المجموعة الدولية للاستثمار ش .م.ك.م ( المجموعة د )

[صقرالبحر]

المظاربين عالسهم ماراح يخلونه يصعد براحه لانه الكميه اللي يشترونها من تحت يردون يبيعونها من فوق فيصبح السهم في دائرة مغلقه .. نتمني يكون فيه اخبار قويه تلغي دور المظاربين مؤقتا عشان السهم يروح فوق ... موفقين

 

[صقرالبحر]

وانا اللي بايع اليوم على 860 بخسارة .. شقول (

ارد آخذا الحين !!! ولا خلاص أهده

عموما مبروك لملاك السهم .. وانشالله للأعلى

اخوي انته واحد من الضحايا اللي ذكرتهم وشروا السهم من فتحة القرقور 900 وحقك علي اللي خلاك تشتري بالاسعار العاليه وينزل فيك حد ادني .. مشكلة هالسهم انه مايعرف الا حد ادني ومرات ياخذ اسبوع حد ادني فصارت متعوده دايما .. عموما
اخوي لاتتحسر ولا شي باكر او الاسبوع الجاي تاخذه 810 عادي لانه سهم مضاربه فلا تستعجل غالبيه الاسهم جذيه ... مقالات الاخ ويلاه ادري يقصدني ووالله زين انا مسوي لكم جو منافسه وصدقوني كلكم اني ابي سهمكم يوصل للدينارين وانا مو شخص سيء والله يوفقكم اجمعين ... اخوي المستفسر شكرا

 

[المستفسر]

اخوي انته واحد من الضحايا اللي ذكرتهم وشروا السهم من فتحة القرقور 900 وحقك علي اللي خلاك تشتري بالاسعار العاليه وينزل فيك حد ادني .. مشكلة هالسهم انه مايعرف الا حد ادني ومرات ياخذ اسبوع حد ادني فصارت متعوده دايما .. عموما
اخوي لاتتحسر ولا شي باكر او الاسبوع الجاي تاخذه 810 عادي لانه سهم مضاربه فلا تستعجل غالبيه الاسهم جذيه ... مقالات الاخ ويلاه ادري يقصدني ووالله زين انا مسوي لكم جو منافسه :d وصدقوني كلكم اني ابي سهمكم يوصل للدينارين وانا مو شخص سيء والله يوفقكم اجمعين ... اخوي المستفسر شكرا

هلا والله بصقر البحر

عادى صدورنا وسيعه ونتقبل وجهة نظرك وبالعكس فعلا مسوى جو منافسه

حبيب والله

 

[almimony]

السلام عليكم

هذي اول مشاركه لي في المجموعه د
وأول شراء فيها

وابي اسجل توقعاتي عن تداول باكر

اتوقع تلامس 930 وتغلق 910

واتمني تسكر حدها الاعلى

والله يوفق الجميع

 

[سهم استثماري]

لو عندي مليون سهم كنت باجر ابيع نصهم واخلي النص ..
يوصل 900 ...........................
وبينزل ال ؟؟8 .... وارجع اشترى النص ...

تقط نص مليون تبي يذبحك بو تنسيم


عموما ترا هذا اللي قاعد يصير ومن فترة العب معاهم 100 فلس فوق و100 فلس تحت كم مره تلقى نفسك وصلت للهدف بسرعه البرق .

هذا هو حال سوقنا كل ما تشوف ملعب فيه جمهور ولعب حامي دش وخل مخك محترف ولما المستوى ينحدر والجمهور يبدأ يطلع خلك أولهم .

وصدقوني المضاربين مسوين جو حلو للمجموعة .. وما يحس بهالجو الحلو غيرهم .

 

[almimony]

يا جماعه ماتتوقعون ان

المحافظ واصحاب الشركات

يقرون كلامنا بالمنتدى ويبنون عليه

خطط حق كل يوم تداول

اهم او ناس مشغلينهم عشان هالشي


والله اعلم

 

[صقرالبحر]

يا جماعه ماتتوقعون ان

المحافظ واصحاب الشركات

يقرون كلامنا بالمنتدى ويبنون عليه

خطط حق كل يوم تداول

اهم او ناس مشغلينهم عشان هالشي


والله اعلم

ويمكن المحافظ حاطه مواضيع تتطبل حق اسهمها عشان تبيع بالعالي وتاخذ بالنازل يوميا ليش لا .. ولك تحياتي

 

[almimony]

ويمكن المحافظ حاطه مواضيع تتطبل حق اسهمها عشان تبيع بالعالي وتاخذ بالنازل يوميا ليش لا .. ولك تحياتي

يمكن

منكم نتعلم

 

[جرير]

يبي يكحّلها عماها !!

