2025 ..2025 صفحة التداول اليومي 2025 ..2025

[سناعيس]

أسعد الله صباحكم بالخير والرضا
موفقين خير ان شاء الله

 

[سناعيس]

عرفت سبب العروض بالادني لبعض الاسهم وقت المزاد

بعض شركات الوساطه تعطي مارجن للشراء
بشرط انك تسدد كامل المبلغ بنفس اليوم او تبيع بنفس اليوم
واذا كنت خسران بالشروه تدفع الفرق والعمولات
اما اذا ربحان فلك الفرق بين الشراء والبيع

 

[Bursa2016]

عرفت سبب العروض بالادني لبعض الاسهم وقت المزاد

بعض شركات الوساطه تعطي مارجن للشراء
بشرط انك تسدد كامل المبلغ بنفس اليوم او تبيع بنفس اليوم
واذا كنت خسران بالشروه تدفع الفرق والعمولات
اما اذا ربحان فلك الفرق بين الشراء والبيع

هذا النتينغ بوجاسم
اذا عندك اسهم بالمحفظة وما تبي تبيعهم لكن ودك تشتري اسهم ثانيه وما من سيوله
تقدر تشتري باسهم كثر قيمة الاسهم اللي عندك بالمحفظه بشرط تبيع بنفس اليوم سواء ربحان او خسران واذا ما بعت بيعوك

 

[Bursa2016]

السكب واعلانهم اليوم
اللي بالفخ اكبر من العصفور

اعلانهم اليوم اوحى انه يمكن ما يوزعون او يمكن يوزعون منحه

ليش ما يوزعون كاش بالرغم من ان عندهم ربحيه سنويه تفوق ال 100 فلس وكذلك ارباح مرحله تفوق ال 150 فلس
الجواب ماكو سيوله كافيه

ليش ما في سيوله كافيه
الجواب لان السيوله كانت تأتيهم كل سنة من توزيعات فولاذ وهالسنه ما اعلنت فولاذ عن توزيعه

ليش هالسنه فولاذ ما اعلنت توزيعه
الجواب لان صفقة بيعة فولاذ حسمت

اذا تمت البيعه ستستلم السكب 32 مليون دينار كاش حصتها من البيعه
( وطبعا هناك الكابلات ايضا ستستلم 64 مليون و الصناعات 64 مليون)

طيب الان ما العمل
السهم مؤكد سيعلن يوم الثلاثاء عن ربحيه لا تقل عن 6.9 مليون دينار ولكن ان اعلن عن عدم توزيع اي ارباح فان السهم سيصحح وقد يصل سعره دون ال 550 فلس
هنا اغرف منه غرف ولا تبالي فالخير امامك باذن الله
سيكون بالشركه ما لا يقل عن 33 مليون (510 فلس للسهم) حقوق مساهمين منها 6.5 راس مال والباقي ارباح مرحله بالاضافه الى الاصل المخفي (ارض انتفاع الري خلف وكالة بورش بقيمة 25 مليون)

لذلك قلت اللي في الفخ اكبر من العصفور

كل هالكلام يلغى اذا اعلنت السكب قبل يوم الثلاثاء انها استلمت ارباح من فولاذ وهذي ايضا ونعومك

المهم لا تنسى تغرف واحب اذكركم ان السهم طار ل 750 فلس بمجرد اعلنوا عن صفقة فولاذ

تحياتي للجميع

 

[Bursa2016]

صباح الخير
استفسار إذا ممكن أخ بورصة
كم يدخل على اعيان أ بعد ملكياتها الجديده بأعيان ع ومبرد من توزيع أرباحهم

الملكيات الجديده لاعيان في
مبرد 49.9‎%‎
اعيان عقاريه 54.8
يدخل عليها من اعيان ع 1.1 مليون توزيعات
ومبرد لم تعلن عن توزيعات بس اذا نفس العام فيدخل عليها 409 الف

هذا في حالة وزعوا قبل الاستحواذ الالزامي لكن ان تم تنفيذ عرض الاستحواذ تتغير النسب

 

[Bursa2016]

مساكم الله بالخير
واعاننا الله واياكم ع الطاعات

الصفاة
امس منزلين اعلان ع البراد محد علق عليه ولا انذكر في تعليقات المعلقين بالسوشيال ميديا او غيره
الاعلان يقول سيجتمع مجلس الاداره لمناقشة البيانات السنويه في 20 / 3 يعني اليوم .... لحد الان الامور عاديه
البند الثاني مناقشة تخفيض راس المال لاطفاء خسائر مرحله .... شلون؟ وهم لحد الربع الثالث عندهم 2 مليون ارباح مرحله
شكلهم مهببين بالربع الرابع او محولين خسائر تقييم غير محققه الى محققه
البند الاخير : اقتراح تعديل الية توزيع الارباح ع المساهمين وهذي المقصود فيها اقرار امكانية توزيع ارباح فصليه ( لتوزيع ال 5 مليون اللي استلموها من المهيري بالربع الاول بحكم تمييز والله اعلم)

يعني هم ببكي وهم بيضحك

التصرف العملي:
مجرد الاعلان عن تخفيض راس المال لاطفاء خسائر، له اثر نفسي سلبي لذلك انا اشوف انه فرصه انتظاره عند سعر 93 ويعتبر دعم واغلاق فجوه وبعدها عند اجراء التخفيض سيرتفع سعر السهم نسبه وتناسب ثم تأتي اخبار التوزيع الفصلي لتعزز سعر السهم مرة اخرى

والله اعلم

 

[الصالح بن طويق]

سهم انوفست هل فيه امل يرتد