السهم ...

و بالنسبة لدعم السهم (الفترة الحالية) .. هم مالهم شغل الملاك ..متفرجين لا أكثر ..

و بالنسبة للأرباح .. راح تكون قياسية و ممتازه .. و اللي يقول الأرباح تحت ال 100 فلس .. أو عنده خبر من البنك المركزي ..أقوله كلامه (empty)

اهم شي الواحد يقبل على هذا السهم بنظره استثمارية ..و لا تحكه ايده على البيع ..

و على فكره ..لا يوجد اي حاجز نفسي على الدينار .. الحاجز هذا منتهي الصلاحية كونه حاجز سابق .. يعني قبل لا يوصل السهم للدينار شهر 10 الماضي (ايام ما كانت الناس تشوف المجموعه كل يوم حد اعلى و تقول الهدف دينار) ..

أما الآن أغلب الشراء و الكلام المتداول و الأرباح المتوقعه تشير الى ان هدف السهم راح يتخطى الدينار و بسهوله ..فبالتالي لا يوجد أي حاجز فعلي ..

التحليل الفني يا شباب مو كله رسومات بيانية (شارتات) ..بل العكس .. نصفه تقييم سيكلوجي للوضع المحيط ..

مثل اخينا المحلل الخبير الي يقول الدعم مال المجموعه انكسر ايام الازمة السياسية الناتجه عن وفاة الأمير ..والي سببت موجة ذعر ..

اذا الواحد جابل الشارت و لغى نعمة العقل .. تحاليله يبلها و يشرب مايها ..

و بالتوفيق لملاك المجموعة ..

بو فارس ..

 

[garmin]

بوفواز يقول ارباح المجموعة اخر العام 125 فلس
وانا اقول ارباح المجموعة اقل من97 فلس

والموعد عند الاعلان
خل نشوف منو الصح

اخي الأزوري المعلومه وصلت وكثر الله خيرك

واتمنا هذا الموضوع ماياخذ أكثر من حجمه الإختلاف في الرأي شي جميل ولايفسد مابينا بإذن الله

اتمنا كلامك يطلع صح
علشان أقول الازوري طلع راعيها

اخوك
بوفواز

 

[rahaly]

يا جماعة سؤال :

هل يعقل ان المحافظ ما تعرف كم ارباح المجموعة ؟؟

أكيد أكيد ان المحافظ تعرف كم ارباح الدولية ومن زمااان قبل اعلانها ..
اذا انا وبو فواز وصلتنا الارباح قبل مدة ... شلون المحافظ ؟؟؟؟

القصد ؟؟؟

القصد يا اخوان .. اللي يقول ان المحافظ راح تلم السهم بعد الاعلان على اساس مكرر الارباح ............. غلطااااااان .............


انا عرفت عن الارباح وشريت على 820 وعلى اساس ان تسؤيب المعلومة راح يصعد السهم(وقد حدث ولله المنة)........ اكيد المحافظ اشترت قبلها ...
فاذا هدفهم استثماري طويل راح يخلون السهم ما يبيعون وما راح يشترون زيادة طبعا ...

اذا قصدهم جني ارباح او مضاربة(كالعادة) يكونون صرفوا او في مرحلة تصريف الى سعر معين بس اكيد اكيد قبل ال 1200 .......... لان نحن الزوري عيونا على 1200 + -

فالمحافظ تصرف قبل هالسعر بشوييييييييييييييش .....
(( خطة نفسية مشهورة .... يركزون على السعر اللي الناس كلها تطالعة ... ويبيعون تحت السعر ))


المهم ديروا بالكم .... واللي ربحان ينتبه للبيع على خط الدينار(نازل صاعد تكه او تكتين) .... والله يا اخوان ان فيه خطط على السهم من مجاميع هاموريه ..... وما ودنا زملائنا الزوري يخسرون ...


اللي ربحان خليه يقول الحمدالله .... لا ينطر اخر لحظة ووقتها يفوته الربح ..




