المجموعة الدولية للاستثمار ش .م.ك.م ( المجموعة د )

[zancop]

السلام عليكم
انشاءالله اتعلق اليوم عشان انريح شوية و الله يرزق الجميع قولو امييين
بو تنسيم و باجي الشباب مافيهم اقصور نبي بعد رفعه قوية للمجموعه
بس بدون تطبيل عشان ماخذيت دوره للحين , نبي اخبار اتشق القحفية
يا الله على بابك ما خاب طلابك يا عظيم ​

 

[بوعزيز]

إلي قاعد يصير عمليات بيع وقط على السهم

 

[Bo Tasneem]

وفيه شراي لايغرك الهبوط .. شباب لعبه وبعدها صعود إن شاءالله .. ترقبوا السوق ككل وليس أسهمكم بس !!


بوتسنيم​

 

[بوعزيز]

يقولون أرباح المجموعة الدولية ............ 124.6 فلسا تقريبا
يعني تقريبا نفس أرباح البنك الوطني
سهم الوطني=2300
سهم المجموعه=850
أبي واحد يقولي لماذا هذا الفرق وهل في صعود للمجموعه ولا أرباح السهم مو مقياس لسعرة في السوق مجرد إستفسار

 

[Bo Tasneem]

بوعزيز .. وين وديت كمية رأس المال .. ووين وديت العراقة والأقدمية .. !!

يفيدونك الاخوان أكثر ان شاءالله


بوتسنيم​

 

[بوعزيز]

أنا قصدي إذا الأرباح صج فا سعر السهم غير عادل يعني أقل تقدير فوق الدينار هذا قصدي أدري إن (الوطني الدفعة الأولى بالشرطة والمجموعه الدفعه 20):d :d أقدمية
حبيب يا بوتسنيم

 

[rahaly]

تسكيرة حلوة جدا ...
لا تنسون في جني ارباح + الناس متخوفه من الاقفالات السابقه ...

بس اذا اعلنوا الارباح وما صعد صعدة قوية ....

بابيع وكل يوم ازوركم اشرب جاي واسولف ولا عمري ارجع حق المجموعة ..

وتخسرون مطبلاتي دمبكجي من النوع الفاخر:d

 

[الراقي]

وتخسرون مطبلاتي دمبكجي من النوع الفاخر:d

حبيبي شرايك تشتري سهم الخليجي واجيب لك خصم محترم وحنا نبيك معانا سهمنا كل الي فيه مطاوعه مافيهم مطبلجي

 

[MH For Ever]

تسكيرة حلوة جدا ...
لا تنسون في جني ارباح + الناس متخوفه من الاقفالات السابقه ...

بس اذا اعلنوا الارباح وما صعد صعدة قوية ....

بابيع وكل يوم ازوركم اشرب جاي واسولف ولا عمري ارجع حق المجموعة ..

وتخسرون مطبلاتي دمبكجي من النوع الفاخر:d

ليش حلوة اخي رحالي مع العلم بأن السهم اغلب تداوله كان على 870 ؟؟

يا ليت تعطيني وجهة نظرك

 

[rahaly]

ليش حلوة اخي رحالي مع العلم بأن السهم اغلب تداوله كان على 870 ؟؟

يا ليت تعطيني وجهة نظرك

حبيبي .. ودي اقولك اياها على الخاص عشان ما يعزلوني من رابطة المطبلجية
(بس هالمرة نعطيك اياها عالعام والشباب يسامحونا)


التسكيرة حلوة لانها صعود حتى لو 10 او 20 فلس ... لان السهم صارله مدة نزول ....

فمادام بدأ صعود ويومين ... يعني بدت (نسبيا ) ترجع الثقة فيه ... وقد يكون تسريب اخبار الارباح ايضا لها اثر ...



وبمقارنة مجموعة المخازن اللي تشوف الخبر بالمليار واليوم الثاني نزول .. يعتبر صعود المجموعة ( اي صعود ) وتسكيرة بالصعود شي حلو ..

