صفحة بوعبدالعزيز و النوخذة و روائع الأسهم ❇️

[بيانو6]

قصيت الحبل فيني

إنزين أبي منك طلب اذا أحد تهاوش معاي أو قام يسب تدخل بالسالفه ،، قوله عيب عليك يا اخوي ليش الغلط هذا جزاه بويوسف قاعد ينبهكم و يوضح لكم الأمور لأني متوقع هجوم شرس من الأشعف وهو معروف مافي قلبه رحمه

امممممممممم اوك بخلي النقاش من طرف واحد وهي الخبره و الحنكه راح أترأس الإجتماع

وكما قال عبيد الوسمي ( مُنفرداً )

تم تأجيل الأجتماع إلى الساعة 4 عصراً

اللي يتهاوش معاك الحل عندي ادغدغه واخليه
يضحك اقوله ممنوع العصبيه عندنا بالصفحه وينسي
همومه

 

[نواخذة الكويت]

اللي يتهاوش معاك الحل عندي ادغدغه واخليه
يضحك اقوله ممنوع العصبيه عندنا بالصفحه وينسي
همومه

واذا ما ضحك و دغدغ راسي بطفايه

المهم انا برا البيت اشوي اوصل و نبدأ النقاش

 

[نواخذة الكويت]

وبادئ ذي بدء ( نفتح ملف الجناسي )

آسف قصدي ملف ( م الأعمال )

السهم اممممممممممم تعرض إلى مضاربه شرسه
لا تعرف الرحمة من قبل ( الأولى للوقود و القرين )

لا أنصح بالسهم نهائياً بالوقت الحاضر الطيور طارت بأرزاقها

في شهر 9 كان سعر السهم 54 فلس

آخر يوم في شهر 10 السهم 144 فلس بالقمه ما يُقارب دبلين و نص

مو اهني المشكلة

المشكلة في الأولى للوقود زادت كميتها 3 مرات حتى توصل السهم إلى القمة 144 فلس

ومن هذا تاريخ بدأ السهم يتدحرج من القمه

و قامت الأولى بالتعاون مع القرين القابضة

( بتخفيض الملكية 11 مره و بالملايين )

لو في خير ما عافه الطير

ميزانية السهم بالربع الثالث عاديه جداً بل تافها

الحسنه الوحيده اللي اشوفها توزيع 2023 منحه 3 %

وهاذي آخر تخفيض للملكية من القرين

رأيي الغير مُلزم كوريا راحت كوريا

( إنتهت الحفله )

 

[نواخذة الكويت]

لا أنصح بالسهم بالوقت الحالي

السهم خسران + خسارة متراكمة من رأس المال 51 %

طبعاً عدم توزيع أرباح

السهم ( يُعتبر كفى و وفى بالصعود ) دبل سعره

في شهر 9 كان سعره 32 فلس

وذهب إلى القمه السنويه 64.5 يعني دبل بالضبط

وماني شايف معطيات له بأن السهم يكمل بالإرتفاع بالعكس معطياته زفت

انا أقول ( إنتهت الحفله )

 

[نواخذة الكويت]

مساء الورد
نبي رايك بسهم
المشاريع
المنار
اشوف فيهم فرصه جميله واسعار مناسبه لشراء
المنار ارباح مرحله وارباح الفتره وايد حلوه
بلاضافه انها توزع ارباح

المشاريع سهم واصل سعر لايصدق لشراء

وشكرا يا النوخذه
نبي رايكم وراي الشباب والاخوان

بالنسبه حق سؤال المواطن ابراهيم

المنار ( سهم ارخيص و ميزانية نظيفه و ربحان و نمو ) و يوزع ارباح من الأسهم الطيبه

لا غُبار عليه

مشاريع من سقوط السهم 2008 وهو ثبت على أسعار محدده ( الأدنى 90 - الأعلى 120 )

من النواد بأن ينزل تحتها ولا يصعد فوقها ،، و إن صارت يرجع على محاري الأرقام اللي انا ذكرتها فوق

بالمختصر ( تبي ربح قليل محدود ) بإذن الله تحصل عليه

تبي أهداف بعيده و انطلاقه و قفزات سعريه اقول اغسل إيدك

ناس إنطرت سنوات وما شافت من السهم انتعاشه ،، خذى سهم ( القرين كان ذهب ) ولا نفع مع مشاريع شي

 

[نواخذة الكويت]

بناءاً على تجربه

لا تغرق هالكمية معنها مو وايد

السهم من الأسهم الخامله ،، ترى اذا تنح ما راح تشوف عليه تداول بالأيام

وحالياً في نهاية السنه لن يكون جاذب للمتداولين

( العيون على اسهم التوزيعات )

مواشي ما توزع أرباح ( ما عندها ما عند جدي )

( اذا ما خسرك فلوس ) ( بخسرك وقت )

رأيي ( الإبتعاد عنه بالوقت الحاضر أفضل )

 

[نواخذة الكويت]

مافي باب نقاش خير شر في هالموضوع

عيل استراحة قصيرة

سلام

 

[ابراهيم٦١٣]

بالنسبه حق سؤال المواطن ابراهيم

المنار ( سهم ارخيص و ميزانية نظيفه و ربحان و نمو ) و يوزع ارباح من الأسهم الطيبه

مشاهدة المرفق 420743

لا غُبار عليه

مشاريع من سقوط السهم 2008 وهو ثبت على أسعار محدده ( الأدنى 90 - الأعلى 120 )

