المجموعة الدولية للاستثمار ش .م.ك.م ( المجموعة د )

[بوحسن]

صباح الخير....
ويعطيكم ألف عافيه...

أخواني بس بغيت أسالكم انا بعد نفس الشي شاريه ااجل وبينتهي عقدي 25/12 وشاريه السهم تقريبا أب680فلس تقريبا...
أبي رايكم ساعدوني تره أحترت

لا تبيعين اختي ترى قرب السهم على الدينار

 

[المستفسر]

السلام عليكم


بعد الصلاه نكمل

 

[بوحسن]

بو تسنيم مع اعتذاري اني قلت السهم 910 ..والترند كان على 900 عادي خطا نظر .. النظارات اللي البسها لكم عليها

ملخص اليوم في رايي :
اليوم السهم استسلم للامر الواقع عليه من المقاومه على 940 من اول الصبح وقبل لا يجرب ضغوط الترند الاحمر ومقاومه 950

واختار الخطه ( الاخيره ) بتعمد واضح وسهل - ليستقر الى الترند السفلي واللي قلت عنه انه اثبت جدارته لمدة اسبوع

اتوقع هذا اتى بسبب عدم رغبة ملاك السهم الاندفاع مره اخرى بكسر الحواجز 910 و 930 بسهوله حتى يوسس السهم لقاع ودعم قوي

وهذا اليوم ايضا اثبت الدعم ( الترند ) 900 جدارته ليجعل السهم يستقر ويكون داعم للسهم على الحد الادنى منه ..وهذا الترند السفلي اللي باللون الازرق يخليني اتوقع قدرة السهم على الصعود بالاعتماد عليه

مقاومة السهم 910 حاليا وهي مقاومه كنا فيها بالسابق ورجعنا عليها
والسهم يعني بالكويتي عادي يقدر يكسره بس المشكله مو فيه كثر الحين المقاومتين 940 و 950 مره اخرى

مقاومة 930 لا تذكر لا بالصعود السابق ولا بالدعم اللي شفناه اليوم ..ان 930 ... ماله ذكر نهائيا

اعتقد برايي ان السهم يلتقط انفاسه على الرقم 900 ويستريج على خط الترند علشان باجر يعاود الكره واعتقد انه بيستقر مره اخرى على 920

وبعدها انشالله نلقاه على 960 او 970

السلبي بالموضوع ان ما قدر يخترق الترند القادم هذا الاسبوع .. السهم بينزل عليكم

ورايي ان السهم بيخترق الترند العلوي الاحمر قبل يوم الاربعاء انشالله



هذا رايي بالتفصيل .. ولكم مطلق الحريه

 

[ابوعمر العتيبي]

السلام عليكم يا اخوان

ياجماعة الخير شفيهم بعض الشباب خايفين..........وان نزل السهم شوية شفيها؟ (طبعا والله العالم هذا مو نزول فقط تأسيس والركادة زينة) انا والله ليلحين مادخلت بس باذن الله داش على المجموعة او بنيتها جراند من غير ما اسال (ما شاء الله تبارك الرحمن)

قووا قلوبكم واستعينوا بالله وهذا سهم استثماري ممتاز.............هذا والله اعلى واعلم

ودمتم يبه

 

[غازى]

عقود ضخمة ,,,عقود مليارية,,,,ادراج شركات ,,,,,قرب انتهاء صفقة بيع الحفار,,,,,,مزاد لبيع الحفار (وين راح الشراي بو 65مليون؟؟),, شبعنا كلام ,,متى الفعل ؟

من الواضح عمليات التجميع والتصعيد خصوصا على جراند وبتروغلف وكسر الدينار هو هدفهم ولكن نريد عقد واحد يتم توقيعه يدفعنا للتفائل

وبالنسبة لنقاط الدعم والمقاومة فهي لن تعني شئ لو ان جراند علقت فمراقبة حركة جراند هو الشارت الذي تحتاجه لمعرفة حركة المجموعة

 

[المهذب جداً]

.

ياشباب : الظاهر إن الجماعة لن يعلنوا عن أي عقد و بالتالي لن يرفعوا أسعار الأسهم قبل الإنتهاء من تجهيز محفظتهم.

.

 

[غازى]

.

ياشباب : الظاهر إن الجماعة لن يعلنوا عن أي عقد و بالتالي لن يرفعوا أسعار الأسهم قبل الإنتهاء من تجهيز محفظتهم.

.