يبه تسنيم مو تنسيم .. تدرون اشلون .. كلنا مع بعض قولوا: تــــس .. .. .. الحين قولوا: نيـــــم .. صارت تسنيم !!

---------------------------


بوتسنيم​

لا تلومني من المليون صرت ابدل اخوي بو تنسيم
اسف بو تسنيم

 

[Bo Tasneem]

لو عندي مليون سهم كنت باجر ابيع نصهم واخلي النص ..
يوصل 900 ...........................
وبينزل ال ؟؟8 .... وارجع اشترى النص ...

والسهم قاعدين يضاربون فيه لعدة اسباب ... بس اكيد فيه خير للمستثمر الصبور ...


بس للاسف .......... ما عندي مليون سهم
ناقصني 13 سهم واصل المليون:d



الله يوفق ملاكة ويرزقهم


تحياتي


رحالي

عاش مدربنا والله (اشهالمدرّب اللي هادنا ورايح للآبار والصفاة !! ) يعني صايدك

لايكون إنت اللي طقيت المليون اليوم !! ماعليك أمر رحالي طق لنا واحد ثاني باجر بس ها موتقط مليون اليوم وتاخذ ثاني لأ يبه بس إخذ ثاني

------------------------------

عاشوا الحبايب .. ها جاهزين حق باجر !! بنطق الـ 900 بإذن الله .. في ناس تقول صعبة .. وآنا أقول "هيهات هيهات"


بوتسنيم​

 

[الكونكورد]

اشوف محد معبر المجموعه بالمشاركات والرك كله على اختها الصغيره

ترى ها .. ديروا بالكم .. الخير كل الخير

بالمجموعه الدوليه و اخواتها ​

​

​

 

[SpeciaL 1]

اللي على راسه بطحه يتحسسها

مافي سهم دوم يصعد..
ولو في صعود دايم..
جان اوصلت أسهمنا بلمح البصر لعشرات الدنانير إذا مو بالمئات..
والسهم اذا ما نزل ما يأسس..
والتأسيس شي يطمن..

مجموعة المخازن لأنها ما أسست الكل شاف اشصار.. "الله يعينهم"
ومع هذا للحين الناس متفائله في مجموعة المخازن..
وأتحدى اللي يقول إنه خسران واهو شاري قبل التفصيخ وأخذ الأرباح..
لكن اللي اشترى بعد التفصيخ اهو اللي الله يعينه..

الوطني، جلوبل، بيتك، إيفا، دولية م أ ... وغيرهم من الأسهم اللي اندبلت أسعارهم.. ليش محد تكلم وقال انتفخوا !!
والا بس المجموعة وبناتها حلال الطعن فيهم ؟؟
اصعدت المجموعه اليوم.. مو معناته ما راح تنزل..
ياريت في سهم ما ينزل

* قبل كانوا اذا يبون ينشرون إشاعه بالسوق..
يسوون روحهم يتساسرون لكنهم يرفعون صوتهم بحيث اللي قاعدين يسمعونهم..
الحين المنتديات صارت أسهل طريقه لتوصيل الإشاعات لأن الكل يقراها..
ومثل كل مكان.. الزين موجود والشين هم بعد موجود..
وعلى الواحد إنه يفرق بين الأثنين.. وهذا صعب للي أول مره يشارك..

نعم.. كبار المستثمرين يقرون كل كلامنا..
ويهمهم يعرفون طريقة تفكيرنا..
لأن السوق لازم يكون فيه ضحيّه تشبعهم.. ولو إن بني آدم ما يشبع..

ومثل ما كانوا كبار المستثمرين ينشرون صبيانهم بأنحاء السوق لنشر الإشاعات والتوصيات المغلوطه..
الحين صبيانهم بيننا وتوصياتهم واضحه للكل..

كتاباتي واضحه وضوح الشمس..
أحاول أصبر كل خسران، ولا أتشمت فيه..