من النواد بأن ينزل تحتها ولا يصعد فوقها ،، و إن صارت يرجع على محاري الأرقام اللي انا ذكرتها فوق

بالمختصر ( تبي ربح قليل محدود ) بإذن الله تحصل عليه

تبي أهداف بعيده و انطلاقه و قفزات سعريه اقول اغسل إيدك

مشاهدة المرفق 420744

ناس إنطرت سنوات وما شافت من السهم انتعاشه ،، خذى سهم ( القرين كان ذهب ) ولا نفع مع مشاريع شي

المشاريع مضاربات عليه في شهر ٣ واخر ٢
يعني اتوقع الي يبي ربح ١٥ فلس او ١٠ يقدر يدخل عليه في هذي الاسعار
مادري عندي احساس هذي السنه بيطير فوق ١٥٠
هذا مجرد شعور
لذلك انا ابي ادخل علي السهم وطبعا الكويت كلها داشه عليه
هههههههههههه
الله يرزق الجميع يارب
بس السؤال هل ممكن المنار
ترتفع اكثر وتدخل ارقام ٨٠ فلس وفوق

 

[ابراهيم٦١٣]

علشان ما انسي السنه الي طافت وصل ١٣٥ فلس
شي زين مو سيئ

 

[نواخذة الكويت]

المشاريع مضاربات عليه في شهر ٣ واخر ٢
يعني اتوقع الي يبي ربح ١٥ فلس او ١٠ يقدر يدخل عليه في هذي الاسعار
مادري عندي احساس هذي السنه بيطير فوق ١٥٠
هذا مجرد شعور
لذلك انا ابي ادخل علي السهم وطبعا الكويت كلها داشه عليه
هههههههههههه
الله يرزق الجميع يارب
بس السؤال هل ممكن المنار
ترتفع اكثر وتدخل ارقام ٨٠ فلس وفوق

ابراهيم شايفني اتكلم تركي

اي مو قلنالك محاريها 90 - 120

اذا تبي ربح قليل محدود ( تقدر تحصل من السهم ) يعني تلعب على هالرقمين بيع و شراء و تربح

شعورك احساسك يروح 150 ( هاذي احلام اليقظه ) إلا اذا استجد شيء طيب بالإعلانات من اخبار

علشان ما انسي السنه الي طافت وصل ١٣٥ فلس
شي زين مو سيئ

اي وصل 135 عاد خلنا نشوف متى يرجع لها مره ثانية

للعلم / 2023 ربحيته 5 فلوس ما وزع أرباح

السهم هذا تيس تيس تفهمون التيس

لو إن معزه كاد أشوه

 

[Mohmd90]

مبررررررد
ايش علومه من اسهم التوزيعات

نزيد كميتنا
او ننطر شهرين وناخذ التوزيع
ونكمل نوم معاهم
نبي العلم مناطق الشراء والبيع فين

 

[نواخذة الكويت]

مبررررررد
ايش علومه من اسهم التوزيعات

نزيد كميتنا
او ننطر شهرين وناخذ التوزيع
ونكمل نوم معاهم
نبي العلم مناطق الشراء والبيع فين

انا أتكلم عن الأسهم اللي تعثرت من القمه

سهم مبرد تشغيلي و ربحان و يوزع 5 % سنوياً

لكن لو بتحسبها امممممم سهم تجارة أشرف منه

سعره 66.5 و موزع العام 4 %

لكن بما إن السهم يوزع أرباح = مجلس إدارة محترم

 

[نواخذة الكويت]

 

[بوووخالد]

صباح الخير .. نبي ولا عليكم امر سهم الساحل وسهم العيد وسهم تجاره

 

[نواخذة الكويت]

السلام عليكم

أعتذر عن عدم التواجد اليوم عندي مشاوير برا البيت

حياكم تريقوا معاي

 

[ayman aljaber]

السلام عليكم

أعتذر عن عدم التواجد اليوم عندي مشاوير برا البيت

مشاهدة المرفق 420780
مشاهدة المرفق 420779

حياكم تريقوا معاي

عليك بالعافية

 

[نواخذة الكويت]

شالسااااالفه اشفي السوق نازل چذي

سلامات سلامات

اهاااااااا فهمت

اذا وجد السبب بطل العجب

أم الخير ما تحركة اليوم

ولا أظنها بتحرك هههههههههههههه

 

[نواخذة الكويت]

لثاني يوم على التوالي تُعلن صفحة

المُلقبه بصفحة سلا ( بصفحة أم الخير )

على عدم تدخلها في جلسات هذا الإسبوع

وذلك ( حكمة في نفس يعقوب )

_____________ وعلى صعيد آخر

صفحة روائع الأسهم تُقدم أجمل التهاني و التبريكات

إلى ( سهم الحنش ) على أدائه الطيب بالجلسة

السهم اللذي حيّر كبار الاعبين في سوق الكويت للأوراق المالية ( ميتين و يعرفون السهم )

حتى عبدالله ارويشد ما عرف السهم حينما قال

نحيل الخصر والقامه .. يتمايل مثل غصن البان

صدفني ياهلي قمري .. عبر يمشي على بنانه

صدفني ياهلي قمري .. سحر هاروت بأجفانه

حلو في مشيته يغري .. ابد ماشفت مثله إنسان

اصله منين ما ادري .. حيرني اللفظ بلسانه

لاهو سوري ولا مصري .. ولا هو من جبل لبنان

نحيل الخصر والقامه .. يتمايل مثل غصن البان

 

[نواخذة الكويت]

 

[نواخذة الكويت]