هذي توقعات او معلومة من مصادر ؟؟؟ اي محفظة اللي راح يجهزونها ؟؟والأيام اللي طافت اي محفظة اللي كانت تشتغل على السهم ؟؟؟
ودام عندك هذي المعلومة ياريت تنفع اخوانك وتقول لنا متى تتوقع تقريبا راح يتم الانتهاء من تجهيز محفظتهم اذا امكن

 

[مباشر]

مساء الخير
ياجماعه حبيت اعلق على شغله بخصوص المجموعه الدوليه
اولا
ترى اسهم المجموعه وصلت الى اسعار ممتازه (ليست هدفي)
ثانيا
اسهم المجموعه حالها حال اي سهم بالسوق ( كل ما نزلت قلتو ليش واذا تماسك قلتو طول واذا صعد قلتو بدون اخبار )
ثالثا
1500او2000او3000 هذي اهداف مستثمرين ولا تقولون ما يصير اذكرو اسهم صعدت من لا شيء الى اسعار ولا بالاحلام
وبعدين لا تفكرون ان الاسعار هذي راح تتحقق بين يوم وليله
رابعا
التوصيات من قبل اشخاص لهم كل التقدير
الجيماز
المهذب جداااااااااااااااااااااااا
واخوه انتو تعرفونهم وتثقون فيهم انشالله
خامسا
اللي مقتنع بالاسهم واخبارها لايبيع واللي مشكك ليش ناطر بيع
سادسا
المستثمر خل يكبر المخده والمضارب ربنا وربه الله بكيفه يبيع يفنقر على راحته اهم شى انه حقق هدفه وخلونا نحقق اهدافنا
سابعا
العقود موجوده والادراجات قادمه وما عندي شك فيها من مصادر اثق فيها ثقه عمياء
ثامنا
جني طولتها واهي قصيره
ماتشوفون شر ولنا عوده قريبه باذن الله

 

[المرزوق]

السلام عليكم ...
اخواني لاحظت اليوم بوقت التداول انه اخر دقايق بفتره التداول سهم جراند تقدريبا تراجع بنسبه بسيطه عن سعر الدخول في بدايه السوق علي عكس المجموعه الدوليه فانها اثبتت علي سعر 900 وان كان اسحبو منها صفقه او 2 بسعر 910 الا انها ارجعت الا سعر 900 ممكن خبير او محلل جيد يقولي عن هالظاهره

 

[Costa Coffee]

اخوي الصبر تحليل روعة حنا انشاءالله متفائلين جدا بالسهم وبعون الله ينطلق الى المنطقة الجديده بنهاية الاسبوع واعزمك على كفتيريا الشويخ :d ....

ولكن اخوي على فرض لم يحدث الي اين سيهوى بنا السهم واذا تاخر بو بدر بالاعلان هل سيصمد السهم ضمن المنطقة ال 900 ...؟؟؟

 

[بوحسن]

والله انا حاس بالتزام ادبي وياكم وخصوصا مع اخلاق بو تسنيم وباجي الربع

اليوم خذيتلي اكثر من نظره لسهم المجموعة الدوليه !! والله اكثر من اسهمي

وليتكم تعذروني من تحليل المجموعة بعد اليوم

ووانشالله الشباب المحليلين ما يقصرون وياكم وهذا انا كنت وياكم اسبوع .............

النتيجه اللي اشوفها حسب رايي المتواضع :-

ابيكم تلاحضون الدائره الصفراء ( في حالة عدم اختراق السهم للترند الاحمر هذا قبل لا يوصل الى هذا التقاطع اللي المفروض يكون بتاريخ 10-12-2005 ) واتمنى انه يخترقه قبل ..عموما

هني تتقاطع 3 شغلات عند سعر 990

ترند سفلي ازرق يدعم السهم ممتاز وقوي واثبت فعاليته

ضد 1- ترند علوي 2- ومقاومه قويه جدا

3- والاهم حاجز نفسي وهو حاجز الدينار

يعني 3 ضد واحد !

اعتقد ان السهم ما استطاع اختراقه .. ما ادري لوين راح ينزل

ماني متوقع ...... النتيجه شنهي ..انشالله الجيماز والمهذب وبو تسنيم اخبر

واسمحولي اني راح اشارك مره ثانيه بالموضوع ان طرى تغير جوهري على السهم

واسف على الاطاله وانا ما املك اي سهم بالمجموعة

وهي ليست دعوه للشراء ولا دعوة للبيع ... وتحليلي ممكن يصيب وممكن يخطئ طبعا .. وانا كثير الخطأ

( ملاحظه : - مو شرط باجي المجموعة يكونون نفس المجموعة الدوليه )

 

[متداولجي]

تحليل جميل منك يالصبر مفتاح
والصراحه تعودنا عليك وياريت ما تحرمنا من مشاركتك معانه
والله يوفقك ويجزيك خير يالصبر مفتاح ​

 

[Bo Tasneem]

والله انا حاس بالتزام ادبي وياكم وخصوصا مع اخلاق بو تسنيم وباجي الربع

.. .. .. .. .. .. ..

مع إني زعلت اليوم من تصرف بعض الاخوان الله يهديهم وقلت إني ماراح أكتب إلاّ عند الدينار ، لا معنويات ولا كلمات مشجعة ولا هم يحزنون !! وعسى مانزل السهم اشوي قالوا شالسالفة ؟؟!!

لكني أرى الذهب وما أقول:

"الله"

أكيد غلطان ، فعلا أنت ذهبه يا الصبر مفتاح ، والله يكثر من أمثالك إن شاءالله ، هذا وانت ما عندك بأسهم المجموعة وشوف جهدك مع إخوانك !! لا إله الا الله ، ربي اشهد كم أحب هذا الرجل فيك ..

