( الكاش $$$ مَلك ) حتى شهر 9 ♐️

[Aziz_alanzi]

جزاك الله خير

 

[نواخذة الكويت]

السلام عليكم

اممممممممم ما أدري شقول لكم

لكن النضوج الإقتصادي جاني في المنام بالحلم

و قالي ارفع الصفحة ( بعد العيد )

بلا صفحة أسهم مخملية بلا هم

وانا من هذا الإحساس المفاجئ من النضوج الإقتصادي

أعلن بأني سوف أبيع كل أسهمي بالسوق ما عدا سهم ( السكب ك ) لما له من أسباب مُقنعه لبَقائهُ

بعدها أعلن بأني أحد أفراد ( الكاش مَلك )

والله أعلى و أعلم

سلام

 

[مبارك مبارك]

السلام عليكم

اممممممممم ما أدري شقول لكم

لكن النضوج الإقتصادي جاني في المنام بالحلم

و قالي ارفع الصفحة ( بعد العيد )

بلا صفحة أسهم مخملية بلا هم

وانا من هذا الإحساس المفاجئ من النضوج الإقتصادي

أعلن بأني سوف أبيع كل أسهمي بالسوق ما عدا سهم ( السكب ك ) لما له من أسباب مُقنعه لبَقائهُ

بعدها أعلن بأني أحد أفراد ( الكاش مَلك )

والله أعلى و أعلم

سلام

السلام عليكم

اخى النوخذة

هذا يعتبر تحول خطير من ترشيح لاسهم

الى

خروج من السوق تقريبا

ماهى المعطيات التى ادت لاتخاذك هذا القرار


ولكن على كل حال شكرا على بيان ذلك

 

[ترند]

هذي اسمها خربطه اقتصاديه
بدون تحليل فني او مالي او سياسي او اقتصادي
سبحان الله تم توقيف اللي ينفع الناس

 

[نواخذة الكويت]

كنت أدري بأن هالصفحة راح تسبب قلق عند الكثير من متداولين أسواق المال

وكنت متأكد ألف % بأن محد يفهم النضوج الإقتصادي

____________

المهم / المشاركة في هذا الموضوع تخصني انا و تخص خطتي بالبورصه عام 2025 و تخص فهمي للسوق

ما أجبرت أحد على البيع أو التكييش كل شخص حُر في قراره

ثانياً / خلال الثلاث جلسات من باقي الإسبوع سوف يتم بيع أسهمي

بكتب اهني إني ( كاش ) و بعدها ما راح ارجع للمنتدى إلا شهر 9 ،، ولن أرفع الصفحة مره ثانية

السالفه لا تخريع و لا تخويف ،،،،،،، الفلوس تدخل و تطلع من السوق ( بشكل طبيعي ) على حسب ثقة و نظرة المتداول للسوق بشكل عام

 

[Mohmd90]

الاسهم اللي مارتفعت وسعرها رخيص وربحان ويوزع ارباح.
انصح بعدم البيع
السوق طيب
ماعليكم من خثاريق واحلام تالي الليل

 

[Brook]

صبحك الله بالخير بويوسف، فعلاً مع دخول أشهر الصيف الحارقة تدخل الأمة البورصوية في بيات صيفي إما تحت التكييف البارد المنعش أو في جنات أوروبا
لكن من يدري قد يكون هناك بعض المهرجانات الخاصة ببعض الأسهم المعدودة..
أما مستثمرو البنوك فلا يهمهم شيء أبدا

 

[ترند]

ان شاءالله انك كيشت
هههههههههههههههه
ما تدري وين الله حاطك
مع احترامي لك
لا عندك تحليل فني ولا مالي ولاهم يحزنون
الله يستر علينا وعليك
المشكله تم ايقاف الناس اللي تفهم وتنور الناس

 

[نواخذة الكويت]

