الشركة الوطنية للتنظيف ش.م.ك.م ( تنظيف ) .

[معشي الجن]

مبروكين مقدما

على شنو ؟
العقد يبيله 3 اشهر على ما اعتقد عشان ترسي المناقصه على منو
تكفون يا الربع من كل قلبي والله يشهد علي حطو باااااااااااالكم

 

[خالد الرخيمي]

مبروكين علي شنو ونحط بالنا علي شنو وضحو كلامكم عدل والله المنتدا صار مجرد دردشه مافي اخبار تفيد ترا كثر الناس خسرانه نبي شي واضح وتحليل مو كلام ماله معنا تعاون علي هالسوق التعبان هم اهل الصناديق متفاهمين مابينهم خلو نا نتكاتف ونفيد بعضنا علي شان نربح كلنا وربع تعاون ماذلو

 

[fah00d]

شريف حمدي

علمت «الأنباء» من مصادر مقربة ان شركة الوطنية للتنظيف اقتربت من الحصول على تسهيلات ائتمانية من خلال مفاوضات وصلت الى مراحل متقدمة مع بنوك محلية وخارجية، وذلك استعدادا لمناقصات التنظيف التي ستطرحها الدولة في 17 منطقة من مناطق الكويت ضمن الخطة الخمسية الجديدة. ولفتت المصادر الى ان الشركة ستنافس على كل هذه المناقصات، مما يوجب ان تتوافر لديها السيولة اللازمة لتكون جاهزة في حال ترسية اي من هذه المناقصات عليها، مشيرة الى ان الشركة الى جانب ذلك ستواصل المنافسة على مناقصات اخرى بخلاف مناقصات الخطة الخمسية منها مناقصة ستطرحها بلدية الكويت في الثاني من مايو المقبل.

وذكرت المصادر ان هذه المناقصة كان مقررا لها منتصف ابريل الجاري غير انه تم تأجيلها لاجراء تعديلات على المواصفات الفنية الخاصة بها.

وحول آخر التطورات حول مناقصة كانت الشركة قد تقدمت لها في ابوظبي اكدت المصادر ان هذه المناقصة تم تأجيل الاعلان عن نتائجها نظرا لان الجهة المنوطة بدراسة العروض انتقلت من موقعها الى موقع آخر، مشيرة الى ان الاعلان عن نتائج هذه المناقصة سيكون قريبا.

 

[بوعبدالله _ 66]

مبروكين علي شنو ونحط بالنا علي شنو وضحو كلامكم عدل والله المنتدا صار مجرد دردشه مافي اخبار تفيد ترا كثر الناس خسرانه نبي شي واضح وتحليل مو كلام ماله معنا تعاون علي هالسوق التعبان هم اهل الصناديق متفاهمين مابينهم خلو نا نتكاتف ونفيد بعضنا علي شان نربح كلنا وربع تعاون ماذلو

كلامك طيب يالرخيمي

والله يجزاك خير ياسهمك اخضر مع اني بعته اليوم وبربح الحمدلله لاني

خفته منه لكن مره ثانيه الله يجزاك خير

 

[سهمك اخضر]

كلامك طيب يالرخيمي

والله يجزاك خير ياسهمك اخضر

ومن يقول يا بو عبدالله وعسى الله يرزقك يارب

 

[mutadawil_22]

مالكم الا الي يسركم ياملاك التنظيف

مبروكين الارتفاع ياشباب


مالك نيه تقولنا متى نبيع

 

[سهمك اخضر]

مبروكين الارتفاع ياشباب


مالك نيه تقولنا متى نبيع

قربنا ابشرك

 

[SLR-722]

مبروك هالارتفاعات ياشباب واللة يوفقكم لكل خير
بس ودنا نعرف من محللينا الكرام نقاط الدعم والمقاومة للفترة القادمة

 

[fahad78]

الطمع شين
واللي رد راس ماله خله يفكر مرتين

احس اليوم السهم واجه مقاومه او حصل له تشبع في الشراء!!

