كل واحد يقول جم خسر اليوم

[كرباج]

الخسارة بالعمر

صداع

اللهم احفظ الكويت من كل مكروه

 

[أبـو شـهــد]

الركادة زينة ياجماعة بهالاوقات
وعدم التسرع في اتخاذ القرار بالبيع لان السوق راح يرجع وضعة الطبيعي انشاللة بس صبرو هالجم يوم

الصبر مفتاح الفرج​

 

[Bo Tasneem]

أسهمي عندي .. وفلوسهم عندهم .. ودام إني ماعرضت أسهمي للبيع وما أخذوها فإني لم أخسر ولله الحمد

يا جماعة الخير .. دامك مابعت إذاً أنت لم تخسر !!


بوتسنيم​

 

[Bo Tasneem]

الحمدالله على كل حال
بالنسبه للخساره والربح كلها مفيده اوي البك
واذا اليوم نازل برد يخليك ربي
واذا السهم صاعد ابيع مو مثل بعض الناس في مجموعه 3شركات يموتون مايبيعون واذا نزل سهمهم قعدو يتباكون
ترى ماأقصد احد في هذه الصفحه او واحد يفهمني غلط مجرد امثله مفيده:d

هاهااه حلوه هذي .. يعني مو المجموعة ولا جراند ولا البترووو الحمدلله .. أكيد قصدك المخازن وسلطان والوطنية !!

ما أقول إلاّ اللهم فكما رزقت الأسواق العربية في أواخر الفترة السابقة ومازال الخير عندهم يتزايد !! اللهم زد وبارك لهم .. وارزقنا وزد الخير عندنا وعمّر بلادنا باقتصاده وبنيانه يارب


بوتسنيم​

 

[feb2005]

خسرانه اليوم 950دينار

وقبل خسرانه وايد تقريبا راح اخسر كل ارباحي
صارلي شهرين كله خساره
الى متى نخسر ما شفنا سوق اسوء من كويت وكله اشاعات وغش وحجي فاضي

لو نخلي السؤال كم خسران بالمحفظه بشكل عام ومن فترة شهرين ديسمبر ويناير؟

 

[q8 investor]

خسارتى اليوم 750 بس اليوم ما ابى اتكلم عن قبل ولكن خساره دفتريه غير محققه للان واول ما ابيع راح تصير خسارتى الى ما شاء الله يمكن تلقونى افتر بالشارع واقول ابيييييييييييييييييها .... بس الحمد لله دام الصحه موجوده وبخير وتهون باقى الامور

 

[كيت كات البورصة]

خسرت 1400 دينار تقريبا ..
لكن ما بعت .. ولا راح أبيع .. ولا أبي أتابع السوق
كل يوم بصير اشغل نفسي بأي شي لين الساعة 1:30 ..

 

[هتلر]

هاهااه حلوه هذي .. يعني مو المجموعة ولا جراند ولا البترووو الحمدلله .. أكيد قصدك المخازن وسلطان والوطنية !!

ما أقول إلاّ اللهم فكما رزقت الأسواق العربية في أواخر الفترة السابقة ومازال الخير عندهم يتزايد !! اللهم زد وبارك لهم .. وارزقنا وزد الخير عندنا وعمّر بلادنا باقتصاده وبنيانه يارب


بوتسنيم​

رجاء لاتذكر الشركات الكبار لهم مقام عالى والله يهديك مسرع وطاق رصيف
لازم في تساوي الكبار مع الكبار والصغار مع الصغار
الله يعطيييييييييييييييييييييييييييييييييييييييك الصحه

 

[الدينار]

أنا صار معاى موقف مضحك مبكى كنت قبل وفاة أبونا جابر الخير الله يرحمه شارى بسهم مزايا القابضة على أساس ادراجها فى دولة الأمارات بسعر 780 فلس وبعت السهم اليوم لما وصل 800 فلس مقتنع بالربح وأيضا عندى شعور بأنها موجة بسبب خبر الأدراج على ما أعتقد وليس تقليلا من هذا السهم الممتاز لأنى والله عندى توصية عليه من أشخاص فى جلوبل وشئ الأخر المبكى أنى أستعجلت فى شراء المجموعة الدولية للأستثمار لا شايف حالى لأنى شريتها ب 800 فلس :d وقلت أحسن ما تابع بس بعد التداول شفتها 790 فلس لا بعد بدون طلب :d على العموم عندى ثقة بأنى شريت بأسعار أيضا ممتازة عكس الناس اللى الله يعينهم شراؤهم فوق 900 فلس ما أقول الا أن الله مع الصابرين الصبر ثم الصبر

 

[sam]

مادام أنا بصحة وعافية..والأهل بخير..والحلال بخير وان نقص..والصبر موجود

أعتبر نفسي ما خسرت شي..