ان شاءالله انك كيشت
هههههههههههههههه
ما تدري وين الله حاطك
مع احترامي لك
لا عندك تحليل فني ولا مالي ولاهم يحزنون
الله يستر علينا وعليك
المشكله تم ايقاف الناس اللي تفهم وتنور الناس

اممممممممم

اشوف لحست كلامك و رديت تشارك بالمنتدى

اييييييييييي ( هاذي المرجله )

أدري عورتكم وااااايد كلمة ( دفعة مردي )

 

[ترند]

اممممممممم

مشاهدة المرفق 430756

اشوف لحست كلامك و رديت تشارك بالمنتدى

اييييييييييي ( هاذي المرجله )

أدري عورتكم وااااايد كلمة ( دفعة مردي )

بس عساك كيشت
هههههههههههههههههههههه

 

[نواخذة الكويت]

اممممممممممم نرجع للكاش مَلك

( الحمدلله ارتفاع السوق اليوم )

خلاني أتخارج من سهمين بأسعار حلوه

و باقيلي سهمين خلال هالجلستين أبيعهم

عقبها أعلن بأن !!!!

 

[سوق الاوراق]

اممممممممممم نرجع للكاش مَلك

( الحمدلله ارتفاع السوق اليوم )

خلاني أتخارج من سهمين بأسعار حلوه

و باقيلي سهمين خلال هالجلستين أبيعهم

عقبها أعلن بأن !!!!

مشاهدة المرفق 430759

السلام عليكم
ماني قايلك ليش تبي تكيش !!!!!!!؟؟
لان عندي احساس بشي معين ....
والخبرة تفتح العينين وعليك بالف عافية هذا قرارك واكيد شايف شي ..........
المهم بدونك الامور تصير صعبة لبعض ملاك الاسهم مثل البيت والشمشوم والقرود ...الخ

مع العلم صرحت بشكل واضح شنو راح تسوي او شنو سويت بالضبط الحين الدور عليهم وكل واحد يتخذ قراره حسب ارادته ...
بس لاتنسانا مع سهم الورعان يلعبون بقعد ايمع لهدف معين ....!!!!
طل علينا كل فترة وقط لك قطة عالطاير .
موفق خير والله يعطيك الف عافية وماقصرت بالجميع ........!!!!!!

 

[نواخذة الكويت]

السلام عليكم

معني ماني ملزوم اكتب هالكلام أو اني أشرح مُبررات ( الكاش ملك الخاص فيني )

لكن بختصر كلامي ( و اللي يفهم يفهم )

انا حطيت نسب معنيه أبي أربحها في البورصه 2025

( من كامل فلوسي بالبورصه ) < كامل و ليس من سهم

( الحمدلله ) حققت ال 89 % مكسب في عام 2024 م

تسجلة ال 89 % ارباح و رأس مال جديد لعام 2025

اممممم يعني كل سهم و إن كان ربحان تسجلة قيمته مع أرباحه في >>>>>>> 2024 م ( و خلصنا ) معنه السهم لا يزال عندي

الأسهم متضخمه بسبب تسجيلي أسعارها مع ارباحها في مكاسب 2024 م ( و أي نزول للسوق )

يسبب ( ضياع أرباح 2024 ) و نزول من نسبة 89 %

الحل /// بيع على مكاسب الأسهم الحالية ،،،

هدم الهرم و البناء من جديد حتى أحقق أهداف 2025 م

ارجع و أقول ( الكاش ملك يخصني و يخص خطتي )

أهدافي كبيرة بالسوق و خطتي السنوية صعبه جداً يكفي بأني أقول قاعد ( أدبل المدبول )

إن شاء الله ،، تكون وضحت الفكره

سلام

 

[Mohmd90]

