2024 2024 التداول اليومي للسوق 2024 2024

[Bomesk]

مشاهدة المرفق 419981

هلا ابوفارس
نبي تسوية الاولى مع الحمد ، هل من جديد

 

[Bursa2016]

هلا ابوفارس
نبي تسوية الاولى مع الحمد ، هل من جديد

هلا بالزين
تكتم شديد حتى اشاعات ما فيه وهذا دليل ع قرب الاعلان باذن الله
ع العموم تاريخ استحقاق ارباح 2024 اللي افهقوه عشان التسويه سيكون بتاريخ 15/ 1/ 2025 وبالتالي لازم يخلصون قبل هالتاريخ عشان ما يدخلون بحسبة برما

 

[Mohmd90]

مساء الخير بوفارس
علوم استهلاكية شنو مذهبها
صارلها مدة ماتحتركت
وين اهدافها
نشتري فين ونبيع وين

وهوووا فين يودي علي فين

العلم لاهنت

 

[Bursa2016]

مساء الخير بوفارس
علوم استهلاكية شنو مذهبها
صارلها مدة ماتحتركت
وين اهدافها
نشتري فين ونبيع وين

وهوووا فين يودي علي فين

العلم لاهنت

بوجاسم
شوف

محكور ولا مو محكور؟
محكوم ولا مو محكوم؟
وراه القمر والدبوس لا تخاف عليه ما يقعدون ركاده
چم مره لامس الدعم الحديدي 105 وارتد
قاعد ينحكر الى ان ينفجر للاعلى باذن الله
ماليا:
نهاية هالسنه والربع الرابع ستكون نقطة التعادل للميزانية ومسح كل الخسائر المرحله من بعد الاستحواذ ع الشركه وزيادة راس مالها 300‎%‎ من سنتين وتغيير نشاطاتها والتخلص التدريجي من مصنع الكرتون وتصفير واطفاء استهلاكات معدات المصنع والاتجاه لمبيعات الالعاب (كوزمو) والاستثمار
موفق خير

 

[Navigator]

المباني
وافقت اليوم على بيع ارض السالميه ومساحتها اكثر من 9 الاف متر استثماري وتجاري
اعتقد كاسبين الارض بحكم محكمه قبل 10 سنين او اكثر ويمكن اقل مو ذاكر وكانت النية يبنون فندق وغيروا رايهم بسبب تشبع قطاع الفنادق

عندها افتيوز الرياض شغالين فيه وواصلين لمراحل متقدمه وافنيوز الخبر بلشوا في البنيان
وافنيوز البحرين على التشطيبات للتوسعه الاخيره ويمكن افتتاحها قريب

اذا خلصت هالمشاريع ويا حبذا لو ينزل سعر السهم شويتين
مستقبله ممتاز ومشجع

 

[Navigator]

وبعد نسيت مشروع جابر الاحمد يمكن اسمه فنتورا يمكن يبيله 6 شهور ويجهز

 

[Navigator]

موقع بورصة الكويت وشركات التداول اللي شغاله وياها
شركة دبي الاولى تم دمجها مع مزايا ليش للحين موجوده بالسوق اسم عالفاضي

وبنك وربة ليش قاطينه صوب الوافدين وشركات الموازي
صعدوه فوق صوب البنوك

معقوله مالكم خلق تشتغلون وتعدلون الامور

 

[Bursa2016]

موقع بورصة الكويت وشركات التداول اللي شغاله وياها
شركة دبي الاولى تم دمجها مع مزايا ليش للحين موجوده بالسوق اسم عالفاضي

وبنك وربة ليش قاطينه صوب الوافدين وشركات الموازي
صعدوه فوق صوب البنوك

معقوله مالكم خلق تشتغلون وتعدلون الامور

الشق عود بوسلمان

مشاركة في الموضوع '2024 2024 التداول اليومي للسوق 2024 2024'
https://www.indexsignal.com/community/threads/380771/post-4897551

 

[Mohmd90]

بارك الله فيك بوفارس
شرح وافي وكافي
جزاك الله خير
لاهنت

 

[Bursa2016]

منقول من اخونا بوصالح
# بنك الخليج

 

[بوخالد متابع]

