-= مجموعة شركات سامي البدر =-

[akash]

يا رابطه وين 1500

لا يكون بعد عيد التحرير

 

[almared]

بسرعة قطوا على 830 ترى الصعود وهمي .. نصيحة .. و السهم راح يسكر على على المقاومة 810 أو تحتها ..


شوفوا الطلبات .. ألا هل بلغت

شكلك حاط طلب علي 830 وواصلك الدور وتبي من يقط عليك ... لو أنت شاري أمس مو أحسن

 

[almared]

بو تسنيم شكله عند باب البورصة ويطبل للي يدخلون علي المجموعه وعليالها .:d

 

[Bo Tasneem]

والله بالدوام ياخوي .. بس اموصي السايق يقول حق اللي يدخل "بابا .. Take مزموعه دفليّه ".. سايقنا فلبّيني هاهااها


بوتسنيم​

 

[sprite]

شكلك حاط طلب علي 830 وواصلك الدور وتبي من يقط عليك ... لو أنت شاري أمس مو أحسن

حبيب و الله يا المارد ..

يعلم الله أن نبيلكم الخير و ما ودنا أحد يخسر و كلامي حسب التحليلات و المعطيات المجودة .. و القناعة طبعا .. ننتظر لنهاية التداول شرايك

 

[almared]

حبيب و الله يا المارد ..

يعلم الله أن نبيلكم الخير و ما ودنا أحد يخسر و كلامي حسب التحليلات و المعطيات المجودة .. و القناعة طبعا .. ننتظر لنهاية التداول شرايك

انت معروف ورايتك بيضا ونعرف قصدك الخير بس المشكلة في ناس اللهم يا كافي.

 

[اعلامي]

حبيب و الله يا المارد ..

يعلم الله أن نبيلكم الخير و ما ودنا أحد يخسر و كلامي حسب التحليلات و المعطيات المجودة .. و القناعة طبعا .. ننتظر لنهاية التداول شرايك

مساك الله بالخير ... سامي البدر بلغنا نوصل سلامه وتحياته لجميع " المستثمرين " ( لاحظ اني قلت مستثمرين وليس مضاربين ) في اسهم شركاته ويقول لهم ابشروا بالقادم .. ولن تروا إلا ما يسركم

بالنسبة للاقفالات .. اشكر جميع الاخوة اللي انتقدوا الاسهم .. لأن انتقاداتهم أعطت دافع كبير لتحرك الاسهم واغلاقها اللي شفناه اليوم ..

دمتم سالمين

 

[UN LIMITED]

على راسي

 

[feb2005]

سهم فاشل خسران من 960 الى 740 اليوم 790؟؟

 

[اعلامي]

سهم فاشل خسران من 960 الى 740 اليوم 790؟؟

معاك حق ... والله معاك حق أنا اتفق معاك الى ابعد الحدود بأن أ سهم البدر فاشلة ...لكن تذكر إن الفشل دافع للنجاح ..

همسه في إذنك .. بني وبينك .. اعتبرها كلمة راس بس لا تقول حق أحد .. كأني اشوف اسهم البدر نجوم تتلألأ في عام 2006 ... لكن هذا ما يمنع انها فاشله ... لكن فشلها وكره الناس لها من أحد أسباب نجاحها

دمت سالما

 

[feb2005]

انطرها توصل دينار وكم فلس بعدين تنهار وتوصل 700 مره ثانيه

 

[Bo Tasneem]

انطرها توصل دينار وكم فلس بعدين تنهار وتوصل 700 مره ثانيه

اختي الفاضله

قاعده اتشهرين بأسهم البدر من موضوع إلى موضوع .. فاشله وفاشله .. وللعلم بأني قاعد أرد عليج اختي على كلامج .. بس الظاهر الكلام يدخل بإذن ويطلع من الإذن الثانية ..