خلاص هونت ، راح أكتب مره ثانية ، بس إن شفت أحد كاتب شي ينزل المعنويات !! على قولت ريسنا المهذّب "أشق راسه" نياهاهااها ما أقدر على فراق المجموعة وأهلها غالية عندي وأهلها أغلى


بوتسنيم​

 

[بوحسن]

مشكورين اليوم وباجر وعق باجر .. ترى كله شارت اشدعوه عزيمه على برج الحمام ولا فيلا فيروز ( غاليين )


ويمكن اكون غلطاان فيه بعد

اتمنى التوفيق لكم دوم

 

[عبدالله2]

الصبر مفتاح

في رساله خاصه لك
ويعطيك الف عافيه

 

[الوسيم]

.

ياشباب : الظاهر إن الجماعة لن يعلنوا عن أي عقد و بالتالي لن يرفعوا أسعار الأسهم قبل الإنتهاء من تجهيز محفظتهم.

.[/QUOTE]
أؤيد كلامك وبقوة
أخواني يوم الخميس الماضي كنت مدعو بحفلة زفاف أحد الجيران وأبن عمي
وألتقيت بأحد رؤساء الشركات التابعة للمجموعة ووصاني بعدم البيع والشاهد الله أني مشتريه بسعر 540و610والكمية كثيرة والحمد لله وأقدر البيع بأي لحظة
أخواني أفهموا المعنى لا.........؟

 

[bukhaly]

طرح جزء من رأس مال الشركة لاكتتاب خاص
المـجموعة الدولية للاستثمار تطلب إدراج الـخليجية للمال
كتب محمد شعبان:
اعلن الرئيس التنفيذي لشركة المجموعة الدولية للاستثمار سامي البدر عن تقديم طلب رسمي الى إدارة البورصة للحصول على موافقتها لادراج اسهم المجموعة الخليجية للمال في سوق الكويت للاوراق المالية. وقال ان استراتيجية المجموعة هي تقديم شركات ناجحة الى السوق، لديها أداء تشغيلي وحقيقي، مشيرا الى «ان الشركة حاليا اصبحت جديرة بفضل أدائها المتميز للتداول في السوق المالي.

وذكر البدر انه بالاضافة الى الارباح القياسية التي حققتها عن العام الماضي والتي بلغت 22 مليون دولار تتطلع الشركة لأداء افضل السنة الحالية وهي تملك حصصا جيدة في عدة شركات ناجحة.

ملكيات الخليجية

واضاف البدر: تملك الخليجية للمال 5% من بنك البحرين الاسلامي الى جانب ملكية تصل الى 25% من بنك المستثمرون، أحد البنوك العاملة في البحرين، والذي تم تجهيزه للادراج في سوقي الكويت والبحرين الاشهر المقبلة.

وعلى صعيد ملكيات الشركة ايضا زاد البدر ان لدى «الخليجية للمال» حصصا في كل من اجيال القابضة والاهلية للاتصالات الكويتية، والتكافل الدولية التي ستدرج في سوق الكويت للاوراق المالية خلال الربع الأول من 2006.

كما تملك «الخليجية للمال» حصة مؤثرة في التكافل الدولية الجديدة التي قامت بتأسيسها المجموعة الدولية للاستثمار.

وتطرق البدر الى ان «المجموعة الخليجية» ستقوم بالتركيز على الاسواق العربية وذلك من خلال تأسيس عدد من الشركات وعبر تحالفات للاستثمار في قطاعات واعدة وناجحة، ضمن سياسة التوسع والتنوع في الاسواق والاستثمارات.

وتحدث عن ان ابرز القطاعات التي سيتم التركيز عليها واستهدافها تشمل الطاقة والتأمين والاتصالات، مشيرا الى ان من ابرز الاسواق التي ستحظى بأولوية هي كل من دول الخليج والاردن، مصر، ليبيا، والسودان.

اكتتاب خاص

وكشف البدر عن ان المجموعة الدولية للاستثمار تعتزم طرح جزء من رأس مال المجموعة الخليجية للمال للاكتتاب في الكويت قبل ادراجها في البورصة.

واشار الى انه يتم حاليا تحديد السعر المناسب، من خلال الفريق المالي في المجموعة الدولية.

جدير ذكره ان الجمعية العمومية للمجموعة الخليجية كانت اقرت بالموافقة على ادراج الشركة في سوقي البحرين والكويت.

 

[ارسطو الدروازه]

خبر جيد ... بس ياليت يستعجلوون بالادراج .. بخلص شهر 12 ..

واهما مريحين .. السهم يحتاج دزه .. دعم ...

 

[سوق الاوراق]

السلام عليكم

من السهولة ان تهدم ما بنيته ولكن من الصعوبة ان تبني ماهدمته​

وفقدان الثقة و يوم حد اعلى ويوم حد ادنى = المضاربة لاجل المضاربة

تحياتي

 

[ابوسعود2005]

حسب التغيرات في قائمة كبار الملاك اللي شفتها اليوم عند النوادي (صالح كامل ) هو اللي داش على السهم مرة ثانية بعد ما باعت البركة للتنمية الاسبوع اللي طاف 18 % رد صالح كامل وشرا 14% شوفو