حلو يا حلو ؟؟



رحالي

 

[MH For Ever]

حبيبي .. ودي اقولك اياها على الخاص عشان ما يعزلوني من رابطة المطبلجية
(بس هالمرة نعطيك اياها عالعام والشباب يسامحونا)


التسكيرة حلوة لانها صعود حتى لو 10 او 20 فلس ... لان السهم صارله مدة نزول ....

فمادام بدأ صعود ويومين ... يعني بدت (نسبيا ) ترجع الثقة فيه ... وقد يكون تسريب اخبار الارباح ايضا لها اثر ...



وبمقارنة مجموعة المخازن اللي تشوف الخبر بالمليار واليوم الثاني نزول .. يعتبر صعود المجموعة ( اي صعود ) وتسكيرة بالصعود شي حلو ..

حلو يا حلو ؟؟



رحالي

وضحت الصورة الحين اخي رحالي

الف شكر

 

[Senator]

والله وناسه لما نرجع من بداية المشاركات و نشوف الشباب و تحليلاتهم

يا جماعه السهم ب شهر 3/2005 كان 120 اعتقد

الحين جم ؟!!!و بأقل من سنه

870

حط فلوسك و انساهم و الله احسن لك

 

[الكونكورد]

للرفع من الصفحه الثانيه

الظاهر محد له خلق اليوم

 

[بوعزيز]

شباب خبر طازج بس مو متأكد منه يعني مو أكيد
يقولون في قضية مرفوعه على سامي البدر وراح ينظرون فيها يوم السبت أو الأحد وإذا صارت من صالح سامي فراح تشوفون السهم فوق الدينار وإذا مو من صالحة ماراح يردة إلا ربع أو نص دينار والله أعلم
أفيدونا يا شباب هل صحيح هذا الخبر

 

[الكونكورد]

ما هو مصدرك اخي الكريم ؟

جريده؟ موقع الكتروني؟ منتدى اخر؟ صديق؟ ام وكاله انباء يقولون ؟

 

[الدليل القاطع]

الله يستر ..وشهي القضية هذي احنا ماصدقنا يرتفع السهم الله يستر بدت الاشاعات ... الظاه بطلع من السهم خير شر​

 

[zancop]

السلام عليكم
انا اضم صوتي مع صوت اخوى الكونكورد شنو مصدر الخبر الي عندك , ما نبي الطابور الخامس .​

 

[rahaly]

مو مهم ان على سامي البدر قضية ... المهم شنهي القضية وشنو اهميتها وتاثيرها على السهم !!!1


يعني انا علي 36 قضية ... شنو المشكلة؟؟ :d

المرور قضية
جنح تجارة .. قضية
جنح بلدية قضية
ايجارات قضية
نفقة قضية
طلاق قضية
:d


يعني يمكن زوجة سامي البدر رافعة عليه قضية ... ما يصرف عليهم .. حاط فلوسة بالمجموعة ((( مثلا ))) ... هذي قضية ...
شنو علاقتها بالشركة ؟؟؟؟؟


يا جماعة نبي خبر كامل ...و الا مو لازم نقول الخبر


تحياتي



رحالي

 

[بوحسن]

شوف يمكن في ناس تنشر اشاعه سيئه لقرب اعلان الارباح

علشان تجمع السهم

وممكن تكون قضيه فعليه

بس هاليومين ........................

الاشاعات تكثر ولازم تصير حذر منها ....

فمنها الصحيح ومنها المغلوط والمتعمد

 

[بوعزيز]

شباب أنا قتلكم إن الخبر مو أكيد وأنا سمعت من وكالة يقولون وأنا قتلكم إلي يعرف شي عن هذا الخبر يفيدنا بس
وإهي أكيد قضية تجارية الله يستر إنشالله الخبر مو أكيد بس في حل
تدرون شنو الحل
إلي عندة وكيل نيابة ولا واحد في وزارة العدل يقدر يعرفلنا الموضوع
من أساسة
وشاكرلكم