اختي هل ردي لج مو واضح ؟ هل كلامي مو مفهوم مثلاً ؟

أرجوج وسعي صدرج وقولي لا إله إلاّ الله .. بيّنت أسهم البدر بأنها وطنية والحمدلله .. اللي قال عنها اليوم بأنها لو فيها خير خل ترتفع لأن الأمر انحل الحمدلله بخصوص الإماره .. مو بس ارتفعت بل "تعلّقت" !! هل الأسهم فيها روح وطنية ولاّ لأ !! (بوتسنيم لا تطبّل)

وإليكِ هذا الرد لأحد الإخوه .. يمكن يفيدج إن شاءالله .. ..​

حبيبي بو تسنيم لا تعلقنا ,,,,,,,,,,,,

يعني ننطر

الرد ..​

حبيبي مزاجي .. مو آنا اللي أجاوبك صدقني نفسيتي مو مثلك .. آنا قاعد إلى سنة 2010 إذا الله أحيانا يارب .. اسأل نفسك واسأل بالك وهل هو مرتاح أو لأ .. وترقّب وطالع .. واخذها نصيحة أخو ..

مهما قالوا بوتسنيم وربعه عن العقود والمشاريع و و و .. يبقى الأداء في السهم هل انت راضي عنه أو لأ !! يعني كل هالعقود الغير رسمية إلى الآن .. والتصريحات اللي ما تعود على السهم بالصعود إنما مكانك راوح .. صح !!

هل أنت راضي عن الأداء ؟ إذا بتسألني فأنا راضي ومقتنع .. علشان جذيه أقولك إنت غير بوتسنيم .. راجع نفسك وحساباتك .. وإذا كلامي فيه غموض ومو واضح تبي كلام أكثر حياك في الخاص


بوتسنيم​

عموماً .. الاتفاق بالاجماع إلى منتصف فبراير .. وبعدها تبدأ الدراسه وإعادة النظر .. خوش !!


بوتسنيم​

 

[المستفسر]

بسرعة قطوا على 830 ترى الصعود وهمي .. نصيحة .. و السهم راح يسكر على على المقاومة 810 أو تحتها ..


شوفوا الطلبات .. ألا هل بلغت

ياعينى عليك مهتم حبيبى فينا

النصايح اللي تجى منك ما نبيها(ممكن)

تبلغنا بس ممكن تستريييييييييييييييح

والله لو تصيح بالعذابين محد يمك

 

[SpeciaL 1]

بوقني بس ربحني

مجموعة البدر فاشله..
مجموعة البدر ناجحه..
المهم الربح..
وإن شاء الله الكل يربح
واذا كانت بتوصل 1.500 بعد عيد التحرير والا قبل فهالشي بشارة خير لأن ما بقى إلا القليل إن شاء الله..
ويا جماعه أسهم البدر فاشله والا ناجحه، بتناسبون السهم والا تبون الربح منه؟؟
وإذا البدر نصاب و.. و.. و..
شنو يأثر فيكم؟؟
كل واحد فيكم فاهم، ومثل ما احنا شايفين قاعدين تقدمون نصايح..
وما شاء الله عليكم محللين وعندكم أخبار وواصلين..
خلونا نطقطق على راحتنا بمجموعة البدر..
وعلى قولة القايل
"بوقني بس ربحني"

 

[white soul]

ياعينى عليك مهتم حبيبى فينا

النصايح اللي تجى منك ما نبيها(ممكن)

تبلغنا بس ممكن تستريييييييييييييييح

والله لو تصيح بالعذابين محد يمك

الله يهداك انشالله..الريال نصح وانت مو مجبور تاخذ بنصيحته

في اسلوب افضل للرد..

اذا نزلت الاسهم قعدتو ادعون على سامي البدر وتقولون تطبيل ومادري شنو.... وثاني يوم بس ترتفع تلقون الخطب الحماسيه..​

 

[المستفسر]

الله يهداك انشالله..الريال نصح وانت مو مجبور تاخذ بنصيحته

في اسلوب افضل للرد..