وين البرقاوي يفيدنا بالتحليل

 

[راعى الجحلا]

متى يتفصخ السهم؟

 

[بوعبدالله _ 66]

مالكم الا الي يسركم ياملاك التنظيف

وعدت وفيت وكفيت ياسهمك اخضر

 

[albostan]

إذا في أحد عنده خبر عن موعد الجمعيه العموميه يفيدنا جزاكم الله خير . و لا بعد لم يتم الإعلان عن موعد الإجتماع

 

[راعى الجحلا]

شباب شرايكم ناخذة الحين ولا بعد التفصيخ؟؟؟؟؟

 

[ريح المسك]

السلام عليكم

متى موعد الجمعيه العموميه ؟

وهل تنصحون ناخذه الحين ؟

 

[البانوراما]

مالكم الا الي يسركم ياملاك التنظيف

صباح الخير
حلوه الثقه من صانع السوق سهمك أخضر
يعني نمسك السهم شكله بيوصل دينارين؟

 

[بني تميم]

من رايي لازم الام اعلى من بناتها
لهذا يبين عندما يتفصخ حاله حاله لوجيستيك والله اعلم

 

[fahad78]

الطمع شين
واللي رد راس ماله خله يفكر مرتين

احس اليوم السهم واجه مقاومه او حصل له تشبع في الشراء!!

وين البرقاوي يفيدنا بالتحليل

انشالله كلكم طلعتم قبل الخفسه

 

[سهمك اخضر]

صباح الخير
حلوه الثقه من صانع السوق سهمك أخضر
يعني نمسك السهم شكله بيوصل دينارين؟

والله ياخوي وصيت على السهم بالخاص لكذا شخص

لماكان سعره 240 ومبلغهم البيع تاريخ 26 قبل الحد اعلى

ويشهد الله على كلام وباقي الاخوه لما كان عضو يقول السهم

عطه فنقر دخلت وطلبت منه عدم حث الناس على البيع

والحمد لله من 240 لي 335

توصيه ممتازه وبلغت الناس ترا الوجه من الوجه ابيض

تاريخ 27

 

[saudco]

ارجو ان توسع صدرك وتسمعني

والله ياخوي وصيت على السهم بالخاص لكذا شخص

لماكان سعره 240 ومبلغهم البيع تاريخ 26 قبل الحد اعلى

ويشهد الله على كلام وباقي الاخوه لما كان عضو يقول السهم

عطه فنقر دخلت وطلبت منه عدم حث الناس على البيع

والحمد لله من 240 لي 335

توصيه ممتازه وبلغت الناس ترا الوجه من الوجه ابيض

تاريخ 27

اولا مشكور على نص التوصية -الربح والخسارة متوقعه -
اخوي سهمك اخضر : صار لك كم يوم ماتكتب و لم ترد على الاخوان لما سالوك متى نيع قلت (قريبا ) وهلحين لما نزل السوق تقول راسلت بعض الاخوان على الخاص وبلغتهم -زين ليش ماتكتب وتراسل ربعك بالخاص احسن لك ولهم - صار لنا كم يوم ننطر منك رد ومطنشنا والسهم يرتفع ولم تكتب شي -وهلحين لما السهم حد ادنى تطلع علينا وتقول راسلت الشباب بالخاص يعني كم راسلت 5 او 6 او 10 وباقي الشباب الي قروا المقالة وينتظرون منك الرد اعتقد عددهم بالعشرات او بالمئات .
ليش ما تكتب وتبلغنا توصيتك بالعام شنو استفدنا من الخاص- خلك على الخاص واكتب بالخاص-
وتقول ( الوجه من الوجه ابيض ) الله يسامحك

 

[ahmaaad]

اولا مشكور على نص التوصية -الربح والخسارة متوقعه -
اخوي سهمك اخضر : صار لك كم يوم ماتكتب و لم ترد على الاخوان لما سالوك متى نيع قلت (قريبا ) وهلحين لما نزل السوق تقول راسلت بعض الاخوان على الخاص وبلغتهم -زين ليش ماتكتب وتراسل ربعك بالخاص احسن لك ولهم - صار لنا كم يوم ننطر منك رد ومطنشنا والسهم يرتفع ولم تكتب شي -وهلحين لما السهم حد ادنى تطلع علينا وتقول راسلت الشباب بالخاص يعني كم راسلت 5 او 6 او 10 وباقي الشباب الي قروا المقالة وينتظرون منك الرد اعتقد عددهم بالعشرات او بالمئات .
ليش ما تكتب وتبلغنا توصيتك بالعام شنو استفدنا من الخاص- خلك على الخاص واكتب بالخاص-
وتقول ( الوجه من الوجه ابيض ) الله يسامحك

وانا بعد اضم صوتي لك بالشراء النصيحه تكون بالعام
والبيع سري وبالخاص !!!!!!!!!!!!!
حتى هني في واسطه ومحسوبيه
نبي راي المحللين بالسهم