مشاهدة المرفق 419986

منقول من اخونا بوصالح
# بنك الخليج

ييون يخربون الاندماج على بوبيان
او ضغط لتعديل سعر التبادل

تكتيك جديد

 

[الأشعف]

السلام عليكم ورحمة الله وبركاته
صبحكم الله بالخير والسرور

 

[الأشعف]

سهم زين على اللحظي سعره الحالي 469 عنده دعم 468 وصله في جلسة اليوم والدعم الثاني 457
والمقاومة الاولى 478 والمقاومة الثانية 490 والثالثة مابين 500 و 512

سهم زين وصل 482 لكن لم يغلق فوق المقاومة 478 اعتقد اذ اغلق فوقها يخترق القمة 486 ويروح للأهدف المذكورة في الأقتباس

 

[الأشعف]

الامتياز وصل المقاومة الثانية تقريباً ورجع هبط الدعم الاول وصله تقريباً في جلسة اليوم مابين 60 و 59
وهناك دعم ترند هابط تم اختراقه في السابق ممكن يرجع يختبره كسره سلبي عند او مابين 57 و 55

الامتياز ارتد من الدعم المذكور 57 ان شاء الله يكمل صعود

 

[الأشعف]

الرابطة للأسف السهم غير شرعي لكن تحليلي لسهم قبل لا اعلم انه غير شرعي وصل للهدف الرابع ومن ثم هبط والدعم موجود
في الاقتباس 56 كسره نذهب الى الدعم الثاني 52 قي حال كسره نرجع داخل المستطيل الي ما صدق السهم يخرج منه

الرابطة ارتد من الدعم المذكور 56 ان شاء الله يكمل صعود

 

[الأشعف]

البيت وصل الهدف الثالث تقريباً ورجع يختبر الدعم 73 مرتين الي كان فيما سبق مقاومة او هدف ثاني

البيت ارتد من الدعم ان شاء الله يكمل صعود

 

[الأشعف]

صباح الخير بوحمد في حال اختراق الترند 74 فلس بتأكيد نذهب ان شاء الله الى الهدف الاول مابين 81 و 84 والهدف الثاني 88 والهدف الثالث مابين 93 و 95 والهدف الرابع 98 والهدف الخامس 103 والهدف السادس 108 وللعلم هناك هدف كلاسيكي عند 95 فلس كذالك هناك هدف كلاسيكي اخر عند 108 فلوس ... بوحمد شوف الي يناسبك ويمشي مع تحليلك لكن والمهم في الموضوع شنو الخبر او الجديد الي يخلي سهم الأنماء يخترق الترند ويوصل الى الأرقام المذكوره نحتاج الى محلل مالي يوضح اذا كان هناك ما يحتاج الى توضيح هذا والعلم عند الله

الانماء ارتد من الترند او الدعم 74 وان شاء الله يكمل صعود

 

[الأشعف]

بعطيك مثال على المضاربة الأستثمار الكل يعرفه او يعلم كيف يستثمر مبلغ كبير يوضع في شركة قيادية توزيعها جيد نرجع
للموضوع سهم الصفاة ترند الكل يتكلم عنه ان بغيت ترند على الشارت وان بغيت ترند بالكلام عنه الدعم 104 و 100 فلس
والمقاومة 110 و 118 و127 و134 وبنسبة لي 145 فلس اكتفي عندها مثال للمضارب يأخذ السهم على 104 كسر 100
خروج وقف خسارة واهداف السهم هو وقناعته الهدف الاول 110 والثاني 118 والثالث 127 و134 و 145

الصفاة وصل الهدف الثالث ومن ثم هبط الدعم موجود في الأقتباس 110 ان شاء الله
يرتد من عنده اذا ما ارتد قبله وفي حال كسره الدعم الثاني مابين 106 و 104

 

[بوووحمد]

السلام عليكم ورحمة الله وبركاته

اللهم لاتحرمنا من سعة رحمتك وكمال نعمتك وشمول عافيتك وجزيل عطائك وجود عفوك اللهم إنا نسألك بنور وجهك الذي أشرقت له السموات والأرض وصلح به أمر الدنيا والآخرة أن تجعلنا وأهلنا وأحبتنا في حرزك وحفظك وكنفك يارب العالمين

صبحكم الله تعالى باللي تحبون وأفضل منه

 

[بوقاسم]

السلام عليكم ورحمة الله وبركاته