حلو تلطيف الجو..
والخسران يبي من يواسيه، وايده على قلبه، وأي كلمه تأثر فيه..
وياريت الحاقدين يكفون شرهم عن كل خسران..
اذا ماتبي تفيده.. لا تأذيه..

"فئة الحاقدين" حاولت بمشاركاتي القديمه إنهم يخففون من أسلوب التخويف للي قلوبهم مو قويه..
لكن إصرارهم غريب !!

* الزين ما يقول عن نفسه زين..
اللي حواليه هم اللي يحكمون..
وآنا في مشاركتي السابقه قلت "الحاقدين" وما قلت حاقد..
لكن..
اللي على راسه بطحه يتحسسها.

 

[صقرالبحر]

يقتلون القتيل ويمشون بجنازته ... عجيب امر هالمحافظ يبيعون الرجال بالعالي وباخذون سهمه بالنازل ويواسونه ... عجايب

 

[الميموني]

أعتقد بأن المستثمر بالمجموعه يتوجب عليه عدم الاهتمام برفع أو نزول السهم بهذه الفتره لأنها تتسم بالضغط والتجميع والتصريف ونشر الاشاعات من قبل المحافظ وعليه يريح نفسه ولايجعل هذه الفتره مقياس للسهم وأعتقد أن مقولة اشتر بالاشاعه وبيع عالخبر صحيحه ولكن بفتره غير هذه الفتره..

 

[بوعزيز]

شباب أنا واحد من الناس إلي شريت بالدينار....
يوم شفت السهم يصعد وينزل ..قلت ببيع وأرد اشتريه بالنازل وفعلا
بعت 920
وشريته 790 والحين الحمداللة لا غالب ولا مغلوب
مجر وجهة نظر من عليمي بالبورصة

 

[Costa Coffee]

انشاءالله السهم اليوم يتماسك .....

 

[المهذب جداً]

.


اليوم - وقبل عطلة نهاية الأسبوع - إضطريت أروح حق الحجية إللي بخيطان ؛


قالت لي عن كل الأخبار الطيبة عن السهم.


وقالت إنه في واحد :


- دش على سهم المجموعة الدولية بروحه مؤخراً وماعنده لا بجراند و لا بتروجلف .


- مرات يكتب بمنتدى المؤشر بموضوع المجموعة.



أهو إللي مقبس على السهم و مانعه يطلع




شباب :


- ممكن يكون باع من زمان و رد مؤخر و يمكن يكون دش لأول مرة!


- أنا عندي هالسهم - أخر مرة - من أيام 630 فلس!


- الرجاء من كل واحد يقول لنا متى دش آخر مرة على المجموعة!


- ما راح نسويله شي ؛ راح نسوي قطية و نعطيه فلوسه ؛ بس مو أكثر


- ما أحد يتهرب من الإجابة فاهمين ؛


- ومافي داعي للحلفان.


.

 

[rahaly]

لو عندي مليون سهم كنت باجر ابيع نصهم واخلي النص ..
يوصل 900 ...........................
وبينزل ال ؟؟8 .... وارجع اشترى النص ...

والسهم قاعدين يضاربون فيه لعدة اسباب ... بس اكيد فيه خير للمستثمر الصبور ...


بس للاسف .......... ما عندي مليون سهم
ناقصني 13 سهم واصل المليون:d



الله يوفق ملاكة ويرزقهم


تحياتي


رحالي

تعبت منكم اقولكم صاير سهم مضاربة مو مصدقين


يا جماعة المستثمر اصلا ماله داعي يتابع السهم ينطرة بالسعر اليناري المتوقع ..

اما اللي يبي مضاربة .......... هذا وقتها

تعبتوني يا اولاد المجموعة شسويلكم ؟؟؟

الطيور طارت بارزاقها .. وباعوا وشروا 4 و5 و6 مرات ... وانتوا خلكم على النجرة


الله يرزكم من هالسهم الذهبي



تحياتي


رحالي

 

[المهذب جداً]

.


نعم نعم ؛ السهم مضاربي حيل و من قلب و من أمه بعد!


.

 

[Bo Tasneem]

احم احم .. السهم عندي وانا بوهندي من يوم الـ 420 فلس .. يعني مسكته قبل 3 أشهر تقريباً

(الحمدلله طلعت مو آنا القبسه) ننطر الإجابات !!


بوتسنيم​