اخونا الازوري ....... ارباح 97 ما اعتقد صحيحة ...
وصلني وكذلك اخونا بو فواز من مصدرين مختلفين انها فوق 124 ....
والفرق كبير بينا وبينك... !!!
وعموما ياخوي لا تزعل
قول هذا اللي وصلني والله اعلم ..... باجر يطلع الرقم غلط ويطبلون عليك


الصبر مفتاح ..................................ااااااخ لو عندي 30% من جلوبل كنت ادخلك شريك مستشار وباي نسبة تطلبها ....
ياخوي كلامك حتى لو ما يطلع صحيح (مثلا ... مع تقديري) .. فانه في الغالب منطقي .... وهو ما نحتاجه دائما في الاسهم ....
الله يوفقك


والله يرزق الجميع




تحياتي



رحالي

 

[سلااااااااام]

السلاااااااام عليكم

ما شاء الله على الأخ الصبر مفتاح

أصحاب الشركه هم نفسهم صانع السووووق عليه وهذا محد قالي مدير بالمجموعه الدوليه أنا قاعد عنده وهو يشتري وهو يقط والله على ما أقول شهيد ( فالحذر )

مع العلم إني أملك فيها لكن بإذن الله إني بايع بكره بأي سعر لأن الطمع شين

والله يوفقكم ويرزقكم

 

[غازى]

لا تتوقعون ان فيه محافظ تجازف في شركات البدر او البحر ,,,وصراحة برافو على البدر اللي رفع ودعم اسهمه وربح اغلب اذا مو جميع اللي ساهموا بشركاته

اما بالنسبة للأرباح ما زلت اقول ليس المهم كم الربحية ولكن المهم كم راح يوزع

 

[المستفسر]

السلام عليكم

والله لو يوصل السهم 3 دنانير ماراح تفتكون من بعض اللي فى بالى ولكن

من اراد الخروج الله يسهل عليه بكره ويقبض الشيك يوم السبت ويرتاح ويريحنا

ومن اراد الاستمرار عقله فى راسه ويلقى خير انشاءالله

والي كانو شارين من قبل وذبحونا تحلطم يله هانت حط رجولك لا تقول ما قلتلى

ولا تعودها الا اذا تبى الخير انشاءالله

جمدقلبك وخلك قبلهم

اللهم انى بلغت:d

 

[ثنان]

ياجماعة الصعود هذا لة هدف معين والارباح ليست سبب الصعود ولاكن شعبية السهم لها دور في تماسكة وثباتة وكذالك الارباح الي تكلمون عنها ليست تشغلية مية في المية و لكم فايق الاحترام

 

[المستفسر]

ياجماعة الصعود هذا لة هدف معين والارباح ليست سبب الصعود ولاكن شعبية السهم لها دور في تماسكة وثباتة وكذالك الارباح الي تكلمون عنها ليست تشغلية مية في المية و لكم فايق الاحترام

ماشاءالله عليك ياخوى

ممكن تنورنا وتبين لنا هدف الصعود

وضح حبيبى نحتاج خبرتك

 

[ثنان]

هدف ضايع

الهدف تعرفة بعدين يافاهم

 

[niceman800]

اعتقد الارباح اكثر من 120 فلس و بس كيفكم بتصدقون والا لاء هذا بيرجع لكم و انشالله خير
الخيار يرجع لكم يالمستثمرين بالبيع و الشراء و كل واحد حر بفلوسه

 

[المستفسر]

الهدف تعرفة بعدين يافاهم

متى عقب ماطير الطيور بارزاقها

يابو الفهاميه

المجموعه تقولك لو سمحت امسك دور ياخبير انته

 

[Bo Tasneem]

ماعليه .. الخطأ وارد ياخوي .. بس اشرايك ترد للمجموعه باجر !! فكّر

الله يوفقك إن شاءالله


بوتسنيم​

 

[بوناصر360]

كبيييييييييييييييييييييييييييييييييييييييييير واللة يابوتسنيم

 

[zancop]

السلام عليكم
كيف حالكم يا اخواني انشاء الله اتكونون ابخير

الازوري : كلنا خوان اهني و ربع مانبي نخسر احد بسبب نِقاش

Bo Tasneem : انت بالك طويل و اخونا العود (في فن التطبيل ) لاتشيل ابخاطرك كلا كلام مايزيد ولا إنقص من قدر الانسان

و بعدين ولا اقصوراً بالشباب كلنا في مركب المجموعه و كل من اعرف قدره عند الناس . . .
و اخوان على اقلوب بعض و الله .. اني ارد استانس اقراء السوالف و القشمره اهني احلا من اي مكان ثاني ..
( خلاص اقلب ويهك مصختها .. انشاء الله )... و شكراً​