بويوسف جزاك الله خير
في اسهم اسعارها حاليا ماراح تكون نفس اسعارهم بعد شهر ١١
راح يكون فيهم ارتفاعات لايقل عن ٣٠ و٤٠ فلس
واتوقع سهم مبرد واحد منهم
والله اعلم
للعلم سهم مبرد اشري وابيع فيه
وحصلت خير والحمدالله
والله سهم مبروك يوزع أرباح كل سنه
ويرتفع عن سعر التفصيخ
ماشاء الله تبارك الرحمن

 

[عبــدالله]

ما شاء الله السيولة أمس يقولون *طوفان*
حجم السيولة تقريبا أكثر من 100 مليون دينار
الله يستر لا يكون تصريف وكلهم حلمانين بأنهم لازم يسيلوون محافظهم

 

[Colin]

النوخذه بويوسف انت خبير سوق ورايك مقدر فى كل الاحوال اتفق معاك بموضوع الصيف فترة كسل واجازات
بس هذا مايمنع من تحرك بعض الاسهم قلت بعض الاسهم اللى تحاول الاستفراد بالسيولة المتاحه بالسوق وخصوصا فترة الصيف
وتسجيل ارتفاعات تتجاوز اللا معقول بمعنى ان تركيز السيولة سينصب على 25% من الشركات والمتوقع اكثر قد يصل الى 30% من مجموع الشركات المدرجة يعنى ثلث الشركات قد تدخل عليها سيولة مضاعفة تدفعها الى مضاربات قويه
وتحقق فى فترة الصيف اهداف عالية بعيدة عن الحسابات الفنية او حتى توقعات المتابعين
تقبل تحياتى

 

[نواخذة الكويت]

النوخذه بويوسف انت خبير سوق ورايك مقدر فى كل الاحوال اتفق معاك بموضوع الصيف فترة كسل واجازات
بس هذا مايمنع من تحرك بعض الاسهم قلت بعض الاسهم اللى تحاول الاستفراد بالسيولة المتاحه بالسوق وخصوصا فترة الصيف
وتسجيل ارتفاعات تتجاوز اللا معقول بمعنى ان تركيز السيولة سينصب على 25% من الشركات والمتوقع اكثر قد يصل الى 30% من مجموع الشركات المدرجة يعنى ثلث الشركات قد تدخل عليها سيولة مضاعفة تدفعها الى مضاربات قويه
وتحقق فى فترة الصيف اهداف عالية بعيدة عن الحسابات الفنية او حتى توقعات المتابعين
تقبل تحياتى

كولن وجهات النظر مختلفه من متداول إلى آخر

ما اقدر إني اقنعك ولا تقدر إنك تقنعني

لكن متفقين بأن أعلى المكاسب ( تجلب السعاده )

هدم الهرم و البناء من جديد سوف يُوَلد قُوه دَافِعه

إلى تحقيق أعلى الأرباح اللتي من خلالها تتحقق الأهداف

للأمانه المكاسب الصغيره

( لا تُسمن ولا تُغني من جوع )

و انا أؤمن بمقولة الفنان الراحل ( وحيد سيف )

حينما قال ….

والله الموفق و المُستعان

 

[Colin]

بويوسف الفرص فى سوقنا قد تقل فى الصيف ولكن لن تختفى ولن تنتهى
والكل يعلم ان سوقنا سوق مجنون بعيد كل البعد عن المنطق
فتوقع حدوث غير المتوقع خصوصا بالصيف
جهز كاشك وخلك مستعد وخلك قريب من السوق
تذهب فرص وتاتى اخرى وهذا حال السوق
سوقنا هالسنه حامى مفتلت ما ينقضب

 

[نواخذة الكويت]

اشوه إني كنت مكيش سهمين

 

[نواخذة الكويت]

رسمياً ✋

أعلن انا نواخذة الكويت المُلقب ( بالمنشار )

بأني أحد أفراد ( الكاش ملك )

اذا الله أحيانا ( نشوفكم في شهر 9 ) إن شاء الله

مُتوقف ✋ عن المُشاركات بالمنتدى بالوقت الحالي

والله ولي التوفيق

سلام