اذا نزلت الاسهم قعدتو ادعون على سامي البدر وتقولون تطبيل ومادري شنو.... وثاني يوم بس ترتفع تلقون الخطب الحماسيه..​

اللي يبى ينصح يفتح موضوع خاص (للنصايح)



ثانيا من دعى على سامى البدر غير اهل النصايح وطعنوا فى شخصه

المشكله لايملكون فى المجموعه


اللي مايطول العنقود يقول حامض تاش

 

[UN LIMITED]

اللي يبى ينصح يفتح موضوع خاص (للنصايح)



ثانيا من دعى على سامى البدر غير اهل النصايح وطعنوا فى شخصه

المشكله لايملكون فى المجموعه


اللي مايطول العنقود يقول حامض تاش

واللي ما يعرف الصقر يشويه

على راسي بوبدر

 

[بومهدي]

السلام عليكم و رحمة الله

اخوي الكريم اعلامي

جزاك الله خير على ما تقدمه من جهد ، وانا لما تكتب متابع ولما تسطر يداك بذاك القلم ذو النصل بكل اهتمام قارئ.

همسه في إذنك .. بني وبينك .. اعتبرها كلمة راس بس لا تقول حق أحد .. كأني اشوف اسهم البدر نجوم تتلألأ في عام 2006 ... لكن هذا ما يمنع انها فاشله ... لكن فشلها وكره الناس لها من أحد أسباب نجاحها

أما العباره " الحمراء" لم يستطع ادراكي القاصر فهمها و وأعيتني الوسيله فمنك بارك الله لك وبك نطلب التسهيل و التوضيح .

أخوك
بومهدي

 

[Bo Tasneem]

وعليكم السلام والرحمه ..

أوووووووووووب بومهدي عندنا .. هلا وكل الهلا .. تبي الصج .. آنا متشوق للجواب أكثر منك والله .. يله بوعمر ناطرين أسطرك المبدعه بكلماتها .. بس تكفه بسطها حدّك بارك الله فيك


بوتسنيم​

 

[اعلامي]

السلام عليكم و رحمة الله

اخوي الكريم اعلامي

جزاك الله خير على ما تقدمه من جهد ، وانا لما تكتب متابع ولما تسطر يداك بذاك القلم ذو النصل بكل اهتمام قارئ.



أما العباره " الحمراء" لم يستطع ادراكي القاصر فهمها و وأعيتني الوسيله فمنك بارك الله لك وبك نطلب التسهيل و التوضيح .

أخوك
بومهدي

هلا فيك اخوي بو مهدي ويسعدني انك تتابع هذا الموضوع تحديدا .. وحاشاك من قلة الفهم او قصر النظر .. فأنت سيد العارفين .. ولكن كلامي قد يوحي للبعض بأنه لغز يحتاج الى فك ...اما كلامي عن اسهم البدر انها فاشلة فثق تماما بأنني أعني عكس ما ذكرت .. و وددت أن أوصل رسالة للاخوة الغاضبين و الناقمين على اسهم البدر رسالة مفادها بأنه كلما زاد غضبكم وكرهكم لهذه الاسهم كلما زاد تألقها ... وإلا ماذا تفسر تعليقات بعض الاعضاء الغاضبة و المشاركات الناقمة على هذه الاسهم وهم لا يملكون فيها ؟؟

هذا اولا .. ثانيا قناعتي بأن هذه الاسهم تخفي أكثر مما تظهر .. ولن اتطرق الى هذه الجزئية لأن الحديث حولها اخذ الكثير .. ثالثا أغلب الغاضبين و الناقمين على هذه الاسهم هم من فئة المضاربين .. لذلك لا يعجبهم اداء السهم وركوده طوال هذه الفترة .. ويحضرني قول شهير قاله احد الحكماء عندما تذمر احدهم من اسهم البدر وركودها لفترة طويلة .. رد عليهم قائلا: اذا تبي تستثمر حياك الله .. واذا بتضارب تنضرب على راسك " عذرا على هذي الجمله فليس المقصود بها احد بقدر ما هي رسالة للمضاربين الذين خسروا في مضارباتهم على هذه الاسهم "

لذلك انا لا زلت اقول و اؤكد على ان اسهم البدر هي نجوم 2006 .. وأطلب من الغاضبين على هذي الاسهم ان يزيدوا من غضبهم وكرههم الى درجة فقدان الثقة بالاسهم .. تلك الثقة المفقودة التي تجعلهم يمتنعون عن شراء اسهم البدر حتى لو علقت اسبوعا كاملا ...

اتمنى ان تكون الصورة قد وضحت

ودمت سالما