ان شاء اللة دائما تكون بخير _ كلامك طيب واللة يا خوي

 

[برق الشرق]

ترى ماأقصد احد في هذه الصفحه او واحد يفهمني غلط مجرد امثله مفيده:d

ههههه
هتلر وتخاف منهم!! ما عليك

 

[حكيم الراي]

الحمدلله

الحمدلله خسارتي اليوم 8000 دينار ولم ابيع ولا لي نية بيع والعوض الفرج انشاء الله قريب جدا .
المهم تكون كويتنا بايدي امينة وامير وحكومة ومجلس متجانس انشاء الله وادعوا الله ياخوان ان نعدي الازمة السياسية الليلة انشاء الله .
والسوق باذن الله الى 18000 نقطة هذة السنة .
والله يوفق الجميع

 

[بو بندر]

شيلمهن شيلمهن

اليوم انا بالعماله نمت علشان ما اتابع السوق لانه نفس ما توقعت بالضبط نزول وابكميات بسيطه جدا

الخساره جايده 5200 اتعور و المشكله ما في كاش للتبريد اول مره اتحصل وياي جذيه اتكون الافلوس كلها بالسوق لكن قدر الله وما شاء فعل


دمتم

 

[Bo Tasneem]

رجاء لاتذكر الشركات الكبار لهم مقام عالى والله يهديك مسرع وطاق رصيف
لازم في تساوي الكبار مع الكبار والصغار مع الصغار
الله يعطيييييييييييييييييييييييييييييييييييييييك الصحه

حلوه طاق الرصيف .. تسلم يبه

بس أقولك بأنك راح تبيع اللي عندك في يوم من الأيام .. وستتوجه إلى بنكك لتكتتب بإحدى الشركات التي نعيتها بـ "الصغار مع الصغار" .. لأنها ستتحوّل إلى عملاق يهز البورصه هز !! وسترى كلامي بإذن الله

ماكو كبير إلاّ رب العباد سبحانه .. ولا تتحمّس أرجوك !!


بوتسنيم​

 

[ryaq]

خسارتى غير محققه 750 دينار لأنى ما بعت ولا رايح ابيع ، اصبر لان الله مع الصابرين ، كله كم يوم ويعود السوق الى ما هو عليه قبل النزول ويمكن يرتفع ، كونو مع الصابرين والتوفيق من الله .

 

[جرير]

يااجماعة الخير الخسااره في العمر

ومثل ماقال اخونا بو تسنيم دام مابعت وما اخذوها مني يعني مو خسران

وانشالله اليومين يتعدل الوضع والكل يصير ربحاان ​

 

[الكونكورد]

انا تعودت على هذه الظروف من كثر الفناقر والطراقات اللي كليتها .. ولي تجربه سابقه مع اعيان واختها العقاريه علمتني شلون انطق دون أن اقول آآي او أنبس ببنت شفه .. وان شاء الله محد منكم يمر بمثل هالتجربه

عموما .. اليوم خساره و باجر ربح .. وان شاء الله يتعدل وضع السوق باجر .. وعسى الله يكتب اللي فيه الخير

 

[التحليل الفني]

ياجماعه من فضل ربي ااني للحين ربحان شاري صكوك على 295 فلس قاط فلوسي كله والله يستر

شوفو المغامره قطيت كل فلوسي فيها الحين بسعر 295 فلس والله يستر

 

[stillhamad]

السلام عليكم

يا اخوان شنو التبريد .... كأن يقول أحدهم لقد بردت علي السهم ...

حقيقة هذا المصطلح يثير فضولي منذ زمن لكن رادني الحيا عن السؤال ...

فيا ليت احد يجاوبني وله مني جزيل الشكر وعظيم الامتنان

 

[الكونكورد]

السلام عليكم

يا اخوان شنو التبريد .... كأن يقول أحدهم لقد بردت علي السهم ...

حقيقة هذا المصطلح يثير فضولي منذ زمن لكن رادني الحيا عن السؤال ...

فيا ليت احد يجاوبني وله مني جزيل الشكر وعظيم الامتنان

التبريد هو ان تشتري السهم بسعر منخفض وفي نفس الوقت تمتلك كميه من نفس السهم كنت قد اشتريتها بسعر عالي
ارجو ان اكون قد اوصلت المعلومه
واعلم بارك الله فيك ان العلم يضيع بين الحياء والكبر